Category : Мэдээ мэдээлэл

Иргэдийн санал асуулгын нэгт гудамж талбайг камержуулах ажлыг нэн тэргүүнд хийх шаардлагатай талаарх саналыг сүүлийн жилүүдэд ирүүлж байна. Тэгвэл энэ асуудлыг судалж шийдвэрлэх ажлын хүрээнд нийслэлийн Чингэлтэй дүүргийн телекамерийн хяналтын төв болон нийслэлийн Мэдээлэл технологийн газартай хамтран ажиллаж буй “Бодь электроникс” ХХК-тай уулзалт зохион байгуулж, газар дээр нь үзэж танилцлаа.

Уулзалтын үеэр техник ашиглалтын шаардлага, камерийн давуу болон сул тал, аюулгүй байдал, зөрчлийг илрүүлэх боломжууд, төсөв хөрөнгийн талаар дэлгэрэнгүй танилцсан юм.

Уулзалтын үр дүнд Бодь электроникс компанийн удирдлага Багануур дүүрэгтэй хамтран ажиллах саналыг илэрхийлж, техник эдийн засгийн үндэслэлийг хамтран боловсруулахаар харилцан тохиролцлоо. Дүүргийн Засаг дарга иргэдийн аюулгүй байдал, орчны цэвэр цэмцгэр байдлыг хангах, иргэдээс ирүүлж буй саналыг ажил хэрэг болгоход дүүргийн зүгээс төсөв хөрөнгийг судлан шийдвэрлэх, төр хувийн хэвшлийн түншлэлийн тухай хуулийн хүрээнд хамтран ажиллаж, 1-2 жилийн хугацаанд бодит ажил хэрэг болгохоо илэрхийллээ.

Олон улсын эмэгтэйчүүдийн эрхийг хамгаалах өдрөөр дүүргийн төр захиргааны болон ААНБ, ахмад эмэгтэйчүүд, хувиараа бизнес эрхлэгч, зорилтот бүлгийн гээд салбар салбарын 300 гаруй эмэгтэйчүүдээ хүлээн авч, баярлууллаа.

Баярын үйл ажиллагаанд дүүргийн ИТХ-ын дарга Т.Отгонболд, Засаг дарга С.Даваасүрэн болон дүүргийн ИТХ-ын төлөөлөгчид, төр захиргааны удирдлагууд хүрэлцэн ирж, баяр хүргэж, мэндчилгээ дэвшүүлсэн юм. Мөн УИХ-ын гишүүн, Монгол улсын шадар сайд С.Амарсайхан, УИХ-ын гишүүн Ц.Сандаг-Очир нар мэндчилгээ дэвшүүлж, баярт ирсэн бүсгүйчүүдэд улаан сарнай илгээснийг дүүргийн удирдлагууд, ИТХ-ын эрэгтэй төлөөлөгчид гардуулан өгсөн юм.

Баярын үйл ажиллагаанд ирсэн эмэгтэйчүүддээ гарын бэлэг, сонирхолтой лекц, урлагийн тоглолт, киног зориулж, бүсгүйчүүд маань оюунлаг, урлагийн ертөнцөөр аялан нэгэн үдшийг мартагдахааргүй сайхан өнгөрүүлсэн гэдэгт итгэлтэй байна.

Мөн баярын үеэр Монгол улсынхаа хилээ хамгаалж буй цэрэг эрс болон дэлхийн өнцөг булан бүрт ажиллаж, амьдарч, суралцаж байгаа дүүргийн маань залуучуудаас хайртай эмээ, ээж, эгч, дүү нартаа цахим мэндчилгээ ирүүлснийг дэлгэцээр дамжуулан хүргэж, ээжүүд эмээ нарт нь гэнэтийн бэлэг барьсан нь сэтгэл догдлуулсан торгон агшин байсан юм.

Эмэгтэйчүүдээ баярлуулахад хамтран ажилласан Дэлхийн зөн Багануур ОНХ, Багануур дүүргийн Социал демократ Монголын эмэгтэйчүүдийн холбооны хамт олондоо #талархсанаа илэрхийлье.

Олон улсын эмэгтэйчүүдийн эрхийг хамгаалах өдөр, Монгол цэргийн өдрийг тохиолдуулан үндэсний хэмжээнд зохион байгуулагдаж буй “ХАРИЛЦАН ХҮНДЭТГЭЕ” нэг сарын аян 2023.03.01-ний өнөөдрөөс үндэсний хэмжээнд “НАДААС, ТАНААС, БИДНЭЭС ЭХЛЭЛТЭЙ” уриатайгаар зохион байгуулагдаж байна.

Аяны хүрээнд дүүргийн ИТХ, ЗДТГ, Эмэгтэйчүүдийн төрийн бус байгууллагуудын сүлжээ, Дэлхийн Зөн ОУБ-ын Багануур ОНХ-тэй хамтран дүүргийн хэмжээний жендэрт суурилсан хүчирхийллийн талаарх нөхцөл байдлыг хэлэлцэж, тогтолцоог тодорхой болгох, хариу үйлчилгээг сайжруулах зорилгоор “Жендэрт суурилсан хүчирхийлэл” сэдэвт зөвлөлдөх уулзалтыг өнөөдөр зохион байгуулж, төрийн болон ТББ-уудын төлөөлөл нийт 46 албаны хүмүүс оролцсон юм.

Зөвлөлдөх уулзалтаас зөвлөмж гарган хэрэгжүүлж ажиллахаар боллоо.

Дүүргийн удирдах ажилтнуудын шуурхай зөвлөгөөн зохион байгуулагдлаа.

Зөвлөгөөний эхэнд өнгөрсөн 14 хоногт дүүргийн Засаг даргаас 11 чиглэлийн  үүрэг даалгавар өгснөөс  биелэлт 87 хувьтай байгааг ТЗУХ-ийн дарга Б.Туяа танилцууллаа.

СҮҮЛИЙН ҮЕД ЗАЛИЛАХ ТӨРЛИЙН ГЭМТ ХЭРЭГ ӨСӨЖ, ӨНГӨРСӨН 14 ХОНОГТ 30 ХЭРЭГ БҮРТГЭГДЖЭЭ

Цагдаагийн хэлтэст 49 дуудлага мэдээлэл ирснээс гэмт хэргийн шинжтэй 12, зөрчлийн шинжтэй 37 дуудлага бүртгэгдэж, цагдаагийн хэлтсээс 3 гэмт хэргийг илрүүлж, эзэн холбогдогчийг олж тогтоожээ. Мөн иргэд онлайн худалдаагаар их хэмжээний мөнгө залилуулж, нийт гомдол мэдээллийн 41.6 хувийг залилах гэмт хэрэг дангаараа эзэлж байгааг тус хэлтсийн дарга дэд хурандаа Б.Эрдэнэбилэг мэдээллээ.

ДҮҮРГИЙН ОНЦГОЙ БАЙДЛЫН ХЭЛТЭС 11 ХҮНИЙ АМЬ АВРАН ХАМГААЛСАН БАЙНА

Өнгөрсөн 14 хоногт аврах ажиллагааны 2 дуудлага хүлээн авч 11 хүний аварсан бөгөөд 6 том хүн, 5 хүүхэд байсан байна. Гамшиг осол, гал түймрээс урьдчилан сэргийлэх нэгдсэн арга хэмжээг зохион байгуулж 5813 иргэнд мэдээлэл хүргэжээ.Мөн хөдөө орон нутагт зорчихдоо тээврийн хэрэгслийн бүрэн бүтэн байдлыг сайтар хангаж баталгаат бус гармаар зорчихгүй байх, зориулалтын гарц, гарам, гүүрээр зорчих, шаардлагатай бензин шатахууныг сайтар нөөцлөх, цаг агаарын мэдээ мэдээллийг авч явах хугацааг сайтар тооцож шөнө оройн цагаар хөдөлгөөн үйлдэхгүй байхыг албанаас анхаарууллаа.

ИРЭХ 3 САРД ХОРООДЫН ИРГЭДИЙН НИЙТИЙН ХУРЛЫГ ЗОХИОН БАЙГУУЛНА

Зөвлөгөөний үеэр дүүргийн ИТХ-ын дарга Т.Отгонболд мэдээлэл хүргэлээ. Тухайлбал ирэх 3 сард 5 хорооны иргэдийн нийтийн хурлыг зохион байгуулах бөгөөд бэлтгэл ажлыг ханган ажиллаж байгааг хэллээ. Мөн ИТХ-ын төлөөлөгчид ирэх 7 хоногоос байгууллага, аж ахуйн нэгжүүдэд ажиллах юм байна.

ЭРҮҮЛ МЭНДИЙН ТӨВ САР ШИНИЙН ӨДРҮҮДЭД 159 ХҮНД ЭМНЭЛГИЙН ТУСЛАМЖ ҮЗҮҮЛЖЭЭ

Сар шинийн өдрүүдэд эмнэлгийн байгууллага өндөржүүлсэн бэлэн байдалд ажиллаж 92 том хүн, 67 хүүхдэд тусламж үзүүлсэн байна. Өнөөдрийн байдлаар хүүхдийн тасагт 52 хүүхэд хэвтэн эмчлүүлж байгаа аж. Түүнчлэн томуу, томуу төст өвчний халдвар буурах хандлагатай байсан ч сар шинийн өдрүүдэд нэмэгдсэн талаарх мэдээллийг ЭМТ-ийн дарга Д.Шинэбаяр хэллээ.

Зөвлөгөөний төгсгөлд ирэх 14 хоногт хийж хэрэгжүүлэх ажлын чиглэлийг Засаг даргын орлогч Б.Балжинням үүрэг болгосноор зөвлөгөөн өндөрлөлөө.

-Барилга угсралтын ажлын явцад гарч болзошгүй аюул, ослоос урьдчилан сэргийлэх, хөдөлмөрийн аюулгүй байдал, барилгын норм, дүрэм, стандартын хэрэгжилтийг хангуулж, барилгын насжилтад гамшгийн эрсдэлийн үнэлгээг хийх,

– Шар усны үер болон  хөрсний усны халиа үүсэх эрсдэлээс урьдчилан сэргийлэх ажлаа эрчимжүүлж, үерийн хамгаалалтын далан сувгийн цас, мөс, лаг шаврыг цэвэрлэх ажлыг зохион байгуулах,

– Дүүргийн хэмжээнд үйл ажиллагаа, худалдаа, үйлчилгээ явуулж байгаа иргэн, аж ахуйн нэгж, байгууллагуудыг орчныхоо 50м хүртэлх талбайн өнгө үзэмжийг сэргээх, цэвэрлэх,  хэрэгжилтэд хяналт тавьж ажиллах,

– Гэр хорооллын алслагдсан хэсгийн хүүхдүүдэд зориулж, сургуулийн автобусыг дахин 2-оор нэмэгдүүлсэнтэй холбоотой маршрутыг гаргаж хүүхдүүдэд үйлчилгээг үзүүлэх ажлыг эхлүүлэх,

– Нийтийн эзэмшлийн зам талбайн өнгө үзэмж муудсан самбар, хайс, хашлага зэргийг сайжруулж, цэгцлэх

– Онд дамжин хийгдэж байгаа хөрөнгө оруулалтын ажлыг эхлүүлж, түүнд хяналт тавих

– Сууц өмчлөгчдийн холбоод орон сууцны дээврийн цас цэвэрлэгээг зохион байгуулах

– ЖДҮДТ-ийн харьяанд байгаа оёдлын цехийн үйл ажиллагааг эхлүүлэх

XVII жарны “Үзэсгэлэн болгогч” хэмээх усан туулай жилийн Сар шинийн баярыг тохиолдуулан Багануур дүүргээс Монгол Улсын Ерөнхийлөгчийн зарлиг, Сайдын тушаалаар Төрийн дээд одон медаль болон салбарын шагналаар шагнагдсан иргэдэд шагналыг гардуулан хүндэтгэл үзүүллээ.

Шагналыг УИХ-ын гишүүн Ц.Сандаг-Очир, Нийслэлийн ИТХ-ын төлөөлөгч, ДИТХ-ын дарга Т.Отгонболд, Нийслэлийн ИТХ-ын төлөөлөгч, дүүргийн Засаг дарга С.Даваасүрэн болон дүүргийн иргэдийн Төлөөлөгчдийн Хурлын төлөөлөгчид, төр захиргааны байгууллагын удирдлагууд гардуулан өгч, баяр хүргэсэн юм.

ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР:

4-р хорооны ахмад настан О.Цэндхорлоо,

Багануур дүүргийн 5 дугаар хорооны ахмад настан С.Галсанжид,

Нийслэлийн ерөнхий боловсролын лаборатори боловсрол цогцолбор сургуулийн ахмад багш Д.Алтангэрэл,

Багануур дүүргийн 1 дүгээр хорооны ахмад настан С.Эрдэнээ,

Багануур дүүргийн 1 дүгээр хорооны ахмад настан М.Дашзэвэг,

Багануур дүүргийн 1 дүгээр хорооны ахмад настан Д.Олзот,

Багануур дүүргийн 3 дугаар хорооны ахмад настан Ж.Алтанхүү,

Багануур дүүргийн 194-р цэцэрлэгийн эрхлэгч Д.Ганбат,

Багануурын дулааны станц ТӨХК-ийн ерөнхий инженер А.Лхамсүрэн,

Нийслэлийн ерөнхий боловсролын лаборатори боловсрол цогцолбор сургуулийн физикийн багш Б.Онончимэг,

Багануур дүүргийн Нийгмийн даатгалын хэлтсийн ахмад настан Д.Туул

Багануур дүүргийн Нийгмийн даатгалын хэлтсийн ахмад настан М.Байгалмаа

ЦЭРГИЙН ГАВЬЯАНЫ ОДОНГООР:

Багануур дүүргийн 5 дугаар хорооны ахмад настан С.Сэрдамба,

АЛТАН ГАДАС ОДОНГООР:

Багануур дүүргийн 1 дүгээр хорооны ахмад настан О.Дагва,

Багануур дүүргийн 3 дугаар хорооны ахмад настан Л.Хорлоо,

Багануур дүүргийн 1 дүгээр хорооны ахмад настан Ж.Цэцэгээ,

Нийслэлийн ерөнхий боловсролын лаборатори боловсрол цогцолбор сургуулийн ахмад багш Б.Ган-Ирис

Багануур дүүргийн 4 дүгээр хорооны ахмад настан Л.Гансүх,

Багануур дүүргийн 4 дүгээр хорооны ахмад настан Ц.Сэлэнгэ,

Багануур дүүргийн 193-р цэцэрлэгийн ахмад настан Т.Оюунцэцэг,

Багануур дүүргийн 1 дүгээр хорооны ахмад настан З.Даваадорж,

Багануур дүүргийн 1 дүгээр хорооны иргэн Б.Монхор,

Багануур дүүргийн 1 дүгээр хорооны ахмад настан Р.Сайханжаргал,

Багануур дүүргийн 1 дүгээр хорооны ахмад настан Р.Энхбаяр,

Багануур дүүргийн Нийгмийн даатгалын хэлтсийн ахмад настан Г.Мөнхнасан,

Багануур дүүргийн 3 дугаар хорооны ахмад настан Д.Төмөрбаатар,

Багануурын дулааны станц ТӨХК-ийн ахмад ажилтан А.Цэенпил,

Багануурын дулааны станц ТӨХК-ийн Ашиглалтын инженер Н.Базарсад,

Эрүүл мэндийн төвийн ахлах ажилтан М.Лхагвасүрэн,

Багануур дүүрэг Алтан бэлчир ХХК-ий захирал, малын эмч С.Баясгалан нарыг

ХӨДӨЛМӨРИЙН ХҮНДЭТ МЕДАЛИАР:

Багануур дүүргийн 4 дүгээр хорооны ахмад настан С.Чулуунхүүхэн,

Багануур дүүргийн 4 дүгээр хорооны ахмад настан Б.Сэрээтэр,

Багануур дүүргийн 4 дүгээр хорооны ахмад настан Ч.Жаяиймаа,

Багануур дүүргийн 5 дугаар хорооны ахмад настан Г.Дорж,

Тавлаг өргөө сууц өмчлөгчдийн холбооны байцаагч Н.Цэгмэд

Багануур дүүргийн 5 дугаар хорооны ахмад настан Ц.Бадамцэцэг,

Багануур дүүргийн Оюуны Эрин цогцолбор сургуулийн ахмад багш Ц.Цэвэгмид,

Багануур дүүргийн 142-р цэцэрлэгийн бүлгийн багш Ц.Нарангэрэл,

ЗДТГ-ын Төрийн захиргааны удирдлагын хэлтсийн дарга Б.Туяа,

Багануур дүүргийн 241-р цэцэрлэгийн эрхлэгч Д.Энхтуяа,

Багануур дүүргийн Албан бус насан туршийн боловсролын төвийн сургалтын менежер Д.Должинсүрэн,

Нийслэлийн ерөнхий боловсролын лаборатори боловсрол цогцолбор сургуулийн захирал Б.Буянхишиг,

Багануур сувилал ХК-ий угаалгын ажилтан Б.Алтансувд,

Багануурын дулааны станц ТӨХК-ий Химийн цехийн ашиглалтын инженер Л.Алтанцоож,

ЭМТөвийн сантехникч Л.Дашбазар,

ЦЭРГИЙН ХҮНДЭТ МЕДАЛИАР:

Шүүхийн шийдвэр гүйцэтгэх ерөнхий газрын харьяа 427 дугаар нээлттэй, хаалттай хорих ангийн Хэсгийн дарга М.Мягмарнаран нарыг шагнасан байна.

Түүнчлэн салбарын тэргүүний 30 гаруй иргэдэд шагналыг гардуулан өгч баяр хүргэсэн юм.

Мөн үеэр дүүргийн 2022 оны тэргүүний малчин шагналыг Багануур дүүргийн 4 дүгээр хорооны малчин Ц.Энхтулга, Багануур дүүргийн 5 дугаар хорооны малчин С.Даваа нарт гардуулан өгч баяр хүргэлээ.