superadmin, Author at Багануур

404516342_747377407427105_9046036379660460161_n

Мансууруулах эм, сэтгэцэд нөлөөлөх бодис хэрэглэгчдийн нас эрс залуужиж байна

11 сар 23 2023 Мэдээ мэдээлэл superadmin

Сүүлийн жилүүдэд мансууруулах эм, сэтгэцэд нөлөөлөх бодис хэрэглэгчдийн тоо өсөж байгаагаас гадна насны хувьд эрс залуужиж байгааг албаны хүмүүс хэлж байна. Тухайлбал, Сүүлийн 6 жилийн байдлаар энэ төрлийн гэмт хэрэг 1154 бүртгэгдэж, 1533 хүн сэжигтнээр татагдан шалгагджээ. Уг гэмт хэрэгт холбогдогчийн тоонд насанд хүрээгүй хүүхдүүдэд ч багтаж байгаа юм.

Үүний хүрээнд Цагдаагийн ерөнхий газрын Хар тамхитай тэмцэх газраас #АНЗААР нөлөөллийн арга хэмжээг МУ-ын хэмжээнд, үе шаттайгаар зохион байгуулж байгаа бөгөөд өнөөдөр дүүргийн Төр захиргааны байгууллагын ажилтан албан хаагчдад “Мансууруулах эм, сэтгэцэд нөлөөт бодистой холбоотой гэмт хэрэг, зөрчлөөс урьдчилан сэргийлэх” чиглэлээр сургалт зохион байгууллаа.

Сургалтаар ЦЕГ-ын, Хар тамхитай тэмцэх газрын ахлах мэргэжилтэн, цагдаагийн ахмад Ц.Дэлгэрхишиг мэдээлэл өглөө.

Мэргэжлийн байгууллагын судалгаагаар хар тамхи, мансууруулах төрлийн бодисыг өсвөр насны сурагчид ихээр хэрэглэх болсон ба ихэнхдээ найз нөхдөө даган дуурайх, эх сурвалжгүй мэдээллээс шалтгаалан хэрэглэж үзсэн тохиолдол их байдаг байна.

Иймд эцэг эхчүүд үр хүүхдэдээ тавих хараа хяналтаа сайжруулж, ийм төрлийн гэмт хэрэгт орооцолдохгүй байхад нь анхаарах нь хамгаас чухал байгааг албаныхан анхааруулж байна.

400177267_1325090704867097_200426761026236174_n

Хот тохижилтын машин техникийг бүрэн шинэчилнэ

11 сар 21 2023 Дүүргийн шуурхай superadmin

Дүүргийн удирдах ажилтнуудын ээлжит шуурхай хуралдаан эхэнд Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцуулсан бөгөөд 6 үүрэг даалгавар өгснөөс биелэлт 88 хувьтай хэрэгжжээ.

Багануур дүүрэг дэх Цагдаагийн хэлтсийн дарга Б.Эрдэнэбат: “Улсын хэмжээнд хэрэгжиж буй “Мал мах” арга хэмжээний хүрээнд иргэдийн өвлийн идэш бэлтгэхтэй холбоотой хулгайн мал, мах тээвэрлэхээс урьдчилан сэргийлж, Хэрлэн гүүр, Мөнгөнморьт сумаас орж, гарах хөдөлгөөнд 6 алба хаагч 2 постод үүрэг гүйцэтгэж байна. Мөн гэрээсээ гараад сураггүй болсон 13 настай хүүхдийг найзындаа байхад нь олж, ар гэрт нь хүлээлгэн өгсөн. Сүүлийн өдрүүдэд цахим гэмт хэргийн гаралт өндөр байгаа тул иргэд анхаарал болгоомжтой байх хэрэгтэй байна” гэлээ.

Тохижилт, нийтийн аж ахуйн хэлтсийн дарга Д.Дэмчигжав “Зам талбайн цас цэвэрлэгээ”-ний талаарх мэдээллийг өглөө. Дүүргийн байгууллага, аж ахуйн нэгжүүд өөрийн эзэмшлийн 50м газрын цас цэвэрлэгээнд 136 байгууллага оролцохоос 89 байгууллага хуулиар хүлээсэн үүргийн хэрэгжилтийг хангасан байна. Хуваарьт газрын цасаа цэвэрлээгүй, байгууллагад олон нийтийн байцаагч шаардлага хүргүүлсэн энэ үеэр 89 иргэнийг түр ажлын байраар хангаж, 1-5 дугаар хорооны 16 байршилд 8100 м авто зам, явган зам, автобусны буудлын цас мөсний цэвэрлэжээ.

Дүүргийн ИТХ-ын дарга Т.Отгонболд

Дүүргийн хэмжээнд хүүхдийг зам тээврийн осол гэмтлээс урьдчилан сэргийлэх, явган хүний гарцын тэмдэглэгээг тодруулах, явган зорчигч харагдах байдлыг сайжруулах, жолоочид анхааруулах зорилгоор БЦС-ийн гэрлэн дохионы хэсэг, ГГЦС-ийн арын хэсэг буюу Болор дусал дэлгүүрийн хажуу, Оюуны Эрин цогцолбор сургуулийн бага сургуулийн хажуу гэсэн 3 байршилд Лед гэрлэн гарц хийхээр төлөвлөж байгааг мэдээллээ.

Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.

-Өвөлжилтийн бэлтгэл ажил болон аюулгүйн нөөцийг хангаж ажиллах,

-Төсвийн жил дуусаж байгаа энэ үед санхүүгийн өр авлагагүй гарахад анхаарч, төсвийн тодотгол хийхэд бэлтгэл ажлыг хангаж ажиллах,

-Явцын аудитын зөвлөмжийг хэрэгжүүлэх,

-Оны шилдгүүдийг шалгаруулахад ААНБ-ууд тайлан мэдээллээ ирүүлэх,

-Мөс цэвэрлэгээг ойрын хугацаанд дахин хийж, халтиргаа гулгаанаас болгоомжлох,

401839406_744982554333257_5332715589595685827_n

Алслагдсан гурван дүүргийн уран үйлчид тодорлоо

11 сар 20 2023 Дүүргийн шуурхай superadmin

Монгол Улсад нийтийн аж ахуйн үйлчилгээний салбар үүсэж хөгжсөний 92 жилийн ойг тохиолдуулан Багануур дүүрэгт алслагдсан гурван дүүргийн оёмол бүтээгдэхүүн үйлдвэрлэгчдийн дунд оёдолчдын ур чадварын анхдугаар тэмцээн хоёр өдрийн хугацаанд зохион байгуулагдаж өндөрлөлөө.

Тэмцээний хаалтын үйл ажиллагаанд Багануур дүүргийн ЗДТГ-ын ХХҮХ-ийн дарга Б.Бямбацэцэг, Налайх дүүргийн Засаг даргын орлогч Н.Мандуул, Налайх дүүргийн ЖДҮДТ-ийн дарга А.Тайванбаяр, Багахангай дүүргийн ЖДҮДТ-ийн дарга М.Өсөхдэлгэр, Багахангай дүүргийн ЗДТГ-ын ТХҮХ-ийн дарга Д.Хүрэлбаатар нар хүрэлцэн ирж тэмцээнд оролцсон оёдолчдод баяр хүргэж шагналыг гардууллаа.

Ажлын хувцасны төрөлд:

1-р байр 88.1 оноогоор Налайх дүүргээс оролцогч Ц.Оюунсувд

2-р байр 81.2 оноогоор Багануур дүүргээс оролцогч Э.Чимэг

3-р байр 81.1 оноогоор Багануур дүүргээс оролцогч Н.Батзаяа

Европ хувцасны төрөлд:

1-р байр 90.5 оноогоор Багануур дүүргээс оролцогч Г.Энхтуяа

2-р байр 74.2 оноогоор Налайх дүүргээс оролцогч Х.Долгорсүрэн

3-р байр 74.2 оноогоор Налайх дүүргээс оролцогч Ц.Сийлэгмаа

Үндэсний хувцасны төрөлд:

1-р байр 90.5 оноогоор Багахангай дүүргээс оролцогч Л.Цэцэгмаа

2-р байр 85.8 оноогоор Багануур дүүргээс оролцогч Ц.Ганьдмаа

3-р байр 85.6 оноогоор Налайх дүүргээс оролцогч Ш.Уранбаяр нар тус тус тэргүүллээ.

Тэмцээний хаалтын үйл ажиллагааны үеэр дүүргүүдийн оёмол бүтээгдэхүүн үйлдвэрлэгчдийн урласан бүтээлийн загварын шоу зохион байгуулагдлаа.

Нийт тэмцээнд оролцсон оёдолчдын цаашдын ажилд нь амжилт хүсье.

401457211_743894994442013_2356936171019043987_n

Оёдолчдын ур чадварын анхдугаар тэмцээн эхэллээ

11 сар 17 2023 Дүүргийн шуурхай superadmin

Монгол Улсад нийтийн аж ахуйн үйлчилгээний салбар үүсэж хөгжсөний 92 жилийн ойг тохиолдуулан Багануур дүүрэгт Багануур, Багахангай, Налайх дүүргийн оёдолчдын анхдугаар тэмцээнийг зохион байгуулж байна. Энэхүү тэмцээний нээлтийн үйл ажиллагаанд Багануур дүүргийн Засаг дарга С.Даваасүрэн, Налайх дүүргийн Засаг дарга Ч.Раднаабазар, Багахангай дүүргийн Засаг дарга А.Сүхболд болон бусад албаны хүмүүс оролцлоо.

Тэмцээнд Багануур дүүргээс -20, Багахангай-2, Налайх-13 оёдолчид үндэсний хувцас, ажлын хувцас, европ хувцас гэсэн төрлүүдээр хоёр өдрийн хугацаанд өрсөлдөх юм. Үндэсний хувцасны төрлөөр 19 оёдолчин өрсөлдөж тэргүүн байранд 90.5 оноогоор Багахангай дүүргээс оролцогч Л.Цэцэгмаа, 2-р байранд 85.8 оноогоор Багануур дүүргээс оролцогч Ц.Ганьдмаа, 3-р байранд 85.6 оноогоор Налайх дүүргээс оролцогч н.Уранбаяр нар тэргүүллээ.

Оёдолчдын анхдугаар тэмцээний шүүгчдээр:

Б.Дугархүү- Мэргэжлийн зөвлөлийн гишүүн, МУ-ын зөвлөх инженер, үнэлгээний ажилтан

Б.Отгон-Мэргэжлийн зөвлөлийн гишүүн, Үйлдвэр урлалын политехникийн коллежийн тэргүүлэх зэргийн мастер багш, үнэлгээний ажилтан

Ч.Энхзаяа- “Танан зүү” ХХК-ийн үүсгэн байгуулагч, технологич, Оёдлын салбарын нэгдсэн мэргэжлийн холбооны ерөнхийлөгч, үнэлгээний ажилтан нар ажиллаж байна.

Нийт тэмцээнд оролцож буй оёдолчдодоо амжилт хүсье.

402033700_743381891159990_3353881637319064799_n

Багануурын бяцхан бөхчүүд эр бяраа сорилоо

11 сар 16 2023 Мэдээ мэдээлэл superadmin

Багануур ХК, MNC телевизийн хамт олонтой хамтран “Хуйрнан шуугигч” хүүхдийн бөхийн барилдааныг Их эзэн Чингис хааны мэндэлсний 861 жилийн ой, Монгол бахархлын өдөр Багануур дүүрэгт зохион байгууллаа.

Монгол бөхийн дэг жаяг, өв соёлыг таниулж өвлүүлэх, хүүхдүүдийг бага наснаас нь үндэсний бөхийн барилдаанаар хичээллэх сонирхлыг төрүүлэх зорилгоор зохион байгуулсан Багануур ХК-ийн 45 жилийн ойн нэрэмжит “Хуйрнан шуугигч” бөхийн барилдаанд ирээдүйд наадмын зүлэг ногоон дэвжээнээ алдар цолоо дуудуулах 220 бяцхан бөх зодоглолоо.

Барилдааны 4-5 насны ангилалд дүүргийн 10 цэцэрлэгийн 160 өхөөрдөм хөөрхөн хүчтэн уран мэхийг уралдуулан барилдав. Эр бяр, арал чац эн тэнцүү 160 бөх үзэгч түмнийг суудлаас нь өндөлзүүлсэн сайхан барилдаан үзүүлснээс 193 дугаар цэцэрлэгийн Д.Хангай түрүүлж, 132 дугаар цэцэрлэгийн Д.Мөнхбаяр үзүүрлэлээ. 241 дүгээр цэцэрлэгийн Б.Энхмэнд, Х.Агарзандан нар шөвгөрч алт, мөнгө, хүрэл медалийн эзэд боллоо.

Харин 6-7 насны ангилалд дүүргийн 4 сургуулиас үндэсний бөхийн залгамж халаа болсон 60 хүчтэн үзэгч олныг баясган барилдсанаас Боловсрол цогцолбор сургуулийн Д.Эрхэмбаяр түрүүлж, тус сургуулийн Б.Цэрэндаваа үзүүрлэв. Шөвгийн дөрөвт Боловсрол цогцолбор сургуулийн А.Сүхбат, Оюуны эрин цогцолбор сургуулийн Х.Амгаланбаатар нар шалгарч ирээдүйд аварга, арслан болохоо харууллаа.

400774807_742323351265844_5276892718695366852_n

МУ-ын Шадар сайд, УИХ-ын гишүүн С.Амарсайхан, УИХ-ын гишүүн Ц.Сандаг-Очир нар тойрогтоо ажиллалаа

11 сар 15 2023 Мэдээ мэдээлэл superadmin

МУ-ын Шадар сайд, УИХ-ын гишүүн С.Амарсайхан, Улсын Их Хурлын гишүүн Ц.Сандаг-Очир нар дүүрэгт ажиллаж төрийн албан хаагчид болон иргэд, хөдөлмөрчидтэй уулзаж ирэх оны улсын төсвийн талаар мэдээ мэдээлэл өглөө.

Ирэх онд улсын төсвийн хөрөнгө оруулалтад Багануур дүүрэгт баригдаж буй 850 хүний суудалтай Соёлын ордон болон 3-р хорооны сургууль, цэцэрлэгийн цогцолбор барилгын ажлыг дуусгахаар нийт 4,3 тэрбум төгрөгийг суулгасан бол шинээр 5-р хороонд Залуус хэсгийн инженерийн шугам сүлжээний дэд бүтцийн ажлыг эхлүүлэх, 1, 3-р хорооны орон сууцны дундах авто замын шинэчлэл, 4-р хорооны Энх-Өрх өрхийн эрүүл мэндийн төвийн барилгыг шинээр барихаар төсөвлөсөнг танилцууллаа.

Мөн Налайх, Багануур дүүрэгт хүлэмжийн аж ахуй байгуулах, Багануур, Налайх, Багахангай дүүргийн боловсролын салбарын тоног төхөөрөмжийг шинэчлэх ажилд нийт 1 тэрбум төгрөгийг суулгажээ. Мөн алслагдсан гурван дүүрэгт орон сууц барих барилгын компаниудад 5 жилийн хугацаанд 50 хувийн татварын хөнгөлөлт олгохоор болсон бол тус гурван дүүрэгт амьдарч буй иргэд ипотекийн 3 хувийн зээлд хамрагдах боломжтой болж, төрийн албан хаагчдын цалин бусад дүүргүүдийнхээс 20-30 хувь нэмэгдэхээр тусгагдсанг энэхүү уулзалтаар танилцуулсан юм.

400612099_741023354729177_7656514879391420296_n

Оёдолчдын анхдугаар ур чадварын тэмцээнд оролцогчид давтан сургалтад хамрагдлаа

11 сар 13 2023 Мэдээ мэдээлэл superadmin

Хөнгөн үйлдвэрийн 89 жилийн ойг тохиолдуулан Багануур, Багахангай, Налайх дүүргийн оёмол бүтээгдэхүүн үйлдвэрлэгч жижиг дунд үйлдвэр эрхлэгч иргэдийн дунд ур чадварын анхдугаар тэмцээнийг дүүрэгт 11 сарын 16,17-ны өдрүүдэд зохион байгуулахаар ажиллаж байна. Ур чадварын анхдугаар тэмцээнд гурван дүүргээс нийт 31 оёдолчин оролцохоор бүртгүүлсэн байна. Тэмцээн болохтой холбогдуулан танхим болон цахим сургалтад хамрууллаа. Оёдолчдын хувьд тэмцээн уралдаанаас өмнө давтан сургалтад хамруулж байгаад сэтгэгдэл өндөр байгаагаа илэрхийлж байсан юм.

399912749_589280366628095_6370521046744585150_n

Түр ажлын байрны тайлант өдөрлөг зохион байгуулагдлаа

11 сар 10 2023 Мэдээ мэдээлэл superadmin

Хөдөлмөр эрхлэлтийг дэмжих үйл ажиллагааны үр дүнг сурталчлах, 2023 онд хамтран ажилласан ААНБ, иргэдийн үйл ажиллагаа, төсөл хэрэгжүүлэгчдийн үйлдвэрлэсэн бараа бүтээгдэхүүнийг сурталчлан борлуулах зорилго бүхий түр ажлын байрны тайлант өдөрлөгийн арга хэмжээг өнөөдөр зохион байгуулагдлаа.

Тайлант өдөрлөгт 9 байгууллага, төсөл хөтөлбөр түр ажлын байранд ажилласан 100 гаруй иргэд оролцож, хамтран ажилласан байгууллага, иргэд хамтран ажилласан ажлын тайлангаа тавьсан юм.

Энэ үеэр хөдөлмөр эрхлэлтийг дэмжих сангийн санхүүгийн дэмжлэгт хамрагдсан хувиараа хөдөлмөр эрхлэгч 36 иргэн бараа бүтээгдэхүүнээрээ үзэсгэлэн худалдаа гаргаж 2,300,000 төгрөгийн борлуулалт хийжээ.

Хөдөлмөрийн тухай хуулийн 144 дүгээр зүйлийн хэрэгжилт, Хөгжлийн бэрхшээлтэй хүний эрхийн тухай хуулийн хэрэгжилтийг хангаж, тогтоосон хувиас давсан орон тоогоор хөгжлийн бэрхшээлтэй иргэн ажиллуулсан 132 дугаар цэцэрлэг, ЦДҮС ТӨХК Багануур салбар, Өргөө соёлын ордонд тус тус ажил олгогчийн дэмжлэг олголоо.

399951447_883204623345268_6554998361042350171_n

U-13 насны улсын аваргаар шалгарсан Ballers клубийн тамирчдад баяр хүргэе

11 сар 9 2023 Мэдээ мэдээлэл superadmin

U-13 насны 3х3 сагсан бөмбөгийн улсын аварга шалгаруулах тэмцээн 11 сарын 6-8-ны өдрүүдэд зохион байгуулагдаж өндөрлөлөө. Тэмцээнд нийт эрэгтэй 54 багийн тамирчид оролцож хурд, хүч, авхаалж самбаагаа сорин өрсөлдлөө. Энэхүү тэмцээнд Багануур дүүргийн Ц.Борхүү дасгалжуулагчтай Ballers клубийн тамирчид тэргүүн байр эзэлж цомын эздээр шалгарсан байна. Мөн хамгийн үнэ цэнтэй тоглогчоор Ballers клубийн тамирчин Б.Чингүн тодорчээ. Ballers клуб үүсгэн байгуулагдсаны 2 дахь жилийн ойгоороо 3х3 сагсан бөмбөгийн улсын аварга багаар шалгарсанд баг тамирчид, дасгалжуулагчдад баяр хүргэе.

399362429_739034521594727_245522943920282960_n

Ажилтан, албан хаагчдыг сургах, мэргэшүүлэх, хөгжүүлэх, нийгмийн баталгааг хангах хөтөлбөр хэрэгжиж байна

11 сар 8 2023 Мэдээ мэдээлэл superadmin

Энэхүү хөтөлбөрийн зорилго нь ажилтан, албан хаагчдад өөрийгөө хөгжүүлэх, сурч боловсрох, орон сууц худалдан авах, орон байрны нөхцөлөө сайжруулахад дэмжлэг үзүүлэх замаар тэдний мэргэшсэн, тогтвортой байдал болон нийгмийн баталгааг тодорхой хэмжээнд хангахад оршиж байгаа юм.

ДИТХ-ын 2020 оны 09 дүгээр тогтоолоор батлагдсан дүүргийн Засаг даргын 2020-2024 оны үйл ажиллагааны хөтөлбөрт тусгагдсаны дагуу дээрх хөтөлбөрийг хэрэгжүүлснээр байгууллагын хүний нөөц боловсрол, ажлын дадлага, туршлагатай мэргэшсэн ажилтнаар бүрдэж, албан тушаалын чиг үүргээ аливаа нөлөөллөөс ангид тогтвортой, чадварлагаар хэрэгжүүлэх нөхцөл бүрдэнэ.

Хөтөлбөрийн хүрээнд дүүргийн төрийн болон ААТҮГ-ын 200 гаруй ажилтан, албан хаагчдыг Хөх-Хотод аялангаа туршлага судлах ажлыг эхлүүлээд байгаа бөгөөд эхний ээлжинд Эрүүл мэнд, Боловсрол, Хот тохижилтын салбарын 81 ажилчид 11 дүгээр сарын 06-ны өдөр аялалдаа гарлаа.

Мянга сонсохоор нэг үз гэдгээр дээрх ажилтан, алба хаагчид хөрш зэргэлдээ БНХАУ-ын Хөх хотын холбогдох салбарын үйл ажиллагаатай газар дээр нь танилцаж, туршлага судалж, дүүрэг орон нутагтаа хэрэгжүүлэх гол зорилготой.

1 2 … 19 20 21 22 23 … 93 94

Global Title