2026 оны 04 сарын 06
Нээлттэй ажлын байрСанал хүсэлт

Category : Мэдээ мэдээлэл

thumbnail 344344308_970822094106861_7605284667410692354_n344344308_970822094106861_7605284667410692354_n
Хүүхдүүд ээ! Англи хэлний яриагаа сайжруулмаар байна уу?
May 5 2023 Мэдээ мэдээлэл

Олон улсын багш солилцооны хөтөлбөрөөр Солонгос улсаас Гүн галуутай цогцолбор сургуульд англи хэл заахаар ирсэн Пак ён хуан, И пён мүн багш нар өөрсдийн чөлөөт цагаар англи хэлээр ярих сонирхолтой хүүхдүүдэд хичээл зааж эхэлжээ.

Энэхүү сургалт Хүний хөгжлийн ордны 3 давхарт ГБХЗХХ-ийн сургалтын зааланд 7 хоногт 2 удаа хичээллэдэг юм байна.

Хичээл Даваа гарагт 14:00 цагт, Пүрэв гарагт 16:00 цагт тус тус ордог юм. Хичээлийг 2 багш сайн дураар хийдэг тул төлбөргүй, харин анги дүүргэлт 15-20 сурагчид хамрагдах боломжтой. Сонирхсон хүүхдүүд очиж англи хэлний яриа, сонсголоо сайжруулаарай. АМЖИЛТ

Багануур дүүргийн хүүхэд багачуудад англи хэлийг үнэ төлбөргүй зааж буй 2 багшид талархаж буйгаа илэрхийлье.

thumbnail 344848895_6093043847459009_3160026838193318289_n344848895_6093043847459009_3160026838193318289_n
Дүүргийн хүүхдүүд “эрүүл хүүхэд” төслийг хэрэгжүүлэхэд хамтран ажиллана
May 5 2023 Мэдээ мэдээлэл

 

 

Хүүхдийн нас биеийн онцлогт тохирсон эрүүл мэндийн боловсролыг олгох, эрүүл амьдралын зөв дадал хэвшүүлэх зорилго бүхий “Эрүүл мэндийн боловсрол олгох- Эрүүл хүүхэд” төслийг хэрэгжүүлэх ажлын хүрээнд ЗДТГ-ын НХХ-ийн дарга Г.Гэрэлмаа дүүргийн сурагчдын зөвлөл болон хүүхдийн оролцооны байгууллагын төлөөллүүдтэй уулзаж уг төслийг танилцууллаа.

Төслийг хэрэгжүүлэхэд хүүхдүүд үе тэнгийнхэндээ, эцэг эхчүүддээ, багш нар, шийдвэр гаргагч нарт хэрхэн нөлөөлж ажиллах талаар санал солилцон, уг төслийг хэрэгжүүлэхэд хамтран ажиллахаар боллоо.

thumbnail 344551462_233904982568269_3901725211740558235_n344551462_233904982568269_3901725211740558235_n
Багануурын уурхайтай дараах асуудлаар хамтран ажиллана
May 4 2023 Мэдээ мэдээлэл, Онцлох
Багануур дүүргийн Засаг дарга болон Багануур ХК жил бүр хамтын ажиллагааны санамж бичгийг байгуулж, уурхайн техник хэрэгсэл болон нийгмийн хариуцлагын хүрээнд хамтран ажиллаж ирсэн.
Өнгөрсөн жилийн санамж бичгийн хэрэгжилт 83%-тай, өвөлжилт хүндэрсэн цаг хугацаанд уурхай өвөлжилтийг амжилттай даван, дүүргийн болон зэргэлдээ сумдын малчдад туслах аяныг өрнүүлж байсан.
Өнөөдөр дүүргийн Засаг дарга С.Даваасүрэн, Багануур ХК-ний гүйцэтгэх захирлын үүргийг түр орлон гүйцэтгэгч Д.Түвшинжаргал нар 2023 оны хамтын ажиллагааны санамж бичигт гарын үсэг зурж, баталгаажууллаа.
2023 оны хамтын ажиллагааны хүрээнд,
Дүүргийн хуучин хогийн цэгийн 23 га газрыг дарж булшлах, нөхөн сэргээх ажлыг 6-р сард багтаан хамтран гүйцэтгэх
Дүүргийн Засаг даргаас санаачилсан хавдрын өвчтэй иргэдэд зориулсан Хөнгөвчлөх хими эмчилгээний тасгийг иж бүрэн засварлан, тохижуулахад хамтран ажиллах
Тэрбум мод аяны хүрээнд уурхайчид 10000 ширхэг мод тарих
Засгийн газраас хэрэгжүүлж буй хүн амаа өсгөх бодлогын хүрээнд уурхайд ажилд орж байгаа иргэн нь дүүргийн иргэн байх
Дүүргийн оёдлын цехтэй хамтран ажиллаж, уурхайчдын нормын хувцас хэрэглэлийг нийлүүлэх
Дүүргийн хүүхэд багачуудыг уурхайтай танилцуулах, гэр бүл, залуучууд, ахмадуудад чиглэсэн олон талт үйл ажиллагааг хамтран зохион байгуулах
Уурхайн 45 жилийн ойн хүрээнд зохион байгуулагдах үйл ажиллагааг хамтран хэрэгжүүлэх гэх зэрэг олон асуудлыг санамж бичигт тусгасан байна.
See insights and ads
Boost post
<img class="x16dsc37" role="presentation" src="data:;base64, ” width=”18″ height=”18″ />
<img class="x16dsc37" role="presentation" src="data:;base64, ” width=”18″ height=”18″ />
All reactions:

14

thumbnail 344933308_1337324750212878_1168768215548545062_n344933308_1337324750212878_1168768215548545062_n
Алтан цомын эзэд болсон “Багануур” багийн хамт олонд баяр хүргэе
May 4 2023 Мэдээ мэдээлэл, Онцлох
🔰“Зөв гэр бүл-Зөв хүүхэд-Зөв нийгэм” уриан дор эмэгтэйчүүдэд эрүүл аж төрөх зан үйлийг хэвшүүлэх, идэвхтэй хөдөлгөөн, спортоор хичээллэх боломжийг нэмэгдүүлэх зорилгоор жил бүр уламжлал болгон зохион байгуулдаг “Алдарт Эх-2023″ спортын V наадам амжилттай явагдлаа.
🔰Тус спортын наадамд 14 багийн 420 тамирчид оролцож, бага онооны системээр үнэлсэн спортын 6 төрлийн нэгдсэн дүнгээр:
🏆Шилжин явах цомын эзэд буюу I байранд нийт 41 оноогоор А. Мягмарсүрэн ахлагчтай Багануур дүүргийн “БАГАНУУР” баг
🥈II байранд нийт 44 оноогоор Д. Мөнхдэлгэр ахлагчтай “ДОЛООН БУРХАН” баг
🥉III байранд нийт 48 оноогоор Т. Маралмаа ахлагчтай “DIAMONDS ” баг тус тус шалгарлаа.
thumbnail 344536473_574454508118524_2313266904248109200_n344536473_574454508118524_2313266904248109200_n
“Хувьсан өөрчлөгдөж буй боловсролд эцэг эхийн оролцоо чухал…
May 3 2023 Мэдээ мэдээлэл, Онцлох
Хүүхэд бүрд чанартай боловсрол эзэмшүүлж, эцэг эхийн мэдлэг оролцоог нэмэгдүүлэн, хүүхдэд ээлтэй орон нутгийн тогтолцоог бэхжүүлэх зорилгын дор “Хувьсан өөрчлөгдөж буй боловсролд эцэг эхийн оролцоо” зөвлөгөөнийг зохион байгууллаа.
Тус зөвлөгөөнийг дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Засаг даргын тамгын газар, Боловсролын хэлтэс, Гэр бүл, хүүхэд залуучуудын хөгжлийн хэлтэс, Бүх нийтийн боловсролын төлөө иргэний нийгмийн үндэсний эвслийн Багануур салбар, Дэлхийн зөн олон улсын байгууллагын орон нутгийн хөтөлбөр, Ахмад багш нарын холбоотой хамтран зохион байгуулав.
Хувьсан өөрчлөгдөж буй боловсролд эцэг эхийн оролцоо зөвлөгөөнд ИТХ-ын дарга Т.Отгонболд, Засаг дарга С.Даваасүрэн, Нийслэлийн боловсролын газрын дарга Б.Амартүвшин болон дүүргийн удирдлагууд, ЕБС-ийн 196 бүлэг, СӨБ-ын 82 бүлэг болон 63 байгууллагын 320 гаруй Эцэг эхийн зөвлөлийн гишүүд төлөөлөн оролцсон юм.
Зөвлөгөөнийг ИТХ-ын дарга Т.Отгонболд нээж үг хэлсэн юм. Дүүргийн Засаг дарга С.Даваасүрэн зөвлөгөөнд Боловсролын салбарт хийгдэж буй ажил, цаашдын зорилтын талаар танилцуулж, эцэг эхчүүд, сурган хүмүүжүүлэгч нарт хандаж Хүүхдүүдэд сэтгэлзүйн дарамт үзүүлэх, бие бялдар, оюун ухааныг ялгаварлан эрэмбэлсэн аливаа уралдаан тэмцээн, үйл ажиллагааг зохион байгуулахгүй байх УРИАЛГЫГ дэвшүүлэв.
Мөн үеэр Нийслэлийн боловсролын газрын дарга Б.Амартүвшин боловсролын чанар, хүүхэд эцэг эх, асран хамгаалагчдын оролцооны талаар мэдээллийг хүргэж, ГБХЗХХ-ээс хүүхдийн хөгжил хамгааллын чиглэлээр, Хүүхдийн элч Ц.Цогзолмаа Байгууллага аж ахуй нэгжийн эцэг эхийн зөвлөлийн үүрэг оролцоо гэсэн сэдвүүдээр мэдээлэл хүргэж, Гэр бүлийн радио фм 104.5 салбарын менежер Г.Шижирбаатар “Гэр бүлийн үнэ цэнэ” илтгэлийг хүргэсэн юм.
Тус зөвлөгөөний үеэр Багануур дүүргийн “Онцлох гэр бүл”-үүдийг шалгаруулан, алдаршуулж, шагналыг нь гардуулан өгч баяр хүргэлээ.
СПОРТЛОГ ГЭР БҮЛ- ДАШДОНДОГИЙН БАТСАЙХАНЫ ГЭР БҮЛ
БҮТЭЭЛЧ ГЭР БҮЛ- ЭНХБАЯРЫН ГАНЗОРИГИЙН ГЭР БҮЛ
ОЮУНЛАГ ГЭР БҮЛ – ЦЭРЭНДЭЖИДИЙН БАТБОЛДЫН ГЭР БҮЛ
ЭКО ГЭР БҮЛ – ДЭНДЭВИЙН НЯМДЭЛЭГИЙН ГЭР БҮЛ
ХҮМҮҮНЛЭГИЙН ҮЙЛСТЭН ГЭР БҮЛ -ТУЯАГИЙН БАТ-ӨРНӨХИЙН ГЭР БҮЛ тус тус шалгарсан байна.
2023 оны 04-р сарын 25, 26-ний өдөр зохион байгуулагдсан Зөвлөгөөнөөс 3 чиглэлд 12 төрлийн зөвлөмжийг гаргаж, үүрэг чиглэлийн биелэлтийг Боловсролын хэлтсийн дарга Н.Алтансүх танилцуулснаар зөвлөгөөн өндөрлөлөө.
thumbnail 344423800_1300691730799192_5843661799558737563_n344423800_1300691730799192_5843661799558737563_n
Хотын стандартаа хэрэгжүүлцгээе
May 3 2023 Мэдээ мэдээлэл, Онцлох
Нийслэлийн Засаг даргын А/242 дугаар захирамжийн хэрэгжилтийг хангах хүрээнд Хотын стандарт, хяналтын газраас дүүргийн төрийн болон төрийн өмчит байгууллага, хувийн хэвшлийн нийт 65 удирдах албан тушаалын хүмүүстэй уулзалт, танилцуулга, сургалт зохион байгууллаа.
Нийслэлийн хэмжээнд иргэдийн эрүүл, аюулгүй, ая тухтай орчныг бүрдүүлэхэд хууль, норм, дүрэм, #Батлагдсан_Хотын_стандартын хэрэгжилтийг танилцуулах, мөрдүүлэх, хэрэгжилтэд хяналт тавих тухай, сургалт арга зүйгээр дэмжин туслах, хамтран ажиллах зорилготойгоор зохион байгуулж ажиллалаа.
Хамрах хүрээ:
1. Барилга
2. Дэд бүтэц
3. Байгаль орчин
4. Хот нийтийн аж ахуй
5. Худалдаа, үйлчилгээний салбар
Үр дүн харъяа баг, хороо, дүүргээ улам илүү өнгөлөг цэгцтэй сайхан болгоцгооё, хотын стандартаа хэрэгжүүлцгээе.
Батлагдсан Хотын стандартын тухай дэлгэрэнгүй мэдээллээ доорх линкээр үнэ төлбөргүйгээр татаж авч судлаарай.
thumbnail 344012695_1265220024202415_1526430678589667902_n344012695_1265220024202415_1526430678589667902_n
“Хөдөлмөрийн аюулгүй байдал эрүүл ахуй 2023” сарын аяны хаалтад 30 байгууллагын 240 албан хаагчид оролцлоо
May 3 2023 Мэдээ мэдээлэл, Онцлох
Хөдөлмөрийн аюулгүй байдал, эрүүл ахуйн сарын аяны хаалтын үйл ажиллагааг Д.Нацагдоржийн талбайд зохион байгуулж, 30 байгууллагын 240 албан хаагч оролцлоо.
Хаалтын үйл ажиллагаанд Засаг даргын орлогч Б.Балжинням болон дүүргийн удирдлагууд оролцож, БААН-үүд хөдөлмөрийн аюулгүй байдал эрүүл ахуйн үзүүлэнгүүд болон үйл ажиллагааны талаарх мэдээллийг нээлттэй танилцуулж,сонирхууллаа. Мөн үеэр сарын аянд амжилттай оролцсон байгууллагын ажилтнуудад батламж гардуулж, Онцгой байдлын хэлтсийн “Гамшгийн үеийн гал түймэр унтраах, аврах ажиллагаа”-ны үзүүлэх сургуулилт, Улаан загалмайн хорооноос “Анхны тусламж үзүүлэх дадлага сургуулилт”, Биеийн тамир спорт хорооноос Ажлын байрны дасгал хөдөлгөөнийг нийт оролцогчидтой хамтран хийлээ.
thumbnail 344543535_744081390519333_9065640765674136837_n344543535_744081390519333_9065640765674136837_n
Сэргээн засалтыг хэрхэн хийх чиглэлээр сургалт зохион байгууллаа
May 3 2023 Мэдээ мэдээлэл, Онцлох
Хөгжлийн бэрхшээлтэй хүүхдийн Сэргээн засах хөгжлийн төв, дүүргийн Насан туршийн боловсролын төв, Дэлхийн зөн Багануур ОНХ-тэй хамтран хөгжлийн бэрхшээлтэй хүүхдүүдийг эрүүл мэндийн үзлэг оношлогоо, сэргээн засах үйлчилгээнд хамруулах өдөрлөгийг 04 сарын 28-29-ний өдрүүдэд зохион байгууллаа.
Уг үйл ажиллаагаанд Хөгжлийн бэрхшээлтэй хүүхдийн Сэргээн засах хөгжлийн төв хүүхдийн сэргээн засахын болон хүүхдийн мэдрэлийн эмч, хөдөлгөөн засалч, сэргээн засалч, хэл засалч зэрэг 5 хүний бүрэлдэхүүнтэй эмч нарын баг дүүрэгт ажиллаж нийт 60 ХБХ-дэд эрүүл мэндийн тусламж үзүүлж, ХБХСЗХТөвд хэвтэж эмчлүүлэх шаардлагатай хүүхдүүдийг бүртгэж, Улаанбаатар хотод нарийн мэргэжлийн эмчид үзүүлэх шаардлагатай хүүхдийн эцэг эхчүүдэд зөвлөгөө өгч ажилласан юм.
Мөн дүүргийн хүүхдийн болон уламжлалтын эмч нар, өрхийн эмч нарт 9, 18, 36 сартай хүүхдийн эрүүл мэнд, хөгжлийн цогц үзлэгийг зохион байгуулах, хөгжлийн дэмжлэг, сэргээн засалтыг хэрхэн хийх чиглэлээр сургалт зохион байгуулж нийт 31 эмч хамрагдлаа.
1 2 … 39 40 41 42 43 … 61 62