2026 оны 04 сарын 06
Нээлттэй ажлын байрСанал хүсэлт

Global Title

thumbnail 474205252_1031623689002474_5001374690308054822_n474205252_1031623689002474_5001374690308054822_n
Багануур хотыг түшиглэн үйлдвэрлэл технологийн парк байгуулна
January 20 2025 Мэдээ мэдээлэл
Монгол Улсын Засгийн газрын 2024-2028 оны үйл ажиллагааны хөтөлбөр, Шинэ сэргэлтийн бодлого, Засгийн газраас хэрэгжүүлэх 14 мега төслийн нэг нь “Хөх нүүрс” төсөл юм. Төслийн хүрээнд Багануурын нүүрсний уурхайд түшиглэн “Нүүрс химийн цогцолбор” байгуулахаар төлөвлөсөн.
Үүнтэй холбоотойгоор Монгол Улсын Шадар сайд С.Амарсайхан Багануур дүүрэгт байрлах “Эрдэнэс Монгол” ХХК-ийн үйлдвэрт ажиллаж, өвөлжилтийн нөхцөл байдал болон шинээр хэрэгжүүлэх шахмал түлшний үйлдвэрийн асуудлаар холбогдох албаныхантай санал солилцлоо.
Энэ үеэр Шадар сайд С.Амарсайхан зүүн бүсийг хөгжүүлэх, хотын хүн амыг тэлэх, ажлын байруудыг шинээр бий болгох хүрээнд Багануурт эдийн засгийн ач холбогдол бүхий төслүүдийг хэрэгжүүлэхээр болсон.
Ингэснээр нийгэм, эдийн засгийн олон үр өгөөж гарна гэдгийг онцоллоо.
“Хөх нүүрс” төслийг хэрэгжүүлснээр:
Хөх нүүрс нь эдийн засгийн хувьд хэмнэлттэй, үйлдвэрлэх үнэ одоогийн сайжруулсан түлшнээс 62 хувиар бага байна
Агаарын бохирдол 60-80 хувь буурах боломжтой
Нүүрсний хог хаягдлаас 100 мвт-ийн эрчим хүч үйлдвэрлэнэ
Химийн бодисын түүхий эдийг дотооддоо үйлдвэрлэх боломжтой болох юм.
thumbnail 473803472_1029395212558655_744521260720256113_n473803472_1029395212558655_744521260720256113_n
Дүүргийн Засаг дарга “Стандарттай Багануур дүүрэг” хөтөлбөрийг хэрэгжүүлэх чиглэлээр хамтын ажиллагааны санамж бичиг байгууллаа
January 17 2025 Мэдээ мэдээлэл
“Менежмент ба ур чадварын хүрээлэн” ТББ-тай байгуулсан санамж бичгийн хүрээнд дүүргийн төрийн албан хаагчдад олон улсын менежментийн тогтолцооны стандартын суурь мэдлэг олгох сургалтыг үе шаттай зохион байгуулж, гадаад туршлага солилцох хөтөлбөр, хамтын ажиллагааны чиглэлээр хамтран ажиллана.
Мөн төрийн байгууллагын үйл ажиллагааны сэтгэл ханамжийн судалгаа, сургалтыг зохион байгуулж хамтран ажиллахаар гурван жилийн хугацаатайгаар санамж бичгийг байгуулсан юм.
thumbnail 473583092_1027267649438078_7306736970223932258_n473583092_1027267649438078_7306736970223932258_n
2025 оныг “Бүтээн байгуулалтын жил” болгон зарласантай холбогдуулан тодорхой ажлуудыг зохион байгуулахыг чиглэл болголоо
January 14 2025 Мэдээ мэдээлэл
Дүүргийн удирдах ажилтны шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 7 үүрэг даалгавар 85.6 хувьтай хэрэгжжээ.
Дүүргийн хэмжээнд ажлын зураг төсөв бэлэн буюу улс, нийслэл, дүүргийн төсөвт суугдах боломжтой нийт 25 ажлын жагсаалтыг дүүргийн ИТХ-ын төлөөлөгч, Засаг даргын орлогч Б.Балжинням танилцууллаа.
Он гарснаас хойш ОБХ-д аврах ажиллагааны 4 удаагийн дуудлага мэдээлэл бүртгэгдсэн байна. Иймд гэр орон сууцны галын аюулгүй байдлаа хангаж, цахилгааны хэт ачаалал үүсгэхгүй байх, гол, нуурын мөсөн дээгүүр автомашинтайгаа болон явганаар зорчиж, эд хөрөнгө, эрүүл мэнд, амь насаа эрсдэлд оруулахгүй байхыг Онцгой байдлын хэлтсээс анхаарууллаа.
“Ногоон бүс” төслийн хүрээнд иргэдийн аюулгүй, амар тайван амьдрах орчин нөхцөлийг бүрдүүлэх, олон нийтийн аюулгүй байдлыг хангах, үйлдэгдсэн гэмт хэрэг, зөрчлийг шуурхай илрүүлэх, таслан зогсоох, хүүхэд хамгааллын аюулгүй бүс болох мөн мэдээлэл дата цуглуулах чухал ач холбогдол бүхий телекамерын хяналтын дэд төвийн хяналтад 60 орчим камер ажиллаж байгааг тус төвийн дарга Ц.Батбуян танилцууллаа.
Нийслэлийн хэмжээнд цэргийн бүртгэл 01 сарын 06-22-ны өдрийг хүртэл бүртгэж байгаа ба өнөөдрийн байдлаар дүүргийн хэмжээнд бүртгэл 46.1 хувьтай явагдаж байна.
Биеийн тамир, спортын тухай хууль нь 5 бүлэг, 29 зүйлтэй байсан нь шинэчилсэн найруулгаар 8 бүлэг, 41 зүйлтэй болж өөрчлөгдсөнг БТСХ-ны Биеийн тамирын хэлтсийн дарга П.Бат-Эрдэнэ танилцуулж мэдээлэл хүргэлээ.
Хуралдааны төгсгөлд дүүргийн Засаг дарга ирэх 14 хоногт дараах ажлуудыг зохион байгуулахыг үүрэг болголоо.
– Хөрөнгө оруулалт, бүтээн байгуулалтын ажлын хүрээнд газар чөлөөлөх ажлуудын бэлтгэл ажлыг сайтар зохион байгуулах,
– Байгууллагууд ажилтан, албан хаагч, удирдах албан тушаалтнуудын сахилга, хариуцлагыг өндөржүүлж, ажлын цаг ашиглалт, бүтээмжийг сайжруулж, хэрэгжилтэд хяналт тавьж ажиллах,
– Байгууллагууд өргөдөл, гомдол, албан бичгийг бүх талаас нягтлан судалж, хууль зүйн үндэслэлтэйгээр эцэслэн шийдвэрлэж, хуулийн хугацаанд албан бичгээр хариу өгөх, хариуцлагагүй хандсан албан хаагч болон удирдлагад хариуцлага тооцож ажиллах,
– Иргэд, олон нийтэд төрийн үйлчилгээ үзүүлэхдээ хүнд суртал, чирэгдэл, ёс зүйн доголдол гаргахгүй үйлчлэх, зөрчил гаргасан албан хаагчдад хариуцлага тооцох, хэрэгжилтэд хяналт тавьж ажиллах.
– Албан хаагч бүр ажил, албан тушаалаа хэрэгжүүлэхдээ авлига, ашиг сонирхлын зөрчлөөс урьдчилан сэргийлэх, хуулийн хориглолт хязгаарлалтыг зөрчихгүй байхад анхаарч ажиллаж, энэ талаар сургалтыг тогтмол зохион байгуулах,
– Дүүргийн нутаг дэвсгэрийн гудамж, зам талбайн халтиргаа гулгаа үүсэхээс сэргийлж, цас орсон тухай бүр нь цаг хугацаа алдалгүй ажлаа шуурхай зохион байгуулж, хэрэгжилтэд тогтмол хяналт тавьж ажиллах,
– Нийслэлийн Засаг даргын 2025.01.02-ны өдрийн А/01 дүгээр захирамжаар 2025 оныг “Бүтээн байгуулалтын жил” болгон зарласантай холбогдуулан тодорхой ажлууд зохион байгуулах, энэ талаар байгууллагын 2025 оны гүйцэтгэлийн төлөвлөгөөнд тусгаж, хэрэгжилтийг хангаж ажиллах,
– Дүүргийн Засаг даргын 2024-2028 оны үйл ажиллагааны хөтөлбөр, хөтөлбөрийг хэрэгжүүлэх 2025 оны төлөвлөгөөнд тусгагдсан өөрийн байгууллагад хамааралтай зорилтыг байгууллагын 2025 оны гүйцэтгэлийн төлөвлөгөөнд тусгаж, хэрэгжүүлэхэд идэвх санаачилгатай ажиллах,
– Байгууллагууд үйл ажиллагаагаа иргэдэд сурталчлах ажлыг улирал тутам зохион байгуулж хэвших,
– ХАСХОМ-ээ 01сарын 31-ний дотор гаргаж, хянуулж баталгаажуулах,
– Төрийн албан хэргийг хос бичгээр хөтөлж эхэлсэнтэй холбогдуулан ажилтан, албан хаагчдаа үндэсний бичгийн сургалтад хамруулж, ур чадварыг дээшлүүлэх,
– Сар бүрийн сүүлийн 7 хоногт сул орон тооны талаарх мэдээллийг ЗДТГ-ын ТЗУХ-т ирүүлж хэвших,
-Сар шинийн үзэсгэлэн худалдааг зохион байгуулах,
-Нарийн хэсэгт олон тооны малтай өвөлжиж байгаа айлыг суурьшлын бүсээс яаралтай гаргах,
Үйл ажиллагаанд хийсэн хяналт-шинжилгээ, үнэлгээ
January 9 2025 Мэдээ мэдээлэл

Мэдээлэл хариуцагч:

Мэйл хаяг: zdtghshu@gmail.com

Хяналт шинжилгээ үнэлгээ, захиргааны зохион байгуулалт, гүйцэтгэлийн төлөвлөгөө хариуцсан мэргэжилтэн Б.Хулан

Утас: 70210767, 95052214

thumbnail 472233998_1017512843746892_3584738948316706825_n472233998_1017512843746892_3584738948316706825_n
Батарей хуримтлуурын станц төвийн системд 4776 мвт эрчим хүч нийлүүлээд байна
January 1 2025 Мэдээ мэдээлэл

Багануур дүүргийн нэгдүгээр хорооны нутагт байрлах 50мвт хүчин чадалтай 200мвт.цаг багтаамжтай батарей хуримтлуурын станц 12 сарын 5-ны өдрөөс эхлэн төвийн бүсийн нэгдсэн системд эрчим хүч нийлүүлж эхэлсэн. Өнөөдрийн байдлаар тус станц төвийн системд 4776 МВт эрчим хүч нийлүүлээд байна. Ингэснээр өдөрт дунджаар 25.000 айл өрхийг оргил ачааллын үед цахилгааны хязгаарлалтаас сэргийлж байна. Өөрөөр хэлбэл таван аймгийн цахилгааны хэрэглээг хангах хэмжээний эрчим хүч нийлүүлж байна гэсэн үг юм.

thumbnail 471300942_1011018097729700_4679184105776085970_n471300942_1011018097729700_4679184105776085970_n
Эрдэнэс Монгол нэгдлийн 2024 оны менежментийн үйлчилгээг хамгийн сайн хэрэгжүүлэгч компаниар Багануур ХК шалгарлаа
December 23 2024 Мэдээ мэдээлэл
Монгол Улсад уул уурхайн салбар үүсэж хөгжсөний 102 жилийн ойд зориулан “Эрдэнэс Монгол” нэгдлээс “МОНГОЛЫН УУРХАЙЧДЫН ӨДӨР”-ийн нэгдсэн баярын хурлыг 2024.12.20-ны өдөр зохион байгууллаа. Энэхүү үйл ажиллагаанд “Эрдэнэс Монгол” нэгдлийн охин, хараат, харьяа компаниудын удирдлага, ажилтнуудын төлөөлөл оролцсон юм.
Монголын уурхайчдын өдрийг тохиолдуулан Эрдэнэс Монгол нэгдэл 2024 оны нэгдлийн ололт амжилтаа дүгнэж “Эрдэнэсийн цом”-ын эздийг тодруулав. Эрдэнэс Монгол Нэгдлийн бүрэлдэхүүн, Монгол улсын эрчим хүчний тулгуур уурхай Багануур ХК менежментийн үйлчилгээний үр дүнд өсөн нэмэгдэж буй эрчим хүчний системд шаардлагатай түлшийг амжилттай нийлүүлж, үйл ажиллагааны үндсэн үзүүлэлтүүдийг сайжруулсан, ашигт ажиллагааг нэмэгдүүлж, нэгдлээс зохион байгуулсан томоохон арга хэмжээнүүдэд манлайлж оролцсон үзүүлэлтээр 2024 оны “Алтан эрдэнийн цом”-ын эзэн боллоо.
Санхүү, байгаль цаг агаарын бэрхшээлтэй байсан хэдий ч Багануур ХК-ийн уурхайчин хамт олон 2024 онд 18.1 сая шоо метр хөрс хуулж, 4,7 сая.тн нүүрс олборлон борлуулж, нийт 29.1 сая шоо метр уулын цулын ажил хийснээр төлөвлөгөөт зорилтоо 98 хувиар биелүүлэн ажиллаж, монгол улсын эрчим хүчний өсөн нэмэгдэж буй хэрэглээг түлшээр найдвартай хангаж байна.
Мөн улсын төсөвт 28,3 тэрбум төгрөгийн татвар, нийгмийн даатгалд 20,5 тэрбум төгрөгийн шимтгэл төвлөрүүлж, нийгмийн хариуцлагын хүрээнд нүүрсний үнийн хөнгөлөлтөөр Монгол улсын байгууллага, аж ахуйн нэгж, айл өрхүүдэд 725,1 тэрбум төгрөгийн хөнгөлөлт үзүүлжээ.
Нүүрсний үнэ, өртгийн зөрүүнээс хоногт 130 гаруй сая төгрөгийн алдагдалтай ажиллаж байсан хэдий ч зөв төлөвлөж, санхүүгийн зохистой бодлого хэрэгжүүлж ажилласны үр дүнд сүүлийн 10 гаруй жилийн хугацаанд хуримтлагдсан нийгмийн даатгалын өр төлбөрийг 4-р сард бүрэн төлж барагдуулсан. 2019-2021 онд Монгол улсын засгийн газрын дэмжлэгтэйгээр Японы Олон Улсын Хамтын Ажиллагааны банкны зээлээр хэрэгжүүлсэн техник шинэчлэлийн 23,5 тэрбум төгрөгийн өрийг 2024 онд бүрэн төлж тэглэлээ.
Энэ онд Багануур ХК-ийн хийж хэрэгжүүлсэн томоохон ажлуудаас дурдвал:
– Дунд хугацааны ТЭЗҮ боловсруулж дуусгасан
– ХЭМАБ-ын менежментийн тогтолцооны ISO 45001:2018 Олон улсын стандартын баталгаажилтын гэрчилгээг 2 дахь удаагаа авсан
– Монгол Улсын Ерөнхийлөгчийн санаачилсан “НЭГ ТЭРБУМ МОД” үндэсний хөдөлгөөнийг дэмжин “НЭГ САЯ МОД” тарьж ургуулах ажлын хүрээнд 2024 онд 79000 модны суулгац үржүүлж 18700 мод тарьсан
– “ХУЦААГИЙН” элс, хайрганы ордыг ил аргаар ашиглах ТЭЗҮ-ИЙН тодотгол Эрдэс баялгийн мэргэжлийн зөвлөлийн хурлаар дэмжигдсэн
– Өөрийн хөрөнгөөр 90 тонны даацтай Коматцу HD785-7 маркийн автосамосваль 3 ширхэг, Коматцу WD600-6 маркийн дугуйт бульдозер 1 ширхэгийг худалдан авч, ”Технологийн автомашины засвар үйлчилгээний 1440м2 талбай бүхий 1 давхар сэндивчин барилга барих төслийн ажил гэх мэт олон ажлыг гүйцэтгэлээ.
Үүний үр дүнд Эрдэнэс Монгол нэгдлийн 2024 оны “Алтан эрдэнийн цом”-ын эзэн болж, 2025 оноос хэрэгжүүлж эхлэх төсөл хөтөлбөртөө зориулах 100 сая төгрөгөөр шагнууллаа.
thumbnail 470689922_1009522797879230_8785875988488286424_n470689922_1009522797879230_8785875988488286424_n
УИХ-ын даргын ивээл дор зохион байгуулагддаг шатар сонирхогчдын нийслэлийн аваргад дүүргээс 5 шатарчид оюунаа сорьж байна
December 21 2024 Мэдээ мэдээлэл
Ардчилсан, шинэ Үндсэн хуулиа баталсаны түүхэн ойг тохиолдуулан УИХ-ын даргын ивээл дор жил бүр зохион байгуулдаг шатар сонирхогчдын Улсын аварга шалгаруулах тэмцээн улс орон даяар зохион байгуулагддаг. Гурван үе шаттай тус тэмцээнд шатрын спортын улсын цолгүй, зөвхөн хөдөлмөрийн насны буюу 25 нас хүрсэн шатар сонирхогч оролцдог.
 Ардчилсан, шинэ Үндсэн хуулиа баталсны 33 жилийн ой ирэх оны нэгдүгээр сарын 13-нд тохиох бөгөөд УИХ-ын даргын ивээл дор зохион байгуулдаг шатар сонирхогчдын Улсын аварга шалгаруулах тэмцээн 13 дахь удаагаа болох юм.
 Анхан шатны тэмцээнийг 11 сарын 28-ны өдөр дүүргийн ИТХ болон “Төр Монгол” шатрын клуб хамтран зохион байгуулж нийт 28 шатарчид оюун ухаанаа сорин өрсөлдсөн.
Анхан шатны тэмцээнээс дүүргээс шалгарсан 5 шатарчид энэ амралтын өдрүүдэд хагас шигшээ тэмцээнд оролцож байгаа бол дүүргийн Засаг дарга С.Даваасүрэн хагас шигшээ тэмцээний нээлтэд оролцож, тамирчдадаа амжилт хүслээ. Харин нийслэлийн аварга шалгаруулах хагас шигшээ тэмцээнээс шалгарсан 18 тамирчид шигшээ тэмцээнд ирэх оны нэгдүгээр сарын 11, 12-ны өдрүүдэд оролцох юм.
Ташрамд дурдахад шигшээ тэмцээнээс медаль хүртсэн шатарчин шатрын спортын дэд мастер цол хүртэх бөгөөд улсын аварга шатарчин нь тухайн жилийн шатар сонирхогчдын Ази тивийн аварга шалгаруулах тэмцээнд Монголын шатрын холбоог төлөөлөн урилгаар оролцох эрхтэй болно. Уг тэмцээнийг Олон улсын шатрын холбоо (ФИДЕ), Монголын шатрын холбооны дүрмийн дагуу зохион байгуулах бөгөөд бүх шатны тэмцээнд үндэсний рейтинг бодогддог аж.
Худалдан авах ажиллагаанд хийсэн дотоод аудитын ажлын тайлан
December 20 2024 Мэдээ мэдээлэл

thumbnail 470179948_1003637715134405_5739915510271242403_n470179948_1003637715134405_5739915510271242403_n
Онцгой байдлын хэлтсийн алба хаагчид энэ онд 181 эрдэнэт хүний амь насыг авран хамгаалжээ
December 13 2024 Мэдээ мэдээлэл
Багануур дүүргийн Онцгой байдлын хэлтсийн хамт олон 2024 онд дүүргийн хэмжээнд аврах ажиллагааны 70, гал түймрийн 32, нийт 102 удаагийн дуудлага мэдээллээр алба хаагчид үүрэг гүйцэтгэж, 181 эрдэнэт хүний амь нас, 906 сая төгрөгийн өмч хөрөнгийг хамгаалж ажиллажээ.
Нийслэлийн Онцгой байдлын газраас 2024 онд дэвшүүлсэн зорилтоо хэрэгжүүлэх, төрийн үйлчилгээг иргэд, аж ахуйн нэгж, байгууллагад түргэн шуурхай чанартай хүргэхэд идэвх санаачилга гарган ажиллаж, ажил үйлсээрээ тэргүүлсэн тэргүүний хамт олныг шалгаруулахад Дэд хурандаа Г.Батжаргал даргатай Багануур дүүргийн онцгой байдлын хэлтсийн хамт олон “Спортын тэргүүний хамт олон”-оор, шилдэг алба хаагчаар бичиг хэрэг, архивын эрхлэгч, Ахлах ахлагч Э.Мөнгөнзаяа, шилдэг гал сөнөөгчөөр Гал түймэр унтраах, аврах 64 дүгээр ангийн гал сөнөөгч, Ахлагч Э.Буяннэмэх нар тус тус шалгарчээ.
Шилдэг хамт олонд баяр хүргэж, цаашдын ажил үйлст нь амжилт хүсье.
1 2 3 4 5 6 7 … 96 97