24 хуудас – Багануур

385501365_866647911859436_2231183310406956890_n

Нийслэлийн засаг даргын нэрэмжит гамшгаас хамгаалах бэлэн байдлын үзлэг зохион байгуулагдана

10 сар 11 2023 Мэдээ мэдээлэл superadmin

Багануур дүүргийн Гамшгаас хамгаалах алба, мэргэжлийн ангиуд, дүүргийн аж ахуйн нэгж, байгууллагууд гамшгаас хамгаалах бэлэн байдлын үзлэгт хамрагдана.

Монгол Улсын Гамшгаас хамгаалах тухай хууль, Галын аюулгүй байдлын тухай хууль, Гамшгаас хамгаалах талаар төрөөс баримтлах бодлого болон бусад хууль тогтоомж, эрх зүйн баримт бичгийн хэрэгжилтийг хангуулах, болзошгүй гамшгийн үед гамшгаас хамгаалах томилгоот бүрэлдэхүүний бэлтгэл, бэлэн байдлыг сайжруулах, үүрэг гүйцэтгэх чадавхийг нэмэгдүүлэх зорилгоор нийслэлийн Засаг даргын нэрэмжит гамшгаас хамгаалах бэлэн байдлын үзлэгийг 10 сарын 12,13-ны өдрүүдэд зохион байгуулж явуулна.

387130942_721214190043427_1156970517996150420_n

Анхны стандарт хангасан хүлэмжийн бүтээгдэхүүн иргэдэд хүрч эхэллээ

10 сар 9 2023 Мэдээ мэдээлэл superadmin

Дүүргийн 2-р хорооны иргэн О.Отгонбаярын гэр бүл 2018 оноос хүлэмжийн аж ахуйг эрхэлж ирсэн бөгөөд 2022 онд жижиг дунд үйлдвэрлэлийг хөгжүүлэх сангийн хөнгөлөлтийн зээлд хамрагдаж 240м2 талбай бүхий гурван улирлын хүлэмж байгуулж бүрэн ашиглалтад оруулсан бол 300м2 талбайтай дөрвөн улирлын хүлэмжийн дотор засварын ажил хийгдэж байна.

Стандартын дагуу баригдсан хоёр хүлэмжид өргөст хэмх, навчит ногоонуудыг тарьж дүүргийн ард иргэддээ өөрийн нутгийн хөрсөнд ургасан, химийн бодисоор бордоогүй, цэвэр шинэхэн ногоог жилийн бүх улиралд хэрэглэх боломжийг бүрдүүлж байгаа бол өнөөдрийн байдлаар тус гэр бүл гурван улирлын хүлэмжээс бүтээгдэхүүнээ дүүргийн иргэдэд түгээж эхэлсэн байна. Орон нутгийн иргэддээ бүтээгдэхүүнийг хүргэж ажиллахаас гадна тэд одоогийн байдлаар 9 иргэнийг ажлын байраар ханган ажиллаж байгаа юм.

Тус гэр бүлийн хүлэмжийн аж ахуйтай дүүргийн Засаг дарга С.Даваасүрэн, ЖДҮДТ-ийн захирал Г.Баянмөнх нар танилцан, тэдний санал хүсэлтийг сонсож цаашид үйл ажиллагааг дэмжин ажиллахаа илэрхийллээ.

387730711_1258298155061054_2436011195321203789_n

Багануурчууд дэлхийн цомын эзэдтэй боллоо

10 сар 9 2023 Мэдээ мэдээлэл superadmin

ICU World Cup Seoul 2023 тэмцээнд 21 улсын 1000 гаруй тамирчид оролцжээ. Энэхүү тэмцээнд Монгол улсаа төлөөлөн оролцсон Багануур дүүргийн Гүн галуутай цогцолбор сургуулийн Н.Нандин- Эрдэнэ дасгалжуулагчтай “СОРХУГТАНИ” баг Youth Team Hip Hop төрөлд Дэлхийн Цомын Эзэн болж Төрийн дууллаа дэлхийн олон олон тамирчдын өмнө эгшиглүүлсэн юм. Мөн тус сургуулийн “ГАЛТ ШУВУУ” баг Primary Team Hip Hop төрөлд тэргүүн байр, Primary Doubles Hip Hop төрөлд тэргүүн байр эзэллээ. Баг тамирчдад баяр хүргэе.

386689387_718821470282699_123995449463487015_n

Усны тоолуурыг дүүрэгтээ баталгаажуулна

10 сар 5 2023 Мэдээ мэдээлэл superadmin

Багануур дүүргийн хэмжээнд ойролцоогоор усны тоолуур 11000 орчим, цахилгаан эрчим хүчний тоолуур 9000 орчим, ШТС-ын 75 тоолуур, худалдаа, үйлчилгээний газрын жин хэмжүүр 60 гаруй, дулааны тоолуур 50 орчим, даралтын хэмжүүр манометр багагүй байдаг.

Эдгээрийн усны хэрэглээг хэмжих, усны тоолуурын хугацаа дуусах, эвдрэх гэх зэрэг асуудалд оршин суугч иргэд, аж ахуйн нэгж байгууллагууд УБ хот руу 2-оос доошгүй удаа очин тоолуураа баталгаажуулж, цаг хугацаа, хөрөнгө мөнгөө үрэх зэргээр багагүй хүндрэл бэрхшээлтэй учирдаг байсан юм.

Энэ чирэгдэл учруулдаг асуудлыг шийдвэрлэхийн тулд Засаг даргын зүгээс саяхан “Багануур ус” ААТҮГ-т лабораторийн өрөө тасалгааг шинээр байгуулж, усны тоолуурын стенд төхөөрөмжийг суурилуулан, туршилт тохируулгыг эрх бүхий байгууллагаар баталгаажуулсан юм.

Түүнчлэн усны тоолуурын туршилт, тохируулга, засвар үйлчилгээ хийх чадвартай ажилтныг СХЗГ-ын сургалтад хамруулж, дүүрэгтээ усны тоолуур баталгаажуулах нөхцөлийг бүрдүүллээ.

Өнөөдөр буюу 2023.10.05-ны өдөр Засгийн газрын тохируулагч агентлаг, Стандарт хэмжил зүйн газарт дүүргийн Засаг дарга С.Даваасүрэн, Багануур ус ААТҮГ-ын захирал Ж.Энхбат нар дүүрэгтээ усны тоолуурыг баталгаажуулах болон бусад асуудлаар уулзалтыг зохион байгууллаа.

Уулзалтад СХЗГ-ын дарга Б.Ууганбаяр, тус газрын Стандартын мэдээлэл, лавлагаа, сургалтын үндэсний төвийн дарга Ч.Содном, Хэмжил зүйн бодлогын газрын дарга Д.Нарангэрэл, Хэмжих хэрэгсэл, шалгалт баталгаажуулалтын газрын дарга н.Баярхүү нар оролцож дараах ажил арга хэмжээг хамтран хэрэгжүүлэхээр боллоо.

Монгол улсын хэмжээнд мөрдөгдөж буй стандарт, түүний ач холбогдол, үр нөлөө, ойлголт хандлагыг танилцуулж, сурталчлах өдөрлөгийг ойрын хугацаанд дүүрэгт хамтран зохион байгуулах,

Жин хэмжүүрийн судалгаа, тооллогыг орон нутагт хамтран зохион байгуулах

Хуучин МХХ-ийн харьяанд ашиглагдаж одоо СХЗГ-т харьяалагдах лабораторийг өргөжүүлэх, байрны асуудлыг шийдвэрлэхэд хамтран ажиллах

Өөрийн хүний нөөцдөө тулгуурлан Багануурт Улсын шалгагч байнгын болон хугацааны давтамжтай ажиллах асуудлыг тус газраас шийдвэрлэх болон Улсын шалгагчийн ажиллах нөхцөлийг ханган нэн шаардлагатай албан эд хогшил, тоног төхөөрөмжөөр дүүргээс хангаж ажиллах

Дүүрэгт стандарт хангасан худалдаа, үйлчилгээний байгууллагуудад тохирлын гэрчилгээ олгох замаар СТАНДАРТ ХАНГАСАН АНХНЫ ДҮҮРЭГ болох зорилтыг дэвшүүлж хамтран ажиллах саналыг зөвшилцлөө.

385737023_718279530336893_3403485292126309839_n

Багш сурган хүмүүжүүлэгч та бүхэнд баярын мэндийг хүргэе

10 сар 5 2023 Мэдээ мэдээлэл superadmin

Өнөөдөр “Дэлхийн багш нарын 29, Монголын багш нарын 57 дахь өдөр тохиож буй. Тодруулбал дүүргийн хэмжээнд ерөнхий боловсролын сургуульд 332, сургуулийн өмнөх боловсролын байгууллагад 99 багш ажиллаж байна.

“Багш нарын баяр”-ын үйл ажиллагааг нээж ИТХ-ын дарга Т.Отгонболд хэлсэн үгэндээ “Нийт багш сурган хүмүүжүүлэгч та бүхэнд баяр хүргэхийн зэрэгцээ эрдэм номын эрхэм хэргийг түүчээлэн манлайлах их үйлсэд өндөр амжилтыг хүсье. Ажилтан албан хаагчийг сургах, мэргэшүүлэх хөгжүүлэх, нийгмийн баталгааг хангах хөтөлбөрийн хүрээнд боловсролын салбарын багш ажилчдын төлөөлөл болох 40 хүнийг БНХАУ-ын Хөх хот, Жиньен хотод туршлага судлуулахаар бэлтгэл ажил хангаж байна” гэсэн юм.

Энэ үеэр

-Монгол Улсын төрийн дээд шагнал “ХӨДӨЛМӨРИЙН ХҮНДЭТ МЕДАЛЬ”-иар М.Гүндэгмаа, Н.Жаргалмаа нарыг

-“БОЛОВСРОЛЫН ТЭРГҮҮНИЙ АЖИЛТАН”-аар: Б.Бурмаа, Н.Ариунзаяа, Б.Тунгалаг, Ж.Бадамханд, Д.Норжмаа нарыг,

-“СОЁЛЫН ТЭРГҮҮНИЙ АЖИЛТАН”-аар: Ш.Наранцэцэг, Н.Үүрцайх нарыг

-БОЛОВСРОЛ, ШИНЖЛЭХ УХААНЫ ЯАМНЫ “ЖУУХ БИЧИГ”-ээр: Т.Отгонбаатар, Г.Мөнгөнтуяа, Ц.Отгонтөгс, Ч.Эрдэнэтуяа, Д.Пүрэвсүрэн, Г.Жанцан нар шагнагдсан бол нийслэл, дүүргийн ИТХ, Засаг даргын шагналаар зарим багш нарыг шагнаж урамшууллаа.

Баярын хуралд СТА Б.Алтанжаргал, Амьд хөгжмийн C#ART хамтлаг, залуу дуучин Т.Баярхишиг уран бүтээлийн дээжээс толилуулж баяр хүргэлээ.

385343385_717800340384812_718169079299295486_n

ИТХ-ын төлөөлөгчдийн иргэдтэй хийх уулзалтад төрийн 13 байгууллага оролцлоо.

10 сар 4 2023 Мэдээ мэдээлэл superadmin

Дүүргийн ИТХ-ын төлөөлөгчид тойрогтоо ажиллах нөхцөлийг бүрдүүлэх, иргэд төлөөлөгчдийн хамтын ажиллагааг сайжруулах, иргэдийн санал хүсэлтийг хүлээн авах, төрийн үйлчилгээг нэг цэгээс авах боломжийг олгох зорилгоор 09 сарын 26-ны өдрөөс 10 сарын 03-ны өдрүүдэд 5 хороодын иргэдтэй уулзалт зохион байгууллаа.

Уулзалтад нийт төрийн 13 байгууллагын удирдлага, мэргэжилтнүүд оролцож иргэдийн асуултад хариулт өгсөн юм.

Харин өнөөдөр 5-р хорооны иргэдтэй уулзалтыг зохион байгууллаа. Уулзалтын эхэнд Дүүргийн ИТХ-ын дарга Т.Отгонболд “Хурал, хуралдааны үйл ажиллагаа”, Дүүргийн Засаг даргын орлогч Б.Балжинням “Дүүрэг, орон нутагт хэрэгжүүлж буй хөрөнгө оруулалт, бүтээн байгуулалт”-ын талаарх мэдээллийг тус тус өгсөн юм.

Тавдугаар хорооны иргэдээс дараах санал хүсэлтүүд гарлаа. Үүнд:

– Өргөн хэрэглээний барааны үнэ дээр хяналт тавих

– Хүүхдийн тоглоомын талбайг хэзээ хүлээж авах эсэх

– Гудамж хооронд хог ихтэй байна

– Газар олголт яаж олгогдож байгаа эсэх

– Задгайн гудамжнуудын замуудыг засаж сайжруулах

– Худгийн ус зэвтэй гарч байна

– Нийтийн тээвэр цагийн хуваарийн дагуу явдаггүй

– Худгийн хэсгээр өвөл халтиргаа гулгаа үүсэж байна. Үүн дээр анхаарал хандуулах

-Секц,дугуйлангууд оройн цагаар хичээллэж байна. Цагийн хуваариуд дээр анхаарал хандуулах

-Золбин нохой, муурын асуудлыг шийдэж өгөх зэрэг санал хүсэлтүүд гарч, холбогдох БААН-ийн удирдлага, мэргэжилтнүүд иргэдийн асуултад хариулж өгч, мөн санал хүсэлтийг судлан иргэдэд тодорхой хариуг эргэн мэдэгдэхээ илэрхийлсэн юм.

385301486_717258330439013_5422363170089261663_n

Дүүргийн хэмжээнд гэрэлтүүлгийг нэмэгдүүлж байгаад иргэд талархалтай байна

10 сар 3 2023 Мэдээ мэдээлэл superadmin

Дүүргийн ИТХ-ын төлөөлөгчид 4-р хорооны иргэдтэй уулзалт хийлээ. Уулзалтын эхэнд дүүргийн ИТХ-ын дарга Т.Отгонболд “Хурал, хуралдааны үйл ажиллагаа”, Дүүргийн Засаг даргын орлогч Б.Балжинням “Дүүрэг орон нутагт хэрэгжүүлж буй хөрөнгө оруулалт, бүтээн байгуулалт”-ын талаарх мэдээллүүдийг өгсөн юм.

Тус хорооны иргэдээс дараах санал хүсэлтүүд гарлаа. Үүнд:

– 13а маягт ямар тасгуудад үзүүлэхэд заавал авах ёстой талаар

– Халуун усны газруудын үнэ тариф нэмэгдсэн

– Нохой устгал

– Тогос-Уул хэсэгт явган хүний зам

– Дугуйн замыг барих

– Автобусын цаг хол байна, цагийн хуваарийг богино болгох боломжтой эсэх

– Тогос-Уул хэсэгт худаг нэмж барих

– Өвлийн улиралд худгууд дээр дош үүсэж байна

– Үнийн өсөлтийн талаарх санал хүсэлтүүдээ илэрхийллээ. Мөн гэр хорооллын гэрэлтүүлгийг сайжруулсанд иргэд талархлаа илэрхийлж байлаа. Иргэдийн санал хүсэлтэд холбогдох БААН-ийн удирдлагууд хариулт өглөө.

Уулзалтын үеэр гэмт хэрэг, зөрчлөөс урьдчилан сэргийлэх ажлын хүрээнд иргэдийн аюулгүй амьдрах орчин нөхцөлийг сайжруулах, гэмт хэрэг зөрчлөөс урьдчилан сэргийлэх ажилд идэвх санаачилгатай ажилласан иргэдийг дүүргийн ИТХ-ын талархал, мөнгөн шагналаар шагнаж урамшуулсан юм.

Дашрамд дурдахад 5-р хорооны иргэдтэй маргааш буюу 10 сарын 03-ны өдрийн 14.00 цагт тус хорооны иргэний танхимд ИТХ-ын төлөөлөгчид уулзалт хийнэ.

383238596_716158900548956_2569828356784457880_n

Багануур дүүрэг нийт 3659 ахмад настантай

10 сар 2 2023 Мэдээ мэдээлэл superadmin

Олон улсын ахмадын баярын өдрийг тохиолдуулан дүүргийн төр захиргааны байгууллагаас ахмадууддаа хүндэтгэл үзүүлэх “Дуулах өдөр-Дуун цэнгүүн” арга хэмжээ зохион байгууллаа. Багануур дүүрэг нь нийт 3659 ахмад настан байдаг бол хамгийн өндөр настай ахмадын хувьд 98 настай ахмад байна.

Энэхүү арга хэмжээний үеэр дүүрэг орон нутгийнхаа хөгжил цэцэглэлтэд үнэтэй хувь нэмэр оруулсныг үнэлж Хөдөлмөрийн гавьяаны улаан тугийн одонгоор 3-р хорооны ахмад настан Б.Өвгөнхүү, Алтан гадас одонгоор 2-р хорооны ахмад настан Ж.Лхамаа, 3-р хорооны ахмад настан Б.Мядагмаа нарыг төрийн дээд одон медалиар шагналаа.

Мөн “Сонгодог соёл од” клубийн уран бүтээлчид болох МУГЖ Б.Нармандах, МУГЖ ОХУ-ын Буриад улсын Ардын жүжигчин Д.Долгормаа, Бүх цэргийн дуу бүжгийн гоцлол дуучин МУГЖ Ч.Баярмаа, Улсын дуурь бүжгийн Эрдмийн театрын дуучин МУСТА О.Анхбаяр нар хүрэлцэн ирж ахмад настнуудад хүндэтгэл үзүүлж уран бүтээлийнхээ дээжээр бэлэг барилаа.

Дашрамд дурдахад Багануур дүүргийн ахмадын хороо нь ажил үйлсээрээ нийслэлийн тэргүүний ахмадын хороогоор 4 удаа, өнгөрсөн онд Монголын шилдэг ахмадын хороогоор шалгарч байсан шилдэг ахмадын хороо юм.

Ахмад буурлууддаа эрүүл энх, урт насалж, удаан жаргахын өлзийтэй ерөөлийг өргөн дэвшүүлье.

382237245_714581184040061_900094023440214809_n

2-р хорооны иргэд ажил хэрэгч саналыг гаргаж, талархлаа илэрхийллээ

9 сар 29 2023 Мэдээ мэдээлэл superadmin

Дүүргийн ИТХ-ын төлөөлөгчид 2-р хорооны иргэдтэй хийх уулзалт тус хорооны хурлын танхимд зохион байгуулагдлаа. Уулзалтаар Дүүргийн ИТХ-ын дарга Т.Отгонболд “Хурал, хуралдаан болон төлөөлөгчдийн үйл ажиллагаа”, дүүргийн Засаг дарга С.Даваасүрэн “Дүүрэгт хийж хэрэгжүүлж буй хөрөнгө оруулалт, бүтээн байгуулалт”-ын талаарх мэдээллийг тус тус хийсэн юм.

-Хорооны иргэдээс дараах санал хүсэлтүүд гарлаа. Үүнд:

-Цахилгаан хангамжийн шугам сүлжээг шинэчлэх, өргөтгөх

-13 А маягттай холбоотой гомдол санал

-Гэр хорооллын инженерийн дэд бүтэц

-Нийтийн тээврийн жолооч нарын алдаа дутагдал

-Нийгмийн эрүүл мэндийн төвөөс иргэдэд чиглэсэн ухуулга сурталчилгаа хийх -Гэмт хэрэг зөрчлөөс урьдчилан сэргийлэхэд анхаарах зэрэг асуудлаар санал хүсэлтээ илэрхийлж, холбогдох БААН-ийн удирдлага, мэргэжилтнүүд иргэдийн асуултад хариулт өглөө.

Мөн дүүргийн Засаг дарга С.Даваасүрэн инженерийн шугам сүлжээг тус хороонд хийж хэрэгжүүлж, хуучин Гандан хийдийг сэргээн засварлах, гэр хорооллын цэцэрлэгт хүрээлэнг байгуулахад анхаарч ажиллахаа хэллээ.

Уулзалтаар иргэдээс хорооны гэрэлтүүлгийг бүрэн шийдвэрлэж өгсөнд талархлаа илэрхийлсэн юм.

Мөн энэ үеэр гэмт хэрэг, зөрчлөөс урьдчилан сэргийлэх ажлын хүрээнд иргэдийн аюулгүй амьдрах орчин нөхцөлийг сайжруулах, гэмт хэрэг зөрчлөөс урьдчилан сэргийлэх ажилд идэвх санаачилгатай ажилласан хорооны иргэдийг дүүргийн ИТХ-ын Талархал, мөнгөн шагналаар шагнаж урамшуулсан юм.

383249989_322247887127214_4663889428588404633_n

Хичээлийн шинэ жил эхэлсэнтэй холбоотой дүүргийн хэмжээнд үйл ажиллагаа явуулдаг сургалтын байгууллагууд ажлаа сурталчлах өдөрлөгийг зохион байгуулахыг үүрэг болголоо

9 сар 26 2023 Дүүргийн шуурхай superadmin

Дүүргийн удирдах ажилтнуудын шуурхай хуралдаан зохион байгуулагдлаа. Хуралдааны дараалал ёсоор Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцууллаа. Өмнөх хуралдаанаар Засаг дарга С.Даваасүрэн 17 үүрэг даалгавар өгснөөс биелэлт 81,1 хувьтай хэрэгжжээ.

Өвөлжилтийн бэлтгэл ажил, бүх нийтийн мод тарих өдөр, гудамж талбайн засварын талаар Тохижилт, нийтийн аж ахуйн хэлтсийн дарга Д.Дэмчигжав мэдээлэл хийлээ.

Өвөлжилтийн бэлтгэл ажил дэд бүтцийн байгууллагууд 86.6%, төсөвт байгууллагууд 84% байгаа ба дүүргийн хэмжээнд 87 хувьтай байна. Мөн намрын бүх нийтээр мод тарих өдрийн арга хэмжээг “Ногоон хот-Иргэний оролцоо” сэдвийн хүрээнд 10 сарын 07-ны өдөр зохион байгуулахаар төлөвлөж байгаа ажээ. Харин явган хүний зам сэргээн засах ажлын хувьд 16 байршлын 400 м2 талбайн явган замын налуугийн түвшинг стандартад хүргэх ажлын 8 байршлын 260 м2 талбайн ажил 100%, 3 байршлын ажил 30-50 хувийн гүйцэтгэлтэй явагдаж байна.

“Манай хороо-Миний гудамж” аянд дүүргийн төрийн болон хувийн хэвшлийн 12 аж ахуйн нэгж байгууллага, 100 гаруй өрх орчноо тохижуулж мод бут тарьж ногоон байгууламж нэмэгдүүлэн оролцож байгаа талаар мэдээлэл хийлээ.

Хориглосон бүсээс мал, амьтан гаргах ажил хийгдэж байгаа бөгөөд дүүргийн хэмжээнд 67 өрхийн 2386 мал байгаагаас 1638 малыг гаргаж хэрэгжилт 66,8 хувьтай байгааг Хүнс, худалдаа, үйлчилгээний хэлтсийн дарга Б.Бямбацэцэг танилцууллаа.

Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.- Хөрөнгө оруулалтын ажлын явцуудыг дуусгах, эрчимтэй ажиллах, хяналтыг сайжруулах

-“Тэрбум мод-Үндэсний хөтөлбөр” аяны хүрээнд ААНБ-ууд мод бут, сөөгөө арчилж хамгаалах, нэмэлт мод тарих

– Хичээлийн шинэ жил эхэлсэнтэй холбоотой дүүргийн хэмжээнд үйл ажилагаа явуулдаг сургалтын байгууллагуудын ажлаа сурталчлах өдөрлөгийг зохион байгуулах

– Олон Улсын ахмадын баярын өдрийг тэмдэглэн өнгөрүүлэх ажлыг үргэлжлүүлэн зохион байгуулах

– “Багануур-Ус” ААТҮГазар иргэдийн гомдлын дагуу газар дээр нь очиж, гомдлыг барагдуулж, энэ талаар мэдээллийг иргэдэд хүргэж ажиллах

– Нохой, муурны устгалд анхаарах

-Тээврийн хэрэгслийн техникийн хяналтын цахим гэрчилгээ /RFID TAG/-г суурилуулахтай ажлыг эрчимжүүлэх

-Төрийн байгууллагуудын авто машины цэнхэр дугаар олголтод анхаарч ажиллах

1 2 … 22 23 24 25 26 … 95 96

Global Title