Залуучуудын хөгжлийн зөвлөлийн анхдугаар чуулган 21 аймаг 9 дүүрэг, Төрийн байгууллагуудын салбар зөвлөлийн залуусын дунд Төрийн ордонд зохион байгуулагдлаа.
Чуулганаар “Healthy Mongolia”, “Stay in Mongolia”, “Go Mongolia”, “E-Mongolia” сэдвүүдээр холбогдох яамны сайд нар илтгэл тавьж, хэлэлцүүлэг өрнүүлэн, залуучуудаас гарсан саналыг залуучуудын хөгжлийн зөвлөлийн төлөвлөгөөнд тусган хэрэгжүүлэхээр тогтсон юм.
Энэхүү чуулганд Багануур дүүргээс зөвлөлийн гишүүн, байгууллага аж ахуйн нэгжийн салбар зөвлөлийн төлөөлөл 19 залуус оролцлоо.
Онцгой байдлын хэлтсээс өнгөрсөн 14 хоногт гал түймэр унтраах, дадлага сургалтыг танхимын 8 удаагийн, тархалтын 2 удаагийн, тактикийн 1 удаагийн сургалтыг тус тус зохион байгуулан ажилласан байна.
Цагдаагийн хэлтэст бусдад залилуулсан 3 дуудлага мэдээлэл бүртгэгджээ. Тус хэлтсээс залилах гэмт хэргээс урьдчилан сэргийлэх, таслан зогсоох зорилгоор “Дуран-2024” тусгай арга хэмжээ зохион байгуулан ажиллаж байгаа юм. Арга хэмжээний хүрээнд дүүргийн иргэд, ААНБ-уудад залилах гэмт хэргээс урьдчилан сэргийлэх мэдээ, мэдээллийг хүргэн ажиллаж байгаа ажээ.
ИТХ-ын нарийн бичгийн дарга бөгөөд ажлын албаны дарга Г.Гансэлэм: Дүүргийн ИТХ-ын ээлжит бус 31 дүгээр хуралдаанаар сонгуулийн тойрогт ноогдох мандатын тоо, дугаар, нутаг дэвсгэр, төвийг тогтоох асуудлыг хэлэлцэн баталсанг танилцууллаа.
Хуралдааны төгсгөлд Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.
