Багануур дүүргийн Төрийн албан хаагчдыг сургах, мэргэшүүлэх, нийгмийн баталгааг хангах хөтөлбөрийг хэрэгжүүлэхэд ажилтан албан хаагчдаас авсан судалгааны нэгтгэл
“Үйлдвэр” хэсгээс бусад бүх хэрэглэгчийн ус тасарна
Багануур дүүргийн Ус хангамжийн төв шугамын шинэчлэлийн эхний ээлж, 3 дугаар өргөлтийн станцаас ВК-3 хүртэлх 700м дан шугам суурилагдаад байна.
Иймд 2023.08.18-ны өдрийн 23:00 цагаас 2023.08.19-ний өдрийн 12:00 цаг хүртэлх хугацаанд НАРАН ХОРООЛЛЫН УС ХАНГАМЖИЙН шугам сүлжээг бүрэн тасалж шинэ шугамын холболт хийгдэх тул иргэд та бүхэн усаа нөөцөлж авна уу?
ХИЧЭЭЛИЙН ШИНЭ ЖИЛИЙН БЭЛТГЭЛИЙГ ХАНГАЖ, ХҮҮХДИЙН АЮУЛГҮЙ ОРЧНЫГ БҮРДҮҮЛЖ АЖИЛЛАХЫГ ҮҮРЭГ БОЛГОЛОО
Шуурхай хуралдаан 14 хоногт Засаг даргаас өгсөн үүрэг даалгаврын хэрэгжилтийг танилцуулснаар эхэлсэн. Энэ хугацаанд Засаг даргаас 10 чиглэлээр үүрэг даалгавар өгч биелэлт 85 хувьтай биелжээ.
Өнгөрсөн хугацаанд Цагдаагийн хэлтэст 59 дуудлага ирснээс гэмт хэргийн шинжтэй 18 дуудлага, зөрчлийн шинжтэй 41 дуудлага бүртгэгдсэн байна. Үүнээс 9 гэмт хэргийг илрүүлжээ. Мөн залилах төрлийн гэмт хэрэг буурахгүй байгааг албанаас мэдээллээ. Мөн нэгдсэн болон хэсэгчилсэн 18 арга хэмжээ зохион байгуулагдаж байгаагаас “Нэг зам нэг соёл” арга хэмжээний хүрээнд дүүргийн 4х4 автомашины клубтэй хамтран нийт 180 тээврийн хэрэгсэл 300 иргэдэд анхааруулга сэрэмжлүүлэг өгч ажилласан байна.
Онцгой байдлын хэлтсийн хувьд объектын гал түймрийн 1 дуудлагаар аюулгүй болгож, Мэлз зуслангийн байшинд могой орж ирсэн дуудлагаар тус тус ажилласан байна. Иргэдийг аюулгүй байдлаа хангах, бага насны хүүхдийн хараа хяналтыг сайжруулах, үер усны аюулаас урьдчилан сэргийлэх, заавар зөвлөмжийг өгч том хүн-825 хүүхэд-196 нийт-1021, санамж хуудас- 760-ыг тарааж үер усны аюулаас урьдчилан сэргийлэх, заавар зөвлөмжийг өгчээ.
Багануур ХК нь 2023 оны 8-р сарын 24,25-ны өдрүүдэд судалгаанд суурилсан шийдэл, бизнес хамтын ажиллагааг хөгжүүлэх “The Future of Coal Baganuur 2023” Олон Улсын эрдэм шинжилгээний хурал, бизнес форумыг Багануур дүүрэгт анх удаа зохион байгуулах гэж байгаа. Үүнтэй холбоотой Багануур ХК-ийн гүйцэтгэх захирлын үүрэг гүйцэтгэгч Д.Түвшинжаргал компанийн өнөөгийн байдлын талаар судалгаа мэдээллийг хийж, оролцохыг урилаа.
Олон Улсын эрдэм шинжилгээний хурлын зорилго нь оролцогч эрдэмтэн судлаачид, инженерүүд илтгэл хэлэлцүүлж, мэдлэг, туршлагаа солилцох юм.
Төлөвлөгөөт мэдээллийн дараагаар Боловсролын хэлтсийн дарга Н.Алтансүх хичээлийн шинэ жил эхэлж байгаатай холбогдуулан мэдээллийг хийлээ. Нийслэлийн боловсролын газрын даргын тушаалаар сургууль, цэцэрлэгийн хамран сургах тойргийг шинэчлэн баталсны дагуу 2023.08.01-ний өдрөөс цэцэрлэгийн бүртгэлийг emongolia.mn, болон хурдан цахим системээр эхлүүлсэн ба 2023.08.15-ны өдрийн байдлаар 2100 хүүхэд бүртгүүлэхээс 1147 хүүхэд бүртгүүлж, 54,6%-тай байна. 2023-2024 оны хичээлийн жилд 1 дүгээр ангид элсэн суралцах хүүхдийн цахим бүртгэл 2023.08.15-ны өдрөөс эхэлсэн талаар мэдээллийг хийсэн юм.
Хичээлийн шинэ жилийн бэлтгэлийг хангаж, хүүхдийн аюулгүй орчныг бүрдүүлж ажиллах
Нийслэлд төвлөрүүлэх төсвийн орлогын биелэлтийг жигд хангаж, ажлаа эрчимжүүлж ажиллах,
2023-2024 өвөлжилтийн бэлтгэл ажлыг сайтар хангаж, хөрөнгө оруулалт, бүтээн байгуулалтын ажлуудыг бүх шатандаа эрчимжүүлэх,
Дүүргийн хэмжээний үерийн далан суваг, ус зайлуулах шугам сүлжээний цэвэрлэгээ үйлчилгээ тогтмол хийж, үер усны аюулаас тогтмол урьдчилан сэргийлж ажиллах,
Багануур ХК-иас зохион байгуулж байгаа “The Future of Coal Baganuur 2023” Олон Улсын эрдэм шинжилгээний хурал, бизнес форумд байгууллагууд идэвхтэй оролцох,
Согтуугаар тээврийн хэрэгсэл жолоодож замын хөдөлгөөнд оролцож байгаа жолоочид хариуцлага тооцож ажиллахыг Засаг дарга С.Даваасүрэн үүрэг болгосноор шуурхай хуралдаан өндөрлөлөө.
Иргэд олон нийт та бүхэн сонор сэрэмжтэй байж тарваган тахал өвчнөөс сэргийлнэ үү
Хууль тогтоомжид зааснаар тарвага агнах, тарваганы гаралтай түүхий эдийг худалдаалах, худалдан авах, тээвэрлэхгүй байх;
Тарваганы дотор эрхтэн, махыг хэрэглэхгүй, гэртээ хадгалахгүй, хот, суурин газарт тээвэрлэж оруулахгүй байх;
Тарвага болон мэрэгч амьтны бөөс, бүүрэгт хазуулахаас сэргийлэх;
Тарвагатай харьцсан, бөөс бүүрэгт хазуулсан, тарваганы арьс өвчсөн, мах эвдсэн болон идсэний дараа өндөр халуурах, толгой өвдөх, дотор эвгүйрхэх, нүүр нүд улайх, бүх бие, булчин өвдөх зэрэг шинж тэмдэг илэрвэл эрүүл мэндийн байгууллагад яаралтай утсаар дуудлага өгнө үү.
Эх сурвалж: Эрүүл Мэндийн Яам
Нийслэлийн ерөнхий боловсролын сургуулиудын 2023-2024 оны хичээлийн жилийн хамран сургах тойрог батлагдлаа
БОЛОВСРОЛ ЦОГЦОЛБОР СУРГУУЛЬ:
2-р хороо- Хужирт, Галуут, Уурхайчин, Улаан ухаа, Хөдөө хэсэг
3-р хороо-24-37-р байр, 47-р байр, 55-61-р байр, Нийтийн байр, Төмөр замын байр, Хилчин, Замчин, Нугын тал, Талын толгой, Гал унтраах байр, Үйлдвэр хэсэг, Хилийн цэрэг, Хөдөө хэсэг
4-р хороо-Жаргалант хэсэг,
5-р хороо Нарийн нуур, Наран хэсэг, Нарийний 16-33 гудамж, Залуус, Залуусын задгай
ГҮН ГАЛУУТАЙ ЦОГЦОЛБОР СУРГУУЛЬ:
1-р хороо 1-23-р байр, 64, 70, 71, 72, 74, 78, 80, 82а /73/, 84, 86, 92, 96, 102-р байр, Баялаг, Хуцаа, Сургалтын задгай, Титэм хотхон, Мандал хотхон, Прокурорын байр, Хөдөө хэсэг
4-р хороо-Рашаант 1-11-р гудамж
ОЮУНЫ ЭРИН ЦОГЦОЛБОР СУРГУУЛЬ:
3-р хороо-Нарлаг хотхон, 38-46-р байр, 48-54-р байр, 81-р байр
4-р хороо-Хэрлэн, Байдлаг хэсэг, Рашаант 12-25-р гудамж, Тогос уул, Хөдөө хэсэг
5-р хороо Их гүн, Бага гүн, Нарийний 1-15-р гудамж, Хөдөө хэсэг
Алтангадас одонг гардуулан өглөө
Монгол Улсын Ерөнхийлөгчийн 2023 оны 7 дугаар сарын 03-ны өдрийн Төрийн дээд одон медалиар шагнах тухай 81 дүгээр зарлигаар Багануур дүүргийн 1 дүгээр хорооны иргэн, Багануур дүүргийн Цагдаагийн хэлтсийн Мэдээлэл судалгааны ахлах мэргэжилтэнээр ажиллаж байсан, цагдаагийн ахмад ажилтан, Цагдаагийн бэлтгэл хошууч Майдаржавын ОЮУНГЭРЭЛ Алтангадас одонгоор шагнагджээ.
Тус шагналыг дүүргийн Засаг дарга С.Даваасүрэн өнөөдөр буюу 2023.07.28-ны өдрийн Морин цаг дор гардуулан өгч, баяр хүргэлээ.
Нийт Багануурчуудынхаа нэрийн өмнөөс Алтангадас одонгоор шагнагдсан М.Оюунгэрэл танд сайн сайхныг хүсэн ерөөе.
Орон сууцны фасад засвар үргэлжилж байна
Багануур дүүргийн нийтийн орон сууцны байрны дулаан алдалтыг бууруулах, ашиглалтыг сайжруулах, өнгө үзэмжийг сэргээх зорилгоор жил бүр байрны гадна фасад, орцны хаалга солих ажлыг үе шаттай хийж хэрэгжүүлж байна.
Тухайлбал:
2020 онд 55, 56, 57, 58, 59, 60, 61 байр НИЙТ 7 БАЙРНЫ 264 АЙЛ /Багануур ХК өөрийн хөрөнгөөр/,
2021 онд 70, 71, 72, 74, 26а, 34а, 44а, 48-р байр НИЙТ 8 БАЙРНЫ 230 АЙЛ,
2022 онд 8, 9, 10, 13, 23, 32, 49, 50, 51, 52, 54, 78, 80-р байр НИЙТ 13 БАЙРНЫ 508 АЙЛ,
Харин 2023 он гарсаар 11, 12, 21, 29, 37, 46, 73-р байр НИЙТ 7 БАЙРНЫ гадна фасад засварын ажил хийгдэж байгаа бол дүүргийн хөрөнгө оруулалтаар нэмж 33, 44-р байр, олон улсын байгууллагын санхүүжилтээр 16-р байрны гадна фасадыг засварлахаар боллоо.
Цаашид дүүргийн хэмжээнд гадна фасад засварлах 27 байр /5,6,15,17,18,8,14,25,31,42,84,86,19,20,24,26,27,28,30,34,35,36,38,39,40,41,43,45/ байна.
Дээрх 27 байрны гадна фасад засварын ажлыг үе шаттай хийж хэрэгжүүлэх юм.
АВТО ЗАМЫН АЖИЛ ХИЙГДЭНЭ
Дүүргийн хөрөнгө оруулалтаар дараах байршлуудад авто зогсоол, авто замын ажил хийгдэнэ.
ӨВЧНӨӨС СЭРГИЙЛЭХ “МАЛЫН УГААЛГА” ЭХЭЛЛЭЭ
Дүүргийн мал угаалга, ариутгалын нэгдсэн ажил эхлээд байна. Малаа угаалгад хамруулснаар шимэгчлэх өвчнөөс эмчлэн, сэргийлэхээс гадна тарга хүч авах, аливаа гоц халдварт, халдварт өвчнөөс урьдчилан сэргийлэх ач холбогдолтой юм.
Иймд малчид та бүхэн мал эмнэлгийн тасаг, мал эмнэлэгтэйгээ холбогдон эмчилгээ, урьдчилан сэргийлэх малын угаалга, ариутгалдаа идэвхтэй хамрагдана уу.
Багануур дүүрэг дэх Мал эмнэлгийн тасаг
Холбоо барих утас 94886708, 88986708
