2025 оны 11 сарын 05
Нээлттэй ажлын байрСанал хүсэлт

Category : Мэдээ мэдээлэл

thumbnail 464340074_966860392145471_1954653737400245164_n464340074_966860392145471_1954653737400245164_n
Өсвөрийн 96 шатарчид оюун ухаанаа уралдуулж шилдгүүдээ тодрууллаа
October 24 2024 Мэдээ мэдээлэл
Нийслэлийн Засаг дарга бөгөөд Улаанбаатар хотын захирагчийн нэрэмжит өсвөрийн шатарчдын хоёрдугаар шат буюу дүүргийн аварга шалгаруулах “Их нүүдэл” тэмцээнийг Багануур дүүргийн ЗДТГ, Боловсролын хэлтэс, “Төр Монгол” шатрын клуб, Гүн галуутай сургууль хамтран зохион байгууллаа.
Энэ удаагийн тэмцээнд нэгдүгээр шат буюу сургуулийн аваргаас шалгарсан 1-12 дугаар ангийн 24 гишүүнтэй холимог багийн шилдэг 96 шатарчид оюун ухаанаа уралдааллаа.
Тэмцээний тэргүүн байр эзэлж “Цом” 500.000 төгрөгийн шагналаар Б.Ариунтуяа дасгалжуулагчтай Боловсрол сургуулийн баг тамирчид, дэд байр эзэлж “Цом” 400.000 төгрөгийн шагналаар Д.Ганхуяг дасгалжуулагчтай Гүн галуутай сургуулийн баг тамирчид шалгаран Нийслэлийн аварга шалгаруулах тэмцээнд оролцох эрхээ гардан авлаа.
Энэ сарын 28-ны өдөр зохион байгуулагдах Нийслэлийн аварга шалгаруулах шигшээ тэмцээнд оролцох баг тамирчдадаа амжилт хүсье.
thumbnail 464203261_966042605560583_1062918596743377145_n464203261_966042605560583_1062918596743377145_n
Өсвөрийн улсын аваргын тэмцээнд Багануурын 4 баг оролцож байна
October 23 2024 Мэдээ мэдээлэл
Монголын Волейболын холбооноос 10 сарын 21-27-ны өдрүүдэд 2024 оны Өсвөр үеийн улсын аварга шалгаруулах тэмцээнийг “Эерэг эрчим нэмье” уриан дор Буянт-Ухаа спорт цогцолборт зохион байгуулж байна.
Энэ удаагийн тэмцээнд хөвгүүдийн 99 баг, охидын 77 баг, нийт 176 багийн 2160 тамирчин, 350 гаруй дасгалжуулагч багш нар 7 хоногийн турш хурд хүч, авхаалж самбаагаа сорин өрсөлдөнө.
Багануур дүүргээс хөвгүүдийн 2, охидын 2 баг тус тэмцээнд оролцож байгаа юм.
Дүүргээ төлөөлж улсын аваргад оролцож буй өсвөрийн баг тамирчид, дасгалжуулагчдадаа амжилт хүсье.
thumbnail 464184706_965209028977274_5197406846283484268_n464184706_965209028977274_5197406846283484268_n
Smart education-4 дижитал танхим төсөлд шалгарсан Гүн галуутай сургууль танхимаа хүлээж авлаа
October 22 2024 Мэдээ мэдээлэл
Тэгш хүртээмжтэй боловсролыг хүүхэд бүрд хүргэх зорилгоор Мобиком групп нь 2023 онд алслагдсан сумд, хотын захын нийт 8 сургуульд иж бүрэн дижитал танхим тохижуулан өгч, 12,500 гаруй сурагч төслийн үр шимийг хүртжээ.
Төсөлд хамрагдсанаар сурагчдын сургалтын амжилтад онцгой сайн нөлөөлсөн үр дүн гарсан тул 2024 онд төслөө үргэлжлүүлж, дараагийн сургуулиуддаа дижитал танхимыг байгуулж байгаа аж.
Хамгийн сүүлийн үеийн цоо шинэ тоног төхөөрөмжүүд, өндөр хурдны интернэт бүхий иж бүрэн дижитал танхимтай болох 6 сургуулийг мобикомын 14,000 хэрэглэгчийнхээ саналд үндэслэн шалгаруулсан. “Smart Education 4” төслийн хүрээнд төсөлд хамрагдсан 6 сургуулийн нийт 50 хүүхдийг салбар, салбарын шилдэг 10 мэргэжилтэн хагас жилийн хугацаанд менторлох юм.
Ингэснээр сурагчид маань тохижуулан өгсөн дижитал ангийг хичээлийн хөтөлбөрөөс гадна хувь хүний хөгжил, карьер төлөвлөлтийн хүрээнд ашиглах боломж бүрдэж байгаа юм.
Гүн галуутай сургуулийг дэмжиж саналаа илгээсэн мобикомын хэрэглэгчдэдээ баярлалаа.
thumbnail 464032153_964523812379129_1120433522601352947_n464032153_964523812379129_1120433522601352947_n
Аж ахуйн нэгж байгууллагууд 50м доторх нийтийн эзэмшлийн зам, талбайн цасыг цэвэрлэх үүрэгтэй
October 21 2024 Мэдээ мэдээлэл
Дүүргийн хэмжээнд үйл ажиллагаа явуулж байгаа иргэн, аж ахуйн нэгж байгууллагууд 50 метр хүртэлх нийтийн эзэмшлийн зам талбайд цас цэвэрлэгээг хариуцаж ажиллах үүрэг хүлээдэг.
Энэ тухай “Хот тохижилт, цэвэрлэгээний талаар байгууллага, аж ахуйн нэгж, иргэдээс дагаж мөрдөх журам”-ын дагуу иргэн, аж ахуйн нэгж байгууллагууд өөрийн эзэмшил, ашиглалтад байгаа газар болон орчны 50 метр хүртэлх нийтийн эзэмшлийн зам талбайд ногоон байгууламж байгуулах, арчилгаа цэвэрлэгээг хариуцаж, өвлийн улиралд хүн томилж цас, мөсийг тухай бүрд нь арилгаж, халтиргаа гулгаа үүсгэлгүйгээр, иргэдийн тав тухтай амьдрах орчин нөхцөлийг бүрдүүлэх үүрэг хүлээсэн гэж заасан.
Хариуцсан 50 метр газрынхаа цас мөсийг цэвэрлээгүйгээс иргэд гэмтэж бэртсэн тохиолдолд тухайн аж ахуйн нэгжээс нэхэмжлэл хүсэх эрхтэй бөгөөд гэмтсэн иргэний эмчилгээний зардал, олох байсан орлого зэрэг бүх нөхөн төлбөрийг тухайн аж ахуйн нэгж хариуцах юм. Мөн “Иргэн хуулийн этгээдэд газар эзэмшүүлэх гэрээ”-нд заасны дагуу газар эзэмших эрхийг нь цуцална гэж заасан байдаг.
Иймд иргэн, аж ахуйн нэгж, байгууллагуудыг гадна орчны 50 метр доторх нийтийн эзэмшлийн зам, талбайн цасаа цэвэрлэхийг уриалж байна.
thumbnail 464018003_963999512431559_6988317507248019548_n464018003_963999512431559_6988317507248019548_n
Багануур Raids клубийн баг тамирчдад баяр хүргэе
October 20 2024 Мэдээ мэдээлэл
“Багануур ХК” Уурхайчин спорт цогцолборын дэргэдэх Raids клубийн өсвөрийн шигшээ баг тамирчид Улсын аварга шалгаруулах Сагсан бөмбөгийн тэмцээний U12 насны ангилалд аваргын Алтан медаль, цомын эзэд боллоо.
Мөн шилдэг дасгалжуулагчаар Т.Билгүүнбаатар, шилдэг төвийн тоглогчоор Б.Ариунгоо, шилдэг довтлогчоор М.Мөнхдөлгөөн, шилдэгийн шилдэг тоглогчоор М.Эрхэмбилэг нар шалгарчээ. Тус багийн дасгалжуулагч болон тамирчдад баяр хүргэе.
thumbnail 463720508_962352699262907_7092303390716025473_n463720508_962352699262907_7092303390716025473_n
Багануур дүүргийн Засаг даргаар С.Даваасүрэнг улираан томиллоо
October 18 2024 Мэдээ мэдээлэл
Багануур дүүргийн Иргэдийн Төлөөлөгчдийн хурлын анхдугаар хуралдаан өчигдөр болж, дүүргийн Засаг даргаар Сумьяагийн Даваасүрэнг төлөөлөгчдийн 68 хувийн саналаар улираан ажиллуулахаар нэр дэвшүүлж, нийслэлийн Засаг даргад саналыг хүргүүлэхээр шийдвэрлэсэн билээ.
Өнөөдөр нийслэлийн Засаг дарга бөгөөд Улаанбаатар хотын захирагч Х.Нямбаатарт төлөөлөгчдийн гаргасан саналыг өргөн барьснаар 2024 оны 10 сарын 17-ны өдрийн Б/140 дүгээр захирамжаар Багануур дүүргийн Засаг даргаар томиллоо.
thumbnail 463897063_984387490400020_6366067908814374492_n463897063_984387490400020_6366067908814374492_n
Дүүргийн Иргэдийн Төлөөлөгчдийн анхдугаар хуралдаан боллоо
October 17 2024 Мэдээ мэдээлэл
Багануур дүүргийн 9 дэх удаагийн Иргэдийн Төлөөлөгчдийн Хурлын анхдугаар хуралдаанаар МАН болон АН-ын бүлэг байгуулагдаж, МАН-ын бүлгийн даргаар төлөөлөгч Ж.Мөнхцэцэг, АН-ын бүлгийн даргаар төлөөлөгч Б.Батням нар томилогдлоо.
Хуралдаанаар П.Төгөлдөр 13 төлөөлөгч буюу 52 хувийн саналаар Иргэдийн Төлөөлөгчдийн Хурлын даргаар сонгогдсон бол дүүргийн Засаг даргад нэр дэвшүүлэх асуудлыг хэлэлцэж, Засаг даргаар ажиллаж буй С.Даваасүрэнг улираан томилохоор нэр дэвшүүлж 17 төлөөлөгч буюу 68 хувийн саналаар Нийслэлийн Засаг дарга бөгөөд Улаанбаатар хотын захирагч Х.Нямбаатарт саналыг уламжлахаар боллоо.
thumbnail 11111111
Хээрийн болон гудамж, зам талбайн бүх нийтийн их цэвэрлэгээг зохион байгуулахыг чиглэл болголоо
October 15 2024 Дүүргийн шуурхай
Удирдах ажилтнуудын шуурхай хуралдаанаар дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо. Үүнд:
-2025 онд замын сангийн хөрөнгөөр хийгдэх авто замын ажлууд болон хорооллын дундах авто замын засвар шинэчлэл хийх саналаа Замын хөгжлийн газарт хүргүүлж, ирүүлсэн саналын дагуу байршил тус бүрээр газар дээр нь явж үзэх
-Цаашид хот тохижилтын аж ахуйн нэгж байгууллагуудтай хамтран ажиллах санал ирүүлж, дахин шинээр сонгон сонгон шалгаруулалт зохион байгуулах
-Давс,бодисын нөөц бүрдүүлэх ажлыг шуурхай зохион байгуулж, хот тохижилтын компаниудынхаа машин техник, бэлэн байдлыг сайтар хангуулж, засвар үйлчилгээг хийлгүүлэх
-Хот тохижилтын машин механизмуудыг хүлээж авах ажлыг яаралтай зохион байгуулах
-Хээрийн болон гудамж, зам талбайн бүх нийтийн их цэвэрлэгээг зохион байгуулах
-Өвөлжилтийн бэлтгэл ажлаа хангаж ажиллах
thumbnail 462916666_959165829581594_2773352393184799652_n462916666_959165829581594_2773352393184799652_n
Автозамын засварыг дүүргээс хүлээж авах боломжгүй талаар мэдэгдэл хүргүүллээ
October 14 2024 Мэдээ мэдээлэл
Нийслэлийн үнэт цаасны хөрөнгө оруулалтаар МТ шатахуун түгээх станцаас Холбооны 4 замын уулзвар хүртэлх 0,600 км авто замын засварын ажлын тендер сонгон шалгаруулалт нийслэлийн худалдан авах ажиллагааны албанд зарлагдаж гүйцэтгэгчээр “Эс эл сити ХХК” шалгарч 2024.09.20-оос 11 сарын 20-ний өдрийг хүртэл гэрээ байгуулан захиалагчийн хяналтыг нийслэлийн Замын хөгжлийн газар хийсэн.
Тус ЭС ЭЛ СИТИ ХХК нь авто замын стандартын шаардлага хангаагүй ажлыг хийж гүйцэтгэсэн бөгөөд дүүргийн зүгээс ашиглалтад хүлээж авах боломжгүй талаар мэдэгдлийг нийслэлийн Замын хөгжлийн газарт хүргүүлж, дахин засварлуулахаар хугацаатай үүрэг даалгаврыг өгөөд байна.
thumbnail 462840589_958264253005085_3642925825832474885_n462840589_958264253005085_3642925825832474885_n
Иргэдийн спортын наадмын 11 удаагийн шигшээ тэмцээнд дүүргийн 800 гаруй тамирчид оролцжээ
October 13 2024 Мэдээ мэдээлэл
Монгол Улсад Биеийн тамир, спортын салбар үүсэж хөгжсөний 100 жилийн ойн хүрээнд Нийслэлийн иргэдийн спортын XII наадмын дүүргийн аварга шалгаруулах тэмцээнийг үе шаттайгаар зохион байгуулж байна.
 Явган аялал, олс таталт, софт волейбол, волейбол, сагсан бөмбөгийн тэмцээнүүд зохион байгуулагдаж аваргуудаа тодруулсан бол өнөөдөр хийн дасгал, аэробикийн төрлүүдээр үргэлжилж мөн нээлтийн үйл ажиллагаа болсон юм. Нээлтийн үеэр Биеийн тамир, спортын улсын хорооны “Жуух бичиг”ээр Л.Сэндэнпүрэв шагнагдлаа.
Тус наадмын төрлүүд болох дартс 10 сарын 26, ширээний шагай 10 сарын 27-ны өдрүүдэд зохион байгуулагдана.
Дүүргийн аварга шалгаруулах тэмцээний 1-р байр эзэлсэн баг тамирчид 11 сарын 7-10-ны өдрүүдэд болох Нийслэлийн иргэдийн спортын XII наадмын шигшээ тэмцээнд дүүргээ төлөөлөн оролцоно.
Ташрамд дурдахад Багануур дүүргийн иргэд Нийслэлийн иргэдийн спортын наадамд 2012 оноос хойш жил бүр оролцож байгаа бөгөөд нийт 11 удаагийн наадамд 843 иргэд амжилттай оролцож 436 медаль хүртэж байжээ.
Мөн дүүргийн нэгдсэн дүнгээр 9 дүүргээс 2013 онд 1-р байр, 2018 онд 2 дугаар байр тус тус эзэлж байсан юм.
1 2 … 7 8 9 10 11 … 61 62