Монгол улсын Засгийн газраас хэрэгжүүлж буй “Багш бүрд компьютер” хөтөлбөрийн хүрээнд улсын төсвийн хөрөнгө оруулалтаар дүүргийн гурван сургуулийн 177 багшид дүүргийн ИТХ-ын төлөөлөгчид зөөврийн компьютерыг гардууллаа.
Боловсролын байгууллагын үйл ажиллагааг сайжруулж, сургалтын чанар, хүртээмжийг нэмэгдүүлэхийн тулд багш нарын өдөр тутмын хэрэглэгдэхүүн буюу тоног төхөөрөмж нь өнөөгийн хэрэглээний шаардлагыг хангах ёстой.
Ташрамд дурдахад энэ хичээлийн жилд дүүргийн гурван сургууль тус бүрд 10 анги нийтдээ 30 ангийг иж бүрэн сандал, ширээ болон ухаалаг дэлгэцээр хангасан.
Мөн гурван ерөнхий боловсролын сургууль дээр улсын төсвийн хөрөнгө оруулалтаар физик, хими, биологийн лабораториудыг шинээр байгуулснаар багш сурагчдын суралцах, ажиллах орчин нөхцөл сайжирч байна.
Онцгой байдлын хэлтсээс өнгөрсөн 14 хоногт гал түймэр унтраах, дадлага сургалтыг танхимын 8 удаагийн, тархалтын 2 удаагийн, тактикийн 1 удаагийн сургалтыг тус тус зохион байгуулан ажилласан байна.
Цагдаагийн хэлтэст бусдад залилуулсан 3 дуудлага мэдээлэл бүртгэгджээ. Тус хэлтсээс залилах гэмт хэргээс урьдчилан сэргийлэх, таслан зогсоох зорилгоор “Дуран-2024” тусгай арга хэмжээ зохион байгуулан ажиллаж байгаа юм. Арга хэмжээний хүрээнд дүүргийн иргэд, ААНБ-уудад залилах гэмт хэргээс урьдчилан сэргийлэх мэдээ, мэдээллийг хүргэн ажиллаж байгаа ажээ.
ИТХ-ын нарийн бичгийн дарга бөгөөд ажлын албаны дарга Г.Гансэлэм: Дүүргийн ИТХ-ын ээлжит бус 31 дүгээр хуралдаанаар сонгуулийн тойрогт ноогдох мандатын тоо, дугаар, нутаг дэвсгэр, төвийг тогтоох асуудлыг хэлэлцэн баталсанг танилцууллаа.
Хуралдааны төгсгөлд Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.
Онцгой байдлын хэлтсээс ой хээрийн болон өнжмөл шар өвсний гал түймрээс урьдчилан сэргийлэх чиглэлээр гурван өдөрлөг, Багануур 4*4 авто клубтэй хамтран нийт 16 авто машинтайгаар ногоон бүсийн эргүүлийг хийсэн байна.
Архивын хэлтсийн дарга Ц.Түвшинжаргал: Албан бичгийн шийдвэрлэлт, цахим нөхөн бүрдүүлэлтийн мэдээг танилцууллаа. Эхний гурван сарын байдлаар нийт 156 зөрчил бүртгэгдсэн ба стандартын зөрчил-22, хугацааны зөрчил-12, шийдвэрлэлтийн зөрчил-35, явцын тэмдэглэл хугацаанд нь хөтлөөгүй зөрчил-87 бүртгэгджээ.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.
