Мэдээ мэдээлэл Archives - Page 26 of 57

357112364_666001845564662_3663225109896443597_n

Тэмүүлэл зуслан тун удахгүй амрагчдаа хүлээн авна

7 сар 4 2023 Мэдээ мэдээлэл, Онцлох superadmin

Багануур дүүргийн байгалийн үзэсгэлэнт Нарийны аманд байрлах “ТЭМҮҮЛЭЛ” хүүхдийн зуслан тун удахгүй амрагчдаа хүлээн авахаар бэлтгэл ажлыг хангаж байна. Энэ зуны үйл ажиллагааг Залуус төв, Монголын скаутын холбоотой хамтран зохион байгуулж байгаа бөгөөд хөгжилтэй, адал явдалт, сургалтын олон олон хөтөлбөртэйгөөр хүүхэд багачууддаа бэлэг барих болно.

Бүртгэл 7 сарын 10-наас эхлэх бөгөөд Багануурын Залуус төв Baganuuriin Zaluus tuv цахим хуудсаар мэдээллийг түгээх болно.

Мэдээлэл авах утас: 70210551, 92056044

357443367_664760002355513_5937011946132265947_n

Наадмын сорилго барилдаан боллоо

7 сар 3 2023 Мэдээ мэдээлэл, Онцлох superadmin

Дүүргийн ИТХ-ын дарга Т.Отгонболд, Засаг дарга С.Даваасүрэн, Биеийн тамир спорт хорооны дарга Г.Сүхбаатар нар уламжлал ёсоор Нүүрэнтэйн хүчтэн бөхийн дэвжээний галаар зочилж, бөхчүүдийн бэлтгэлийг сонирхон, цаашдын ажил, амжилтын талаар ярилцлаа.

Энэ үеэр дэвжээний наадмын сорилго барилдаан болж, амжилттай өндөрлөсөн юм. Дүүргийн Засаг даргаас Бөхийн дэвжээг өргөжүүлэх, чансааг ахиулах, хувийн хэвшлийн оролцоог нэмэгдүүлж, зуны бэлтгэлийн баазын бүтээн байгуулалтыг эхлүүлэхэд ирэх жилээс хамтран ажиллахаа илэрхийллээ.

357171275_664214162410097_410611547909628073_n

“Багануурын үдэш” урлагийн тоглолтод урьж байна

7 сар 1 2023 Мэдээ мэдээлэл, Онцлох superadmin

Тулгар төрийн 2232 жил, Их Монгол Улсын 817 жил, Үндэсний эрх чөлөө, Тусгаар тогтнолоо сэргээн мандуулсны 112 жил, Ардын хувьсгалын 102 жилийн ой, Багануур дүүрэг үүсэн байгуулагдсаны 43 жил, Багануур ХК-ийн 45 жилийн ойн баяр наадам 07 сарын 10,11-ний өдрүүдэд зохион байгуулагдана.

БАГАНУУРЧУУД та бүхнийг 07 сарын 10-ны үдшийн 20:00 цагт Хөл бөмбөгийн талбайд “БАГАНУУРЫН ҮДЭШ” урлагийн тоглолтод урьж байна.

УРИЛГААР: САЛХИ ХАМТЛАГ, РЕППЕР ROOCKIE, ДУУЧИН Б. АЛТАНЖАРГАЛ/Ардын дуучин, МУСТА/, ДУУЧИН ЭНХСАЙХАН, АМЬД ХӨГЖМИЙН C#ART ХАМТЛАГ, ENKHE X ERKHME нар оролцоно.

357374892_664095775755269_7587308269941998802_n

Байгууллагуудын эхний хагас жилийн тайланг хэлэлцэж байна

6 сар 30 2023 Мэдээ мэдээлэл, Онцлох superadmin

Засаг даргын дэргэдэх удирдлагын зөвлөлийн хурлаар дараах 13 байгууллагын эхний хагас жилийн тайлаг хэлэлцэнэ.

Усан спорт, боулингийн төв

Гэр бүл, хүүхэд, залуучуудын хөгжлийн хэлтэс

Жижиг дунд үйлдвэрийг дэмжих төв

Соёлын ордон

Биеийн тамир, спортын хороо

Нийслэлийн ерөнхий боловсролын Боловсрол цогцолбор сургууль

Нийслэлийн ерөнхий боловсролын Гүн галуутай цогцолбор сургууль

Нийслэлийн ерөнхий боловсролын Оюуны Эрин цогцолбор сургууль

193 дугаар цэцэрлэг

241 дүгээр цэцэрлэг

Багануур тохижилт ААТҮГ

Багануур гэрэлтүүлэг, чимэглэл ААТҮГ

Тээвэр зохицуулалтын алба ААТҮГ

Байгууллагууд дараах чиглэлээр тайлангаа танилцуулна.

Үндсэн үйл ажиллагаа

Санхүүгийн тайлан

Албан бичиг, өргөдөл гомдлын шийдвэрлэлт (өмнөх онтой харьцуулж гаргах)

Сургах, нийгмийн баталгааг хангах хөтөлбөрийн хэрэгжилт (өмнөх онтой харьцуулж гаргах)

Хийж хэрэгжүүлсэн томоохон ажлууд

Шинээр санаачилж хийсэн ажил

Цаашид тулгамдаж буй асуудал

356643390_663631545801692_1966666973512542310_n

Дүүргийн ажилтан албан хаагчдын нийгмийн баталгааг хангах хөтөлбөрийн төслийг боловсруулж засаг дарга өргөн барив

6 сар 30 2023 Мэдээ мэдээлэл, Онцлох superadmin

2023 оны 06-р сарын 29-ний өдөр дүүргийн Засаг дарга С.Даваасүрэн Иргэдийн Төлөөлөгчдийн Хурлын ээлжит XXIV хуралдаанаар дараах асуудлуудыг хэлэлцүүлэхээр холбогдох тогтоолын төсөл танилцуулгыг, иргэдийн Төлөөлөгчдийн Хурлын дарга Т.Отгонболдод өргөн барилаа.

Дүүргийн 2022 оны төсвийн гүйцэтгэл батлах тухай

Дүүргийн 2023 оны төсөвт нэмэлт, өөрчлөлт оруулах тухай

Дүүргийн 2023 оны газар зохион байгуулалтын төлөвлөгөөнд нэмэлт, өөрчлөлт оруулах тухай

Төрийн дээд цол, одон медальд уламжлах тухай

Дүүргийн ажилтан, албан хаагчдыг сургах, мэргэшүүлэх, хөгжүүлэх нийгмийн баталгааг хангах хөтөлбөр батлах тухай

Багануурын Залуус төв ААТҮГ-ын дүрэмд нэмэлт, өөрчлөлт оруулах тухай

Дүүргийн баяр наадмыг зохион байгуулах хорооны бүрэлдэхүүн, дүрэм батлах тухай

357626366_6165548460220943_7009004407544889608_n

Алхам алхмаар төсөл хэрэгжиж байна

6 сар 30 2023 Мэдээ мэдээлэл superadmin

Хүнд хэлбэрийн хөгжлийн бэрхшээлтэй байнгын асаргаанд байдаг хүүхдүүдийн эрүүл мэндийг бэхжүүлэх, боловсрол, нийгмийн оролцоог дэмжин чадавхжуулах зорилгоор “Алхам алхмаар” төслийг хэрэгжүүлж байна. Тус төсөлд хамрагдах 11 хүүхдийг сонгон эрүүл мэндийн төвийн холбогдох эмч, хөдөлгөөн засалч нар үзлэг хийж цаашид эрүүл мэндийн ямар тусламж үйлчилгээ шаардлагатай байгааг тодорхойлж үнэлгээ хийлээ. Төслийг ЗДТГ, ЭМТ, АБНТБТ, ХХҮХ, Багануур дүүргийн хөгжлийн бэрхшээлтэй хүүхэдтэй эцэг эхчүүдийн холбоо НҮТББ, Дэлхийн Зөн ОУБ-ын Багануур ОНХ, Ахмад багш нарын холбоо хамтран 6 сарын хугацаанд хэрэгжүүлэх юм.

356823230_663477982483715_4808924455016725278_n

Дүүргийн 4 дүгээр хорооны малчдын өдөрлөг зохион байгууллаа

6 сар 29 2023 Мэдээ мэдээлэл, Онцлох superadmin

2023 оны 06-р сарын 28-ний өдөр 4-р хорооны Малчдын өдөрлөгийг зохион байгуулж, өдөрлөгийг нээж ИТХ-ын дарга Т.Отгонболд үг хэлж, ИТХ-ын төлөөлөгчид, Засаг даргын орлогч Б.Балжинням, Засаг даргын Тамгын газрын дарга П.Баттүшиг болон төрийн байгууллагын удирдлагууд, малчид, мал бүхий 115 гаруй иргэд хүрэлцэн ирж оролцлоо.

Малчдын өдөрлөгт дүүргийн Засаг даргын орлогч Б.Балжинням Малын хөлийн тоо толгой, албан татварын орлого түүний хэрэгжилтийн талаар мэдээ мэдээлэл өгсөн бол Дүүргийн Нийгмийн даатгалын хэлтсийн дарга Р.Өнөржаргал малчид, мал бүхий иргэддээ Нийгмийн даатгал, эрүүл мэндийн даатгалын талаар мэдээлэл хүргэлээ.

Уг өдөрлөгийн хүрээнд малчид, мал бүхий иргэдийн санал хүсэлтийг хүлээн авч сонсох, төрийн нэг цэгийн үйлчилгээг үзүүлэх зорилгоор Дүүргийн Нийгмийн даатгалын хэлтэс, Хөдөлмөр халамжийн үйлчилгээний хэлтэс, Улсын бүртгэлийн хэлтэс, Цагдаагийн хэлтэс, Онцгой байдлын хэлтэс, Газар зохион байгуулалтын алба, Эрүүл мэндийн төв, Өрхийн эрүүл мэндийн төв, Мал эмнэлэг, Улаан загалмайн хороо, Дэлхийн зөн монгол Олон улсын байгууллагын Багануур ОНХ, Соёлын ордон, Үсчин, Гоо сайхан, ААНБ-ууд хамтран ажиллаа.

Дээрх төрийн болон хувийн хэвшлийн байгууллагуудаар давхардсан тоогоор 75 малчид, мал бүхий иргэд мэдээ мэдээлэл авч, Улаан загалмайн хорооноос малчид, мал бүхий 140 айл өрхөд ахуйн барааны хандив өгсөн юм.

-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Н.Рагчаа

-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Энхтулга

-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Г.Энхболд

-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Батболд

-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Цэцэгдэмбэрэл нарт тус тус шагнал гардуулан өгч, баяр хүргэлээ.

-Нийгмийн хариуцлагын хүрээнд идэвх санаачилгатай оролцсон Wella salon Мастер үсчин Г.Ариунбаяр, У.Туяабаяр нарт ИТХ-аас Талархал гардуулсан юм.

Өдөрлөгийн үеэр насанд хүрэгчдийн 24 бөх, өсвөрийн 3 насны ангиллаар 45 хүүхэд хүчит бөхийн барилдаанд зодоглож, Их нас, Соёолон нас, Даага морьд уралдаж, Сурын харваа, Шагайн харваан тэмцээнийг зохион байгууллаа.

356680448_662279815936865_8464825016386425970_n

Иргэдийн төсвийн эмхтгэлийг гардууллаа

6 сар 27 2023 Мэдээ мэдээлэл superadmin

Швейцарын хөгжлийн агентлаг, Нийгмийн эгэх хариуцлагын Дэлхийн түншлэлийн санхүүжилтээр Дэлхийн банкнаас Глоб Интернэшнл Төв ТББ (ГИТ)-тэй хамтран хэрэгжүүлж буй “Монгол улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь” (МАСАМ II) төслийг 2022 оны 12-р сарын 09-ны өдрөөс эхлэн 2023 оны 05-р сарын 15-ны өдөр хүртэлх хугацаанд Багануур Азийн Нөхөрлөл ТББ-ын төслийн баг болон төслийн хүрээнд зохион байгуулагдсан төр, ИНБ-уудын ажлын хэсэг хамтран хэрэгжүүлсэн.

Төслийн хүрээнд боловсруулсан ИРГЭДИЙН ТӨСӨВ-ийн эмхтгэлийг Засаг дарга С.Даваасүрэнд гардуулан өглөө.

Засаг даргын зүгээс цаашид жил бүр уламжлал болгон хэвлүүлэн иргэдийг мэдээллээр хангаж ажиллахыг хүслээ.

355875319_661735709324609_1458079746141271742_n

Нарийний аманд ойн хөнөөлт шавжийн устгал хийлээ

6 сар 27 2023 Мэдээ мэдээлэл superadmin

Нийслэлийн Байгаль орчны газраас ногоон бүсэд ойн хөнөөлт шавж, өвчний тархалтын судалгааг хийжээ. Тус судалгаанд ойн хөнөөлт шавж болох Сибирийн хүр эрвээхэй, Якобсоны төөлүүрч эрвээхэй, Шилмүүс хуйлагч хорхой тодорхой хэмжээгээр тэмдэглэгдсэн байна.

Судалгааны дагуу шавж устгалын ажлыг авиа микробиологийн аргаар буюу онгоцоор, зарим бүс нутагт үүргийн шүршигч ашиглан 14 хоногийн хугацаанд зохион байгуулж, Нарийний аманд 300 га ойн сан бүхий газарт хийж дуусгалаа.

ИРГЭД ТА БҮХЭН НАРИЙНЫ АМНЫ ОЙН САН БҮХИЙ ГАЗАРТ САРЫН ХУГАЦААНД АМАРЧ ЗУГААЛАХГҮЙ БАЙХЫГ АНХААРУУЛЪЯ.

354249641_1297497734188644_6396233080114165155_n

Сэрэмжлүүлэг

6 сар 26 2023 Мэдээ мэдээлэл superadmin

Сүүлийн жилүүдэд элбэг тархаад байгаа бамбайн хоншоорт могой өнөөдөр 22-р байрны урдаас олдож Онцгой байдлын хэлстийн алба хаагчид аюулгүй болгон Байгаль хамгаалагчид хүлээлгэн өгсөн байна.

Ерөнхий шинж:

Биеийн урт 70 орчим см
Биеийн ерөнхий зүс хул шарга юм уу хар хүрэн. Гэвч биеийн зүс маш хувьсамтгай. Тухайлбал ой мод бүхий нутгийнх ихэвчлэн тод хар хүрэн, говь цөлийн бүсийнх цайвар юм уу бор шарга байна.
Нуруу ба сүүлний дагуу хөндлөн цагаан судалтай. Энэ судал заримдаа дундуураа тасархайтсан байдаг.
Биеийн хоёр хажуугаар тууш эгнэсэн цайвар бараан толботой.
Хүүхэн хараа нь босоо.
Нүд хамрын хооронд гүнзгий хонхортой тул зэрвэс ажиглахад хамрын 4 сүвтэй мэт байдгаараа бусад могойгоос хялбар ялгагдана.

Могойд хатгуулсан тохиолдолд нэн яаралтай хамгийн ойр байрлах эмнэлэгт очих шаардлагатай. Хэрэв та ийм могойтой таарвал 7021101 утсаар мэдээлэл өгнө үү.

1 2 … 24 25 26 27 28 … 56 57

Category : Мэдээ мэдээлэл