Global Title

Хөдөлмөр эрхлэлтийг дэмжих үйл ажиллагааны үр дүнг сурталчлах, 2023 онд хамтран ажилласан ААНБ, иргэдийн үйл ажиллагаа, төсөл хэрэгжүүлэгчдийн үйлдвэрлэсэн бараа бүтээгдэхүүнийг сурталчлан борлуулах зорилго бүхий түр ажлын байрны тайлант өдөрлөгийн арга хэмжээг өнөөдөр зохион байгуулагдлаа.

Тайлант өдөрлөгт 9 байгууллага, төсөл хөтөлбөр түр ажлын байранд ажилласан 100 гаруй иргэд оролцож, хамтран ажилласан байгууллага, иргэд хамтран ажилласан  ажлын тайлангаа тавьсан юм.

Энэ үеэр хөдөлмөр эрхлэлтийг дэмжих сангийн санхүүгийн дэмжлэгт хамрагдсан хувиараа хөдөлмөр эрхлэгч 36 иргэн бараа бүтээгдэхүүнээрээ үзэсгэлэн худалдаа гаргаж 2,300,000 төгрөгийн борлуулалт хийжээ.

Хөдөлмөрийн тухай хуулийн 144 дүгээр зүйлийн хэрэгжилт, Хөгжлийн бэрхшээлтэй  хүний эрхийн тухай хуулийн хэрэгжилтийг хангаж, тогтоосон хувиас давсан орон тоогоор хөгжлийн бэрхшээлтэй иргэн ажиллуулсан 132 дугаар цэцэрлэг, ЦДҮС ТӨХК Багануур салбар, Өргөө соёлын ордонд тус тус ажил олгогчийн дэмжлэг олголоо.

U-13 насны 3х3 сагсан бөмбөгийн улсын аварга шалгаруулах тэмцээн 11 сарын 6-8-ны өдрүүдэд зохион байгуулагдаж өндөрлөлөө. Тэмцээнд нийт эрэгтэй 54 багийн тамирчид оролцож хурд, хүч, авхаалж самбаагаа сорин өрсөлдлөө. Энэхүү тэмцээнд Багануур дүүргийн Ц.Борхүү дасгалжуулагчтай Ballers клубийн тамирчид тэргүүн байр эзэлж цомын эздээр шалгарсан байна. Мөн хамгийн үнэ цэнтэй тоглогчоор Ballers клубийн тамирчин Б.Чингүн тодорчээ. Ballers клуб үүсгэн байгуулагдсаны 2 дахь жилийн ойгоороо 3х3 сагсан бөмбөгийн улсын аварга багаар шалгарсанд баг тамирчид, дасгалжуулагчдад баяр хүргэе.

Багануур дүүргийн Засаг даргын Тамгын газрын Архивын хэлтсээс 2023 онд төлөвлөгөөт болон төлөвлөгөөт бус нийт 29 байгууллагад 37 удаагийн давтамжтайгаар хяналт шалгалт хийж, зөвлөн туслах ажлыг зохион байгууллаа. Хяналт шалгалтын хүрээнд Архив, албан хэрэг хөтлөлтийн үйл ажиллагаанд иж бүрэн шалгалт хийхэд аж ахуй нэгж байгууллагуудад нийтлэг байдлаар дараах алдаа зөрчлүүд илэрлээ. Үүнд:

-Захирамжлалын баримтын зохион бүрдүүлэлт,

-E-Doc системийн хэрэглээ,

-албан хэрэг хөтлөлтийн стандарт,

-баримт бичгийн бүрдэл,

-архивын баримтын зохион бүрдүүлэлт,

-архивын сан хөмрөгт тавигдах шаардлага,

-тоо бүртгэлийн баримт бичиг,

-баримт бичиг нягтлан шалгах комиссын үйл ажиллагаа хангалтгүй байгаа тул холбогдох хууль, журам, стандартад нийцүүлэн зөвлөмжийг хүргүүлж ажиллалаа.

ГЕОКАНОН ТӨВ ХХК-ИЙН ХУДАЛДАА ҮЙЛЧИЛГЭЭНИЙ ТӨВ БҮХИЙ 240 АЙЛЫН “ГОЛДЕН ПАЛАС” ХОТХОН гуравдугаар хорооны нутаг дэвсгэрт 10 давхар 60 айл бүхий 4 блок барилгын эхний блокийн дотор өрлөг, цахилгаан монтажны ажлууд хийгдэж байна. ДУУРСАХ ТАУЭР ХХК-ИЙН 116 АЙЛЫН “УУРХАЙЧИН-2” ХОТХОН 3-р хорооны нутаг дэвсгэрт нийт 60 айлын 4 орцтой, 5 давхар орон сууцны барилгын дотор засал, гадна зам талбайн ажил хийгдэж, 2023 оны 09 сарын 13-ны өдөр комисс ажиллаж, байнгын ашиглалтад хүлээж авсан. Ирэх жил 56 айлын орон сууцны ажил эхэлнэ. СЭТЭРТ ГРУПП ХХК-ИЙН ХУДАЛДАА ҮЙЛЧИЛГЭЭНИЙ ТӨВ БҮХИЙ 300 АЙЛЫН “ХААН РЕЗИДЕНС” ХОТХОН Энэ оны 5-р сарын 1-ны өдрөөс ажил эхэлсэн. Нийт 12 давхар 60 айл бүхий 5 блок хотхон. Тус хотхоны эхний блокийн цутгалтын ажил хийгдэж, цонх хаалга суугдаж байна.