Category : Мэдээ мэдээлэл

Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг даргын орлогчоос 13 үүрэг даалгавар өгсөн нь 94.3 хувьтай хэрэгжжээ.

Засаг даргын Тамгын газрын дарга П.Баттүшиг: Үндэсний баяр наадмыг зохион байгуулах салбар комиссын мэдээллийг хүргэлээ. Мөн 05 сарын 23-ны өдөр дүүргийн шүтээн “Гүний овоо”-г тахиж, төрийн хүндэтгэл үзүүлэх талаар мэдээллийг хүргэлээ.

“Багануурын Залуус төв” ААТҮГазрын Захирал М.Гантулга:  Дүүргийн “Тэмүүлэл” хүүхдийн зуслан 2002 оноос хойш тасралтгүй 12 жилийн хугацаанд 40.000 мянга гаруй хүүхдийг хүлээн авч ажилласан. Эрүүл агаар, цэвэр орчинд хүүхдийн амралт чөлөөт цагийг зөв боловсон өнгөрүүлэх тэдний оролцоонд тулгуурласан, хөгжүүлэх үйл ажиллагааг Багануур дүүргийн Хүүхэд, гэр бүлийн хөгжил, хамгааллын хэлтэстэй хамтран ажиллах гэрээ байгуулан “Багануурын Залуус төв” ААТҮГ зохион байгуулан ажиллаж байгаа аж.

“Нэгдүгээрт хүүхэд” уриан дор зохион байгуулах хүүхдийн эрхийг хамгаалах өдрийн ажлын хэсэг хоёр удаа хуралдаж, баярын бэлтгэл ажлыг ханган ажиллаж байгаа талаарх явцын мэдээллийг ХГБХХХ-ын хүүхдийн хөгжил хамгааллын асуудал хариуцсан ахлах мэргэжилтэн, Хүүхдийн эрхийн улсын байцаагч С.Уранцоож танилцууллаа.

Худалдан авах ажиллагааны албанаас 2024 онд батлагдсан 36,199,9 сая төгрөгийн төсөвт өртөг бүхий 50 төсөл арга хэмжээний мэдээллийг хүргэлээ.

Дүүргийн Засаг даргын орлогч Б.Балжинням: Дүүргийн хэмжээнд 82 төсөл арга хэмжээг хэрэгжүүлэхээр ажиллаж байгаа бөгөөд энэхүү хөрөнгө оруулалтын явцын мэдээг танилцуулсан юм.

Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.

-Нийслэлийн хэмжээнд үйл ажиллагаа эрхэлж байгаа аж ахуйн нэгж байгууллагууд хуваарийн дагуу хог, хаягдлыг ачуулах болон хог хаягдлыг тээвэрлэх ажлын явцад газар дээр нь хяналт тавих

-Нийслэлийн хэмжээнд хотын стандарт мөрдүүлэх ажлыг эрчимжүүлэх. Үүнд: нийтийн эзэмшлийн гудамж, зам талбайд гэрэлтүүлгийн шон дээр байгаа кабел утасны асуудлыг шуурхай цэгцлэх

-Явган хүний зам дээр авто машин байршуулдаг иргэдэд хотын соёл, дүрэм, журам мөрдүүлэх, зөрчил гаргасан тээврийн хэрэгслийг холбогдох хуулийн дагуу журамлах ажлыг шуурхай зохион байгуулах

-Нийтийн эзэмшлийн гудамж, зам талбай болон цэцэрлэгт хүрээлэнд иргэд, олон нийтийн амгалан тайван байдлыг алдагдуулахгүй байхад анхаарч, гэмт хэрэг зөрчлөөс урьдчилан сэргийлэх ажлуудыг шуурхай зохион байгуулах

-Инженерийн хангамжийн байгууллагуудад ямар мэргэжлийн, ямар туршлагатай, хэдэн инженер хэрэгцээтэй байгаа талаар тоон мэдээллийг гаргах

-Усан оргилууруудыг ажилд оруулах болон нийтийн эзэмшлийн талбайг цэцэгжүүлэх ажлыг зохион байгуулах

-Эрчим хүчний тендертэй холбоотой асуудлыг шуурхай зохион байгуулах

-Гол, үер усны аюулаас урьдчилан сэргийлэх ажлын хүрээнд онцгой комиссыг хуралдуулах ажлыг зохион байгуулах

-Гэр хорооллын дагуух төв замын засварын ажил хийгдэж байгаатай холбоотойгоор явган хүний зам, дугуйн замын зураг төсөл хийх

– “Гэрэлт ирээдүй” мэргэжлийн боловсролын сургуультай хамтран ажиллах гэрээ байгуулсантай холбоотойгоор төрийн үйлчилгээний туслах ажилтнуудыг мэргэжил дээшлүүлэх сургалтад хамруулах

-Олон улсын хүүхдийн эрхийг хамгаалах өдрийн үйл ажиллагаа, Гүний овооны тахилгын бэлтгэл ажлыг хангаж ажиллах

-Үндэсний их баяр наадмыг зохион байгуулах салбар комиссууд баяр наадмын бэлтгэл ажлыг хангаж ажиллах

-Тэмүүлэл зуслангийн үйл ажиллагаа эхлүүлэхтэй холбоотойгоор бэлтгэл ажлыг хангах

-Гарааш эзэмшигч иргэдтэй уулзаж, авто зогсоолын орчныг бүрдүүлэх

-ХАА-ны хэрэгжилтийн хувийг нэмэгдүүлэх

-Оюуны эрин сургуулийн гадна шугам засвар шинэчлэлийн ажлыг шийдвэрлэх

-ОНХСангийн саналд иргэдийг хамруулах