Удирдах ажилтнуудын шуурхай худалдааны эхэнд өнгөрсөн хурлаас өгсөн үүрэг даалгаврын хэрэгжилтийг танилцууллаа. Хэрэгжилт 96,9%-тай биелжээ.
Засаг даргын орлогч Б.Балжинням 2025 оны хөрөнгө оруулалтын явцын мэдээллийг болон дүүргийн хөрөнгөөр хийгдэх төслүүдийн танилцуулга хийлээ.
Дүүргийн менежер Д.Дэмчигжав өвөлжилтийн бэлтгэл ажлын төлөвлөгөөний биелэлт болон хүндрэлтэй асуудлуудын талаар мэдээлэл өглөө. Багануур дүүргийн 2024 оны гэмт хэргийн нөхцөл байдлыг судалсан криминологийн судалгааг Дүүргийн прокурорын газрын Ерөнхий прокурор, хууль цаазын итгэмжит зөвлөх А.Дүүрэнбилэг танилцууллаа.
Дүүргийн Онцгой байдлын хэлтэс аюулт үзэгдэл, ослоос урьдчилан сэргийлж, аялал зугаалгаар зорчихдоо бага насны хүүхэд, хөгжлийн бэрхшээлтэй иргэд, өндөр насны иргэдийн аюулгүй байдлыг хангаж, зөвхөн баталгаат зам гүүрээр зорчиж, гол, усны осол, гэнэтийн үер, усны аюулаас сэрэмжтэй байхыг анхааруулж байна. Мөн баяр наадмын үеийн цаг агаарын мэдээ мэдээллийг цаг уурын өртөөнөөс мэдээлэл хийлээ. 7 дугаар сарын 10-нд өдөртөө +26 градус, шөнөдөө +12 градус, өдөртөө түр зуурын бороо орно. 7 дугаар сарын 11-нд өдөртөө +29 градус, шөнөдөө +12 градус байна. Эрүүл мэндийн төвийн халдвар судлаач эмч О.Очмаа улаанбурхан өвчний одоогийн нөхцөл байдлыг танилцууллаа. Тодруулбал, дархлаажуулалт дүүргийн хэмжээнд 87%-тай байна.
Ирэх 14 хоногт хийж хэрэгжүүлэх үүрэг даалгавар
– Наадмын бэлтгэл ажлыг сайтар хангаж, зохион байгуулах (Хог тээвэр, зөөврийн ус, цахилгаан зэрэг дэд бүтцийн хэвийн ажиллагааг хангаж, сааталгүй ажиллуулах)
-Баярын өдрүүдэд ажиллах хариуцлагатай жижүүр, удирдлагууд инженерийн шугам сүлжээний гэмтэл доголдолд түргэн шуурхай арга хэмжээ авч ажиллах.
-Үер, ус, гал түймэр болон нөөлөг салхины эрсдэлээс урьдчилан сэргийлж, өндөржүүлсэн бэлэн байдалд ажиллах.
-Хэт халалттай холбоотойгоор хүнсний аюулгүй байдалд холбогдох байгууллагууд анхаарч ажиллах.
-Гэмт хэргээс урьдчилан сэргийлэх, нэмэлт хүч гаргаж, хяналт шалгалт, эргүүл хамгаалалтыг зохион байгуулах.
-Зориулалтын бус газар байршуулсан тээврийн хэрэгслийн зөрчлийг арилгах, шаардлагатай арга хэмжээ авах.
– Оргил өөд СӨХ-н үйл ажиллагаатай холбоотой асуудлыг шийдвэрлэх (оршин суугчидтай уулзалт зохион байгуулах).
– Дүүрэгт үүссэн үүсмэл хог хаягдлыг цэвэрлэх.
-Улаанбурханы дархлаажуулатад зорилтот бүлгийн иргэдийг хамруулах.
-81-р байрны ЦТП, тоног төхөөрөмжийн бэлтгэлийг бүрэн хангах.
-Цахилгаан дугуй түрээсийн үйлчилгээнд зориулсан байршлыг судалж санал боловсруулах.
-Багануур хөшөөний гэрэлтүүлгийн асуудлыг шийдвэрлэх.
-Газар эзэмшлийн маргаантай асуудлыг судалж танилцуулах, шийдвэрлэх.
-Багануур ҮТП төслийн нэгжүүдтэй танилцаж, хамтран ажиллах саналуудыг боловсруулж танилцуулах.
Дүүргийн Онцгой байдлын хэлтсээс айл өрхүүдийн галлагаа эхэлсэнтэй холбогдуулан гэр хорооллын айл өрхүүдэд тохиолдож болзошгүй ахуйн гал түймэрт хүний амь нас, эрүүл мэнд хохирох, өмч хөрөнгө өртөх эрсдэлийг бууруулах, урьдчилан сэргийлэх зорилгоор “Галлахдаа анхааръя” нөлөөллийн аяныг хэрэгжүүлж эхэлсэн. Иймд болзошгүй гал түймрийн аюулаас урьдчилан сэргийлэхийг анхаарууллаа.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.