Нөөцийн мах худалдаалж эхэллээ
2023 оны 03-р сарын 15-наас эхлэн дүүрэгт хонь, ямаа, үхрийн нөөцийн мах худалдаалж эхэллээ.
Хонины ястай мах кг нь 8600 төгрөг, ямааны ястай мах-6400 төгрөг, үхрийн ястай мах 10700 төгрөгөөр тус тус худалдаалагдаж байна.
Нийт 1,4 тн буюу 410 кг үхрийн мах, 80 кг ямааны мах, 917 кг хонины махыг дараах 11 цэгээр борлуулна.
НӨӨЦИЙН ҮХЭР, ХОНЬ ЯМААНЫ МАХ ХУДАЛДААЛЖ БУЙ ЦЭГҮҮД:
Хишиг-Уул ХХК-ийн Хэрлэн худалдааны төв
Тэргэл дэвжих ХХК-ийн Тэргэл мини маркет
Ахиц трейд ХХК-ийн Ахиц-2 хүнсний дэлгүүр
“Со саку” ХХК-ийн “Гэрэл” дэлгүүр
Сондор орших ХХК-ийн Баян байгаль мини маркет
Мон их эрт ХХК-ийн Барс хүнсний дэлгүүр
МТЭШ ХХК-ийн Эрдэнэ мини маркет
Ахиц трейд ХХК-ийн Ахиц-1 хүнсний дэлгүүр
Асралт баян хаан ХХК-ийн Баянхаан мини маркет
Агар аяга ХХК Сэлэнгэ мини маркет
Уурхайн хишиг ХХК-ийн Бяцхан булаг дэлгүүрүүдэд нөөцийн үхэр, хонь, ямааны мах худалдаалж байна.
Үндэсний энгийн цахим гадаад паспорт олгож эхэллээ
Гуравдугаар сарын нэгнээс захиалга авч эхэлсэн үндэсний энгийн цахим гадаад паспортыг иргэдэд өнөөдрөөс олгож эхэллээ.
Манай улс Олон улсын иргэний нисэхийн байгууллага /ИКАО/-ын нийтийн түлхүүрийн санд 2021 онд 82 дахь орноор элссэнээр олон улсын стандартад нийцсэн, өндөр нууцлал бүхий цахим гадаад паспорт ашиглах боломжтой болжээ. Одоогоор тус санд элсээд буй 90 гаруй улс мэдээллийн сангаа дундаа ашигладаг байна.
“Цахим гадаад паспорттой иргэдийн мэдээлэл нийтийн түлхүүрийн санд байршдаг. Ингэснээр олон улсын хилийн шалган нэвтрүүлэх, гааль зэрэг газарт үүсдэг дарааллыг багасгах, бичиг баримтыг хуурамчаар үйлдэх, хугацааг хууль бусаар сунгахыг зогсоох юм. Мөн иргэний танилтыг дээд зэргийн нарийвчлалтай болгох, паспорт олгосон газрыг хөдөлшгүй баталгаажуулах, мэдээллийн аюулгүй байдлын түвшинг нэмэгдүүлэх давуу талтай”-г дүүргийн Засаг дарга С.Даваасүрэн онцлон, хамгийн анх захиалга хийсэн иргэдийн паспортыг гардуулан өгсөн юм.
Төрийн далбааны улаан өнгийн кодтой адил өнгийн паспорт нь энгийн, цахим гэсэн 2 төрөл байгаа. Чиптэй цахим паспорт 48 хуудастай, гадна хавтсанд нь Монгол Улсын нэрийг эвхмэл бичгээр бичсэн, хуудас бүр нь нууцлалтайгаас гадна төрийн тахилгат хайрханууд, түүх соёлын өвүүдийн зургийг буулгажээ. Чиптэй цахим паспортыг 82500, энгийнийг нь 40000 төгрөгөөр захиалж авах боломжтой.
Үндэсний энгийн цахим гадаад паспорт олгож эхэллээ
Гуравдугаар сарын нэгнээс захиалга авч эхэлсэн үндэсний энгийн цахим гадаад паспортыг иргэдэд өнөөдрөөс олгож эхэллээ.
Манай улс Олон улсын иргэний нисэхийн байгууллага /ИКАО/-ын нийтийн түлхүүрийн санд 2021 онд 82 дахь орноор элссэнээр олон улсын стандартад нийцсэн, өндөр нууцлал бүхий цахим гадаад паспорт ашиглах боломжтой болжээ. Одоогоор тус санд элсээд буй 90 гаруй улс мэдээллийн сангаа дундаа ашигладаг байна.
“Цахим гадаад паспорттой иргэдийн мэдээлэл нийтийн түлхүүрийн санд байршдаг. Ингэснээр олон улсын хилийн шалган нэвтрүүлэх, гааль зэрэг газарт үүсдэг дарааллыг багасгах, бичиг баримтыг хуурамчаар үйлдэх, хугацааг хууль бусаар сунгахыг зогсоох юм. Мөн иргэний танилтыг дээд зэргийн нарийвчлалтай болгох, паспорт олгосон газрыг хөдөлшгүй баталгаажуулах, мэдээллийн аюулгүй байдлын түвшинг нэмэгдүүлэх давуу талтай”-г дүүргийн Засаг дарга С.Даваасүрэн онцлон, хамгийн анх захиалга хийсэн иргэдийн паспортыг гардуулан өгсөн юм.
Төрийн далбааны улаан өнгийн кодтой адил өнгийн паспорт нь энгийн, цахим гэсэн 2 төрөл байгаа. Чиптэй цахим паспорт 48 хуудастай, гадна хавтсанд нь Монгол Улсын нэрийг эвхмэл бичгээр бичсэн, хуудас бүр нь нууцлалтайгаас гадна төрийн тахилгат хайрханууд, түүх соёлын өвүүдийн зургийг буулгажээ. Чиптэй цахим паспортыг 82500, энгийнийг нь 40000 төгрөгөөр захиалж авах боломжтой.
Цэргийн алба хаана гэдэг монгол эр хүн бүрийн бахархал билээ
Монгол цэргийн өдөр, Зэвсэгт хүчний 102 жилийн ойн арга хэмжээний хүрээнд “НЭГДСЭН ТООЛЛОГО”-ыг 3 дугаар сарын 16-ны өдөр Д.Нацагдоржийн талбайд зохион байгууллаа. Ёслолын үйл ажиллагаанд дүүргийн удирдлагууд, ахмад дайчид, Үндэсний аюулгүй байдлыг хангах тусгайлсан чиг үүрэг бүхий байгууллагууд оролцлоо.
Энэ үеэр 10 гаруй алба хаагчид салбарын шагнал болоод Засаг даргын баярын бичиг, Цэргийн цолоор шагнагдсаныг дүүргийн удирдлагууд гардуулан өгч, баяр хүргэлээ.
Мөн үеэр Зэвсэгт хүчний 084-р ангийн шүхэрчин дайчид, Цэргийн инженер техникийн 0252 дугаар ангийн алба хаагчид гардан тулааны үзүүлэх тоглолтыг сонирхууллаа.
Монгол цэргийн өдөр бол эх орон, ард түмнийхээ чөлөө, тусгаар тогтнолын төлөө алтан амиа хайрлалгүй тэмцсэн үе үеийн цэрэг эрсийн баяр, ялагдаж үзээгүй Монгол цэргийн яруу алдар гавьяаны баяр, Хийморьтой жагсаалд багтаж цэргийн алба хаана гэдэг монгол эр хүн бүрийн бахархал, омогшил байдаг. Монгол цэргийн өдөр, Зэвсэгт хүчний 102 жил, Цэргийн инженер техникийн 0252 дугаар ангийн 50 жилийн ойн баярын мэнд хүргэе.
Багануур дүүргийн Иргэдийн төсөв 2022
Багануур дүүргийн төсвийн тухай мэдээллийг иргэдэд ил тод, нээлттэй, ойлгомжтой байдлаар хүргэхээр “Иргэдийн төсөв-2022” эмхэтгэлийг та бүхэнд бэлтгэн хүргэж байна.
Багануур дүүргийн Иргэдийн төсөв 2023
Багануур дүүргийн төсвийн тухай мэдээллийг иргэдэд ил тод, нээлттэй, ойлгомжтой байдлаар хүргэхээр “Иргэдийн төсөв-2023” эмхэтгэлийг та бүхэнд бэлтгэн хүргэж байна.
Эмнэлгийн цахилгаан шатны туршилт эхэллээ
Манай дүүргийн эрүүл мэндийн төвийн цогцолбор барилга нь нийт 12 цахилгаан шаттай юм. Дээрх цахилгаан шатуудын ашиглалтын хугацаа дуусч, ахмад настан, хөгжлийн бэрхшээлтэй иргэдэд болон яаралтай тусламжийн үед хүндрэлтэй байдал үүсдэг. Энэ талаар ч иргэд болоод эмнэлгийн ажилтнууд санал хүсэлтээ илэрхийлж байсан.
Дээрх асуудлыг шийдвэрлэж, нийслэлийн төсвийн хөрөнгө оруулалтанд 320 сая төгрөгийг тусган 2 цахилгаан шатыг ашиглалтанд оруулахад бэлэн болоод байна.
Дээрх цахилгаан шат угсралтын явцад цахилгаан монтажыг иж бүрэн засварлаж, лифтний хонгилоос хөрсний ус нэвчилтийг зогсоосон бөгөөд технологийн дагуу туршилтын хугацаагаар ажиллуулж эхлээд байна. Туршилтын хугацаа дуусч, техникийн комисс ажилласнаар тус цахилгаан шатаар зорилтод иргэд үйлчлүүлэх боломжтой болно.
Барилгын ажлын аюулгүй байдалд хяналт тавихыг үүрэг болгов
Дүүргийн удирдах ажилтнуудын шуурхай зөвлөгөөн өнөөдөр болж, Засаг даргын орлогч Б.Балжинням удирдан явуулав. Өнгөрсөн шуурхай зөвлөгөөнд Засаг дарга 9 чиглэлээр үүрэг, даалгавар өгснөөс хэрэгжилт 85,9 хувьтай байжээ.
ЗАЛИЛАХ ГЭМТ ХЭРЭГ НИЙТ ХЭРГИЙН ИХЭНХ ХУВИЙГ ЭЗЭЛЖ БАЙНА
Өнгөрсөн 14 хоногт бүргэгдсэн дуудлага мэдээллийн талаар мэдээллийг Цагдаагийн хэлтсийн Зөрчлийн хэрэг бүртгэх тасгийн дарга, дэд хурандаа Ж.Ууганбаяр танилцууллаа. Нийт 78 дуудлагаас гэмт хэргийн шинжтэй-18, зөрчлийн шинжтэй-60 дуудлага бүртгэгджээ. Нийт гэмт хэргийн хувьд цахим орчинд залилах гэмт хэрэг ихэнх хувийг эзэлж байна. Цаашид энэ төрлийн гэмт хэрэг өсөх магадлалтай байгааг тус хэлтсээс анхаарууллаа.
ШАР УСНЫ 17 ДУУДЛАГА БҮРТГЭГДЭВ
Өнгөрсөн 14 хоногийн хугацаанд Онцгой байдлын хэлтэст гал түймэр болон аврах ажиллагааны дуудлага бүртгэгдээгүй байна. Харин шар усны 17 дуудлага бүртгэгдсэн байна. Энэ жил дүүргийн нутаг дэвсгэрт сүүлийн жилүүдэд орж байгаагүй их хэмжээний цас орсон юм. Урин дулаан болж, цас хайлан их хэмжээний шар усны урсац ихсэж байгаа тул иргэд та бүхэн аюулгүйн арга хэмжээг авч хэрэгжүүлэхийг холбогдох байгууллагаас анхаарууллаа.
ДАРХАН УУЛ АЙМГИЙН ТЭРГҮҮН ТУРШЛАГАТАЙ ТАНИЛЦАВ
Иргэдийн төлөөлөгчдийн хурлын Хүний хөгжил, цахим бодлогын хорооны эрхлэх асуудлын хүрээнд Эрүүл мэнд, боловсрол, соёл, нийгмийн салбарт хэрэгжүүлж болох тэргүүн туршлагыг судлах орон нутгийн онцлогтоо тулгуурлан төлөвшүүлэх, нутагшуулах зорилгоор Дархан-Уул аймгийн ИТХ-тай туршлага солилцсон талаар ИТХ-ын Төлөөлөгч, Хүний хөгжил, цахим бодлогын хорооны дарга А.Өсөхжаргал танилцууллаа.
Мөн ИТХ-ын дарга Т.Отгонболд даргын зүгээс дараах асуудалд анхааралаа хандуулж ажиллахыг үүрэг болголоо.
- 3 сарын23-ний өдөр дүүргийн ИТХ-ийн ээлжит бус XXIII хуралдааны бэлтгэл хангаж ажиллах
- Дүүрэгт орон сууцны барилга барьж буй ААНБ, компани, мэргэжлийн байгууллагууд, иргэдийн төлөөлөл, ИТХ-ийн төлөөлөгчдийн оролцуулсан уулзалт зохион байгуулах.
- Дархан-Уул аймгийн тэргүүн туршлагыг орон нутагт хэрэгжүүлэх чиглэлээр хамтран ажиллахыг үүрэг болголоо.
БАРИЛГЫН АЖЛЫН АЮУЛГҮЙ БАЙДАЛД ХЯНАЛТ ТАВИХЫГ ҮҮРЭГ БОЛГОВ
Шуурхай зөвлөгөөний төгсгөлд дүүргийн Засаг даргын орлогч Б.Балжинням ирэх 14 хоногт хийж хэрэгжүүлэх ажлын үүрэг, даалгаврыг өгсөн юм.
Иргэдийн эрүүл, аюулгүй орчинд амьдрах нөхцөлийг бүрдүүлэх ажлын хүрээнд барилгын ажлын гаднах талбайн орчны аюулгүй байдлыг хангуулах, хяналт тавих нэгдсэн төлөвлөгөөний хэрэгжилтийг сайтар хангаж, хяналт тавьж ажиллах.
-“Digital Ub” буюу Хэсгийн ахлагчийн аппликэйшнийг байгууллагуудын ажилтан, албан хаагчдад танилцуулж, хэрэглээг нэмэгдүүлж, цахимжуулах ажлаа эрчимжүүлэн, хэсгийн ахлагчдаас ирүүлсэн зөрчлийн талаарх мэдээ, мэдээллийг шуурхай шийдвэрлэн, хэрэгжилтэд тогтмол хяналт тавьж ажиллах.
-Он дамжин хэрэгжиж буй хөрөнгө оруулалтын ажил, шинээр эхлэх ажил болон зураг төсвийн ажлуудыг дэд бүтцийн байгууллагуудтай уялдаа холбоог ханган сар тутам мэдээлэл солилцох уулзалтыг хийж, танилцуулж байх,
-СӨХ болон ААНБ, иргэдийн оролцоог түшиглэн дүүргийн задгай хог хаягдлын цэвэрлэгээ үйлчигээг сайтар зохион байгуулах зэрэг үүрэг, даалгаврыг өглөө.