Мэдээ мэдээлэл Archives - Page 19 of 61

405527012_7312554112142323_5322334790725080615_n

Багануур дүүргийн архив 53 хөмрөг үүсгэгчтэй

12 сар 5 2023 Мэдээ мэдээлэл superadmin

Монгол Улсад орчин цагийн архивын салбар байгуулагдсаны 96 жилийн ой, “Архивчдын өдөр”-ийг угтан дүүргийн архивд хөмрөг үүсгэгч байгууллагуудын архив, албан хэрэг хөтлөлт, бичиг хэргийн ажилтнуудын баярын хурал зохион байгуулагдлаа. Нийслэлийн Засаг даргын 2022 оны шийдвэрээр салбар архив буюу дүүргийн Архивын хэлтэс байгуулагдсан. Өнөөдрийн байдлаар дүүргийн архивт 39 байгууллагын 5190 хадгаламжийн нэгжийг хадгалж байна. Арга хэмжээний үеэр салбартаа үр бүтээлтэй ажиллаж, амжилт гаргасан алба хаагчдыг шагнаж шагналыг гардууллаа.

ХУУЛЬ ЗҮЙ, ДОТООД ХЭРГИЙН ЯАМНЫ “ХҮНДЭТ ЖУУХ БИЧИГ”-ЭЭР

ЗДТГ-ын зааварлагч, арга зүйч, бичиг хэргийн ажилтан Б.Алтантуяа

АРХИВЫН ЕРӨНХИЙ ГАЗРЫН “ХҮНДЭТ ЖУУХ БИЧИГ”-ЭЭР

Нийслэлийн 241 дүгээр цэцэрлэгийн архив, бичиг хэргийн ажилтан Б.Намсрайжав

Багануур-Ус ААТҮГ-ийн захирлын туслах, архив, бичиг хэргийн ажилтан Т.Мөнхжаргал

Худалдан авах ажиллагааны албаны Дотоод ажил, архив, бичиг хэрэг хариуцсан ажилтан О.Уранчимэг

ЗДТГ-ын Цэргийн штабын мэдээлэл, аюулгүй байдлын офицер Ч.Жаргалсайхан

ЗДТГ-ын албан хэрэг хөтлөлт, түүний зохицуулалт хариуцсан мэргэжилтэн З.Цацрал

ДҮҮРГИЙН ИТХ-ЫН “ХҮНДЭТ ҮНЭМЛЭХ”-ЭЭР

Нийгмийн даатгалын хэлтсийн Бичиг хэрэг, хүний нөөц, дотоод асуудал хариуцсан мэргэжилтэн Б.Отгонцэцэг

ДҮҮРГИЙН ЗАСАГ ДАРГЫН “ЖУУХ БИЧИГ”-ЭЭР

Эрүүл мэндийн төвийн архивын ажилтан Ж.Батням

Нийслэлийн 235 дугаар цэцэрлэгийн нярав, бичиг хэргийн ажилтан С.Саруулцэцэг

Нийслэлийн 132 дугаар цэцэрлэгийн бичиг хэргийн ажилтан О.Мөнхцэцэг

Багануур тохижилт ААТҮГ-ын захирлын туслах, архив, бичиг хэргийн ажилтан Э.Учрал

Усан спорт, боулингийн төвийн хүний нөөц, бичиг хэргийн ажилтан Б.Цэрэндулам нар тус тус шагнагдлаа.

370324065_870087411503184_2990453911835593578_n

Жилийн эцэс болж байгаатай холбогдуулан санхүүгийн өр авлага гаргахгүй байхад анхаарч ажиллахыг үүрэг болголоо

12 сар 4 2023 Дүүргийн шуурхай superadmin

Дүүргийн удирдах ажилтнуудын ээлжит шуурхай хуралдаан зохион байгуулагдлаа. Өмнөх хуралдаанаар Засаг даргаас 6 үүрэг даалгавар өгсөн нь 87,5 хувьтай хэрэгжжээ.

Багануур дүүрэг дэх Цагдаагийн хэлтэс хулгайн мал мах тээвэрлэлтээс урьдчилан сэргийлэх зорилгоор 2 постод 6 алба хаагчид үүрэг гүйцэтгэн ажиллаж байгаа бөгөөд өнгөрөгч 14 хоногт гэмт хэрэгт сэрдэгдсэн, оршин суугаа газраасаа алга болсон, эрэн сурвалжлагдаж байсан тээврийн хэрэгслийг олж тогтоожээ.

Дүүргийн хангагч болон төсөвт байгууллагуудын өвөлжилтийн бэлтгэл ажил 94,3 хувьтай байгаа ажээ. Тодруулбал дэд бүтцийн байгууллагууд 97,2%, төсөвт байгууллагууд 91,5% байна.

Статистикийн хэлтсийн дарга Д.Жаргалмаа: Мал тооллого 12 сарын 07-ны өдөр эхлэхтэй холбогдуулан хороодын Засаг дарга нар, гишүүд болон техник хэрэгслээр хангах үүрэг хүлээсэн байгууллагууд идэвхтэй оролцохыг анхаарууллаа.

Худалдааны төгсгөлд Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.

– 2023 оны жилийн эцэс болж байгаатай холбогдуулан санхүүгийн өр авлага гаргахгүй байхад анхаарч ажиллах,

– Хийж хэрэгжүүлсэн ажлаа иргэдэд сурталчлах зорилгоор салбар бүрийн тайлан өдөрлөгийг зохион байгуулах,

– Мал тооллогын ажлын сайтар зохион байгуулах

– Суурьшлын бүсээс мал бүхий иргэдийг гаргах ажлын талаар мэдээллийг холбогдох байгууллагад хүргүүлэх,

-Ерөнхий боловсролын сургуулиудад бүртгэлтэй байгаа хүүхдийн автобусыг Тээвэр зохицуулалтын албад шилжүүлэх асуудлыг яаралтай шийдвэрлэх,

-Цаг агаарын нөхцөл байдалтай холбогдуулж цас, мөс цэвэрлэгээг өндөр түвшинд зохион байгуулж ажиллах

– Муур, нохой устгалд анхаарч ажиллах

– Хариуцлагатай жижүүрийг томилж ажиллах

405310795_751838026981043_9212355294665487879_n

Жендэрт суурилсан хүчирхийлэлтэй тэмцэх аянд Багануур дүүрэг нэгдэж байна

12 сар 1 2023 Мэдээ мэдээлэл superadmin

Дэлхийн 180 гаруй улс жил бүрийн 11 дүгээр сарын 25-аас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг.

Энэхүү аяны зорилго нь хөвгүүд эрэгтэйчүүдийн оролцоог хангах замаар охид, эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, хэзээ ч “хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” хэмээн илэрхийлдэг.

Тус аяныг Монгол Улсад анх удаа 1997 оноос эхлэн зохион байгуулж эхэлсэн бөгөөд Жендэрийн үндэсний хороо нь 2017 оноос аливаа хүчирхийлэл, ялгаварлан гадуурхалт, түүнээс урьдчилан сэргийлэх зорилтын хүрээнд төрийн болон төрийн бус, Олон Улсын байгууллагуудыг идэвхийлэн санаачлан уриалж, тэмдэглэн өнгөрүүлж байна.

Энэ жил Олон Улсад “Охид эмэгтэйчүүдийн эсрэг хүчирхийллээс сэргийлэхэд хөрөнгө оруулъя” уриан дор, Монгол Улсад “ХҮНДЛЭЛ-ХАМГИЙН ТОД ГЭРЭЛ” уриан дор тэмдэглэн өнгөрүүлнэ.

405375083_2503265996519931_2551352337976724555_n

“Family Forum” хөтөлбөр зохион байгуулагдлаа

11 сар 30 2023 Мэдээ мэдээлэл superadmin

Багануур дүүргийн ЗДТГ-аас хэрэгжүүлж буй “ЭРҮҮЛ ХҮҮХЭД” төслийн хүрээнд Насан туршийн суралцахуйн төв, Тусгай олимпийн хороо, “Сайн найз”клубүүд хамтран “life coach” сургалтыг зохион байгууллаа. Сургалтаар “бяцхан тамирчин” хөтөлбөр, гэр бүлийн түүх, “Бочи” спортыг таниулах тэмцээн, “манлайлагч тамирчин” хөтөлбөрт сургалтууд зохион байгуулагдсан юм.

Тодруулбал ”БОЧИ” спорт нь оюуны бэрхшээлтэй хүүхэд залуучуудын эрүүл мэнд болон оюуны хөгжилд сайн дэмжлэг болохоос гадна, тэдний нийгмийн оролцоог сайжруулах, өөртөө итгэлтэй болоход нь туслах ач холбогдолтой.

405826918_750729577091888_4897586939697840381_n

Усанд сэлэлтийн тамирчдадаа баяр хүргэе

11 сар 29 2023 Мэдээ мэдээлэл superadmin

“Сэлэм загас” клубийн 10 жилийн ойн нэрэмжит Монголын усан спорт сонирхогчдын холбооны “С” зэрэглэлийн Усанд сэлэлтийн тэмцээн 2023 оны 11 сарын 26-27-ны өдрүүдэд Улаанбаатар хотноо зохион байгуулагдаж 30 клубийн 450 гаруй тамирчид хурд хүч, авхаалж самбаагаа сорин өрсөлдлөө. Тус тэмцээнд Багануур дүүргээс Засаг даргын дэргэдэх өсвөр үеийн усанд сэлэлтийн шигшээ багийн багш, дасгалжуулагч Ш.Харцагаар удирдуулсан 20 тамирчин, туслах багшаар багш, дасгалжуулагч Б.Намуунзаяа нар оролцоод ирсэн ба

Б.Тэмүүлэн

делфин сэлэлт 50м төрөлд алтан медаль

делфин сэлэлт 100м төрөлд алтан медаль

мэлхий сэлэлт 100м төрөлд мөнгөн медаль

өврөөр даллах сэлэлт 50м төрөлд мөнгөн медаль

Ө.Чинхүсэл

мэлхий сэлэлт 100м төрөлд мөнгөн медаль

мэлхий сэлэлт 50м төрөлд хүрэл медаль

Л.Ананд

мэлхий сэлэлт 50м төрөлд хүрэл медаль

делфин сэлэлт 50м төрөлд хүрэл медаль

Ч.Батхүсэл

мэлхий сэлэлт 100м төрөлд хүрэл медаль

Ү.Ариунболор

делфин сэлэлт 100м төрөлд хүрэл медаль тус хүртэн амжилт дүүрэн ирлээ. Баг тамирчдадаа баяр хүргэе.

тус

405830538_750326537132192_6428595011905281481_n

Багануур дүүрэг Улс тунхагласны баярыг Төрийн албан хаагчдын баярын өдөр болгон тэмдэглэдэг уламжлалтай

11 сар 28 2023 Мэдээ мэдээлэл superadmin

Өдгөөгөөс 99 жилийн тэртээд буюу 1924 оны 11 дүгээр сарын 26-ны өдөр Монгол улс анхдугаар Үндсэн хуулиа баталж, Хаант засгаас Бүгд найрамдах засаглалд шилжиж, хамжлагат ёсыг халан, үндэсний ардчилсан өөрчлөлт, эрхзүйн чухал зарчмууд, улс төрийн цоо шинэ тогтолцоог хуульчлан баталгаажуулсан бөгөөд энэ нь Монголын түүхийн асар том үйл явдал юм.

Энэхүү хүндтэй өдрийг Төрийн албан хаагчдын баярын өдөр болгон тэмдэглэсээр багагүй хугацааг өнгөрүүлээд байгаа бөгөөд өнөөдөр дүүргийн төрийн байгууллагын ажилтан албан хаагчдын хүрээнд тэмдэглэн өнгөрүүллээ.

Арга хэмжээний үеэр сургагч багш ЗДТГ-ын мэргэжилтэн М.Балжинням “Багаар ажиллах”, сургагч багш ИТХ-ын ажлын албаны мэргэжилтэн О.Буянхишиг “Харилцаа” сэдвийн хүрээнд илтгэл тавилаа.

Баярын өдрөөр шагналын хур буулаа.

“Хөдөлмөрийн хүндэт медаль”-иар Б.Олонтүмэн, Г.Баярмагнай нар

Хөдөлмөр халамжийн үйлчилгээний ерөнхий газрын “Хүндэт өргөмжлөл”-өөр Г.Тунгалаг

Нийслэлийн Засаг даргын “Жуух бичиг”-ээр С.Болортуяа

Нийслэлийн Боловсролын газрын “Шилдэг ажилтан цол тэмдэг”-ээр Н.Энхтуул нар шагнагдлаа.

Тус арга хэмжээний үеэр дуучин Т.Цогсогмаа, 3 бүдүүн хамтлагийн дуучин П.Эрдэнэ, дуучин Н.Батух нар хүрэлцэн ирж уран бүтээлийнхээ дээжээс өргөн барилаа.

404336325_748551940642985_2440987714550586550_n

Соёлын эрхийн бичгээр үйлчлэх аян үргэлжилж байна

11 сар 27 2023 Мэдээ мэдээлэл superadmin

Монгол улсын Соёлын яамнаас 2023 оны 11 дүгээр сарыг “Соёлын бүтээлч сар” болгон зарласан. Тус сарын хүрээнд 16-18 насны өсвөр үеийнхний соёл урлагийн хүртээмжийг нэмэгдүүлэх “Соёлын эрхийн бичиг”-ээр үйлчлэх аянаар үргэлжилж байна.

Энэхүү аян нь 16-18 насны өсвөр үеийнхний чөлөөт цагийг зөв зохистой өнгөрүүлэх, соёл урлагийн боловсролыг дээшлүүлэх зорилгоор дэмжлэг үзүүлж, үзвэр үйлчилгээний эрх, урамшуулал олгодог олон улсын туршлагыг судлан хэрэгжүүлж байгаа үйл ажиллагаа юм.

Уг ажлын хүрээнд Улсын Драмын Эрдмийн Театрын Зохиолч Ц.Балдорж, Найруулагч М.Батболдын найруулгаар “Хайрын виз” уянгын драмын жүжгийг дүүргийн 11-12 дугаар ангийн 743 сурагчдад толилуулахаар 20 гаруй уран бүтээлчид хүрэлцэн иржээ.

400149362_825765069349844_7824427063960073600_n

“Анхны тусламж амь нас аварна” гамшиг ослоос урьдчилан сэргийлэх сургалт зохион байгуулагдлаа

11 сар 24 2023 Мэдээ мэдээлэл superadmin

Дүүргийн Гамшгийн эрсдэлийг бууруулах орон нутгийн зөвлөл, Онцгой байдлын хэлтэс, Улаан загалмайн хороотой хамтран 2023 оны 11 сарын 23-ны өдөр “Эрсдэлгүй Багануур” нөлөөллийн үйл ажиллагааны “Анхны тусламж- амь нас аварна” гамшиг ослоос урьдчилан сэргийлэх сургалтыг зохион байгууллаа.

Тус сургалтаар 190 гаруй иргэдэд гамшгийн аюулаас урьдчилан сэргийлэх, эрсдэлийг бууруулах, осол гэмтлийн үед өөрт болон бусдад анхны тусламжийг түргэн шуурхай цаг алдалгүй үзүүлэх, мэдлэг ур чадварыг онол болон дадлага хэлбэрээр хослуулан зохион байгуулсан юм.

Энэ үеэр Нийслэлийн Онцгой байдлын газрын Урьдчилан сэргийлэх хэлтсийн ахлах мэргэжилтэн, Дэд хурандаа Р.Мөнхбат “Гал түймэр, пийшин, зуухны аюулгүй байдал, ахуйн ослоос урьдчилан сэргийлэх” , Гамшгаас хамгаалах арга зүйн төвийн менежер, дэд хурандаа М.Цогтбаяр “Газар хөдлөлтийн аюулаас урьдчилан сэргийлэх”, Баянзүрх дүүргийн Улаан загалмайн хорооны анхны тусламжийн сургагч багш А.Соёлоо “Анхны тусламжийн хичээл дадлага” сэдвээр тус тус мэдээ мэдээлэл хүргэлээ.

Мөн дүүргийн 5 хорооны ажлын алба, хэсгийн ахлагчдад анхны тусламжийн багц, Онцгой байдлын хэлтэст шаардлагатай техник тоног төхөөрөмжийг дүүргийн Гамшгийн эрсдэлийг бууруулах орон нутгийн салбар зөвлөлийн дарга Т.Отгонболд гардууллаа.

404516342_747377407427105_9046036379660460161_n

Мансууруулах эм, сэтгэцэд нөлөөлөх бодис хэрэглэгчдийн нас эрс залуужиж байна

11 сар 23 2023 Мэдээ мэдээлэл superadmin

Сүүлийн жилүүдэд мансууруулах эм, сэтгэцэд нөлөөлөх бодис хэрэглэгчдийн тоо өсөж байгаагаас гадна насны хувьд эрс залуужиж байгааг албаны хүмүүс хэлж байна. Тухайлбал, Сүүлийн 6 жилийн байдлаар энэ төрлийн гэмт хэрэг 1154 бүртгэгдэж, 1533 хүн сэжигтнээр татагдан шалгагджээ. Уг гэмт хэрэгт холбогдогчийн тоонд насанд хүрээгүй хүүхдүүдэд ч багтаж байгаа юм.

Үүний хүрээнд Цагдаагийн ерөнхий газрын Хар тамхитай тэмцэх газраас #АНЗААР нөлөөллийн арга хэмжээг МУ-ын хэмжээнд, үе шаттайгаар зохион байгуулж байгаа бөгөөд өнөөдөр дүүргийн Төр захиргааны байгууллагын ажилтан албан хаагчдад “Мансууруулах эм, сэтгэцэд нөлөөт бодистой холбоотой гэмт хэрэг, зөрчлөөс урьдчилан сэргийлэх” чиглэлээр сургалт зохион байгууллаа.

Сургалтаар ЦЕГ-ын, Хар тамхитай тэмцэх газрын ахлах мэргэжилтэн, цагдаагийн ахмад Ц.Дэлгэрхишиг мэдээлэл өглөө.

Мэргэжлийн байгууллагын судалгаагаар хар тамхи, мансууруулах төрлийн бодисыг өсвөр насны сурагчид ихээр хэрэглэх болсон ба ихэнхдээ найз нөхдөө даган дуурайх, эх сурвалжгүй мэдээллээс шалтгаалан хэрэглэж үзсэн тохиолдол их байдаг байна.

Иймд эцэг эхчүүд үр хүүхдэдээ тавих хараа хяналтаа сайжруулж, ийм төрлийн гэмт хэрэгт орооцолдохгүй байхад нь анхаарах нь хамгаас чухал байгааг албаныхан анхааруулж байна.

400177267_1325090704867097_200426761026236174_n

Хот тохижилтын машин техникийг бүрэн шинэчилнэ

11 сар 21 2023 Дүүргийн шуурхай superadmin

Дүүргийн удирдах ажилтнуудын ээлжит шуурхай хуралдаан эхэнд Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцуулсан бөгөөд 6 үүрэг даалгавар өгснөөс биелэлт 88 хувьтай хэрэгжжээ.

Багануур дүүрэг дэх Цагдаагийн хэлтсийн дарга Б.Эрдэнэбат: “Улсын хэмжээнд хэрэгжиж буй “Мал мах” арга хэмжээний хүрээнд иргэдийн өвлийн идэш бэлтгэхтэй холбоотой хулгайн мал, мах тээвэрлэхээс урьдчилан сэргийлж, Хэрлэн гүүр, Мөнгөнморьт сумаас орж, гарах хөдөлгөөнд 6 алба хаагч 2 постод үүрэг гүйцэтгэж байна. Мөн гэрээсээ гараад сураггүй болсон 13 настай хүүхдийг найзындаа байхад нь олж, ар гэрт нь хүлээлгэн өгсөн. Сүүлийн өдрүүдэд цахим гэмт хэргийн гаралт өндөр байгаа тул иргэд анхаарал болгоомжтой байх хэрэгтэй байна” гэлээ.

Тохижилт, нийтийн аж ахуйн хэлтсийн дарга Д.Дэмчигжав “Зам талбайн цас цэвэрлэгээ”-ний талаарх мэдээллийг өглөө. Дүүргийн байгууллага, аж ахуйн нэгжүүд өөрийн эзэмшлийн 50м газрын цас цэвэрлэгээнд 136 байгууллага оролцохоос 89 байгууллага хуулиар хүлээсэн үүргийн хэрэгжилтийг хангасан байна. Хуваарьт газрын цасаа цэвэрлээгүй, байгууллагад олон нийтийн байцаагч шаардлага хүргүүлсэн энэ үеэр 89 иргэнийг түр ажлын байраар хангаж, 1-5 дугаар хорооны 16 байршилд 8100 м авто зам, явган зам, автобусны буудлын цас мөсний цэвэрлэжээ.

Дүүргийн ИТХ-ын дарга Т.Отгонболд

Дүүргийн хэмжээнд хүүхдийг зам тээврийн осол гэмтлээс урьдчилан сэргийлэх, явган хүний гарцын тэмдэглэгээг тодруулах, явган зорчигч харагдах байдлыг сайжруулах, жолоочид анхааруулах зорилгоор БЦС-ийн гэрлэн дохионы хэсэг, ГГЦС-ийн арын хэсэг буюу Болор дусал дэлгүүрийн хажуу, Оюуны Эрин цогцолбор сургуулийн бага сургуулийн хажуу гэсэн 3 байршилд Лед гэрлэн гарц хийхээр төлөвлөж байгааг мэдээллээ.

Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.

-Өвөлжилтийн бэлтгэл ажил болон аюулгүйн нөөцийг хангаж ажиллах,

-Төсвийн жил дуусаж байгаа энэ үед санхүүгийн өр авлагагүй гарахад анхаарч, төсвийн тодотгол хийхэд бэлтгэл ажлыг хангаж ажиллах,

-Явцын аудитын зөвлөмжийг хэрэгжүүлэх,

-Оны шилдгүүдийг шалгаруулахад ААНБ-ууд тайлан мэдээллээ ирүүлэх,

-Мөс цэвэрлэгээг ойрын хугацаанд дахин хийж, халтиргаа гулгаанаас болгоомжлох,

1 2 … 17 18 19 20 21 … 60 61

Category : Мэдээ мэдээлэл