Нийтийн зориулалттай орон сууцны фасад засварын ажил 50 хувьтай байна
2020-2023 онд нийтийн зориулалттай орон сууцны 31 байрны фасад засварыг хийсэн бол энэ жил үлдсэн 27 байрны дулаалгатай фасад засварын ажил 50 хувьтай хэрэгжиж байна.
Ингэснээр дүүргийн хэмжээний угсармал 57 байр бүрэн фасад засварт орж дуусна.
Ташрамд өнгөрсөн хугацаанд 28 байрны 35 блокийн дээвэр засвар, 12 байрны 23 орцны их засварыг хийж гүйцэтгэж, иргэдийн амьдрах орчныг сайжрууллаа.
Дүүрэгт анх удаа U-14 насны волейболын УАШТ зохион байгуулагдаж байна
ЗДТГ, Багануур ХК, Монголын волейболын холбоо хамтран U-14 насны волейболын улсын аварга шалгаруулах тэмцээнийг 07 сарын 01-нээс 07 сарын 08-ны өдрийг хүртэлх хугацаанд зохион байгуулж байна.
Тэмцээнд 21 аймаг, 9 дүүргийн охидын 74 багийн 900 гаруй тамирчид, хөвгүүдийн 80 багийн 1000 орчим тамирчид, 120 гаруй багш дасгалжуулагчид оролцож байгаа юм.
Тэмцээний нээлтийн үйл ажиллагаа 07 сарын 02-ны өдөр зохион байгуулагдаж өндөрлөлөө. Энэ үеэр дүүргийн Засаг дарга С.Даваасүрэн Улсын зэрэглэлтэй Багануур хотод зохион байгуулагдаж буй U-14 насны волейболын УАШТэмцээнд хүрэлцэн ирж оролцож буй нийт баг тамирчдад амжилт хүслээ. Мөн дуучин Батух өсвөрийн баг тамирчдад амжилт хүсч уран бүтээлийн дээжээс хүргэсэн юм.
Тэмцээн Уурхайчин спорт цогцолбор, Хүний хөгжлийн ордны спорт заал, Гүн галуутай сургуулийн спорт заалуудад зохион байгуулагдаж байна.
Тэмцээнд оролцож буй баг тамирчдад амжилт хүсье.
Нийтийн эзэмшлийн орон сууцуудын хэвтээ шугам сүлжээг үе шаттайгаар бүрэн шинэчиллээ
“Багануур-Ус” ААТҮГ нь дүүргийн ард иргэд, аж ахуй нэгж байгууллагыг унд, ахуйн усаар хангах, бохир ус татан зайлуулах мөн дулаан түгээх үйлчилгээг үзүүлдэг. Дүүргийн нийтийн эзэмшлийн орон сууцууд 1978-2002 онуудад ашиглалтад орсон бөгөөд инженерийн шугам сүлжээний эдэлгээний хугацаа дууссан тул шинэчлэх нэн шаардлагатай байдаг.
Орон нутгийн хөгжлийн сангийн хөрөнгө оруулалтаар бохир усны шугамын материал худалдан авах тендер зарлагдаж, тендерт шалгарсан компани нь материалыг “Багануур-УС” ААТҮГ-т хүлээлгэж өгснөөр 1-61-р байрны ариутгах татуургын хэвтээ шугам сүлжээг шинэчлэх ажлыг сүүлийн жилүүдэд үе шаттайгаар бүрэн хийж гүйцэтгэлээ.
Ингэснээр байрнуудын зоорины давхарт бохир усны алдагдалгүй болж бохир ус татан зайлуулах үйл ажиллагаа хэвийн явагдаж иргэдийн ая тухтай амьдрах орчин нөхцөл бүрдэж байна.
Дүүргийн баяр наадам 07 сарын 10,11-ний өдрүүдэд болно
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг дарга 8 үүрэг даалгавар өгсөн нь 88.6 хувьтай хэрэгжжээ.
Багануур дүүргийн Онцгой байдлын хэлтэст өнгөрсөн 14 хоногийн хугацаанд 28 үер усны дуудлага мэдээлэл бүртгэгдэж 85 иргэний амь насыг авран хамгаалжээ.
Дүүргийн Засаг даргын орлогч Б.Балжинням: Авто зам, авто зогсоолын хөрөнгө оруулалтын мэдээллийг хүргэлээ. Авто замын чиглэлээр 9 төсөл арга хэмжээ хэрэгжиж байгаа бөгөөд үүнээс авто замын засвар, зогсоолын 3 ажил гэрээний хугацаанд бүрэн хийгдэж дууссан байна.
Дүүргийн Засаг даргаас ирэх 14 хоногт дараах ажлуудыг хийж гүйцэтгэхийг үүрэг болголоо.
-Үндэсний их баяр наадмыг зохион байгуулах бэлтгэл ажлыг сайтар хангаж, холбогдох байгууламжуудын засвар, тохижилтын ажлыг эрчимжүүлэх
-Баяр наадмын өдрүүдэд нийтийн тээврийн чиглэлийг гаргаж хуваарийн дагуу ажиллах
-Авто замын засвар шинэчлэлийн ажлуудыг ойрын хугацаанд дуусгах
-Үер усны аюулаас урьдчилан сэргийлэх ажлыг сайтар зохион байгуулах
-Өвөлжилтийн бэлтгэл ажлыг сайтар хангах
-“Street food” буюу гудамжны хоолны үйлчилгээг стандарт шаардлагын дагуу цэгүүдэд байршуулж хамтран ажиллах
Сонгуулийн хэсгийн хороод санал хураалтыг зохион байгуулахад бэлэн байна
МУ-ын 2024 оны УИХ-ын ээлжит сонгуулийн санал хураалт болоход нэг хоногийн хугацаа үлдээд байна. Үүнтэй холбоотойгоор дүүргийн Засаг дарга С.Даваасүрэн өнөөдөр дүүргийн нийт 11 хэсгийн хорооны байр, цахилгаан хангамж, нөөц эх үүсвэр, аюулгүй байдал, телекамерийн ажиллагааг газар дээр үзэж шалгалаа.
Дүүргийн хэмжээнд бүх санал авах байр хэвийн байгаа ба шаардлагатай тохиолдолд дүүргийн сонгуулийн хороотой хамтран хэвийн байдлыг ханган ажиллах юм.
Цаг агаарын болзошгүй аюулт нөхцөл байдал үүссэн тохиолдолд дүүргийн онцгой комиссоос хойшлуулшгүй ажиллагааг зохион байгуулж ажиллана.
Нийт 5 улс төрийн нам /МАН, АН, ХҮН, ИХН, Үнэн ба зөв нам/, Европын аюулгүй байдал, хамтын ажиллагааны байгууллагаас энэ удаагийн сонгуулийн ажиглагчаар бүртгүүлсэн байна.
Санал хураалт 2024 оны 6 дугаар сарын 28-ны өдрийн 07:00-22:00 цаг хүртэл үргэлжилнэ.
“Шинэ хоршоо” хөдөлгөөнийг өрнүүлж байна
Монгол улсын Засгийн газраас “Шинэ сэргэлтийн бодлого”-ын Хот, хөдөөгийн сэргэлтийн хүрээнд уур амьсгалын өөрчлөлтөөс шалтгаалан мал аж ахуйн салбарт үүсэж болзошгүй гамшгаас урьдчилан сэргийлэх, мал аж ахуйн үйлдвэрлэл, малчдын хоршоог дэмжих замаар тогтвортой хөгжүүлэх зорилгоор “Шинэ хоршоо хөдөлгөөн”-ийг өрнүүлэн ажиллаж байна.
Шинэ хоршоо” хөдөлгөөний талаарх арга зүйн зөвлөгөө, мэдээлэл өгөх “Шинэ хоршоо-Чинээлэг малчин” сургалтаар Шинэ сэргэлтийн бодлогын хурдасгуур төвийн улсын төсөвт үйлдвэрийн газрын шинэ хоршоо хөдөлгөөний үйл ажиллагаанд дэмжлэг үзүүлэх газрын сургалт, мэдээлэл арга зүйн зөвлөгөөний хэлтсийн дарга С.Маргад, сургагч багш н.Оюунбат, Монголын хөдөө аж ахуйн хоршоологчдын холбооны сургагч багш Д.Бямбацэрэн, НХХААГ-ын мал үржлийн албаны ахлах мэргэжилтэн Ч.Түмэн-өлзий, мэргэжилтэн М.Мандах нар мэдээ, мэдээлэл өглөө.
Мөн дүүргийн Нийгмийн даатгалын газар, Хөдөлмөр халамжийн үйлчилгээний хэлтэс, Татварын хэлтэс, “Энх-Өрх” өрхийн эмнэлэг, “Шарын шанд” эмийн сан зэрэг байгууллагууд иргэдэд үйлчилгээ үзүүлж хамтарч ажиллалаа.
Сургалтад малчин болон мал бүхий 110 гаруй иргэд оролцож хоршоонд олгох хөнгөлөлттэй зээл, тулгамдаж буй асуудлын талаар санал солилцож, ХАА-н бүтээгдэхүүний үнэ цэнэ, малчдын орлогыг нэмэгдүүлэхийн тулд хамтарч, хорших хэрэгцээ шаардлагатай байгааг илэрхийлж байсан юм.
Баруун Байдлагийн гармыг сэргээлээ
Өнгөрсөн их борооны улмаас Баруун байдлагын гол үерлэн доод гарам эвдэрч, автомашинаар зорчих боломжгүй болсон байсан.
Өнөөдөр дүүргийн Онцгой комиссын дарга С.Даваасүрэн Багануур тохижилт ААТҮГ-ын дарга Д.Олзвой нар газар дээр нь шуурхай ажиллаж, гарамыг сэргээн засварлаж, иргэдийг зорчих боломжийг сэргээлээ. Түүнчлэн үерийн ус хуримтлагдаж эвдэрсэн Их гүн гудамжны үерийн усны шуудууг сэргээн засварлах ажлыг хийж гүйцэтгэж байна.
Үер, усны аюул ослоос урьдчилан сэргийлж ажиллахыг үүрэг болголоо
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг даргын орлогчоос өгсөн 15 үүрэг даалгавар 88,8 хувьтай хэрэгжжээ.
Дүүргийн Онцгой байдлын хэлтсийн дарга, Дэд хурандаа Г.Батжаргал: Өнгөрсөн 14 хоногийн хугацаанд аврах ажиллагааны хоёр дуудлага бүртгэгдсэн бөгөөд нийт 6 хүнийг авран хамгаалжээ. Дүүргийн үерийн эрсдэлийн ерөнхий үнэлгээ 7.3 буюу өндөр үнэлэгдсэн бөгөөд үер усны ослоос урьдчилан сэргийлж, хүүхдийг хараа хяналтгүйгээр гол, ус, эрэг орчмоор явуулахгүй байхыг анхаарууллаа. Мөн улиас модны цагаан хөвөн өндөр шатамхай учир хөвөнг шатаахгүй байхыг онцгойлон анхааруулсан юм.
Газар зохион байгуулалтын албаны Ахлах мэргэжилтэн Э.Энхбилгүүн: Энэ оноос эхлэн газрын тухай хуульд тусгагдсанаар газар олголтыг иргэнээс өргөдөл хүлээж авахыг хориглосон. Тухайн жилийн газар олголтын төлөвлөгөө ИТХ-аар батлагддаг. Мөн энэ жилээс ИТХ-аар батлагдсан төлөвлөгөө давхар Засгийн газрын тогтоолоор батлагддаг болсон.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.
-Нийслэлийн нутгийн захиргааны бүх шатны байгууллагуудын ажилтан, албан хаагчид ажлын цаг ашиглалт, гүйцэтгэл, үр дүн, сахилга хариуцлага, ёс зүйн дүрэм журмуудыг мөрдөж ажиллах
-Гэрэлтүүлгийн асалтыг нэмэгдүүлж, гэрлийн шонг будаж, засварлах ажлыг зохион байгуулах
-Хог хаягдлыг цагийн хуваарийн дагуу ачиж, тээвэрлэх зохицуулалтыг жигдрүүлэх ажлыг газар дээр нь явж хэрэгжилтэд хяналт тавих
-Наадмын өдрүүдэд хариуцлагатай жижүүр томилон ажиллуулах
-Хагас жилийн мэдээ тайлангаа хугацаанд нь ирүүлэх, ажилтан албан хаагчдаа дүгнэх
-“Шинэ хоршоо” хөдөлгөөнөөр дамжуулан малчин өрхийн амьжиргааг дэмжих, мал, малын гаралтай түүхий эд, бүтээгдэхүүний мөнгөн урсгалыг тогтмолжуулж, малчдын орлогыг нэмэгдүүлэх талаар малчин, мал бүхий иргэдэд 2024 оны 06 сарын 20-ны өдөр танхимын сургалтыг зохион байгуулах тул албан хаагчдыг хамруулах
-U-14 насны волейболын УАШТэмцээн 07 сарын 01-ээс 07 сарын 08-ны өдрүүдэд дүүрэгт зохион байгуулагдахтай холбоотойгоор сургууль, цэцэрлэгүүд хамтран ажиллах
-Хөрөнгө оруулалтын ажлуудын явцад хяналт тавих, хугацаандаа хүлээж авах ажлыг зохион байгуулах
-Дүүргээс хийгдэж буй хөрөнгө оруулалтын ажлуудын санхүүжилтийг түргэн шуурхай олгох
-Баяр наадмаар жороо морины уралдаан, хүүхдийн шагайн харваан тэмцээнийг нэмж хийж байгаатай холбогдуулан наадмын комиссын ажлын хэсгүүд хуралдаж дүрмээ боловсруулах
-Баяр наадмын талбайн тохижилтын ажлуудад анхаарах мөн худалдаа үйлчилгээ эрхлэх хүсэлтэй иргэдэд ямар шаардлага тавьж байгаа талаарх мэдээллийг хүргэж ажиллах
-Үер, усны аюул ослоос урьдчилан сэргийлж, үзлэг шалгалтуудыг сайтар зохион байгуулах
-Иргэнд газар олгох талаарх мэдээллийг хүргэж ажиллах
