Иргэд та бүхэн хол замд анхаарал болгоомжтой зорчино уу
Жолооч та Хэнтий аймаг чиглэлийн хол замд гарахдаа цаг агаарын нөхцөл байдлын талаарх бодит мэдээллийг авч, цасан шуургатай байгаа тул бүрэн бус автомашинтай явах нь цасанд суух, хээр хөдөө төөрөх зэрэг эрсдэлтэй байгааг анхаарна уу.
“Багануур АЗЗА” ТӨХК Улсын чанартай Авто замын 112км-ээс 114км-ын хооронд зорчих хэсэгт халтиргаа гулгааны эсрэг цас хайлуулалах бодис, давс цацан ажиллаж байна.
Дөтлүүрээс Багнуур хүртэл зорчих хэсэгт бага зэргийн цасан бүрхүүлтэй байгаа тул жолооч нар анхаарал болгоомтой зорчино уу.
Хальтиргаа гулгаанаас болгоомжлоорой…
Цас их орсноос гудамж, талбай, авто замд хальтиргаа гулгаа үүссэн тул иргэд унаж бэртэхээс сэргийлэх, жолооч нар хурдаа тохируулан зай барьж явахыг зөвлөж байна.
Гэнэтийн нөхцөл байдалд иргэд оршин суугчид хүлээцтэй хандана уу
Өнгөрсөн шөнийн /2023.05.19/ цасан шуурга, хүчтэй салхины улмаас 01:40 цагийн үед цахилгааны гэмтэл гарч одоогоор Мөнгөнморьт сум, Багануур дүүргийн Нарийн нуур, Талын толгой, Замчин хэсэг, Сургалтын задгай, Хуцаа, Тогос уул гэр хорооллын хэсгүүдийн эрчим хүчийг тодорхойгүй хугацаанд хязгаарлаад байна.
Цахилгаан Багануур цахилгаан түгээх сүлжээ салбарын бие бүрэлдэхүүн гэмтлийг олж тогтоон, хэвийн байдалд оруулахаар ажиллаж байна.
Эцэг эх, сурагчдын анхааралд
Сургууль, цэцэрлэгийн хичээл, сургалтын үйл ажиллагааг цахим хэлбэрт шилжүүллээ
Цаг агаарын нөхцөл байдал болон хэрэглээний ус хязгаарласантай холбогдуулан хичээлийн үйл ажиллагаа хэвийн явагдах боломжгүй болсон тул ерөнхий боловсролын сургуулиудын гүйцэтгэлийн үнэлгээний шалгалтад түүвэрт сонгогдсон сурагчдаас бусад сурагч, ангиудын хичээл цахимаар орох болсныг мэдэгдэж байна.
Шалгалтад (сургуульд) ирэх, гэртээ харих үед нь гараас гарт үйл ажиллагааг хэрэгжүүлэн, асран хамгаалагч, цэцэг эхчүүд биечэн хүргэн ирж, хүлээн авахыг анхаарууллаа.
Эх сурвалж: Боловсролын хэлтэс
2023.05.19
Иргэд оршин суугчдын анхааралд…
Өнгөрсөн шөнө орсон цас, цасан шуургын улмаас цахилгаан эрчим хүчний тоноглол, шугам сүлжээнд мөсжилт үүсч гэмтэл гарснаас шалтгаалж, зарим хэсгийн айл өрх, аж ахуйн нэгж байгууллагын цахилгаан тасарч, дүүргийн нийт хэрэглэгчдийг цэвэр усаар хангах боломжгүй байна.
Цахилгааны гэмтлийг арилгасны дараа цэвэр усаар хангана.
Эх сурвалж: Багануур Ус
Цуврал №2: орон сууцны фасад засвар хийгдэж байна
Багануур дүүргийн нийтийн орон сууцны байрны дулаан алдалтыг бууруулах, ашиглалтыг сайжруулах, өнгө үзэмжийг сэргээх зорилгоор жил бүр байрны гадна фасад, орцны хаалга солих ажлыг дүүргийн Засаг даргын мөрийн хөтөлбөрт тусган иргэдийн санал хүсэлт болон дулаан ихээр алдаж байгаа байрнаас эхлэн эрэмбэлж, үе шаттай хэрэгжүүлж байна.
2013-2019 онд 290 айлын 3 байрны фасад засварыг 580,7 сая төгрөгөөр гүйцэтгэж байсан бол 2020-2023 оны 4 жилийн хугацаанд 1308 айлын 35 байрны фасад засварыг нийт 2990,7 сая төгрөг буюу 3 орчим тэрбум төгрөгөөр хийж гүйцэтгэж байна.
Энэ нь 30-аас дээш жилийн насжилттай угсармал орон сууцны 50 хувийг засварласан гэсэн үг юм. Дээрх ажлыг гүйцэтгэсэн он, байр, санхүүжилтийн нийт дүнгээр харуулбал;
2013 онд 7-р байр Нийт 1 байрны 87 айл / 240,0 сая төгрөг/
2015 онд 47-р байр Нийт 1 байрны 58 айл /114.2 сая төгрөг/
2016 онд 22-р байр Нийт 1 байрны 145 айл /226,5 сая төгрөг/
2020 онд 55, 56, 57, 58, 59, 60, 61 байр НИЙТ 7 БАЙРНЫ 264 АЙЛ /Багануур ХК өөрийн хөрөнгөөр/
2021 онд 70, 71, 72, 74, 26а, 34а, 44а, 48-р байр НИЙТ 8 БАЙРНЫ 230 АЙЛ /630,0 САЯ ТӨГРӨГ/
2022 онд 8, 9, 10, 13, 23, 32, 49, 50, 51, 52, 54, 78, 80-р байр НИЙТ 13 БАЙРНЫ 508 АЙЛ /1349,6 САЯ ТӨГРӨГ/
2023 онд 11, 12, 21, 29, 37, 46, 73-р байр НИЙТ 7 БАЙРНЫ 306 АЙЛ /1011,1 САЯ ТӨГРӨГ/
Цаашид дүүргийн хэмжээнд гадна фасад засварлах 6 орцтой 435 айлын 5 байр /6, 15, 16, 17, 18-р байр/, 4 орцтой 464 айлын 8 байр /14, 25, 31, 33, 39, 42, 84, 86-р байр/, 2 орцтой 464 айлын 16 байр /19, 20, 24, 26, 27, 28, 30, 34, 35, 36, 38, 40, 41, 43, 44, 45-р байр/ НИЙТ 1363 АЙЛЫН 29 БАЙР байна.
Дээрх 29 БАЙРНЫ ГАДНА ФАСАД ЗАСВАРЫН АЖЛЫГ ГҮЙЦЭТГЭХЭД НИЙТДЭЭ 4,5 ТЭРБУМ ТӨГРӨГ шаардлагатай гэсэн тооцоо судалгаа гарч байна.
Багануур тохижилт ААТҮГ хамт олон талархал илэрхийлье.
ИРГЭНИЙ ПОСТ: Багануур дүүргийг минь цэвэр цэмцгэр байлгадаг та бүхэндээ маш их баярлалаа. Өглөө 07 цагт гарахад угаагаад л байж байна.
