superadmin, Author at Багануур

435924892_830452729119572_4003290789024121967_n

Гар зургийн уралдаан зарлалаа

4 сар 8 2024 Мэдээ мэдээлэл superadmin

Монголын татварын албанаас 2024 оны “Татвар төлөгчдийн өдрүүд”-ийг угтан ирээдүйн татвар төлөгч хүүхэд багачуудын татварын тухай мэдлэг, боловсролыг дээшлүүлэх зорилгоор 2024 оны 04 дүгээр сарын 01-ны өдрөөс 04 дүгээр сарын 25-ны өдрийг дуустал ерөнхий боловсролын сургуулийн сурагчдын дунд бага анги 1-5 дугаар анги, дунд анги 6-9 дүгээр анги, ахлах анги 10-12 дугаар анги гэсэн 3 насны ангилалаар “Татварын хөгжлийн үндэс” сэдвийн хүрээнд гар зургийн уралдаан зарлаж байна.

Шалгарсан 1 бүтээлийг 2024.04.27-ны өдрийн дотор ТЕГ-ын Татвар төлөгчид үйлчлэх газарт хүргүүлнэ.

Шагнал урамшуулал:

1-р байр 200,000 төгрөг

2-р байр 150,000 төгрөг

3-р байр 100,000 төгрөг

Холбоо барих : 70213343

435271861_828557209309124_7540591087898363665_n

Сонгогч иргэн өөрийн хаяг мэдээлэлтэй танилцаж, шалгах боломжтой

4 сар 4 2024 Мэдээ мэдээлэл superadmin

Монгол Улсын Их Хурлын сонгуулийн тухай хуулийн 20.4 дэх хэсэгт “Улсын бүртгэлийн асуудал эрхэлсэн төрийн захиргааны байгууллага сонгогчдын нэрийн жагсаалтад байгаа сонгуулийн эрх бүхий иргэний эцэг /эх/-ийн болон өөрийн нэр, нас, хүйс, иргэний бүртгэлийн дугаар, байнга оршин суугаа газрын хаягийн бүртгэлийн мэдээллийг аймаг, сум, баг, нийслэл, дүүрэг, хороогоор болон хэсэг нэг бүрээр нэгтгэн гаргах бөгөөд уг жагсаалтыг ээлжит сонгуулийн жилийн 04 дүгээр сарын 01-ний өдрөөс эхэлж, сонгууль дуустал өөрийн цахим хуудсанд байршуулна” гэж заасан.

Иймд сонгогч та бүхэн хуулийн хугацаанд байршуулсан сонгогчдын нэрийн жагсаалттай танилцаж, бүртгэлийн мэдээллээ нягтлан шалгана уу.

432499324_377880798422196_1037208783648573091_n

БААН-үүд ойр орчмын 50м талбайг болон хаврын их цэвэрлэгээг зохион байгуулж ажиллахыг үүрэг болголоо

4 сар 2 2024 Дүүргийн шуурхай superadmin

Дүүргийн удирдах ажилтнуудын ээлжит шуурхай хуралдаан зохион байгуулагдлаа. Өмнөх хуралдаанаар дүүргийн Засаг даргаас 8 үүрэг даалгавар өгсөн нь 75 хувьтай хэрэгжжээ.

Багануур дүүргийн Цагдаагийн хэлтэс өнгөрсөн 14 хоногийн хугацаанд дүүргийн хэмжээнд замын хөдөлгөөний аюулгүй байдлын чиглэлээр хяналт шалгалтыг үргэлжлүүлэн зохион байгуулж ажилласан бөгөөд хяналт шалгалтаар замын хөдөлгөөний аюулгүй байдлын тухай хууль зөрчин согтуугаар тээврийн хэрэгсэл жолоодсон зөрчил 27 илрүүлсэн бол давтан согтуугаар тээврийн хэрэгсэл жолоодсон 5 зөрчил нь гэмт хэргийн шинжтэй тул эрүүгийн хэргээр шалгагдаж байгаа юм.

Онцгой байдлын хэлтэст өнгөрөгч 14 хоногийн хугацаанд нийт 4 дуудлага мэдээлэл бүртгэгдсэнээс аврах ажиллагааны хоёр, шар усны үерийн хоёр дуудлага бүртгэгдэж нийт 8 иргэний амь насыг авран хамгаалжээ.

Статистикийн хэлтсийн дарга Д.Жаргалмаа: Төрийн албан хаагчийн үндэсний бичгийн мэдлэгийг тодорхойлох судалгааг 04 сарын 02-ны өдрөөс 04 сарын 18-ны өдрийн хооронд цахим хуудсанд суурилсан асуулгаар зохион байгуулах ажлын мэдээллийг хүргэлээ.

ИТХ-ын ажлын албаны дарга Г.Гансэлэм: Иргэдийн Төлөөлөгчдийн Хурлын ээлжит бус 29 дүгээр хуралдаан 2024.03.26-ны өдөр хуралдаж хуралдаанаар Дүүргийн 2024 оны төсөвт нэмэлт өөрчлөлт оруулах тухай, Алдарт эх I,II одонд уламжлах тухай, Сонгуулийн сурталчилгааны самбар байршуулах байршил тогтоох тухай хэлэлцсэнийг танилцуулж, мэдээлэл хүргэлээ.

Хуралдааны төгсгөлд Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.

-Худалдан авах ажиллагааг зохион байгуулахад шаардлагатай техникийн тодорхойлолт, техник эдийн засгийн үндэслэл, зураг төсөв, ажлын даалгавар, худалдан авах ажиллагааг зохион байгуулах байгууллагуудад хүргүүлж ажлаа эрчимжүүлж ажиллах

– Он дамжин хэрэгжсэн хөрөнгө оруулалтын ажлыг 04 сарын 05-ны өдрөөс эхлүүлж, гэрээний хэрэгжилтийг хангаж, албан бичиг хүргүүлж, гүйцэтгэлийг яаралтай эхлүүлэх

– 2024 оны тохижилтын ажлын төлөвлөгөө батлагдсантай холбоотойгоор байгууллагуудын хэрэгжилтийг хангаж, уялдаа холбоо хангаж ажиллах

– Өргөдөл, гомдлын хариуг иргэдэд албан бичгээр хүргэж ажиллах

– Авто тээвэр өөрөө явагч хэрэгслийн албан татвар, авто зам ашигласны төлбөр хэрэгслийн хураамжийг зохион байгуулах, авто оношилгоо, үзлэгийг хуваарийн дагуу зохион байгуулах

– Хаврын их цэвэрлэгээ, БААН-үүдийн ойр орчмын 50м хүртэлх талбайг 04 сарын 08-наас 04 сарын 15-ны өдрийг хүртэлх хугацаанд зохион байгуулах

– Ил задгай худалдаа үйлчилгээг цэгцлэх ажлыг зохион байгуулах

– Эвдэрч гэмтсэн зам талбай болон явган хүний замын тооцооллыг гаргах

– Хүүхэд, багачуудын чөлөөт цагаа зөв боловсон өнгөрүүлэх зорилгоор ЕБС-ын спорт заал болон бусад спортын талбайг нээлттэй болгох

– Зам тээврийн осолд өртөхөөс урьдчилан сэргийлэх чиглэлээр хөтөлбөр, уриалга гаргаж ажиллах

434197733_825560446275467_1304894428718080826_n

Дүүргийн Онцгой байдлын хэлтэст туулах чадвар сайтай автомашин хүлээлгэн өглөө

4 сар 1 2024 Мэдээ мэдээлэл superadmin

Монгол Улсын Шадар сайд, УИХ-ын гишүүн С.Амарсайхан, Ц.Сандаг-Очир нар Багануур дүүргийн Онцгой байдлын хэлтэст ажиллалаа.

Засгийн газар, УОК-оос хаваржилтын хүндрэлийг хохирол багатай даван туулах зорилгын хүрээнд хөдөө орон нутгийн шаардлагатай албан газруудын парк шинэчлэлийг иж бүрэн хийхээр хөрөнгийг нь шийдвэрлэсэн. Үүний хүрээнд Багануур дүүргийн Онцгой байдлын хэлтэст туулах чадвар сайтай, бүрэн тоноглосон Toyota Land qruiser 76 загварын автомашиныг хүлээлгэн өглөө.

Дашрамд дурдахад 2020 оноос хойш Багануур дүүргийн Онцгой байдлын хэлтсийн парк шинэчлэлд зориулж туулах чадвар сайтай 3 автомашиныг шийдвэрлэж, олгоод байгаа юм.

Энэ үеэр УИХ-ын гишүүн С.Амарсайхан, Ц.Сандаг-Очир нар тус хэлтсийн алба хаагчидтай уулзаж, санал хүсэлтийг сонслоо.

433440438_823076279857217_989652137343585415_n

Шар усны үерээс урьдчилан сэргийлэх ажлууд үргэлжлэн хийгдэж байна

3 сар 29 2024 Мэдээ мэдээлэл superadmin

Энэ сарын 23-25-ны өдрүүдэд ЗДТГ-ын ТНААХ, Онцгой байдлын хэлтэс, Багануур тохижилт ААТҮГ, Багануур-Ус ААТҮГ-ын 17 албан хаагч 2 техникээр дараах байршлуудад шар усны үерээс урьдчилан сэргийлэх арга хэмжээг авч ажиллалаа.

1, 3, 4-р хорооны Хуцаагийн 4-3, 4 тоот, Жаргалантын 7-р гудамж, Байдлагийн 2-8 тоот, Байдлагийн 24-8, Тогос-Уулын 12-р гудамж, Талын толгой 2-6 тоотын хашаанд болон гудамжинд тогтсон шар усыг нийт 8 удаагийн рейсээр 75 тн ус соруулж зайлуулсан.

Галуут-43 тоот, Хэрлэнгийн 12, 13-р гудамжны зүүн талд 50 метр шороон далан гаргасан.

Тогос-Уул хэсгийн арын сэтэлсэн даланг битүүлж шороо асгасан.

5-р хорооны Нарийн, Бага гүн, Их гүн, Наран хэсгийн авто замын доогуурх болон гудамжны дундах шуудууны бөглөөсийг гаргаж, хогийг цэвэрлэж ус нэвтрүүлэх чадварыг нэмэгдүүллээ.

433610516_824272603070918_4183007879084322585_n

Бүтээн байгуулалтын ажлууд эхлэхтэй холбогдуулан, дэд бүтцийн байгууллагууд хоорондын уялдаа холбоог хангаж ажиллахыг үүрэг болголоо

3 сар 29 2024 Мэдээ мэдээлэл superadmin

Засаг даргын орлогч Б.Балжинням хороодын Засаг дарга нар болон дэд бүтцийн байгууллагуудын удирдлагууд, СӨХ-ын дарга нартай хуралдаж, мэдээлэл солилцлоо.

Энэ үеэр 2024 онд улс нийслэл, дүүргийн хөрөнгө оруулалтаар 61 төсөл арга хэмжээ хэрэгжих бөгөөд тэр дундаа дэд бүтцийн байгууллагуудтай холбоотой томоохон ажлуудад уялдаа холбоо хангах, хяналтаа сайжруулж газар дээр нь очиж ажиллах шаардлага байгааг онцоллоо.

Мөн орон сууцны фасад засвар, байрны дундах тохижилтын ажлуудад хариуцсан алба хэлтсийн дарга нар нийслэлийн хөрөнгө оруулалтын газартай хамтран ажлын чанарт анхаарч, хяналтаа сайжруулан иргэдийг мэдээллээр хангаж ажиллахыг даалгалаа.

Тухайлбал БЗӨБЦТС ТӨХК-ийн Багануур салбар энэ онд өөрийн хөрөнгөөр Нарийн нуур хэсгийн айл өрхийг цахилгаан эрчим хүчээр хангах ажлыг хийх бол дүүргийн хөрөнгөөр нийтийн эзэмшлийн орон сууцны байрнуудын бохирын шугам шинэчлэх ажил хийгдэх юм.

Хурлын төгсгөлд Засаг даргын орлогч ирэх 14 хоногт дараах ажлуудад анхаарч ажиллахыг үүрэг болголоо.

-Орон сууцны эвдрэлтэй байгаа лифтний судалгаа, засвар үйлчилгээний шаардлагатай төсвийг “Улаанбаатар лифт” ОНӨТҮГ-т хүргүүлэх,

-Он дамжин хийгдэж байгаа хөрөнгө оруулалтын ажлуудыг эхлүүлэх,

-Хээрийн цэвэрлэгээ, хашаа хайс, самбар, ногоон байгууламжийн арчилгааг хийх,

-04 сарын 15-наас бүтээн байгуулалтын ажлууд эхлэхтэй холбогдуулан, дэд бүтцийн байгууллагууд хоорондын уялдаа холбоог хангаж ажиллах,

-Наран хэсгийн 24-р худгийг нүүлгэн шилжүүлэх ажлыг судалж танилцуулах,

-СӨХ-д орчны болон орцны цэвэрлэгээ үйлчилгээг сайжруулах,

-Улаанбаатар хотын ЗАА-с зарим чиг үүргийг дүүрэгт шилжүүлсэнтэй холбоотой “Онлайн бизнес” төвд ирсэн иргэдийн хүсэлтийг холбогдох стандарт журмын дагуу шийдвэрлэхэд анхаарах,

433500847_824881366343375_2008525893024469501_n

Гамшгийн үеийн зарлан мэдээллийн дуут дохиогоор ажиллах дадлага сургуулилалт боллоо

3 сар 29 2024 Мэдээ мэдээлэл superadmin

Гамшгийн аюулын тухай зарлан мэдээллийн дохиогоор ажиллах дадлага, сургуулилалт 03 сарын 28-ны өдрийн 16.00 цагт улсын хэмжээнд зохион байгуулагдлаа. Энэхүү дуут дохио дуугарах үеэр дүүргийн төрийн болон бусад албан байгууллага, иргэд мэргэжлийн байгууллагаас өгөх заавар зөвлөмжийг даган сургууль дадлагад идэвхтэй оролцлоо.

Газар хөдлөлтийн гамшгийн аюулаас урьдчилан сэргийлэх, эрсдэлийг бууруулах, бэлэн байдлыг хангах, аврах үйл ажиллагаанд хүн амыг сургаж бэлтгэх зорилгоор энэ дадлага сургуулилт 9 дэх жилдээ зохион байгуулагдаж байна.

ЗАРЛАН МЭДЭЭЛЛИЙН ДОХИО ДУУГАРАХАД ХИЙХ 3 АЛХАМ

Эхний дохио дуугарахад: Газар хөдлөлтийн чичирхийлэл мэдрэгдэх үе гэж бодон барилгын даацын хана, бат бөх ширээн доогуур орж өөрийн аюулгүй байдлаа ханган түр хүлээх,

Хоёр дахь дохио дуугарахад: Газар хөдлөлтийн чичирхийлэл мэдрэгдэхээ болих үе гэж бодон баруун гарын дүрэм баримтлан, толгойгоо хамгаалж яаралтай аюулгүй талбай руу гарах,

Гурав дахь дохио дуугарахад: Барилга байгууламжид хүн үлдсэн эсэх талаар мэдэх, аюулгүй байдал хариуцсан ажилтанд бүртгүүлэх шаардлагатай.

Багануур дүүргийн хэмжээнд хэрэгжүүлэх авлигын эсрэг үйл ажиллагааны 2024 оны төлөвлөгөө

3 сар 25 2024 Авлигын эсрэг үйл ажиллагаа superadmin

430974642_807937988037713_8217687665460505395_n

Шар усны үерээс хамгаалах арга хэмжээг авч байна

3 сар 1 2024 Мэдээ мэдээлэл superadmin

Дүүрэгт энэ өвөл их хэмжээний цас орсонтой холбоотойгоор далан суваг, шуудуу, гуу жалганд хуримтлагдсан цас хайлж хөрсний ус булаг гарч, халиа дошин үүсэх, шар усны үер болох эрсдэлтэй байгаа юм.

Багануур дүүргийн Онцгой комиссын үер, ус, цаг агаарын аюулт үзэгдлийн үед ажиллах шуурхай ажлын хэсэг хэсгийн хуралдааны үеэр дүүргийн Засаг дарга бөгөөд Онцгой комиссын даргаас өгсөн үүрэг чиглэлийн дагуу өнөөдөр “Багануур тохижилт” ААТҮГ-тай хамтран 1-р хороо Хуцаагийн гудамж, 4-р хороо Байдлаг хэсэг, Рашаант, Тогос –Уул хэсгийн хунгарласан цасыг хусаж цэвэрлэж эхэллээ.

Иргэн та өөрийн хашаа, байшингийн ойр орчмын цасыг цэвэрлэж, шар усны үерээс урьдчилан сэргийлж, иргэний хуулиар хүлээсэн үүргээ биелүүлэхийг уриалж байна.

419130480_1038870034267743_3906473138966839680_n

Алслагдсан гурван дүүрэгт Засгийн газрын шийдвэрээр 200 тн хорголжин тэжээл, 100 тн хивэг олгоно

1 сар 15 2024 Мэдээ мэдээлэл superadmin

УИХ-ын дарга Г.Занданшатар, УИХ-ын гишүүн, Шадар сайд С.Амарсайхан, УИХ-ын гишүүн Ц.Сандаг-Очир нар өнгөрсөн амралтын өдрөөр Багануур дүүрэгт ажиллалаа. Нийслэлийн хамгийн олон малтай Багануур дүүргийн хувьд энэ жил 775 өрхийн 169 мянган толгой мал өвөлжиж байгаа бөгөөд нийт нутгаар хөр цасан бүрхүүл тогтож, өвөлжилт хүндрэх нөхцөл үүсээд буй.

Засгийн газрын 2023 оны 12 дугаар сарын 27-ны өдрийн хуралдаанаар 3893 тонн хивэг болон хорголжин тэжээлийг аймгууд болон нийслэлийн алслагдсан дүүргүүдийн малтай иргэдэд 50 хувь хямдруулан олгох шийдвэр гарсны дагуу нийслэлийн алслагдсан 3 дүүрэгт нийт 200 тн хорголжин тэжээл, 100 тн хивэг олгохоор шийдвэрлэсэн.

Энэ үеэр тус дүүргийн 4 дүгээр хорооны малчин С.Даваасүрэнгийн хот айлаар орж, малчдын санал сэтгэгдлийг сонсоход малчдын хувьд хорших, нэгдэх, хамтрах санаачилгыг бодит ажил хэрэг болгох зорилготой “Хот айл” загвар төслийг дэмжиж оролцохоо илэрхийлэн, малчин өрхүүд хоршооллын хэлбэрээр хамтран ногоон тэжээл тариалах хүсэлтэй байгаагаа энэ үеэр илэрхийлсэн юм.

1 2 … 13 14 15 16 17 … 91 92

Global Title