20 хуудас – Багануур

410477941_761360036028842_2764712177135474835_n

Сургууль орчмын бүс лед гэрлэн гарцтай боллоо

12 сар 18 2023 Мэдээ мэдээлэл superadmin

Дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Багануур Гэрэлтүүлэг ААТҮГ-тай хамтран бага насны хүүхдийг зам тээврийн осол гэмтлээс урьдчилан сэргийлэх, ЕБС-ийн сурагчдын аюулгүй байдлыг хангах, иргэдийн ая тухтай амьдрах орчин нөхцөлийг бүрдүүлэх, явган хүний гарцын тэмдэглэгээг тодруулах, явган зорчигч харагдах байдлыг сайжруулах, жолоочид анхааруулах зорилгоор Лаборатори Боловсрол цогцолбор сургууль, Оюуны Эрин цогцолбор сургуулийн II байрны бүсэд лед гэрлэн гарцыг хийж байршууллаа.

Дүүргийн хэмжээнд томуу, томуу төст өвчнөөр өвчлөгсдийн 56,2 хувийг 0-4 насныхан эзэлж байна

12 сар 14 2023 Мэдээ мэдээлэл superadmin

Нийслэлийн Эрүүл мэндийн газрын даргын тушаалаар томуугийн амбулатори болон өрхийн эмнэлэгүүд уртасгасан цагийн хуваарьт шилжин ажиллаж эхэлсэн.

Дүүргийн хэмжээнд томуу томуу төст өвчний өвчлөл энэ 7 хоногийн эхний байдлаар амбулаторийн нийт үзлэгийн 11.7 %-ийг, 103 дуудлагын 51,9%-ийг эзэлж байгаа бол улсын хэмжээнд томуу, томуу төст өвчний тархалтын түвшин “Улирлын томуу, томуугийн цар тахлын хүндрэлийн үнэлгээгээр идэвхжилийн түвшинд үнэлэгджээ.

Томуу, томуу төст өвчнөөр өвчлөгсдийн 56.2% -ийг 0-4 нас, 35.5%-ийг 5 -15 насны хүүхдийн өвчлөл, 8.7% – ийг насанд хүрэгчид эзэлж байгаа юм.

Улирлын томуугийн вакциныг эрсдэлт бүлэг, 65-аас дээш насны ахмадууд, жирэмсэн, 2-5 насны хүүхдүүдэд хийсэн ба өнөөдрийн байдлаар дүүргийн хэмжээнд хамрагдалт 89%-тай байна.

Томуугийн вирус илрүүлэх шинжилгээ уламжлалт аргаар хүүхдийн тасагт хэвтэж буй нийт 53 хүүхдээс авахад иж томуу-2, адиновирус-1 илэрчээ.

408187331_758199599678219_7790720820950927938_n

Дүүргийн иргэдэд нуруу нугасны чиглэлийн тусламж үйлчилгээ үзүүллээ

12 сар 12 2023 Мэдээ мэдээлэл superadmin

Дэлхийн нуруугаа хамгаалах өдрийн хүрээнд МУ-ын Шадар сайд, УИХ-ын гишүүн С.Амарсайхан, УИХ-ын гишүүн Ц.Сандаг-Очир нарын санаачилгаар Багануур дүүргийн Эрүүл мэндийн төв болон Улсын Хоёрдугаар эмнэлгийн мэдрэлийн мэс засал, Радиологийн тасагтай хамтран 70 гаруй иргэнд нуруу нугасны чиглэлийн үзлэг, оношилгоо, зөвлөгөө, эмчилгээг 12 сарын 9,10-ны өдрүүдэд хийлээ.

Энэ удаагийн үзлэгээр Улсын Хоёрдугаар эмнэлгийн мэдрэлийн тасгийн эрхлэгч тэргүүлэх зэргийн их эмч Т.Дэлгэрхүү, мөн тус тасгийн тэргүүлэх зэргийн их эмч М.Тэмүүжин, ахлах зэргийн их эмч Э.Анхбаяр, Радиологийн тасгийн Анагаах ухааны доктор, тэргүүлэх зэргийн их эмч М.Мөнгөнхуяг нарын бүрэлдэхүүнтэй ирсэн бөгөөд үзлэг оношилгоог шатлалгүйгээр үзүүлэн зөвлөгөө авч, шаардлагатай үйлчлүүлэгчид эмчилгээ хийлгэх боломж олгосноороо давуу талтай байлаа.

408670843_757175393113973_6611619715097642240_n

Гал түймэр унтраах аврах 64 дүгээр ангийн 40 жилийн ойн баяр тохиож байна

12 сар 11 2023 Мэдээ мэдээлэл superadmin

БНМАУ-ын сайд нарын зөвлөлийн тогтоолоор 1983 онд 10 албан хаагчтайгаар Багануур районд гал команд үүссэн түүхтэй бөгөөд өнөөдөр 40 жилийн ойн баяраа тэмдэглэн өнгөрүүлж байна.

Онцгой байдлын хэлтсийн 40 жилийн ойн баярын хурал Соёлын ордонд зохион байгуулагдлаа. Баярын хуралд НИТХ, Иргэдийн төлөөлөгчдийн хурлын дарга бөгөөд Гамшгийн эрсдэлийг бууруулах зөвлөлийн дарга Т.Отгонболд, ЗДТГ-ын дарга П.Баттүшиг, Нийслэлийн Онцгой байдлын газрын тэргүүн дэд дарга хурандаа Д.Мөнхсайхан, Нийслэлийн Онцгой байдлын газрын Гал түймэртэй тэмцэх хэлтсийн дарга, хурандаа Ж.Алтанхуяг, ОБХ-ийн дарга дэд хурандаа Г.Батжаргал болон дүүргийн удирдлагууд ОБХ-ийн үе үеийн удирдлага, алба хаагчид оролцсон юм.

Энэ үеэр НИТХ, Иргэдийн төлөөлөгчдийн хурлын дарга бөгөөд Гамшгийн эрсдэлийг бууруулах зөвлөлийн дарга Т.Отгонболд нийт алба хаагчдад баярын мэндчилгээ дэвшүүлж, 2021-2023 онуудад дүүргийн гамшгийн эрсдэлийг бууруулах зөвлөл хэрхэн ажилласанг танилцуулсан юм. Тэрээр “Гамшгаас хамгаалах хуулийн хүрээнд 2021-2023 онуудад олон төлөвлөгөөт ажлуудыг хийж хэрэгжүүлж өнгөрүүлсэн бөгөөд энэ хугацаанд 199,8 сая төгрөгийн ажлыг ОБХ-тэй хамтран дүүргийн ард иргэдийг гамшиг ослоос хамгаалах, дэмжлэг үзүүлэх үйл ажиллагаанд зориулж ажиллалаа.”

Ойн энэ өдөр Зам тээврийн хөгжлийн яамны “Авто тээврийн тэргүүний ажилтан”, “Эх орны төлөө тэмдэг”, “Осолгүй манлай жолооч”, ОБЕГ-ын “Жуух бичиг”, “Албаны төлөө 2 дугаар зэргийн тэмдэг”,НИТХ-ын “Хүндэт үнэмлэх”, ИТХ-ын “Хүндэт өргөмжлөл”, Засаг даргын “Жуух бичиг”, Засаг даргын “Баярын бичиг”, МУЗХ-ны “Шилдэг залуу алтан медаль”, БЗД-ийн ОБХ-ийн нэрэмжит шагнал, Багануур дүүргийн ОБХ-ийн 40 жилийн ойн медалиар болон цол гардуулах үйл ажиллагаа боллоо.

Хүн ардынхаа амь нас, эрүүл мэнд, эд хөрөнгө, мал амьтан, хүрээлэн байгаа орчноо гамшиг, ослоос хамгаалан улс орныхоо тогтвортой хөгжлийг хангах ариун үүргээ нэр төртэй биелүүлж буй ОБХ-ийн алба хаагчид үе үеийн ахмад ажилчид та бүхэнд баярын мэндийг өргөн дэвшүүлье.

Дүүргийн оны тэргүүн хавсралт 2023.03.20 (1)_page-0001

Дүүргийн оны тэргүүний байгууллага аж ахуй нэгж, хамт олныг шалгаруулах журам

12 сар 6 2023 Захирамж superadmin

Дүүргийн оны тэргүүний байгууллага аж ахуй нэгж, хамт олныг шалгаруулах журам

405527012_7312554112142323_5322334790725080615_n

Багануур дүүргийн архив 53 хөмрөг үүсгэгчтэй

12 сар 5 2023 Мэдээ мэдээлэл superadmin

Монгол Улсад орчин цагийн архивын салбар байгуулагдсаны 96 жилийн ой, “Архивчдын өдөр”-ийг угтан дүүргийн архивд хөмрөг үүсгэгч байгууллагуудын архив, албан хэрэг хөтлөлт, бичиг хэргийн ажилтнуудын баярын хурал зохион байгуулагдлаа. Нийслэлийн Засаг даргын 2022 оны шийдвэрээр салбар архив буюу дүүргийн Архивын хэлтэс байгуулагдсан. Өнөөдрийн байдлаар дүүргийн архивт 39 байгууллагын 5190 хадгаламжийн нэгжийг хадгалж байна. Арга хэмжээний үеэр салбартаа үр бүтээлтэй ажиллаж, амжилт гаргасан алба хаагчдыг шагнаж шагналыг гардууллаа.

ХУУЛЬ ЗҮЙ, ДОТООД ХЭРГИЙН ЯАМНЫ “ХҮНДЭТ ЖУУХ БИЧИГ”-ЭЭР

ЗДТГ-ын зааварлагч, арга зүйч, бичиг хэргийн ажилтан Б.Алтантуяа

АРХИВЫН ЕРӨНХИЙ ГАЗРЫН “ХҮНДЭТ ЖУУХ БИЧИГ”-ЭЭР

Нийслэлийн 241 дүгээр цэцэрлэгийн архив, бичиг хэргийн ажилтан Б.Намсрайжав

Багануур-Ус ААТҮГ-ийн захирлын туслах, архив, бичиг хэргийн ажилтан Т.Мөнхжаргал

Худалдан авах ажиллагааны албаны Дотоод ажил, архив, бичиг хэрэг хариуцсан ажилтан О.Уранчимэг

ЗДТГ-ын Цэргийн штабын мэдээлэл, аюулгүй байдлын офицер Ч.Жаргалсайхан

ЗДТГ-ын албан хэрэг хөтлөлт, түүний зохицуулалт хариуцсан мэргэжилтэн З.Цацрал

ДҮҮРГИЙН ИТХ-ЫН “ХҮНДЭТ ҮНЭМЛЭХ”-ЭЭР

Нийгмийн даатгалын хэлтсийн Бичиг хэрэг, хүний нөөц, дотоод асуудал хариуцсан мэргэжилтэн Б.Отгонцэцэг

ДҮҮРГИЙН ЗАСАГ ДАРГЫН “ЖУУХ БИЧИГ”-ЭЭР

Эрүүл мэндийн төвийн архивын ажилтан Ж.Батням

Нийслэлийн 235 дугаар цэцэрлэгийн нярав, бичиг хэргийн ажилтан С.Саруулцэцэг

Нийслэлийн 132 дугаар цэцэрлэгийн бичиг хэргийн ажилтан О.Мөнхцэцэг

Багануур тохижилт ААТҮГ-ын захирлын туслах, архив, бичиг хэргийн ажилтан Э.Учрал

Усан спорт, боулингийн төвийн хүний нөөц, бичиг хэргийн ажилтан Б.Цэрэндулам нар тус тус шагнагдлаа.

370324065_870087411503184_2990453911835593578_n

Жилийн эцэс болж байгаатай холбогдуулан санхүүгийн өр авлага гаргахгүй байхад анхаарч ажиллахыг үүрэг болголоо

12 сар 4 2023 Дүүргийн шуурхай superadmin

Дүүргийн удирдах ажилтнуудын ээлжит шуурхай хуралдаан зохион байгуулагдлаа. Өмнөх хуралдаанаар Засаг даргаас 6 үүрэг даалгавар өгсөн нь 87,5 хувьтай хэрэгжжээ.

Багануур дүүрэг дэх Цагдаагийн хэлтэс хулгайн мал мах тээвэрлэлтээс урьдчилан сэргийлэх зорилгоор 2 постод 6 алба хаагчид үүрэг гүйцэтгэн ажиллаж байгаа бөгөөд өнгөрөгч 14 хоногт гэмт хэрэгт сэрдэгдсэн, оршин суугаа газраасаа алга болсон, эрэн сурвалжлагдаж байсан тээврийн хэрэгслийг олж тогтоожээ.

Дүүргийн хангагч болон төсөвт байгууллагуудын өвөлжилтийн бэлтгэл ажил 94,3 хувьтай байгаа ажээ. Тодруулбал дэд бүтцийн байгууллагууд 97,2%, төсөвт байгууллагууд 91,5% байна.

Статистикийн хэлтсийн дарга Д.Жаргалмаа: Мал тооллого 12 сарын 07-ны өдөр эхлэхтэй холбогдуулан хороодын Засаг дарга нар, гишүүд болон техник хэрэгслээр хангах үүрэг хүлээсэн байгууллагууд идэвхтэй оролцохыг анхаарууллаа.

Худалдааны төгсгөлд Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.

– 2023 оны жилийн эцэс болж байгаатай холбогдуулан санхүүгийн өр авлага гаргахгүй байхад анхаарч ажиллах,

– Хийж хэрэгжүүлсэн ажлаа иргэдэд сурталчлах зорилгоор салбар бүрийн тайлан өдөрлөгийг зохион байгуулах,

– Мал тооллогын ажлын сайтар зохион байгуулах

– Суурьшлын бүсээс мал бүхий иргэдийг гаргах ажлын талаар мэдээллийг холбогдох байгууллагад хүргүүлэх,

-Ерөнхий боловсролын сургуулиудад бүртгэлтэй байгаа хүүхдийн автобусыг Тээвэр зохицуулалтын албад шилжүүлэх асуудлыг яаралтай шийдвэрлэх,

-Цаг агаарын нөхцөл байдалтай холбогдуулж цас, мөс цэвэрлэгээг өндөр түвшинд зохион байгуулж ажиллах

– Муур, нохой устгалд анхаарч ажиллах

– Хариуцлагатай жижүүрийг томилж ажиллах

405310795_751838026981043_9212355294665487879_n

Жендэрт суурилсан хүчирхийлэлтэй тэмцэх аянд Багануур дүүрэг нэгдэж байна

12 сар 1 2023 Мэдээ мэдээлэл superadmin

Дэлхийн 180 гаруй улс жил бүрийн 11 дүгээр сарын 25-аас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг.

Энэхүү аяны зорилго нь хөвгүүд эрэгтэйчүүдийн оролцоог хангах замаар охид, эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, хэзээ ч “хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” хэмээн илэрхийлдэг.

Тус аяныг Монгол Улсад анх удаа 1997 оноос эхлэн зохион байгуулж эхэлсэн бөгөөд Жендэрийн үндэсний хороо нь 2017 оноос аливаа хүчирхийлэл, ялгаварлан гадуурхалт, түүнээс урьдчилан сэргийлэх зорилтын хүрээнд төрийн болон төрийн бус, Олон Улсын байгууллагуудыг идэвхийлэн санаачлан уриалж, тэмдэглэн өнгөрүүлж байна.

Энэ жил Олон Улсад “Охид эмэгтэйчүүдийн эсрэг хүчирхийллээс сэргийлэхэд хөрөнгө оруулъя” уриан дор, Монгол Улсад “ХҮНДЛЭЛ-ХАМГИЙН ТОД ГЭРЭЛ” уриан дор тэмдэглэн өнгөрүүлнэ.

405375083_2503265996519931_2551352337976724555_n

“Family Forum” хөтөлбөр зохион байгуулагдлаа

11 сар 30 2023 Мэдээ мэдээлэл superadmin

Багануур дүүргийн ЗДТГ-аас хэрэгжүүлж буй “ЭРҮҮЛ ХҮҮХЭД” төслийн хүрээнд Насан туршийн суралцахуйн төв, Тусгай олимпийн хороо, “Сайн найз”клубүүд хамтран “life coach” сургалтыг зохион байгууллаа. Сургалтаар “бяцхан тамирчин” хөтөлбөр, гэр бүлийн түүх, “Бочи” спортыг таниулах тэмцээн, “манлайлагч тамирчин” хөтөлбөрт сургалтууд зохион байгуулагдсан юм.

Тодруулбал ”БОЧИ” спорт нь оюуны бэрхшээлтэй хүүхэд залуучуудын эрүүл мэнд болон оюуны хөгжилд сайн дэмжлэг болохоос гадна, тэдний нийгмийн оролцоог сайжруулах, өөртөө итгэлтэй болоход нь туслах ач холбогдолтой.

405826918_750729577091888_4897586939697840381_n

Усанд сэлэлтийн тамирчдадаа баяр хүргэе

11 сар 29 2023 Мэдээ мэдээлэл superadmin

“Сэлэм загас” клубийн 10 жилийн ойн нэрэмжит Монголын усан спорт сонирхогчдын холбооны “С” зэрэглэлийн Усанд сэлэлтийн тэмцээн 2023 оны 11 сарын 26-27-ны өдрүүдэд Улаанбаатар хотноо зохион байгуулагдаж 30 клубийн 450 гаруй тамирчид хурд хүч, авхаалж самбаагаа сорин өрсөлдлөө. Тус тэмцээнд Багануур дүүргээс Засаг даргын дэргэдэх өсвөр үеийн усанд сэлэлтийн шигшээ багийн багш, дасгалжуулагч Ш.Харцагаар удирдуулсан 20 тамирчин, туслах багшаар багш, дасгалжуулагч Б.Намуунзаяа нар оролцоод ирсэн ба

Б.Тэмүүлэн

делфин сэлэлт 50м төрөлд алтан медаль

делфин сэлэлт 100м төрөлд алтан медаль

мэлхий сэлэлт 100м төрөлд мөнгөн медаль

өврөөр даллах сэлэлт 50м төрөлд мөнгөн медаль

Ө.Чинхүсэл

мэлхий сэлэлт 100м төрөлд мөнгөн медаль

мэлхий сэлэлт 50м төрөлд хүрэл медаль

Л.Ананд

мэлхий сэлэлт 50м төрөлд хүрэл медаль

делфин сэлэлт 50м төрөлд хүрэл медаль

Ч.Батхүсэл

мэлхий сэлэлт 100м төрөлд хүрэл медаль

Ү.Ариунболор

делфин сэлэлт 100м төрөлд хүрэл медаль тус хүртэн амжилт дүүрэн ирлээ. Баг тамирчдадаа баяр хүргэе.

тус

1 2 … 18 19 20 21 22 … 95 96

Global Title