2025 оны 05 сарын 15
Нээлттэй ажлын байрСанал хүсэлт

Category : Мэдээ мэдээлэл

thumbnail 476904418_1047784860719690_5309206336492522280_n476904418_1047784860719690_5309206336492522280_n
“Улаанбаатар хот-2040” хөгжлийн ерөнхий төлөвлөгөөг танилцуулж байна
2 сар 13 2025 Мэдээ мэдээлэл
“Улаанбаатар хот 2040” хөгжлийн ерөнхий төлөвлөгөөнд тусгаснаар нийслэлийг дараах үндсэн зургаан чиглэлээр хөгжүүлнэ.
Үүнд:
1. Эдийн засаг+бүсчлэл
2. Байгаль орчин, аялал жуулчлал
3. Архитектур орон зай, зам тээвэр
4. Ус хангамж, ариутгах татуурга
5. Эрчим хүч
6. Инженерийн бэлтгэл арга хэмжээ+гамшиг
Монгол улсын хөгжлийн хөтөч, иргэн төвтэй нийслэл хот болох хөгжлийн ерөнхий төлөвлөгөөний төслийг та бүхэнд цувралаар танилцуулах бөгөөд дэлгэрэнгүй мэдээлэлтэй доорх QR бүхий холбоосоор орж танилцана уу.
thumbnail 477535936_1047166260781550_5145856470830807662_n477535936_1047166260781550_5145856470830807662_n
Өсвөрийн усанд сэлэлтийн шигшээ багийн тамирчид Бангкок хотоос амжилт арвин иржээ
2 сар 12 2025 Мэдээ мэдээлэл
Тайландын Бангкок хотноо 02 сарын 07-09-ны өдрүүдэд “Азийн сургуулиудын нээлттэй тэмцээн” зохион байгуулагдсан бөгөөд нийт 18 улсын, 98 клубийн 1196 тамирчин оролцжээ.
 Харин Багануур дүүргийн Засаг даргын дэргэдэх өсвөр үеийн усанд сэлэлтийн шигшээ багийн багш, дасгалжуулагч Ш.Харцага тус тэмцээнд таван тамирчныг дасгалжуулж ангилал тус бүрдээ амжилттай оролцсон байна.
 Тодруулбал:
-7-8 насны ангилалд А.Цэц-Оюу чансаагаараа 2-р байранд эрэмбэлэгдэж мөнгөн цомын эзэн болсон ба мөн мэлхий сэлэлтийн 50м, 100м төрөлд алтан медаль, дельфин сэлэлтийн 50м төрөлд мөнгөн медаль, 4*50м буухиа төрөлд хүрэл медаль
-9-10 насны ангилалд Л.Ананд 4*50м буухиа төрөлд хүрэл медаль
-11-12 насны ангилалд Б.Тэмүүлэн 4*50 м буухиа төрөлд хүрэл медаль нийт алт-2, мөнгө-1, хүрэл-3 медаль тус тус хүртжээ.
thumbnail 477151664_1048440877320755_4264786236660062702_n477151664_1048440877320755_4264786236660062702_n
Улсын аварга малчны болзлыг хангасан 2 өрхөд баяр хүргэе
2 сар 12 2025 Мэдээ мэдээлэл
Өнөөдрийн  Засгийн газрын хуралдаанаар Улсын аварга малчин, тариаланчдыг хэлэлцэн шалгаруулжээ.
Модон Могой жилийн босгон дээр Багануур дүүргийн 1-р хорооны малчин Даржаагийн Нармандах, Юрагийн Батбаатар нар Улсын Аварга малчин болсон байна.
thumbnail 477353679_1047815264049983_6779970143522829513_n477353679_1047815264049983_6779970143522829513_n
Хүнсний бүтээгдэхүүний үнэ болон чанарт хяналт тавьж ажиллахыг чиглэл болголоо
2 сар 11 2025 Мэдээ мэдээлэл
Дүүргийн удирдах ажилтны шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 9 үүрэг даалгавар 78.9 хувьтай хэрэгжжээ.
“Орлогыг орлуулан тооцох аргаар өрхийн амьжиргааны түвшин тодорхойлох хосолмол аргачлал”-ын дагуу судалгааны мэдээлэл цуглуулах ажил орон даяар 2 02 сарын 03-наас 02 сарын 17-ны өдрийг хүртэлх хугацаанд зохион байгуулагдаж байгаа талаар Хөдөлмөр, халамжийн үйлчилгээний хэлтсийн дарга С.Ичинхорлоо удирдлагуудад мэдээлэл хүргэлээ.
Хуралдааны төгсгөлд дүүргийн Засаг даргаас ирэх 14 хоногт дараах ажлуудыг зохион байгуулахыг үүрэг болголоо.
– Хөрөнгө оруулалт, бүтээн байгуулалтын ажлын хүрээнд зураг төсөв, ажлын даалгавар, техникийн тодорхойлолт ирээгүй удааширч буй төсөл, арга хэмжээг эрчимжүүлж, холбогдох байгууллагууд ажлын тоо хэмжээгээ яаралтай гаргах,
-Байгууллагууд ажилтан, албан хаагчдаа А3-н сургалтад хамруулж, ажлын байрны тодорхойлолт тусгаж ажиллах,
-Байгууллагууд дотоод хэрэгцээ, урсгал зардалтай холбоотой худалдан авах ажиллагааг дотооддоо зохион байгуулж ажиллах,
– Сүхбаатарын талбайд 2025 оны 04 дүгээр сарын эхний 7 хоногт “Хоолны өдөрлөг” зохион байгуулагдахтай холбоотойгоор дүүргээс оролцох байгууллага, иргэдийн бэлтгэл бэлэн байдлыг хангаж ажиллах,
-Дүүргийн хэмжээнд нийтийн эзэмшлийн гудамж, зам талбайн хог хаягдлыг цэвэрлэх, фасад, хайс хашааг угаах ажлыг зохион байгуулах,
– Замын хөдөлгөөний аюулгүй байдал хангах, замын хөдөлгөөний дүрэм зөрчсөн жолооч нарт хариуцлага тооцох арга хэмжээ авч, хуурамч дугаартай тээврийн хэрэгслийг илрүүлэх ажлыг зохион байгуулах,
-Нийслэлийн томоохон худалдааны төвүүдийг Улаанбаатар хотоос гаргахад тохиолдох эерэг, сөрөг үр дагаврыг судлах, иргэд, олон нийтийн хэлэлцүүлэг зохион байгуулж, иргэдээс гаргасан саналыг зөвшилцлийн үндсэн дээр тусгах замаар үе шаттайгаар нүүлгэн шилжүүлэх төлөвлөгөө боловсруулах ажлыг эрчимжүүлэх,
– Хуулиас давсан шаардлага, шалгуур тавьсан журмын зохицуулалтыг цэгцэлж судалгаа гаргаж танилцуулах,
– Инженерийн шугам сүлжээний хэвийн, найдвартай ажиллагааг хангаж, ус, дулаан, цахилгаан хангамжаар байгууллага, иргэдийг тасалдуулахгүй, гэнэтийн гэмтэл, саатал гарахаас урьдчилан сэргийлэх,
– Дээд шатны байгууллагууд болон нийслэлийн удирдлагуудаас зохион байгуулж байгаа хурал, зөвлөгөөн, уулзалтад байгууллагын удирдлага биечлэн оролцож байх,
-Цас орсон даруйд халтиргаа гулгаанаас урьдчилан сэргийлж, цас цэвэрлэгээг сайтар зохион байгуулж ажиллах,
-Дүүргийн Засаг даргын нэрэмжит “Хөдөлгөөн эрүүл мэнд” сэдэвт биеийн тамир, спортын их наадмын бэлтгэл ажлыг хангаж ажиллах,
-Мэргэжлийн байгууллагууд айл өрхүүдэд яндан хөөлөх талаар зөвлөгөө өгч, хяналт тавих
-Явган хүний зам засварлах, шинээр тавих шаардлагатай замын судалгааг гаргах,
-Сар шинийн баярын үзэсгэлэн худалдаанд иргэдэд нийлүүлэгдэж буй бараа бүтээгдэхүүний чанар аюулгүй байдал болон үнийн дүнд хяналт тавьж ажиллах,
– Иргэдтэй хийх уулзалтын хуваарь, мэдээллийг бэлтгэх,
-Сар шинийн баяр, амралтын өдрүүдэд хариуцлагатай жижүүрийг томилон ажиллах,
thumbnail 475994625_1043373937827449_5170796391180463778_n475994625_1043373937827449_5170796391180463778_n
Багануур дүүрэг зүүн бүсдээ анхны битүү дээвэртэй ордонтой болно
2 сар 5 2025 Мэдээ мэдээлэл
Монголын хоккейн холбоо, Багануур дүүргийн ЗДТГ, Багануур ХК хамтран Монголын хоккейн холбооны 2 дахь ерөнхийлөгч, Багануур ХК-ийн анхны гүйцэтгэх захирал, УИХ-ын гишүүн асан Хөхөөгийн Балсандоржийн нэрэмжит +40 насны хоккейн УАШТ-ийг зохион байгуулж өндөрлөлөө.
Тэмцээний тэргүүн байрыг н.Хишигбуян дасгалжуулагчтай “Мөнгөн гацуур” баг
Дэд байр Б.Мөнх-Отгон дасгалжуулагчтай “Шарын гол” баг
Гутгаар байр Н.Очирбат дасгалжуулагчтай “Жигүүрүүд” багууд тус тус тэргүүлсэн бол хоккейн спортыг хөгжүүлэх үйлсэд үнэтэй хувь нэмэр оруулж буй нэр бүхий тамирчдыг ММБТСХ-ны “Мастеруудын алдар” одон,”Тэргүүний ажилтан”, хоккейн “Спортын мастер” цол тэмдгийг гардуулсан юм.
Энэ үеэр Багануур ХК-ийн гүйцэтгэх Захирлын үүрэг гүйцэтгэгч Д.Түвшинжаргал хэлэхдээ: дүүргийн удирдлагууд, хоккейн клубтэйгээ хамтран Багануур дүүрэгтээ битүү дээвэртэй ордонтой болох зорилт тавин ажиллаж буйгаа дурдлаа. Мөн дүүрэгтээ хоккейн УАТШ-ийг зохион байгуулахад хамтран ажилласан төрийн болон хувийн хэвшлийн байгууллагууддаа баярлаж талархсанаа илэрхийлсэн юм.
thumbnail viber_image_2025-02-07_08-05-50-026viber_image_2025-02-07_08-05-50-026
“Гэрэлт Ирээдүй” МБС-ийн нийт төгсөгчдийн 70 хувь нь мэргэжлээрээ ажиллаж байна
2 сар 3 2025 Мэдээ мэдээлэл
Тус сургууль нь дүүрэгт 10 дахь жилдээ үйл ажиллагаагаа явуулж байгаа бөгөөд өнөөдрийн байдлаар үйлдвэрлэлийн цахилгаанчин, гагнуурчин, барилгын засал чимэглэл, сүлжигч, дулааны шугам сүлжээний засварчин зэрэг ангиудад нийт 260 гаруй суралцагчид сурч байгаа юм.
Өнгөрсөн 09 дүгээр сард дүүргийн төсвийн хөрөнгө оруулалтаар мэдээлэл зүйн кабинетын тоног төхөөрөмжийг шийдвэрлэж өгсөн бөгөөд сурагчдын хувьд суралцах орчин нөхцөл сайжирч байгаад сэтгэгдэл өндөр байгаагаа илэрхийлж байлаа.
Цаашид цахилгааны монтаж, хэрэглээний программист, оёмол бүтээгдэхүүн, автын засварчин мэргэжлээр шинээр анги нээх хүсэлтээ илгээсэн байгааг хэллээ. Мөн “Гэрэлт-Ирээдүй” МБС-г суралцаж төгсөөд их дээд сургуульд 1.5-2.5 жил суралцаад бакалавр зэрэгтэй, инженерүүд болох боломжтой ба тодруулбал 1.5 жил суралцаад техник мэргэжлийн ажилтан, үргэлжлүүлээд 1 жил суралцаад инженер болох боломжтой юм.
Сургалтаар мэргэжил эзэмшсэн төгсөгчдийг хамтран ажилладаг ажил олгогч аж ахуйн нэгж байгууллага дээр үйлдвэрлэлийн дадлага хийлгэж, ажилд зуучилж ажлын байраар хангадаг бөгөөд төгсөгчдийн ажил эрхлэлт нийт 70% хувьтай.
ОХУ-ын Бухятын Хиагт мужийн Барилгын үйлдвэрлэлийн техникум, Хоронхойн барилгын мэргэжлийн сургууль, Өвөр Монголын Ордас хотын Ажил мэргэжлийн сургууль, Үндэсний техникийн их сургуультай хамтын ажиллагаатай байдаг байна.
thumbnail 475771358_1039689751529201_2478194164519640732_n475771358_1039689751529201_2478194164519640732_n
Маргаашаас иргэд дотор нийтийн тээврээр 1000 төгрөгөөр зорчино
1 сар 31 2025 Мэдээ мэдээлэл
Нийслэлийн ИТХ-аас тогтоолоор нийтийн тээврээр үйлчлүүлэх зарим үнийн тарифт өөрчлөлт оруулсан бөгөөд уг тогтоолын хэрэгжилт маргааш буюу 02 сарын 01-ний өдрөөс хэрэгжинэ.
Дүүргийн хэмжээнд дотор нийтийн тээвэр гурван чиглэлд 11 автобус ажлын өдөр 38, амралтын өдөр 11 эргэлтээр иргэдэд үйлчилж байна.
Маргаашаас эхлээд дүүргийн дотор нийтийн тээврээр насанд хүрэгчид 1000 төгрөгөөр, сургуулийн насны хүүхэд 200 төгрөгөөр, харин 2-р хорооны сургуулийн насны хүүхдүүд нийтийн тээврээр үнэ төлбөргүй зорчино.
Цаашид нийтийн тээврийн үйлчилгээнд цахим төлбөрийн системийг нэвтрүүлэхээр зорилт тавин ажиллаж байна.
Харин хот хоорондын автобус үйлчилгээ том хүн 10000 төгрөг, сургуулийн насны хүүхэд 5000 төгрөг, такси үйлчилгээ том хүн 15000 төгрөг, сургуулийн насны хүүхэд 7000 төгрөгөөр тус тус зорчих зохицуулалт хийгджээ.
Цаашлаад хот хоорондын том оврын автобусыг Багануур-Улаанбаатар чиглэлд Дүнжингарав худалдааны төв хүртэл явдаг байхаар зохицуулалт хийхээр төлөвлөөд байна.
thumbnail 475671145_1038855168279326_1226310810552411965_n475671145_1038855168279326_1226310810552411965_n
Цэргийн алба хааж буй алба хаагчид үе тэнгийн залуучууддаа цэргийн үүрэгтний үнэмлэхийг нь гардууллаа
1 сар 30 2025 Мэдээ мэдээлэл

Энэ 2025 оныг Батлан хамгаалах салбарын хүрээнд “Эх оронч Монгол-Их сэргэлтийн жил” болгон зарласантай холбогдуулан дүүргийн Цэргийн штабаас 18 нас хүрсэн цэргийн үүрэгтний үнэмлэх авах залууст Батлан хамгаалах болон Хилийн цэргийн үйл ажиллагааг сурталчлах, үнэмлэх гардуулах арга хэмжээг өнөөдөр Хилийн цэргийн 0252 дугаар ангид зохион байгуулав.

Арга хэмжээнд төр захиргааны байгууллагын удирдлагууд, эцэг эхийн төлөөлөл оролцож Хилийн цэргийн 0252 дугаар ангийн үйл ажиллагаатай танилцлаа.

thumbnail 475652581_1038262581671918_2124151523977807858_n475652581_1038262581671918_2124151523977807858_n
НИТХ-ын төлөөлөгч, Багануур дүүргийн Засаг дарга С.Даваасүрэн: Гэр хорооллын хөрсний бохирдолттой тэмцэх чиглэлээр мод тарьж, ургуулж буй иргэдийг урамшуулна
1 сар 29 2025 Мэдээ мэдээлэл
Дүүргийн 5-р хороонд хийсэн иргэдийн уулзалтын үеэр цаашид төрийн үйлчилгээ болон салбаруудад тулгамдаж буй асуудал, ажлын байр нэмэгдүүлэх зэрэг олон чиглэлээр сар бүр тогтмол хугацаанд иргэдийн уулзалтыг зохион байгуулж ажиллахыг НИТХ-ын төлөөлөгч, Багануур дүүргийн Засаг дарга С.Даваасүрэн онцоллоо.
2025 онд 5 дугаар хороонд:
– “Залуус” хэсгийн дахин төлөвлөлт, гадна дулаан механик, ус хангамж, ариутгах татуургын гадна шугам сүлжээний ажил /үргэлжлэл/
– “Энх-Өрх” ӨЭМТ-ийн барилгын ажил /үргэлжлэл/
– Нарийн нуур хэсгийн цахилгаан хангамжийн ажил
– Шинэ Их гүн, Нарийн хэсгийн гудамж, зам талбайн гэрэлтүүлэг
– Найман нарангаас хорихын гарааш хүртэлх автозам засвар шинэчлэлт
-Их гүн хэсэгт үерийн хамгаалалтын суваг
-4-р хорооноос 5-р хороо хүртэлх автозамын засварын ажил тус тус хийгдэх юм.
Уулзалтад 122 иргэн, мөн хорооноос сонгогдсон ИТХ-ын төлөөлөгчид оролцлоо.
Маргааш буюу 01 сарын 30-ны өдөр 2-р хорооны иргэдтэй хийх уулзалт тус хорооны хурлын танхимд 14.00 цагаас болох тул иргэд та бүхэн хүрэлцэн ирнэ үү?
thumbnail 475286236_1038139138350929_2773949955599242502_n475286236_1038139138350929_2773949955599242502_n
“Эмэгтэй эрдэмтэд, судлаачдын шилдэг илтгэлийн уралдаан” 8 дахь жилдээ амжилттай зохион байгуулагдлаа
1 сар 28 2025 Мэдээ мэдээлэл
Монголын эмэгтэй эрдэмтэд, инженерүүдийн нэгдсэн байгууллагын Багануур болон зүүн бүсийн салбар нь 2017 оноос эхлэн жил бүр эмэгтэй эрдэмтэд, судлаачдын чадавхыг нэмэгдүүлэх, эрдэм шинжилгээний бүтээлийг олон нийтэд хүргэх зорилготой илтгэлийн уралдааныг тасралтгүй зохион байгуулж байна.
Тус уралдаанд урилгаар дараах ЗОЧИН ИЛТГЭЛҮҮД хэлэлцэж, тухайн салбарын шинжлэх ухаан, судалгаа, туршилт, шинэ нээлтүүдийг хуваалцах, санал солилцох, шинэ мэдлэг мэдээллүүдийг өгсөн.
Үүнд:
-УИХ-ын гишүүн, УИХ-ын Боловсрол, соёл, шинжлэх ухаан, спортын байнгын хорооны дарга Ч.Ундрам “Боловсролын салбарын нөхцөл байдал, бодлого, хэрэгжилт” сэдвээр,
-ШУТИС-ийн Үйлдвэрлэлийн технологийн сургуулийн захирал, МЭИТМЭ-ийн удирдах зөвлөлийн гишүүн, техникийн ухааны доктор, дэд профессор, зөвлөх инженер Ж.Туяацэцэг “Аж үйлдвэрлэлийн салбарын хүний нөөцийн асуудал” сэдвээр,
-ШУА, Химийн технологийн хүрээлэнгийн доктор У.Баярзул “Хаягдал түүхий эдээс шилэн керамик материал гарган авах судалгаа” сэдвээр,
-ШУА, Химийн технологийн хүрээлэнгийн доктор Ц.Болор “Мөнгөжүүлсэн гоо сайхны бүтээгдэхүүн” сэдвээр илтгэл, эрдэм шинжилгээний хурал хэлэлцүүлэв.
Энэ жил уралдааны эхний шатанд олон тооны бүтээлүүд ирсэнээс хоёрдугаар шатанд эрүүл мэндийн салбараас- 4, байгаль орчин-1, боловсролын салбараас-4, нийгмийн чиглэлээр-1 нийт 10 илтгэлүүд шалгарч уншиж хэлэлцүүлснээс дараах судалгааны ажлууд шилдэг илтгэлээр шалгарлаа.
НЕБ-ын Боловсрол сургуулийн химийн багш М.Энхмаа, Б.Мөнхтуяа, Б.Батчулуун нарын “Интеграцид суурилсан багшлахуй, суралцахуй (энзимийн интеграцичлал)” сэдэвт илтгэл ТЭРГҮҮН байр
Багануур дүүрэг Хөдөлмөр, Халамжийн, Үйлчилгээний хэлтэс Хөдөлмөр эрхлэлт, Халамжийн асуудал хариуцсан 1 дүгээр хорооны мэргэжилтэн Ш.Шүрэнцэцэгийн “Гэр бүлийн хүчирхийллийн үр дагавар, түүнийг шийдвэрлэх арга зам” сэдэвт илтгэл ДЭД байр,
НЕБ-ын Боловсрол сургуулийн бага ангийн багш Б.Ундрал, Г.Чимэддулам, Ц.Оюунцэцэг нарын “Хичээл хоорондын холбоог оюуны зураглалын аргаар загварчлан сургалтад турших нь” сэдэвт илтгэл ГУТГААР байр,
Япон улс, Хоккайдо их сургууль, Хүрээлэн буй орчны сургууль, ургамал зүйн лабораторийн докторантур “Багануур” ХК-ийн байгаль орчны мэргэжилтэн Б.Дэмидхорлоогийн “Монголын ойт хээрийн бүс дэх хусны ойн нийт анхдагч бүтээгдэхүүн болон тухайн жилийн найдзуурын ургалтын доройтолд үзүүлэх хариу урвал” сэдэвт илтгэл ТУСГАЙ байр тус тус эзэллээ.
ИЛТГЭЛИЙН ТЭМЦЭЭНИЙ ШҮҮГЧЭЭР:
-ШУТИС-ийн Үйлдвэрлэлийн технологийн сургуулийн захирал, техникийн ухааны доктор, дэд профессор, зөвлөх инженер Ж.Туяацэцэг,
-МЭИТМЭ-ийн нэгдсэн холбооны гүйцэтгэх захирал, техникийн ухааны доктор, дэд профессор, зөвлөх инженер П.Ариунболор,
-МЭИТМЭ-ийн удирдах зөвлөлийн гишүүн, ШУТИС-ийн багш, гидрогеологич, эрх зүйч, доктор Д.Оюун нар шүүн, хэлэлцүүлж, зөвлөлөө.
1 2 3 4 … 60 61