ДЭД БҮТЦИЙН ЧИГЛЭЛЭЭР

Багануур дүүрэгт 50 МВт буюу 200 МВт/цаг батарей хуримтлуурын станцын гадна үерийн далан, зам талбайн төслийн  ажлуудыг 100% хийж гүйцэтгэж дуусгасан. Батарей хуримтлуурын станц нь ойролцоогоор 25,000 гаруй айл өрхийн эрчим хүчний хэрэглээг 4-5 цагийн турш тасралтгүй  хангах хүчин чадалтай бөгөөд одоогийн байдлаар нийт 27 хүний бүрэлдэхүүнтэйгээр байнгын үйл ажиллагаа явуулж байна.Төвийн бүсийн нэгдсэн эрчим хүчний сүлжээнд одоогоор нийт 61 сая кВт.цаг киловатт.цаг цахилгаан эрчим хүч нийлүүлээд байгаа нь нийслэлийн болон төвийн бүсийн эрчим хүчний системийн тогтвортой байдлыг хангах, хэрэглээний оргил ачааллыг тэнцвэржүүлэх, сэргээгдэх эрчим хүчийг үр ашигтай ашиглах нөхцөл бүрдэж, Монгол Улсын эрчим хүчний салбарын хөгжилд бодитой хувь нэмэр үзүүлж байна.

Залуус хэсгийн инженерийн дэд бүтцийн 2025 онд хийгдэх ажлыг ХББОСЯ, дүүрэгтэй гүйцэтгэгч “Бумбод” ХХК зөвшилцөж 06 дугаар сарын 10-ны өдрөөс ажлыг эхлүүлсэн.

Гэр хорооллын хэсгийн инженерийн шугам сүлжээний зураг төсвийг боловсруулах ажлын хүрээнд 4 дүгээр хорооны Жаргалант, 5 дугаар хорооны Нарийн хэсгийн айл өрхийг төвлөрсөн инженерийн шугам сүлжээнд холбох зорилгоор “Багануур хотын гэр хорооллын инженерийн дэд бүтцийн зураг төсөл боловсруулах даалгавар”-ыг боловсруулж Бүсчилсэн хөгжлийн үндэсний хүрээлэнд хүргүүлсэн.

Нийслэлийн 2025-2026 оны өвөлжилтийн бэлтгэл ажлын хүрээнд 3 дугаар хорооны 81 дүгээр байрны гадна шугамыг шинэчлэх ажлыг Улаанбаатар хотын Захирагчийн ажлын алба “Багануур-Ус” ААТҮГ-тай гэрээ байгуулан 310м халаалт болон цэвэр усны 3 хос шугамын засвар шинэчлэлтийн ажлыг хийж гүйцэтгэсэн.

Улсын төсвийн хөрөнгө оруулалтаар “ЖЭММН” ХХК нь 2, 5 дугаар хорооны Булагтай, Нарийн нуур хэсгийн цахилгаан хангамжийн ажлыг он дамжин гүйцэтгэж байгаа бөгөөд энэ онд хийгдэх Булагтай хэсгийн 0,4кВт-ын 71, өндрийн 84, Нарийн нуур хэсгийн 0,4 кВт-ын 133, өндрийн 24 бетон тулгуурыг суурилуулах, тоноглол угсрах, бараа материал татан авах ажлыг хийж гүйцэтгэсэн.

Дүүргийн орон нутгийн хөгжлийн сангийн хөрөнгө оруулалтаар Баялаг хороололд 6/0,4кВ-ийн 2х400кВа чадалтай цахилгааны дэд өртөө барих ажлыг “Перфект солюшн энд инженеринг” ХХК гүйцэтгэхээр гэрээ байгуулж,  барилга угсралт тоног төхөөрөмжийн хамт бүрэн баригдаж, газар доорх өндрийн болон намын кабель шугамын ажлууд хийгдэж дууссан бөгөөд комисс ажиллаж хүлээж аваад байна.

Нугын тал, Талын толгой, Нарийн нуур, Мэлз хэсгийн цахилгаан хангамжийн зураг төсвийн техникийн тодорхойлолтыг боловсруулж ХААА-нд хүргүүлэн тендер зарлагдаж гүйцэтгэгчээр “Перфект солюшн энд инженеринг” ХХК шалгарч, 2025 оны 07 дугаар сарын 09-ний өдөр 3,680,860,848 төгрөгийн төсөвт өртөг бүхий зураг төсвийг хүлээлгэн өгсөн.

1, 3 дугаар хорооны нутаг дэвсгэрт дэд өртөөнүүдийн зураг төсөв боловсруулах ажлыг “Перфект солюшн энд инженеринг” ХХК гүйцэтгэхээр шалгарч, гэрээ байгуулсан. Тус  ажилд шаардлагатай техникийн нөхцөлийг гаргуулах хүсэлтийг инженерийн хангагч байгууллагуудад хүргүүлж, зураг төсвийг боловсруулж байна.

Багануурын шинэ дулааны станцын ерөнхий зураг төсөл боловсруулах  даалгаврыг Эрчим хүчний яамнаас боловсруулж, 2024 онд Бүсчилсэн хөгжлийн үндэсний хүрээлэнд тендер зарлагдан, “Мон-Энержи консалт” ХХК шалгарч ажил эхэлсэн. Энэхүү төслийн байршил нь одоогийн байгаа дулааны станцын баруун урд хэсэгт уурхайн эдэлбэр газарт 4.2 га газарт төлөвлөсөн бөгөөд Багануур ХК-тай газрын асуудлыг зөвшилцсөн. Ажлын  зургийн хувьд Ерөнхий төлөвлөгөө, эх загвар зураг боловсруулах, архитектур төлөвлөлтийн даалгавар  болон техникийн нөхцөл гаргуулах ажлууд он дамжин

Ус дулаан дамжуулах төв №10-ийн өргөтгөлийн тоног төхөөрөмж нийлүүлэх ажлыг “Перфект солюшн энд инженеринг” ХХК гүйцэтгэн комисс ажиллаж хүлээн авсан.

Багануур хотын ус хангамжийн шугам сүлжээний өргөтгөл автоматжуулалтын ажлын даалгаврыг боловсруулж,  ХААА-нд хүргүүлэн, тендер зарлаж гүйцэтгэгчээр “Калдератубо” ХХК шалгарч гэрээ байгуулсан. Уг ажил нь 2025 оны 06 дугаар сарын 02-ны өдрөөс эхэлж, холбооны урд талын ВК-4 худгаас УДДТ-1, 2 хүртэлх 310 метр ф150 мм-ийн цэвэр усны хуучин шугамыг ф250 мм-ийн шугамаар сольж шинэчлэх ажил 100%, Наран станцын А, В насос станцын худгийн шинэчлэлийн ажил 100%, үйлдвэрийн бүсийн насос станцын шинэчлэх ажил 100%,  Хэрлэн станцын цахилгаан хангамж, автоматикийн ажил 100%-ийн гүйцэтгэлтэй бөгөөд комисс ажиллаж хүлээн аваад байна.

Үйлдвэрийн бүсийн ф150мм-ийн 2,5 км урттай хүйтэн усны дан шугам сүлжээг шинэчлэх, нөөц шугамтай болгох зураг төсвийг “Гидро дизайн инноваци” ХХК боловсруулахаар тендерт шалгарч, гэрээ байгуулан ажил 80%-ийн гүйцэтгэлтэй хийгдэж байна.

2 дугаар хорооны байгууллагуудыг нэгдсэн халаалтын болон цэвэр усны системд холбох ажлыг “Калдератубо” ХХК гүйцэтгэж, шинээр баригдаж байгаа цэцэрлэгийн гадна шугам сүлжээн дээрх холболт, хорооны байрны дотор шугамын холболтын ажлыг гүйцэтгэж 2025 оны 07-р сарын 31-ний өдөр комисс ажиллаж, хүлээн авсан.

2 дугаар хорооны төрийн байгууллагуудын нэгдсэн халаалтын системийн өргөтгөлийн тоног төхөөрөмж худалдан авах ажлыг дүүргийн төсвийн хөрөнгө оруулалтаар “Юсэр” ХХК гүйцэтгэсэн ба гүйцэтгэлийн явц 90%-тай байна. Халаалтын зуух, цэвэр усны шүүлтүүр, нөөцийн сав, ялтсан солилцуур, узелыг нэмж өргөтгөснөөс 288-р цэцэрлэг, 2-р хороо, халуун усны барилгыг нэгдсэн халаалтын системд холбох боломжтой болно.

Цэвэрлэх байгууламжийн агаарын насос шинэчлэх ажлын техникийн тодорхойлолтыг боловсруулж ХААА-нд хүргүүлж, тендер зарлан, тоног төхөөрөмж нийлүүлэх ажлыг “Перфект солюшн энд инженеринг” ХХК гүйцэтгэн, тоног төхөөрөмжийн өргөтгөл хийгдэж, комисс ажиллаж хүлээн авсан.

Дүүргийн цэвэрлэх байгууламжийн барилга угсралтын ажил 05 сард эхэлж явц 69.2%-тай байна. Энэ төсөл хэрэгжснээр хаягдал усыг боловсруулах боломж бүрдэнэ. Зүүн энгэрийн үерийн далан суваг барих ажлыг “Говийн пирамид” ХХК гүйцэтгэж байгаа бөгөөд нийт 2526,26 м далан сувгийн ажлыг хийж гүйцэтгэхээс 2350м даланг хийж гүйцэтгэн үлдсэн ажлыг 2026 оны 07 дугаар сард дуусгахаар гэрээг сунгаад байна.

Дүүргийн Засаг даргын Тамгын газар,  Багануур тохижилт ААТҮГ, Онцгой байдлын хэлтэс хамтран дүүргийн нутаг дэвсгэрийн үерийн хамгаалалтын далан, суваг шуудууны  үзлэг шалгалтыг 7 удаа зохион байгуулж, 10 удаагийн цэвэрлэгээгээр 560 м/куб  хогийг цэвэрлэсэн. Мөн төв зам дагуух 600м ус зайлуулах лотки болон орон сууц гэр хорооллын 38 байршлын авто зам, явган замын лоткины шороог гаргаж, ус хуримтлуулагч кольцон доторх усыг соруулж, лаг шаврыг 4 удаагийн давтамжтай цэвэрлэж 410м/куб шороог гаргаж суваг шуудууг сэргээсэн.

2025 онд 191 өрхийн  3 орон сууц ашиглалтад орж, нийт өрхийн тоо 4118 болсон. Энэонд шинээр ашиглалтад орсон 191 өрхөөс гадна хуучны орон сууцны 79 өрх, нийт 270 өрхийг  тоолууржуулсан байна. Нийт 3850 өрх тоолууртай, 268 өрх буюу 6.5 хувь нь тоолуургүй байна.

Мэдээлэл холбооны сүлжээ ТӨХК-ийн Багануур дүүргийн газраас 1, 2, 3 дугаар байр хооронд, Боловсрол сургуулиас 33-р байр хооронд, 35-36-р байрны нийт 450м сувагчлалыг хийж тус шилэн кабелуудыг сувагчлалд оруулсан байна.

Монголын цахилгаан холбоо ХК-ийн Багануур дүүргийн холбооны газар нь 2022 оноос эхлэн гэр хорооллын иргэдэд гуравласан үйлчилгээг нэвтрүүлж эхэлсэн бөгөөд Баялаг, Мандал, Титэм, Сургалтын задгай, Жаргалант, Рашаант, Байдлаг, Нарийн, Бага гүн, Их гүн, Наран, Сургалтыг задгай, Хуцаа, Хэрлэн, Залуус хэсгийн 2500 өрхийн 1200 гаруй өрхөд нэвтрүүлээд байна. Цаашид Рашаант, Байдлаг, Тогос-Уул хэсэгт гуравласан үйлчилгээг хүргэхээр төлөвлөн ажиллаж байна. Энэ онд 3 дугаар хорооны 24-61 дүгээр байрнуудын кабелийг шилэн кабель болгож шинэчилсэн.

“Юнисол девелопмент” ХХК нь 15МВт Нарны цахилгаан станц байгуулах төслийн хүрээнд хөрөнгө оруулалтын гэрээг Японы “К&К” компанитай байгуулсан. Төслийн ТЭЗҮ-ийг Эрчим хүчний яамаар батлуулсан. Бүтээн байгуулалтын ажлыг 2026 оны 08 дугаар сард эхлүүлэхээр төлөвлөн ажиллаж байна.

Гүн галуутай сургуулийн хичээлийн 02 дугаар байрны цэвэр бохир ус, халаалтын шугам сүлжээг шинэчлэх ажлыг “Калдератубо” ХХК хийж гүйцэтгэн, хүлээлгэн өгсөн.

Оюуны-Эрин сургуулийн хичээлийн 1 дүгээр байрны гадна шугам сүлжээг шинэчлэх ажлыг Багануур-Ус ААТҮГ нь 2025 оны 06-р сарын 10-ны өдрөөс эхлэн гүйцэтгэж 09-р сарын 05-ны өдөр хүлээлгэн өгсөн.

Хот байгуулалт, барилга, орон сууцжуулалтын яаманд “Ахуйн бохир ус цэвэрлэх байгууламж” шинээр барих ажлын зураг төсвийг хүргүүлж, тендер зарлаж, гүйцэтгэгчээр “Комфорт-Импэкс” ХХК шалгарч гэрээ байгуулан 2025 оны 05 дугаар сарын 20-ны өдрөөс ажил эхэлсэн. Оффиссын барилгын ажил 60%, геологийн барилга угсралтын ажил 50%, үйлдвэрийн барилгын ажил 50%, харуулын байр 75%, дэд өртөөний барилга 80%, дулааны шугам холболтын ажил 100%-ийн гүйцэтгэлтэй явагдаж байна. Ажлын явц 69.2%

Паркийн цахилгаан хангамжийн 110/35/10кВ-ын 2*17МВА чадалтай үндсэн дэд станцыг барих ажлын хүрээнд: Цахилгаан хангамжийн 110/35/10кВ-ын 2х17мВА чадалтай үндсэн дэд станц барих ажлын 1,048.9 сая төгрөгийн хөрөнгө оруулалтын эрхийг Нийслэлийн Засаг даргын 2025 оны 04 дүгээр сарын 07-ны өдрийн А/430 дугаар захирамжаар Нийслэлийн Худалдан авах ажиллагааны газарт шилжүүлсэн. Гүйцэтгэгчээр  “Эм Ай Эс Эс” ХХК нь шалгарч 07 дугаар сарын 08-ны өдөр Нийслэлийн Засаг даргын Тамгын газартай №OH2512001438 гэрээ байгуулсан. 2025 оны 08 дугаар сарын 07-ны өдөр “Эм Ай Эс Эс” ХХК-иас   дэд станцын бүтээн байгуулалтын ажилтай холбогдуулан газар дээр нь ажилласан. Ажил эхлэх зөвшөөрлийг холбогдох байгууллагад хүргүүлэн хүлээгдэж байна. Мөн дэд станцын байршил өөрчлөгдсөнтэй холбогдуулан зураг төсөлд нэмэлт өөрчлөлт оруулан мэргэжлийн байгууллагуутай зөвшилцөх ажил хийгдэж байна.