Монгол улсын эрчим хүчний тулгуур уурхай Багануур ХК 2023 оны хөрөнгө оруулалтын төлөвлөгөөний дагуу Landcruiser-78 маркийн суудлын автомашин 2 ширхэг, Landcruiser-79 маркийн суудлын автомашин 2 ширхэг, 3,5-5 тн-ийн даацтай Sinotruck маркийн крантай машин 2 ширхэг, ZOOMLION маркийн 50 тонны даацтай автокран, 20 тонны багтаамжтай DONG FENG маркийн түлш цэнэглэгч зэрэг 8 машиныг өөрийн хөрөнгөөр худалдан авч, өчигдөр /2023.10.25/ албан ёсоор хүлээж авлаа.
Үйлчилгээний авто машины хэсэгт тусгай тоноглолтой, уул уурхайд зориулсан туулах чадвар сайтай машинуудаар техникийн шинэчлэл хийсэн нь ойрын жилүүдэд байгаагүй томоохон хөрөнгө оруулалт болов. Шинэ техникуудыг хүлээж авах ёслолын ажиллагаанд Багануур ХК-ийн удирдлагууд, хариуцан ажиллах хэлтэс, хэсгийн дарга инженерүүд оролцож хүндэтгэлийн тууз хайчиллаа.
Ёслолын ажиллагааны үеэр эдгээр шинэ машинуудыг хүлээн авч буй жолооч нарт итгэмжлэл, түлхүүрийг хадаг сүүний хамт гардуулан өглөө.
Жолооч нар машин техникийнхээ бүрэн бүтэн байдлыг хариуцаж, компанийнхаа үйлдвэрлэлийн үйл ажиллагааг тасралтгүй, найдвартай байлгахад өөрсдийн хувь нэмрээ оруулан ажиллахаа илэрхийлж байв.
Жилээс жилд өсөн нэмэгдэж байгаа эрчим хүчний хэрэглээ, цахилгаан станцуудын захиалгат нүүрсийг ханган ажиллахад эдгээр 8 машин, технологийн авто машинуудын адил ихээхэн хувь нэмэрээ өгөх хөрөнгө оруулалт юм.
Тухайн апплейкшн ашиглалтад орсноор нэг сувгаас бүхий л төрлийн мэдээ мэдээлэл, хаяг байршил зэргийг авах боломжтой болно. Энэхүү апплейкшний ажил программ хангамжийн явц дээрээ явагдаж байгаа юм.
Монгол Улсын Үндсэн хуулиар хүлээсэн журамт үүргээ биелүүлж, зарлан дуудах мэдэгдэл авсан цэргийн насны залуучууд хугацаат цэргийн албандаа идэвхтэй хамрагдана уу.
Багануур дүүрэг дэх Цагдаагийн хэлтсээс зохион байгуулагдаж буй арга хэмжээний талаарх мэдээллийг өгсөн юм. Өнгөрсөн 21 хоногийн хугацаанд тус хэлтэст нийт 115 дуудлага мэдээлэл бүртгэгдсэн бөгөөд үүнээс гэмт хэргийн шинжтэй 16, зөрчлийн шинжтэй 99 дуудлага бүртгэгджээ. Мөн улсын хэмжээнд “Илрүүлэлт, оргодол-2023”, “Та татгалз”, “Нууцлал” зэрэг нэгдсэн арга хэмжээ зохион байгуулагдсанаар тус хэлтсээс гэмт хэрэгт сэрдэгдсэн этгээд 12, оргодол 1, шүүхээс даалгасан иргэн 10, оршин суугаа газраасаа алга болсон 3 иргэнийг шуурхай олж тогтоон ажиллажээ.
ЭМТ-ийн дарга Д.Шинэбаяр: Дархлаажуулалтын ажил эхэлсэн байгаа бөгөөд иргэд харьяа өрхийн эрүүл мэндийн төвүүд дээр вакцинжуулалтад хамрагдах юм. Дархлаажуулалтын вакцинжуулалтад 2-5 насны хүүхдүүдийг эцэг эхээс зөвшөөрөл авсны үндсэн дээр цэцэрлэг дээр хамруулж байгаа аж. Цэцэрлэгт хамрагддаггүй бол харьяа өрхийн эрүүл мэндийн төв дээр дархлаажуулалтад хамрагдахыг энэ үеэр хэллээ.
Онцгой байдлын хэлтсийн дарга, Дэд Хурандаа Г.Батжаргал: Обьектын гал түймрийн, аврах ажиллагааны дуудлага тус тус нэг бүртгэгджээ. Нийслэлийн Засаг даргын нэрэмжит гамшгаас хамгаалах “Бэлэн байдлын үзлэг”-ийн үнэлгээг танилцуулж үзлэгээр илэрсэн нийтлэг зөрчил, ололттой талуудыг танилцуулсан юм.
Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.
