2026 оны 03 сарын 25
Нээлттэй ажлын байрСанал хүсэлт

Category : Мэдээ мэдээлэл

thumbnail 453489553_905998101565034_2944851097838174777_n453489553_905998101565034_2944851097838174777_n
Цэцэрлэгт хүрээлэнд нийтийн ариун цэврийн байгууламж хийгдэж байна
August 1 2024 Мэдээ мэдээлэл
Дүүргийн төсвийн хөрөнгө оруулалтаар ЗДТГ-ын арын Цэцэрлэгт хүрээлэнгийн нийтийн ариун цэврийн байгууламжийн ажлыг “Хүрэн жинсний овоо” ХХК хийж гүйцэтгэж байгаа бөгөөд өнөөдрийн байдлаар дотор засварын ажил бүрэн хийгдэж дууссан.
Харин ариун цэврийн байгууламжийн ус, дулааны шугамын холболтын ажлыг хийснээр ашиглалтад орох бүрэн боломжтой болно.
thumbnail 453309138_905288821635962_7300458167853582787_n453309138_905288821635962_7300458167853582787_n
Иргэний шилжилт хөдөлгөөнийг 08 сарын 12-ны өдрөөс эхлэн зогсооно
July 31 2024 Мэдээ мэдээлэл
Аймаг, нийслэл, сум, дүүргийн Иргэдийн Төлөөлөгчдийн Хурлын 2024 оны ээлжит сонгуулийн сонгогчдын нэрийн жагсаалтыг Улсын бүртгэлийн ерөнхий газрын https://election.burtgel.gov.mn/ цахим санд байршуулсан.
✍Сонгогч та сонгогчдын нэрийн жагсаалтад бүртгэгдсэн эсэхээ https://election.burtgel.gov.mn/ холбоосоор нэвтэрч шалгана уу.
thumbnail 453253538_904121561752688_1463346351465447299_n453253538_904121561752688_1463346351465447299_n
Сэрэмжлүүлэг
July 29 2024 Мэдээ мэдээлэл
Энэ сарын байдлаар дүүргийн Онцгой байдлын хэлтэст могойн 4 удаагийн /Мэлз зуслан, 2-р хороо, Дэлүүн болдог дэлгүүр/ дуудлага ирсэн бөгөөд могой нь ногоон байгууламж, айлын хашаа, хүүхдийн зуслан зэрэг хүнтэй ойр газруудад байгаа тул иргэд сонор сэрэмжтэй байхыг анхааруулж байна.
Бамбай хоншоорт могой нь хортой могой бөгөөд хур бороо ихтэй үед үерийн усаар дамжих, мөн аялал зугаалгаар явсан иргэдийн тээврийн хэрэгслээр дамжин могой орж ирэх тохиолдол байгаа юм.
Хэрэв та энэхүү могойтой таарвал дараах мэргэжлийн байгууллагад хандан мэдээлэл өгөөрэй.
📞7021-101
thumbnail 452353035_900745985423579_5196969461451956073_n452353035_900745985423579_5196969461451956073_n
Бороо орохгүй бол автозамын ажлыг 10 хоногийн дотор гүйцэтгэнэ
July 24 2024 Мэдээ мэдээлэл
Иргэдийн ихээр зорчдог Эрүүл мэндийн төвийн уулзвараас Соронз дэлгүүрийн уулзвар хүртэлх 650м автозам нүхэн эвдрэл ихтэйгээс жолооч нарын бухимдлыг төрүүлж байсан.
Тухайн автозамын их засварын ажлыг нийслэлийн автозамын сангийн хөрөнгөд тусгаж, тендэр 2 удаа зарлагдан гүйцэтгэгчээр “Багануур АЗЗА” ТӨХК шалгарч, 500 сая төгрөгөөр гүйцэтгэх гэрээг байгуулсан байна.
Дүүргийн Засаг дарга С.Даваасүрэн ажлыг яаралтай эхлүүлж, богино хугацаанд чанартай гүйцэтгэх чиглэлийг компанийн удирдлагуудад тавьсан.
Энэ дагуу ажил өчигдрөөс замын эвдэрч муудсан бродюр шинэчлэх ажил эхэллээ. Компанийн удирдлагуудын зүгээс бороо орохгүй бол бид ажлаа богино хугацаанд гүйцэтгэхэд анхаарч ажиллана гэдгээ илэрхийллээ.
Иргэд, жолооч та бүхэн автозамын их засвар хийгдэж байгаа замаар зорчихгүй байхад анхаарна уу.
thumbnail 452448958_900220085476169_5071489774175370259_n452448958_900220085476169_5071489774175370259_n
Өвөлжилтийн бэлтгэл ажлыг одооноос сайтар хангаж ажиллахыг чиглэл болголоо
July 23 2024 Дүүргийн шуурхай
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 8 үүрэг даалгаврын хэрэгжилтийг ЗДТГазрын дарга П.Баттүшиг танилцууллаа.
Багануур дүүргийн Онцгой байдлын хэлтэст өнгөрсөн 14 хоногийн хугацаанд иргэдийг гол, мөрний орчимд амрах, зугаалах үедээ бага насны хүүхдэд тавих хараа хяналтыг сайжруулах, иргэдийн сонор сэрэмжийг дээшлүүлэх, усанд осолдохоос урьдчилан сэргийлэх зорилгоор урьдчилан сэргийлэх ажлыг зохион байгуулан гол, усны ослоос урьдчилан сэргийлэх, сэрэмжлүүлэг зөвлөмж өгч завьт болон хөдөлгөөнт эргүүлийг зохион байгуулан ажиллажээ.
Аялал, зугаалгын энэ өдрүүдэд зам тээврийн ослын тоо ихсэх өндөр эрсдэлтэй тул автозамын хяналт шалгалтыг өдөр бүр зохион байгуулж байгаа талаар Дүүргийн Цагдаагийн хэлтсээс мэдээллээ. Иймд иргэд та бүхнийг хөдөө орон нутгийн замд хурд хэтрүүлэхгүй байх, согтуугаар болон хэт ядарсан үедээ тээврийн хэрэгсэл жолоодохгүй байх, замын хөдөлгөөнд оролцохдоо соёлтой оролцохыг уриаллаа.
Дүүргийн Засаг даргаас ирэх 14 хоногт дараах ажлуудыг хийж гүйцэтгэхийг үүрэг болголоо.
-Өвөлжилтийн бэлтгэл ажлыг хангаж ажиллах, өвөлжилтийн үед хүндрэл үүсэж болзошгүй сургууль цэцэрлэгийн таларх мэдээллүүдийг нэгтгэж авах
-Инженерийн шугам сүлжээний засвар шинэчлэлтийн ажлыг хугацаанд нь чанартай хийж дуусгаж, газар шорооны нөхөн сэргээлтийн ажлуудаа зохион байгуулж ажиллах
-Газрын дуудлага худалдааг яаралтай зохион байгуулж дуусгах
-2024 оны нийслэлийн төсвийн тодотголын саналуудыг бэлтгэн холбогдох хэлтэст хүргүүлэх
-Дүүрэгт уяачдын холбоо шинээр байгуулагдсантай холбогдуулан ирэх сарын 3-ны өдөр гурван насны хурдан моридын уралдаан зохион байгуулагдана. Үүнтэй холбоотойгоор Хурдан морины уралдаан зохион байгуулах комиссын төслийг боловсруулж, захирамжийг гаргах
-ЭМТөвөөс Соронзын уулзвар хүртэлх автозам засварын ажлыг яаралтай хийж дуусгах, бусад зам засварын ажлуудын явцад анхаарах
-Орон сууцны фасад засварын ажлыг эрчимжүүлэх, 84,86-р байрны фасад засварыг эхлүүлэх
-3-р хорооны ажлын албаны ард байрлах 40 автомашины гараашийн эзэмшигч нартай уулзалтыг зохион байгуулж, иргэдээс хөрөнгийг гаргаж засварлах ажлыг зохион байгуулах
-Нийслэлийн төсвийн тодотголд өвөлжилтийн бэлтгэлтэй холбоотой болон цаг үеийн яаралтай шийдвэрлэх шаардлагатай хөрөнгө оруулалтын ажлын саналуудыг нэгтгэн хүргүүлэх
-Үер усны аюулаас урьдчилан сэргийлэх ажлын хүрээнд борооны дараа суваг шуудууны үзлэгийг хийж, цэвэрлэгээ үйлчилгээг тогтмол зохион байгуулах
-Дүүргийн теле камерийн хяналтын дэд төвийн угсралт суурилуулалтын ажлыг яаралтай эхлүүлэх
thumbnail 452531104_899622798869231_2129385792065988180_n452531104_899622798869231_2129385792065988180_n
Голууд үерийн аюултай түвшин давах төлөвтэй байна
July 22 2024 Мэдээ мэдээлэл
7 дугаар сарын 22-ны өдрийн байдлаар Хэнтий нурууны баруун хажуугаас усжих Тэрэлж голын усны түвшин 117 см нэмэгдэж, Үүр гол үерийн аюултай түвшинг 105 см, Тэрэлж гол үерийн түвшинг 55 см даван тус тус хүчтэй үерлэж байна.
Түүнчлэн Хөвсгөлийн уулсаас эхтэй Эг, Шишхэд, Хэнтий нурууны баруун хажуугийн Хараа, Туул, Сөгнөгөр, зүүн хажуугийн Эг, Хурх, Хэрлэн, Хангай нурууны арын Идэр, өврийн Богд зэрэг голуудын усны түвшин өмнөх өдрөөс 10-65 см нэмэгдэж, Туул /Босгийн гүүр-Лүн-Заамар/, Хэрлэн /Мөнгөнморьт-Өндөрхаан-Чойбалсан/ гол үерийн түвшинг 10-20 см давсан байдалтай байна.
Маргааш буюу 7 дугаар сарын 23-нд Туул гол Улаанбаатар хот орчимд усны түвшин 105 см нэмэгдэж, үерийн аюултай түвшинг 30 см, Хэрлэн гол Багануур дүүрэг орчимд 25 см нэмэгдэж, үерийн түвшинг 5 см даван үерлэх хандлагатай байгаа тул дээрх голуудын эрэг хөвөө дагуу суурьшиж буй ард иргэд, аж ахуйн нэгж байгууллага, аялаж амарч яваа ард иргэдийг үерийн аюулаас сэрэмжтэй байхыг онцгойлон анхааруулж байна.
thumbnail 452140686_898881025610075_8791875858292059408_n452140686_898881025610075_8791875858292059408_n
Иргэд, тээвэрчид, аялагчдын анхааралд
July 21 2024 Мэдээ мэдээлэл
Өнөөдөр Улаанбаатар хот болон нутгийн зүүн хагаст усархаг бороо, дуу цахилгаантай аадар бороо орох тул үер ус, мөндөр, нөөлөг салхи, аянга цахилгааны аюулаас сэрэмжтэй байхыг цаг уурын байгууллагаас анхааруулж байна.
-Туул, Тэрэлж, Хэрлэн, Сэлбэ голуудын усны түвшин нэмэгдэж байгаа тул голын усанд орохгүй байх
-Голын эрэг, салаа бэлчирт майхан, автомашинтай байрлахгүй байх,
-Голын ус гатлахгүй байх баталгаат зам, гүүр, гарамаар зорчих,
-Бага насны хүүхдэд анхаарал тавьж сонор сэрэмжтэй байх
-Амралт, аялал зугаалгаар орон нутагт зорчихдоо мэргэжлийн байгууллагуудын өгч байгаа сэрэмжлүүлэг зөвлөмжийг хүлээн авч өөрсдийн аюулгүй байдлыг ханган үер, усны ослоос урьдчилан сэргийлэхийг зөвлөж байна.
thumbnail 451965284_898357572329087_2026828876206708543_n451965284_898357572329087_2026828876206708543_n
Баг тамирчдад баяр хүргэе
July 20 2024 Мэдээ мэдээлэл
Энэ сарын 17-ны өдөр Хятадын Чиндоу хотыг зорьсон Special Olympics Mongolia сагсан бөмбөгийн 3х3 багийн тамирчид 3 өдрийн хугацаанд ачаалалтай өрсөлдөөнтэй тоглолтуудыг хийж Тусгай Олимпын Зүүн Азийн Бүсийн тэмцээнд МӨНГӨН медалийн эзэд боллоо.Тус багт Багануур дүүргээс А.Энэрэл, А. Лхагвадаш нар оролцсон юм.
Тэдний хувьд өнгөрсөн 4-р сараас хойш тус тэмцээнд бэлдэж бэлтгэлээ хийж байжээ.
Тэмцээнд амжилт гаргаж оролцсон баг тамирчид, багш дасгалжуулагчдад баяр хүргэе.
thumbnail 451842294_897877475710430_8048696667489903857_n451842294_897877475710430_8048696667489903857_n
“Багануур сувилал” ХХК үүсэн байгуулагдсаны түүхт 40 жилийн ой тохиож байна
July 19 2024 Мэдээ мэдээлэл
Одоогоос 40 жилийн өмнө буюу 1984 онд Багануур хот дахь “Профилактори сувилал”-ыг “Үйлдвэрчний эвлэлийн Багануур профилактори сувилал” нэртэйгээр үүсгэн байгуулагдаж байсан ба 2000 онд эмийн бус эмчилгээ сувилал, нийтийн хоол, хүнсний үйлдвэрлэл, зочид буудал, туслах аж ахуйн чиглэлээр үйл ажиллагаа явуулах “Багануур-Сувилал” ХХК болон өөрчлөгдөж байсан түүхтэй.
Өнөөдөр тус байгууллагын хамт олон 40 жилийн ойгоо тэмдэглэн өнгөрүүлж байна. Ойн баярын хуралд УИХ-ын гишүүн Ц.Сандаг-Очир, дүүргийн Засаг дарга С.Даваасүрэн, Багануур ХК-ийн Гүйцэтгэх захирал Д.Түвшинжаргал, Багануур сувилал ХХК-ийн ТУЗ-ийн дарга асан, МУ-ын Гавьяат уурхайчин Д.Дамбапэлжээ, Багануур сувилал ХХК-ийн Гүйцэтгэх захирал асан Б.Батболд болон бусад албаны төлөөллүүд оролцлоо.
Түүхт 40 жилийн ойн энэ өдөр үр бүтээлтэй, бусдыгаа манлайлан ажилласан ажилтан, албан хаагчдыг төрийн дээд одон медаль болон салбарын шагналаар шагнаж урамшууллаа.
Ташрамд дурдахад өнөөгийн “Багануур сувилал” ХХК нь сувиллын тусламж үйлчилгээ, сувилал зоог, уурхайчин зоог, нарийн боов үйлдвэрлэл, зочид буудал, угаалгын үйлчилгээ, туслах аж ахуй, зуны саам сувиллын чиглэлээр үйл ажиллагаагаа явуулж байгаа юм.
Мөн 2008 оноос эхлэн 5 удаа магадлан итгэмжлэгдэж, иргэдэд эрүүл мэндийн даатгалын сангийн болон үйлдвэрлэлийн осол, мэргэжлээс шалтгаалах өвчний даатгалын сангийн хөнгөлөлт, ахмад настны халамжийн сангийн хөнгөлөлтөд хамруулснаар нийслэл, аймаг, орон нутаг бүрээс зорин ирж, эмчлүүлэн сувилуулах иргэдийн тоо жилээс жилд нэмэгдсээр байгаа юм.
Хүн ардынхаа эрүүл энхийг сахин хамгаалах, үе үеийн уурхайчид, сувилуулагчдадаа амтат хоол, идээ ундаагаар үйлчлэн ирсэн Багануур сувиллаар овоглосон та бүхэнд түүхт 40 жилийн баярын мэндийг хүргэе.
thumbnail 451580048_897050429126468_2649802347212931571_n451580048_897050429126468_2649802347212931571_n
Гэр хороолол хэсэгт 720 ширхэг гэрэлтүүлэг нэмэгдэнэ
July 19 2024 Мэдээ мэдээлэл
Нийслэлийн төсвийн хөрөнгө оруулалтаар гэр хороолол хэсэгт нийт 720 ширхэг гэрэлтүүлгийг нэмэгдүүлэхээр ажиллаж байна. Өнөөдрийн байдлаар 300 ширхэг гэрлийн шон үйлдвэрлэж, Их гүн хэсэгт 100 орчим гэрлийн шон суулгах ажлыг хийгээд байна.
Гэрлийн шон угсралтын ажил 50 хувийн гүйцэтгэлтэй байгаа бөгөөд бүх гэрлийн шонг үйлдвэрлэж дууссаны дараа Их гүн, Талын толгой, Тогос-Уул, Хэрлэн, Нугын тал хэсгүүдэд гэрлийн шонг суулгаж угсрах, цахилгааны холболтууд тус тус хийгдэнэ.
1 2 … 10 11 12 13 14 … 61 62