Дүүргийн орон нутгийн хөгжлийн сангийн хөрөнгө оруулалтаар 1 дүгээр хорооны 13, 14, 17, 18 дугаар байрны дунд байрлах хүүхдийн тоглоомын талбайн тохижилтыг сэргээн засварлах ажлыг 2023 оны 06 дугаар сарын 05-ны өдрөөс Эрхэтгүн харш констракшн ХХК гүйцэтгэхээр гэрээ байгуулан тохижилтын ажлыг эхлүүлээд байна.
Газар хөдлөлтийн гамшгийн дараагаар хаана хандах, ямар арга хэмжээг авах талаар мэдээлэлтэй байх шаардлагатай
Та бүхэн газар хөдлөлтийн дараа авах арга хэмжээнүүдийн мэдээлэлтэй танилцана уу.
https://belenbai.mn/ вебсайтаас газар хөдлөлтийн гамшгийн үед болон өмнө, дараа нь авах арга хэмжээний талаар нэг дороос мэдээлэл авах боломжтой.
Онцгой байдлын ерөнхий газар | Oyu Tolgoi
Газар хөдлөлтийн үед хүн хаана байгаагаас хамаарч авах арга хэмжээнүүд өөр байх учир нөхцөл байдалд тохирсон авах арга хэмжээнүүдийг мэддэг байх шаардлагатай.
Та бүхэн газар хөдлөлт болж байгаа үед авах арга хэмжээнүүдийн мэдээлэлтэй танилцана уу.
Болзошгүй газар хөдлөлтийн аюулаас сэрэмжлүүлэх, нийт иргэдийг эрсдэлээс хамгаалах, мэдээлэлжүүлэх үүднээс явуулж буй #бэлэн_бай аянд нэгдээрэй.
https://belenbai.mn/ вебсайтаас газар хөдлөлтийн гамшгийн үед болон өмнө, дараа нь авах арга хэмжээний талаар нэг дороос мэдээлэл авах боломжтой.
Онцгой байдлын ерөнхий газар | Oyu Tolgoi
Иймд иргэн та дадлага, сургуулийн үеэр барилга байгууламжаас гарч аюулгүй талбайд очин өөрийн аюулгүй байдлаа хангахыг Онцгой байдлын газраас зөвлөж байна.
ЗАРЛАН МЭДЭЭЛЛИЙН ДОХИОГООР АЖИЛЛАХ ҮЕД ХИЙХ 3 АЛХАМ
Аюулгүйн түр цугларах талбайн байршлыг дараах холбоосоор орж харна уу bit.ly/3BGKG3z
Дүүргийн удирдах ажилтны ээлжит шуурхай хуралдаан өнөөдөр болж, дүүргийн Засаг дарга удирдан явуулав. Өмнөх шуурхай зөвлөгөөнөөр дүүргийн Засаг дарга 10 чиглэлээр үүрэг, даалгавар өгснөөс хэрэгжилт 86.5% хувьтай байсныг ЗДТГ-ын ТЗУХ-ийн дарга Б.Туяа танилцууллаа.
Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран энэ сарын 7-9-ний өдрүүдэд стратегийн команд штабын сургуулийг зохион байгуулахтай холбогдуулан Онцгой байдлын хэлтсийн дарга Г.Батжаргал удирдлагуудад мэдээлэл хүргэлээ.
Стратегийн команд штабын сургууль 06-р сарын 07-нд эхэлж, гурван өдөр үргэлжлэнэ. Тус сургуулийн гол зорилго нь газар хөдлөлтийн гамшиг тохиолдсон үед төрийн байгууллага, цэргийн байгууллагууд хоорондын хамтын ажиллагаа, бүх шатны төлөвлөлтийн бичиг баримтыг шинэчлэх юм. Гамшгийн голомтод үүрэг гүйцэтгэх, олон улсын жишиг загварыг нэвтрүүлэх, турших, ослын удирдлагын тогтолцоо, баг бүрэлдэхүүний сургуулилалт зохион байгуулах юм байна.
Зургадугаар сарын 8-ны өдөр улс даяар 16:00 цагт зарлан мэдээллийн дохиогоор иргэд нүүн шилжих дадлага сургуулийг зохион байгуулна.
Орон гэрээсээ, байгаа газраасаа аюулгүй газарт шилжин очих дадлага сургуулийг хийх, газар хөдлөлтийн аюул тохиолдсон үед ямар хүндрэлүүд учрах, түүнийг хэрхэн шийдэх, нэрвэгдсэн хүмүүсийг нүүлгэн шилжүүлэх, хоол хүнсээр хангах зэрэг практик дээр учрах хүндрэлийг даван туулах дадлага сургуулийг хийх юм байна.
Шуурхай зөвлөгөөний төгсгөлд дүүргийн Засаг дарга С.Даваасүрэн ЭМТ-ийн хөнгөвчлөх тасагт нэн шаардлагатай байгаа тоног төхөөрмж, засвар, тохижилтод БААН-үүдээ хамтран ажиллахыг уриалаад ирэх 14 хоногт хийж хэрэгжүүлэх ажлын үүрэг, даалгаврыг өгсөн юм. Тухайлбал:
Өнгөрсөн 15 жилийн турш цугларсан хогийн цэгийг булах, хөрсөөр хучиж орчныг эрүүлжүүлэх ажлыг төр захиргааны байгууллага, Багануур ХК-тай хамтран зохион байгуулж, нөхөн сэргээх ажил хийгдэж дууссан билээ.
Хур хогийг цэвэрлэж, байгаль экологид төдийгүй, хүний эрүүл мэндэд сөргөөр нөлөөлж буй ажлыг хамтын хүчээр дуусгаж байхад зарим УХАМСАР МУУ иргэдээс болж дахин цэвэрлэхээр болжээ. Өнгөрсөн 2 хоногийн хугацаанд иргэд цэвэрлэсэн газарт ахуйн хогоо ил задгай хаясан байна.
Шинэ хогийн цэгт хаячих сэтгэлгүй, ухамсаргүй иргэдээс болж #ДАХИН хөрөнгө зарцуулж, та бидний төлсөн татварын мөнгө #ДАХИН энэ хогийг цэвэрлэхэд зарцуулагдах болоод байна.
БАЙГАЛЬ ОРЧИНД ХОГ ХАЯГДЛАА ХАЯХГҮЙ, ОРЧНОО БОХИРДУУЛАХГҮЙ БАЙХ НЬ ИРГЭН БҮРИЙН ҮҮРЭГ ГЭДГИЙГ УХАМСАРЛААРАЙ.
ТИЙМЭЭС ИРГЭД ТА БҮХЭН ҮҮРГЭЭ УХАМСАРЛАЖ, ШИНЭ ХОГИЙН ЦЭГТ ХОГОО ХАЯХЫГ АНХААРУУЛЖ БАЙНА.
Дүүргийн орон нутгийн хөгжлийн сангийн хөрөнгөөр 2 дугаар хорооны байгууллагуудыг нэгдсэн халаалтын болон цэвэр усны системд холбох ажлыг “Калдеротубо” ХХК нь 2023 оны 04 дүгээр сарын 20-ноос эхэлж, 150 метр халаалт, халуун хүйтэн усны 5 хос шугамыг угсарч суурилуулан шахалтыг хийж туршлаа.
Уг шугам ашиглалтад орсноор алслагдсан хорооны байгууллагууд болох Хорооны ажлын байр, Халуун ус, 100 ортой цэцэрлэгийн барилгууд нэгдсэн халаалт, ус хангамжийн шугам сүлжээнд холбогдох боломжтой болох юм.
Өнөөдөр 2023.06.04 буюу ЗУНЫ ТЭРГҮҮН САРЫН ШИНИЙН 15-ний билигт сайн өдөр тохиож Багануур дүүргийн нандин шүтээн “ГҮНИЙ ОВООГ” тахих ёслолын арга хэмжээг дүүргийн Иргэдийн Төлөөлөгчдийн хурлын ажлын алба, Багануур дүүргийн бурхан шашинтны төв Гүндү Ёндон Равжаалин хийд, Онцарейшилэнг хийд, Дашилхүнболин хийдтэй хамтран зохион байгууллаа. 
Үйл ажиллагаа 07:40 -09:40 хооронд луу цагт эхэлж УИХ-ын гишүүн Ц.Сандаг-Очир, дүүргийн төр захиргааны байгууллагын удирдлагууд, дүүргийн ИТХ-ын Төлөөлөгчид, сүсэгтэн олон оролцож, Уул овооны лусын эзэд, савдаг тэргүүтнийг аргадан тахиж мөн орон нутгийн төр захиргааны байгууллагын үйл хэрэг бүтэмжтэй, зон олны хийморь лундаа өөдрөг, ажил үйлс, буян заяа, хишиг буяныг даатгах хурал номууд явж сүсэгтэн олон даган баяссан юм.
Энэ үеэр Их насны морь, Соёолон насны морьд уралдаж, Сур харваа болон хүчит 16 бөх барилдлаа.
Их насны морины уралдаанд:
Түрүү магнайд: М.Жамъянсүрэнгийн Хээр морь
Аман хүзүүнд: Б.Ганзоригийн Хонгор морь
Айргийн 3-т: О.Мөнхбаатарын Хүрэн морь
Айргийн 4-т: О.Амартүвшингийн Бор морь
Айргийн 5-т: Ц.Энхжаргалын Хүрэн халзан морь тус тус байр эзэллээ.
Соёолон насны морины уралдаанд:
Түрүү магнайд: М.Жамъянсүрэнгийн Хонгор халзан морь
Аман хүзүүнд: С.Үүрцайхын Хүрэн морь
Айргийн 3-т: Ш.Доржбатын Хул морь
Айргийн 4-т: С.Алтансүхийн Хар морь
Айргийн 5-т: Ч.Билгүүний Сартай зээрд морь тус тус байр эзэллээ.
Сур харвааны эрэгтэй төрөлд:
1-р байр: Багануур дүүргийн харваач Аймгийн мэргэн, Спортын мастер Ж.Элбэгжаргал
2-р байр: Багануур дүүргийн харваач Аймгийн мэргэн, Спортын мастер Б.Жаргалсайхан
3-р байр: Багануур дүүргийн Аймгийн мэргэн, Спортын мастер А.Мөнхтогтох нар тус тус байр эзэллээ.
Сур харвааны эмэгтэй төрөлд:
1-р байр: Багануур дүүргийн харваач Аймгийн мэргэн, Спортын мастер М.Мөнхцэцэг
2-р байр: Багануур дүүргийн Залуу харваач Ц.Мөнгөнсор
3-р байр: Багануур дүүргийн Аймгийн мэргэн, Спортын дэд мастер А.Алтанзул нар тус тус байр эзэллээ.
16 бөх барилдаанаас:
аймгийн арслан Д.Аззаяа түрүүлж, Улсын Идэр Өсөх начин Ч.Батчулуун үзүүрлэлээ. ИХ ШӨВӨГТ: аймгийн заан Э.Батбаяр, аймгийн начин Б.Гүррагчаа нар тус тус шалгарлаа.
Энэ онд НҮБ-аас Авлигын эсрэг конвенц батлагдсаны 20 жилийн ойг тохиолдуулан “Дэлхий нийтээрээ авлигын эсрэг нэгдье” уриалгыг дэвшүүлэн, тус конвенцид нэгдсэн улс орон бүр зорилтот үйл ажиллагаа хэрэгжүүлж байна.
Авлигатай тэмцэх газар нь авлигатай тэмцэх тусгайлсан чиг үүрэг бүхий байгууллагын хувьд Монгол Улсын Засгийн газраас 2023-2024 оныг “Авлигатай тэмцэх жил” болгон зарласныг сайшаан дэмжиж, олон нийтийг соён гэгээрүүлэх, авлигаас урьдчилан сэргийлэх чиг үүргийнхээ хүрээнд авлигын эсрэг НЭГДЬЕ үндэсний хэмжээний нөлөөллийн аяныг эхлүүлж байна.
Уг аянаар дамжуулан хууль бус үйлдэлтэй үл эвлэрэх, авлигыг үл тэвчих үзэл, хандлагыг олон нийтийн дэмжлэг, оролцоотойгоор төлөвшүүлэх, хүнд суртал, чирэгдлийг арилгах, төрийн үйлчилгээний ил тод, нээлттэй байдлыг хангах, авлигын эрсдэлийг бууруулж, иргэдийг авлигын эсрэг шүгэл үлээхэд түлхэц үзүүлэх зорилготой юм.
Хөгжил дэвшил, сайн сайхан бүхний төлөө иргэн бүрийн оролцоо чухал бөгөөд өнөөдөр хийсэн зөв үйлдэл тань ирээдүйд ирэх мянга мянган боломжийн эхлэл юм.
Авлига, ашиг сонирхлын зөрчилтэй хэн бүхэнд “ҮГҮЙ ГЭЖ ХЭЛЭЭД ӨӨРЧИЛЬЕ”. Авлигад үгүй гэж хэлье.
Авлигын эсрэг #НЭГДЬЕ.
