Дүүрэгт ажиллаж амьдарч байгаа залуучуудын хөгжлийг дэмжих, нийгмийн оролцоог нэмэгдүүлэх, байгууллага аж ахуйн нэгжийн залуучуудын зөвлөлийн үйл ажиллагааг идэвхжүүлэх, салбар дундын уялдаа холбоог сайжруулах, дүүрэг орон нутгаа хөгжүүлэхэд хувь нэмрээ оруулах, залуучуудад тулгамдаж буй асуудлыг хэлэлцэн төлөвлөгөөнд тусгах зорилго бүхий “Багануурын хөгжил-Залуучуудын оролцоо” сэдэвт уулзалт төрийн захиргааны байгууллагын албан хаагч залуучуудын уулзалтаар эхэллээ.
Энэхүү уулзалт арга хэмжээг Багануур дүүргийн Залуучуудын хөгжлийн салбар зөвлөл, ЗДТГ, ГБХЗХХ, Байгууллагуудын залуучуудын зөвлөл хамтран салбар салбарын хүрээнд аравдугаар сарыг дуустал зохион байгуулах юм.
Уулзалтаар Дүүргийн Засаг даргын орлогч бөгөөд дүүргийн залуучуудын хөгжлийн зөвлөлийн дарга Б.Балжинням “Дүүрэгт хийгдэж буй хөрөнгө оруулалтын ажил”, ГБХЗХХ-ийн дарга Т.Хашлянхуа “Залуучуудын хөгжлийг дэмжих тухай хууль”, Дүүргийн ИТХ-ын хурлын төлөөлөгчийн асуудал хариуцсан туслах Н.Оюунтуяа “Төрийн албан хаагчийн ёсзүй”, Хичээнгүй үндэс ТББ-ын тэргүүн, бүсийн сургагч н.Буяндэлгэр “Залуучуудын манлайлал,оролцоо” сэдвийн хүрээнд илтгэл тавьж, залуучууд санал хүсэлтээ илэрхийллээ.
Дашрамд дурдахад 10 сарын 19-ний өдөр төрийн тусгай албан хаагч залуучуудын уулзалтаар үргэлжлэх юм.
Багануур дүүрэг дэх Цагдаагийн хэлтсээс зохион байгуулагдаж буй арга хэмжээний талаарх мэдээллийг өгсөн юм. Өнгөрсөн 21 хоногийн хугацаанд тус хэлтэст нийт 115 дуудлага мэдээлэл бүртгэгдсэн бөгөөд үүнээс гэмт хэргийн шинжтэй 16, зөрчлийн шинжтэй 99 дуудлага бүртгэгджээ. Мөн улсын хэмжээнд “Илрүүлэлт, оргодол-2023”, “Та татгалз”, “Нууцлал” зэрэг нэгдсэн арга хэмжээ зохион байгуулагдсанаар тус хэлтсээс гэмт хэрэгт сэрдэгдсэн этгээд 12, оргодол 1, шүүхээс даалгасан иргэн 10, оршин суугаа газраасаа алга болсон 3 иргэнийг шуурхай олж тогтоон ажиллажээ.
ЭМТ-ийн дарга Д.Шинэбаяр: Дархлаажуулалтын ажил эхэлсэн байгаа бөгөөд иргэд харьяа өрхийн эрүүл мэндийн төвүүд дээр вакцинжуулалтад хамрагдах юм. Дархлаажуулалтын вакцинжуулалтад 2-5 насны хүүхдүүдийг эцэг эхээс зөвшөөрөл авсны үндсэн дээр цэцэрлэг дээр хамруулж байгаа аж. Цэцэрлэгт хамрагддаггүй бол харьяа өрхийн эрүүл мэндийн төв дээр дархлаажуулалтад хамрагдахыг энэ үеэр хэллээ.
Онцгой байдлын хэлтсийн дарга, Дэд Хурандаа Г.Батжаргал: Обьектын гал түймрийн, аврах ажиллагааны дуудлага тус тус нэг бүртгэгджээ. Нийслэлийн Засаг даргын нэрэмжит гамшгаас хамгаалах “Бэлэн байдлын үзлэг”-ийн үнэлгээг танилцуулж үзлэгээр илэрсэн нийтлэг зөрчил, ололттой талуудыг танилцуулсан юм.
Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.
