Global Title

“Элдэв эрдэнэт” хэмээх модон могой жилийн сар шинийн босгон дээр Багануур дүүргийн 1-р хорооны малчин Даржаагийн Нармандах, Юрагийн Батбаатар нар Монгол Улсын аварга малчин хэмээх эрхэм алдрыг хүртлээ. Аварга малчдын шагналыг УИХ-ын гишүүн, ЗГХЭГ-ын дарга Н.Учрал, УИХ-ын гишүүн Ц.Сандаг-Очир, Монгол Улсын Шадар сайд С.Амарсайханы Ахлах зөвлөх Б.Мөнх-Оргил, Нийслэлийн Хүнс, хөдөө аж ахуйн газрын Мал үржлийн албаны дарга Ч.Түмэн-Өлзий, Ахлах мэргэжилтэн Ц.Төмөртулга, НИТХ-ын төлөөлөгч, Багануур дүүргийн засаг дарга С.Даваасүрэн, дүүргийн ИТХ-ын төлөөлөгч, ИТХ-ын дарга П.Төгөлдөр болон дүүргийн удирдлагууд хүндэтгэл үзүүлж гардууллаа.

Аварга малчин Д.Нармандах 40 жил мал маллаж байгаа бөгөөд 2000 оноос үржлийн мал болох хуц, ухна маллаж, малын үүлдэр, гарал үүслийг чанаржуулж, мал сүргээ 1000 гаруй толгойд хүргэж, мал аж ахуйн салбарт өөрийн үнэтэй хувь нэмрээ оруулж яваа туршлагатай, тэргүүний шилдэг малчин эмэгтэй юм.

Аварга малчин Ю.Батбаатар 1996 оноос хойш гэр бүлийн хамт өдгөө 28 жил мал маллаж, малынхаа удам үүлдэр угсааг сайжруулан 1400 толгойд хүргэж, торгон сүрэг, шилмэл малын тоог нэмэгдүүлэн ашиг шимийг нь бүрэн ашиглаж, дүүргийнхээ ард иргэдийг мах, сүү цагаан идээгээр ханган үйлчилж иржээ.

Мөн 2013 оноос хойш залуучуудыг монгол өв соёл, мал маллах арга ухаанд сургаж, залуу малчдыг бэлтгэн 4 өрхийг туслах малчнаар цалинжуулан ажиллуулж малжуулсан ба өдгөө тус малчид нь мал сүргээ 4 төрөл дээр өсгөн үржүүлж ашиг шимийг нь хүртэж, яваа залуу малчдыг төрүүлээд байна.

Улсын аварга малчин өрхүүд мал сүргийн чанар, үүлдэр угсааг сайжруулах, сүргийн зохистой бүтцийг бүрдүүлэх, өвөлжилт, хаваржилтын бэлтгэлийг эртнээс хангахад анхаарч ажилладаг хөдөлмөр зүтгэлээ ийнхүү үнэлүүллээ.

Дүүргийн аварга малчдадаа баяр хүргэж, эрүүл энхийг хүсье.

Эрдэнэт мал сүргийн ашиг шим нь арвижин дэлгэрэх болтугай.

Дүүргийн удирдах ажилтны шуурхай хуралдаан боллоо. Өмнөх хуралдаанаар дүүргийн Засаг даргаас өгсөн үүрэг даалгавар 92.7 хувьтай хэрэгжжээ.

Багануур дүүргийн Онцгой Байдлын хэлтсийн дарга, Дэд Хурандаа Г.Батжаргал: “Цагаан сар” нэгдсэн арга хэмжээний хүрээнд гал түймрийн аюулаас урьдчилан сэргийлэх зөвлөмж мэдээллийг 1514 өрх айлд хүргэж ажилласан бөгөөд нийт 1874 зөрчлийг илрүүлжээ. Мөн гол,нуурын мөсөн дээгүүр авто машин болон явганаар зорчиж, эд хөрөнгө, эрүүл мэнд, амь насаа эрсдэлд оруулахгүй байхыг онцгойлон анхаарууллаа.

ЭМДХ-ийн дарга Б.Мөнхжаргал: ЭМД-ын шимтгэлээ цахим сувгууд болох E-Mongolia аппликейнаар зөвхөн өөрийн, Ebarimt аппликейшн, Ebarimt.mn вэб сайтаар өөрийн болон бусдын шимтгэлийг төлөх боломжтой юм.

2025 онд нийт 82,207.7 сая төгрөгийн төсөвт өртөг бүхий 73 төсөл арга хэмжээг хэрэгжүүлэхээс он дамжин хийгдэж байгаа-44, шинээр хэрэгжүүлэх-29 төсөл арга хэмжээний талаар Дүүргийн ИТХ-ын төлөөлөгч, Засаг даргын орлогч Б.Балжинням удирдлагуудад мэдээлэл хүргэлээ.

Хуралдааны төгсгөлд дүүргийн Засаг даргаас ирэх 14 хоногт дараах ажлуудыг зохион байгуулахыг үүрэг болголоо.

-Эрх шилжүүлсэн үнэлгээний хороог шуурхай байгуулж, худалдан авах ажиллагааг эрчимжүүлж, тендер шалгаруулалт амжилтгүй болсон төсөл арга хэмжээг танилцуулах,

-Хөрөнгө оруулалт, бүтээн байгуулалтын ажлын хүрээнд 3-р сараас барилга угсралтын ажлыг эхлүүлэх,

-Угаарын хийн эрсдэлээс урьдчилан сэргийлэх ажлыг зохион байгуулах,

-“Багануур мах маркет” ХХК-тай хамтран ажиллах ажлын хүрээнд мах худалдан авалтын гэрээг шинэчлэх,

–Хөрөнгө оруулалтын ажлуудын тендер сонгон шалгаруулалтыг зарлаж, гэрээ байгуулах,

-Олон улсын эмэгтэйчүүдийн эрхийг хамгаалах өдөр, Монгол цэргийн өдрийн хүрээнд зохион байгуулах үйл ажиллагааны төлөвлөгөөг боловсруулж, бэлтгэл ажлыг хангаж ажиллах,

-Төв зам дагуух гэрлэн дохиотой уулзваруудад хиймэл оюун ухаанд суурилсан төхөөрөмжүүдийг суурилуулахтай холбоотойгоор судалгааг гаргах,

-Сар шинийн баярт зориулсан бүх нийтийн их цэвэрлэгээг бүрэн гүйцэт зохион байгуулах,

-Дэд бүтцийн байгууллагууд шугам сүлжээний найдвартай байдлыг хангаж ажиллах,

-“Амар байна уу-2025” сар шинийн баярт зориулсан үзэсгэлэн худалдааны тайлан мэдээг гаргаж ажиллах,

-Малчдыг эрүүл мэнд болон нийгмийн даатгалд хамруулах ажлыг зохион байгуулж ажиллахыг чиглэл болголоо.

Багануур дүүргийн Засаг дарга С.Даваасүрэн “Мобиком” ХХК-ийн дэд захирлуудыг хүлээн авч уулзаж хэд хэдэн асуудлыг харилцан зөвшилцөж, дараах саналыг хамтран хэрэгжүүлэхээр боллоо.

Үүнд:

Орон нутгаас хамгийн анхлан Багануур дүүргийн Мобикомын хэрэглэгчдийг 5G сүлжээнд холбох,

Мөнгөнморьт сумын чиглэлд гар утасны сүлжээг энэ онд багтаан өргөтгөхөд анхаарч ажиллах,

Гэр хорооллын болон алслагдсан хэсгийн айл өрхүүдэд сүлжээний чанарыг сайжруулах,

Мандал, Титэм хотхон, шинээр ашиглалтад орж буй орон сууц руу шилэн кабель хамтран татах, трассын газрыг шийдвэрлэх,

Баяр наадмын үеэр болон бусад тэмдэглэлт өдрүүдээр сүлжээний хүчин чадлыг түр нэмэгдүүлэх,

Дүүргийн телекамерын хяналтын дэд төвийг нэгдсэн төвтэй холбоход шилэн кабелийн түрээсийн үйлчилгээнд хөнгөлөлт үзүүлэх,

“Улаанбаатар хот 2040” хөгжлийн ерөнхий төлөвлөгөөнд тусгаснаар нийслэлийг дараах үндсэн зургаан чиглэлээр хөгжүүлнэ.

Үүнд:

1. Эдийн засаг+бүсчлэл

2. Байгаль орчин, аялал жуулчлал

3. Архитектур орон зай, зам тээвэр

4. Ус хангамж, ариутгах татуурга

5. Эрчим хүч

6. Инженерийн бэлтгэл арга хэмжээ+гамшиг

Монгол улсын хөгжлийн хөтөч, иргэн төвтэй нийслэл хот болох хөгжлийн ерөнхий төлөвлөгөөний төслийг та бүхэнд цувралаар танилцуулах бөгөөд дэлгэрэнгүй мэдээлэлтэй доорх QR бүхий холбоосоор орж танилцана уу.