superadmin, Author at Багануур

379330674_709872917844221_1240582626863302177_n

Ахмадын хорооны замыг шинэчлэх ажил 10 хоногийн дараа дуусаж ашиглалтад хүлээлгэн өгнө

9 сар 21 2023 Мэдээ мэдээлэл superadmin

Дүүргийн төсвийн нэмэлт, тодотголоор батлагдсан ЭМТ-ийн уулзвараас ЖДҮДТ хүртэлх 381м автозамын засвар шинэчлэлийн ажлын тендэр сонгон шалгаруулалтад Багануур АЗЗА ТӨХК шалгарч, энэ оны 9-р сарын 8-ны өдрөөс 10-р сарын 15-ны өдөр хүртэлх хугацаанд хийхээр гэрээ байгуулан ажиллаж байна.

Ажлыг эхлүүлэх үед ЗДТГ-аас автозамын дэргэд байрлах автозасвар, угаалга, худалдаа үйлчилгээ эрхлэгчид, замын цагдаа, гүйцэтгэгч нартай хамтарсан уулзалтыг зохион байгуулж, замын гарц, зогсоолын талаар харилцан санал солилцон ажлыг эхлүүлсэн.

Тэгвэл дүүргийн Засаг дарга замын ажлын явцтай танилцсан бөгөөд компанийн гүйцэтгэх захирал М.Мягмаржаргал дараах тайлбар, мэдээллийг өглөө.

М.Мягмаржаргал: Өнөөдрийн байдлаар тус замын хамгийн их эвдэрдэг хэсгийн намгархаг хөрстэй хэсгийг бүрэн хуулж, материал дүүргэлтийг хийж нягтруулсан бөгөөд авто замын хашлага хийх ажил үндсэндээ дуусаж байна. Худалдаа, үйлчилгээ эрхлэгч нартай уулзаж, гарц гаргах асуудлыг тохиролцсон. Бидний зүгээс манай техник хэрэгслийг энд байгаа дээр нь ашиглаад өөрсдийн эзэмшлийн талбайнхаа ул суурийн ажлыг хийлгэх, бетон цутгах, асфальтаар хучих ажлыг хийлгэж болно гэдэг асуудлыг тавьж байгаа. Гэхдээ одоогоор бидэнд хандсан худалдаа үйлчилгээ эрхлэгч алга байна. Өөр хүндрэлтэй асуудал одоогоор гараагүй байна. Цаг агаарын улмаас болон гэнэтийн зүйл гарахгүй бол бид гэрээний хугацаанаас өмнө буюу 10-р сарын 01 гэхэд ашиглалтад өгөхөөр ажиллаж байна.

С.Даваасүрэн: Хамгийн гол нь чанарт сайн анхаарч ажиллах нь зүйтэй гэдгийг хэлье. Бороо их хэмжээгээр орсон үед энд хуримтлагддаг усыг зайлуулах гаргалгааг хийж, 241-р цэцэрлэгийн чиглэлд явсан цэвэр ус, дулааны шугамыг уснаас хамгаалах, овор хэмжээ том бетон хаягдлыг буталж, газрыг цэвэрлэж, тэгшлэх ажлыг Багануур ус, Багануур тохижилттой хамтран танай компани хийхэд туслалцаа үзүүлэхийг хүссэн юм.

Иргэдээс хамгийн ихээр гомдол ирж буй Ахиц-1 /Байдлаг хэсэгт байрлах/ дэлгүүрийн дэргэдэх автозамын эвдрэлд нөлөөлж буй усыг зайлуулах усны хаялга, хашлага хийх ажлыг Багануур тохижилт ААТҮГ өнөөдрөөс хийж эхэллээ.

380352743_709874684510711_8622229952842618273_n

Энэ жил 3 байршилд авто зогсоол шинээр байгуулж байна

9 сар 20 2023 Мэдээ мэдээлэл superadmin

Энэ онд өрхийн эмнэлэг, төрийн үйлчилгээ авах болон сургууль орчмын авто зогсоол, орон сууцны хороолол дундах авто зогсоолыг нэмэгдүүлэх зорилгоор нийтдээ 66 авто машины зогсоолыг 3 байршилд шинээр нэмж байгуулж байна.

4-р хорооны ажлын албаны байрны урд талд, Залуус төвийн хойд талд нийт 26 автомашины зогсоолыг байгуулж, хүлээн авсан бол энэ удаад 4-р байрны ар талд 40 автомашины багтаамжтай 1423,6м2 талбайтай авто зогсоолыг байгуулах ажил хийгдэж байна.

Одоогоор ул суурийн ажил, автозамын хашлага, 1,5 өргөн бүхий явган замын ажил, зогсоолын гэрэлтүүлэг бүрэн хийгдсэн бөгөөд 300 маркийн хүчитгэсэн бетон зуурмагаар хучих ажил цаг агаарын нөхцөлөөс шалтгаалан ойрын өдрүүдэд цутгалтын ажлыг хийхээр төлөвлөж байна. Энэ автозогсоол ашиглалтад орсноор Гүн галуутай ЦС-д хүүхдээ хүргэж, авах үед үүсдэг ачааллыг бууруулахаас гадна 3-5 дугаар байрны оршин суугчдад зориулагдаж байгаа юм.

Дүүргийн Засаг дарга С.Даваасүрэн өнөөдөр автозогсоолын ажлын явцтай танилцаж, 3-р байрны арын автозамыг зогсоолтой холбохын тулд “Аяс” үйлчилгээний төвийн өмчлөгчтэй хашааг татуулах талаар харилцан зөвшилцөн замын трассыг чөлөөлж зураг төсвийг хийлгэх, Гүн галуутай Цогцолбор сургуулийн баруун гарц, хаалганаас зогсоол хүртэлх явган замыг шинээр тавих ажлыг яаралтай судалж танилцуулахыг холбогдох мэргэжилтэнд үүрэг болголо

Ерөнхий боловсролын сургуулийн хичээлийн болон дотуур байраас 500 м дотор зайд худалдан борлуулахгүй

9 сар 19 2023 Дүүргийн шуурхай superadmin

Тамхины хяналтын тухай хуулийн 6.7.14 дэх заалтын дагуу ерөнхий боловсролын сургуулийн хичээлийн болон дотуур байраас 500 м дотор зайд худалдан борлуулахгүй

378288859_709204037911109_8610997595340779232_n

Боловсрол цогцолбор сургуулийн “Дөл” баг тэргүүллээ

9 сар 19 2023 Мэдээ мэдээлэл superadmin

Багануур дүүргийн Гамшгийн эрсдэлийг бууруулах орон нутгийн зөвлөлийн ивээл дор, Ерөнхий боловсролын сургуулийн ахлах ангийн сурагчдын дунд гамшгийн аюулын тухай мэдлэгийг дадлагажуулах, ослоос урьдчилан сэргийлэх, гамшгийн үед өөрийгөө болон бусдад туслах, авран хамгаалах дадал олгох зорилго бүхий “Өсвөрийн аврагч-2023” дүүргийн аварга шалгаруулах тэмцээн зохион байгуулагдлаа.

“Өсвөрийн аврагч-2023” тэмцээнд ЕБС-иудын 5 багийн 60 гаруй тамирчид оролцсон юм.

Тэмцээн 6 цэгт зохион байгуулагдсан бөгөөд танин мэдэхүйн асуулт хариулт, усанд осолдогчийг аврах, хүч авхаалж, самбаа сорих, химийн хордолтын бүсэд ажиллах, гал унтраах гэсэн 6 өртөөнд хүч чадал, авхаалж самбаа, мэдлэг оюунаа сорин өрсөлдсөнөөс

1-р байр Боловсрол цогцолбор сургууль “Дөл” баг

2-р байр Гүн Галуутай цогцолбор сургууль “Шонхор” баг

3-р байр Боловсрол цогцолбор сургууль “Соёмбо” багууд тэргүүллээ.

378032284_707937531371093_4403266771877213402_n

Хансүр Ринбүчи Сэражэ Хардэн багш Багануур дүүрэгт заларлаа

9 сар 18 2023 Мэдээ мэдээлэл superadmin

“Гүндү Ёндон Равжаалин” хийдийн лам хуврагууд, сүсэгтэн олны зүгээс Цэбагмэд бурхны насны авшиг айлтгасанд Дээрхийн Гэгээнтэн 14-р Далай багшийн дэргэдэх Намжил дацан болон Балдан Жүддод дацангийн Хансүр ринбүчи Сэражэ Хардон Гэвш Лхаарамба Живзүн Данзинжунай дээдэс багш хүлээн авч дүүргийн нийт сүсэгтэн олонд насны авшиг, номын айлдвар айлдлаа.

Дүүргийн удирдлагууд Дээрхийн Гэгээнтэн 14-р Далай багшийн дэргэдэх Намжил дацан болон Балдан Жүддод дацангийн Хансүр ринбүчи Сэражэ Хардон Гэвш Лхаарамба Живзүн Данзинжунай дээдэс багшид хүндэтгэл үзүүлсэн юм.

Тус номын айлдвараар дүүргийн 500 гаруй иргэд “Гүндү Ёндон Равжаалин” хийдэд хүрэлцэн ирж сүсэглэн залбирлаа.

379472494_707332414764938_7717174720893824021_n

Насан туршийн боловсролын төвд энэ хичээлийн жилд 34 сурагч суралцана

9 сар 15 2023 Мэдээ мэдээлэл superadmin

Боловсролын багц хуулийн хүрээнд иргэдийн тасралтгүй, насан туршдаа сурч хөгжих боломж, нөхцлийг хангахын тулд Насан туршийн суралцахуйн төвөөр дамжуулан байгууллага хоорондын хамтын ажиллагааг бэхжүүлж, орон нутгаас бодит дэмжлэг үзүүлж, хэрэгжилтийг ханган ажиллах шинэ эрх зүйн орчин энэ жилээс хэрэгжиж эхэлж байна.

Дээрх үйл ажиллагааг ханган ажиллах Насан туршийн суралцахуйн төв өнөөдөр хичээлийн шинэ жилийн нээлтээ хийсэн бөгөөд нээлтийн үйл ажиллагаанд дүүргийн болон боловсролын байгууллагын удирдлага, эцэг, эх, асран хамгаалагч, харгалзан дэмжигчдийн төлөөлөл, иргэд, хүүхэд багачуудын төлөөлөл оролцсон юм.

Энэ хичээлийн жилд тус төв 10 багш бага, суурь, бүрэн дунд боловсролыг 34 суралцагчид эзэмшүүлэхээр үйл ажиллагаагаа эхлүүллээ.

Дүүргийн Засаг даргаас төвийн үйл ажиллагааг өргөжүүлж, төрөөс болон үйлчилгээний байгууллагуудаас үзүүлж буй цахим үйлчилгээг авах ур чадвар, дадлыг дүүргийн бүх насны иргэдэд олгох хөтөлбөрийг хамтран хэрэгжүүлж ажиллахаа илэрхийлж, багш, суралцагчдад амжилт хүслээ.

Дашрамд дурдахад энэ 9-р сард багтаан дүүргийн хэмжээнд үйл ажиллагаа явуулж буй бүх төрлийн сургалт, секц, дамжааг иргэдэд сурталчлах өдөрлөгийг зохион байгуулах тул сургалт явуулж буй болоод сургалт явуулах хүсэлтэй иргэн, хувь хүн, аж ахуйн нэгж, байгууллагыг дүүргийн ЗДТГ-ын Нийгмийн хөгжлийн хэлтсийн мэргэжилтэн Э.Гуамаралд бүртгүүлнэ үү. Холбоо барих утас: 7021-0019, 8903-3570

Удирдах ажилнуудын шуурхай хуралдаанаас өгсөн үүрэг даалгавар

9 сар 15 2023 Дүүргийн шуурхай superadmin

Удирдах ажилнуудын шуурхай хуралдаанаас өгсөн үүрэг даалгавар

Өнөөдөр орон сууцны айл өрх, сургууль, цэцэрлэг, эмнэлгийн дулааныг холбох бол ААН, байгууллагуудын дулааныг аравдугаар сарын 1-нээс холбоно

9 сар 15 2023 Мэдээ мэдээлэл superadmin

Өнөөдөр орон сууцны айл өрх, сургууль, цэцэрлэг, эмнэлгийн дулааныг холбох бол ААН, байгууллагуудын дулааныг аравдугаар сарын 1-нээс холбоно.

375983598_706730511491795_3879350905743419364_n

“Гүн Галуутай алтан намар” ахмадын өдөрлөг боллоо

9 сар 15 2023 Мэдээ мэдээлэл superadmin

Олон улсын ахмадын баярыг тохиолдуулан ахмадын хорооноос “Гүн галуутай алтан намар” ахмадын өдөрлөгийг өнөөдөр ахмадын цэцэрлэгт хүрээлэнд зохион байгууллаа. Уг өдөрлөгийн хүрээнд өөрсдийн тариалсан хүнсний ногоо, цагаан идээ, хатгамлаар үзэсгэлэн гаргасан юм.

Энэхүү өдөрлөгт дүүргийн 5 хорооны 68 ахмад оролцож мөн 3-р хорооны ахмад Т.Баян-Өлзийд Нийслэлийн тэргүүний ахмад тариаланчийн шагналыг гардууллаа.

Арга хэмжээний үеэр Монголын урлагийн холбооны дэргэдэх Сонгодог соёл клубийн хамт олон хүрэлцэн ирж нано технологи болон оношилгоо үнэ төлбөргүй хийж, зөвлөгөө өгч таван ахмадад хүндэтгэл үзүүллээ.

375908604_706308644867315_5503481203178105615_n

Энэ сарын 15-ны өдрөөс айл өрх, эмнэлэг, сургууль, цэцэрлэгүүдэд халаалт өгнө

9 сар 14 2023 Дүүргийн шуурхай superadmin

Дүүргийн удирдах ажилтнуудын шуурхай хуралдаан зохион байгуулагдлаа. Хуралдааны дараалал ёсоор Засаг даргаас өгсөн үүрэг даалгаврын хэрэгжилтыг ТЗУХ-ийн дарга Б.Туяа танилцууллаа. Өмнөх хуралдаанаар Засаг дарга С.Даваасүрэн 16 төрлийн үүрэг даалгавар өгснөөс биелэлт 75 хувьтай хэрэгжсэн байна.

Онцгой байдлын хэлтэс гал түймрийн нэг дуудлагаар ажиллаж, авран хамгаалжээ. Мөн гол усны үер, тарваган тахал, Боом зэрэг өвчнөөс урьдчилан сэргийлж, 24 цагаар үүрэг гүйцэтгэж, сэрэмжлүүлэг мэдээ хүргэж ажиллажээ.

Мөн ЭМТ-ийн дарга Д.Шинэбаяр: “Хичээлийн шинэ жил эхэлж байгаатай холбогдуулан хүүхдүүдийн дунд томуу, томуу төст өвчлөл нэмэгдэж байна. Энэ жилийн хувьд томуугийн халдвар хугацааны хувьд маш эрт нэмэгдэж байгааг анхаарч хүүхдүүдээ дулаан хувцаслаж, урьдчилан сэргийлэх хэрэгтэй байгаа” гэлээ.

ИТХ-ын дарга Т.Отгонболд: ЕБС,СӨБ-үүдийн халдваргүйтгэл, ЕБС-иудын үдийн хоол хөтөлбөрийн хоолны чанарт анхаарал хандуулж ажиллахаар чиглэл өглөө. Мөн сүүлийн үед цахим залилах төрлийн гэмт хэрэг ихэссэнтэй холбогдуулан дүүргийн Гэмт хэрэг зөрчлөөс урьдчилан сэргийлэх салбар зөвлөл, Цагдаагийн хэлтэстэй хамтарсан сургалтыг 09 сарын 14-ний өдрийн 14.00 цагт Өргөө соёлын ордонд хийх бөгөөд тус сургалтад байгууллага аж ахуйн нэгжийн удирдлагуудыг ажилтан, алба хаагчдаа идэвхтэй хамруулах талаар мэдээлэл хийлээ.

Төлөвлөгөөт мэдээллийг өгсний дараа дүүргийн Засаг дарга дараах үүрэг даалгавар өглөө.

– Дүүргийн хэмжээнд байгаа хараа хяналтгүй болон хөдөлмөр эрхлэгч, эрсдэлт нөхцөлд байгаа хүүхдүүдийг нийгэмшүүлэх, хамгаалах, гэмт хэрэг зөрчлөөс урьдчилан сэргийлэх, хүүхэд рүү хандсан зөвлөмж, сургалтуудыг нэмэгдүүлэх ажлуудыг зохион байгуулж ажиллах.

-Дүүргийн хэмжээнд өвөлжилтийн бэлтгэл ажлыг эрчимжүүлж, шаардлагатай нөөц бүрдүүлэхэд анхаарч ажиллах.

– Төрийн өмчийн ерөнхий боловсролын сургууль, цэцэрлэгийн үдийн хоол хөтөлбөрийн хүрээнд эрүүл ахуй, чанар стандартын шаардлагад нийцсэн баталгаат хүнсний бараа бүтээгдэхүүнээр тасралтгүй хангах, хүнсний аюулгүй байдалд хяналт шалгалт зохион байгуулж, аравдугаар сардаа багтаан дүнг танилцуулах.

-09 сарын 15-ны өдрөөс халаалт ирж байгаа учраас СӨБ, ЕБС, Эрүүл мэндийн байгууллагууд шугам сүлжээ, сантехникийн засвар үйлчилгээнд гэмтэл гарахаас урьдчилан сэргийлж ажиллах.

-Халаалт, дулаантай холбоотой мэдээ мэдээллийг тухай бүр хүргэж ажиллах.

-“Тэрбум мод” үндэсний хөтөлбөр, намрын мод тарих үндэсний өдрийн бэлтгэл ажлыг хангах.

-Намрын ногоон өдрүүд үзэсгэлэн худалдааг сайтар зохион байгуулахад анхаарах.

-Олон Улсын Ахмадын баярын өдрийг БААН-үүд тэмдэглэн өнгөрүүлэх, ахмадууддаа хууль эрхзүйн мэдлэг мэдээлэл олгох сургалт, санал хүсэлт авах арга хэмжээг зохион байгуулах.

-U17 өсвөр үеийн улсын аварга шалгаруулах тэмцээн дүүрэгт зохион байгуулагдаж байгаатай холбоотойгоор аюулгүй байдлыг хангаж ажиллах, хүүхдүүд гэмт хэрэг зөрчилд өртөхөөс урьдчилан сэргийлэх, хүнсний аюулгүй байдлыг хангаж ажиллах.

– Гэр хороолол дундах гудамж талбай, авто замын засвар шинэчлэлт дээр онцгой анхаарч ажиллах.

-Мал, мал бүхий иргэдийг суурьшлын бүсээс гаргах ажлыг зохион байгуулах.

1 2 … 20 21 22 23 24 … 91 92

Global Title