2024 оны 12 сарын 21
Нээлттэй ажлын байрСанал хүсэлт

Category : Мэдээ мэдээлэл

thumbnail 313418861_503356588495856_4533545516915472950_n313418861_503356588495856_4533545516915472950_n
Зөвлөн туслах ажлын хэсэг дүүрэгт ажиллаж байна
10 сар 31 2022 Дүүргийн шуурхай, Мэдээ мэдээлэл, Онцлох
Зөвлөн туслах ажлын хэсэг дүүрэгт ажиллаж байна.

Монгол Улсын Засгийн газрын Хэрэг эрхлэх газар, Төрийн албаны зөвлөлийн хамтарсан зөвлөн туслах ажлын хэсэг 10 дугаар сарын 31, 11 дүгээр сарын 01-ний өдрүүдэд Багануур дүүрэгт ажиллаж байна.

Төрийн албаны зөвлөлийн гишүүн Д.Баатарсайханаар ахлуулсан ажлын хэсэг нь дүүргийн удирдлагуудтай уулзаж,удирдамж, чиглэлээ танилцуулж, санал солилцлоо.
Ажлын хэсэг нь нутгийн захиргааны 13 байгууллагын хүний нөөцийн бодлого, томилгоотой танилцаж, төрийн албаны ёс зүйн хэм хэмжээ, Төрийн албаны тухай хууль тогтоомжийн хэрэгжилтийн талаар арга зүйн зөвлөгөө, зөвлөмж өгч ажиллаж байна.
Мөн “Төрийн албаны хүний нөөцийн чадамжийг бүтээмжтэй уялдуулах нь”, “Цагийн менежмент” сэдвүүдээр сургалт хийж, сургалтад дүүргийн төрийн захиргааны байгууллагуудын удирдлага, нягтлан бодогч, архив, бичиг хэргийн 165 ажилтан албан хаагчид хамрагдлаа.
thumbnail 312606294_502680078563507_7774857226026899520_n312606294_502680078563507_7774857226026899520_n
БАЯРЛАЛАА БАГАНУУР ХК
10 сар 30 2022 Мэдээ мэдээлэл, Онцлох

Өчигдөр, өнөөдөр Төв аймгийн хойд болон зүүн талын сумдын нутгаар их хэмжээний цас орж, цасан шуурга шуурсны улмаас Улаанбаатраас зүүн аймгуудыг чиглэсэн А0501 замд халтиргаа гулгаа үүсэн зорчих хөдөлгөөнд эрсдэл үүсээд байна. Тиймээс Улаанбаатар-Хэнтий, Улаанбаатар-Сүхбаатар, Хэнтий-Улаанбаатар чиглэлийн хүн тээврийн 3 автобус шөнийн цагаар замаа үргэлжлүүлэх боломжгүй болж, Багануурт саатаад байна. Эдгээр 3 автобусанд зорчиж буй иргэдийг Багануур ХК-ийн Уурхайчин спорт цогцолбортоо буудаллуулан ор дэвсгэрээр ханган хонуулж байна. Гурван автобусны 125 зорчигчийн 70 нь Уурхайчин спорт цогцолборын зааланд байрласан. Үлдсэн хүмүүс нь Багануур дүүрэгт байдаг төрөл садангийн айлуудаа зорьсон байна.

Замын эрсдэлт нөхцөл байдлаас шалтгаалан Уурхайчин спорт цогцолборт хонож буй иргэдэд шаардлагатай гудас хөнжил гэх мэт зүйлийг Багануур ХК-ийн Гамшгаас Хамгаалах Штабын бэлэн байдлын агуулахаас хангаж, даарч хөрсөн зорчигчдод Багануур ХК-ийн үйлдвэрийн эмч нар анхан шатны эрүүл мэндийн үзлэг хийлээ. Зорчигчдын биеийн байдал хэвийн байна.

thumbnail 313408378_502350168596498_1990162641298945092_n313408378_502350168596498_1990162641298945092_n
СЭРЭМЖЛҮҮЛЭГ
10 сар 30 2022 Мэдээ мэдээлэл, Онцлох
☝Цаг агаарын нөхцөл байдлаас шалтгаалан цас ихээр орж байгаа тул Багануур-Улаанбаатар-Багануур чиглэлийн замд хальтиргаа, гулгаа ихсэж зорчих хөдөлгөөн саадтай байгаа тул иргэд, хөдөлмөрчид та бүхнийг холын замд гарахгүй байж, эрсдэлээс урьдчилан сэрийлэхийг ОНЦГОЙЛОН АНХААРУУЛЖ байна.
✳“Багануур АЗЗА” ТӨХК, Багануур Тохижилт , Багануур дүүргийн замын цагдаагийн тасгийн алба хаагчид хальтиргаа гулгаа үүссэн газруудад шуурхай арга хэмжээ авч ажиллаж байгаа ч иргэд та бүхэн хол замд анхаарал болгоомжтой зорчино уу.
thumbnail 312237101_501771995320982_3716939616961277986_n312237101_501771995320982_3716939616961277986_n
МОНГОЛЫН РАДИОГООС ЯРЬЖ БАЙНА
10 сар 30 2022 Мэдээ мэдээлэл, Онцлох
Энэ танил дотно дуу хоолойг сонсоогүй хүн ховор биз ээ…
Энэхүү дотно дуу хоолойгоор бидэнд мэдээ мэдээллийг түгээсээр даруй 88 жил өнгөрсөн байна.
Өнөөдөр Монголын үндэсний радио, телевизийн уран бүтээлчид Багануур дүүрэгт ирж,“Үзэгч сонсогчдын нээлттэй өдөрлөг”-ийг зохион байгуулж, Багануур дүүргээс радиогийн шууд эфирийг хүргэлээ.
Монголын үндэсний радиогийн сан хөмрөгт Багануур дүүргийн их бүтээн байгуулалтын он, цаг, жилүүдэд хийсэн радио нэвтрүүлгүүд нэлээдгүй байдаг байна. Мөн өдөрлөгийн үеэр сан хөмрөгт буй Багануурын уурхайн нээлтийн үеэр Уурхайн ерөнхий инженер Сосор, уурхайн жолооч Баасанжав, өрмийн машинч Нэргүй, машинч Хатанбаатар, Уурхайн дарга Сандуйжав, анхны их эмч Нараа гэх мэт хүмүүсээс тухайн үед авч байсан ярилцлагыг ирсэн зочдод сонсуулж, сонирхуулсан юм.
thumbnail 313305504_501036062061242_2170767426904756070_n313305504_501036062061242_2170767426904756070_n
Манай дүүрэг боловсрол, эрүүл мэндийн салбарын цахим системийг амжилттай хэрэгжүүлж, дэд бүтцийн салбарын цахим шилжилтийг эхлүүлээд байна
10 сар 29 2022 Мэдээ мэдээлэл, Онцлох
🔰Улаанбаатар хотын хэмжээнд цахим шилжилтийн хүрээнд ДИЖИТАЛ ХОТ төслийн төлөвлөгөө танилцуулах арга хэмжээ болсон юм.
Энэ үеэр Монгол залуусын бүтээсэн Монгол хэл ойлгодог анхны виртуал модель ЭГҮНЭ /Egune/-г бүтээснээ танилцуулсан билээ.
🔰Манай дүүргийн хувьд 2020 онд цахим системд шилжих анхны алхам хийгдсэн бөгөөд цахим дүүргийн иж бүрэн систем, техник технологийн шийдлийг нэвтрүүлэхээр мэдээллийн технологийн үндэсний 70 гаруй нэгжийн төлөөлөл болсон “Ай Си Ти групп” ХК-тай оны эхэнд санамж бичиг байгуулсан.
🔰Үүний хүрээнд боловсрол, эрүүл мэнд, хот төлөвлөлт, зам тээвэр, иргэд, олон нийтийн оролцоо, мэдээлэл, үйлчилгээний хүртээмж, нутгийн захиргааны байгууллага хоорондын цахим шилжилт, татвар, хураамжийн цогц шийдэл, Дата мэдээллийг орон зайн дүн шинжилгээ хийх нөхцөлийг бүрдүүлэхээр ажиллаж байна.
🔰Жишээлбэл Боловсролын салбарын цахим шилжилтийн хүрээнд ухаалаг бөгөөд цогц технологийн шийдэл бүхий eSchool платформ хэрэглээнд нэвтрэх юм. Сургуулийн удирдлага багш, эцэг эх, сурагчид аппликейшн ашиглан цаг алдалгүй мэдээлэл солилцох, үдийн хоол, автобус тээвэрлэлтийн аюулгүй байдалд хяналт тавих бүрэн боломжтой болж байгаа юм.
🔰Цахимд системд шилжсэнээр Үндэсний аж ахуйн нэгжүүд хотын хөгжил дэвшил, иргэдийн эрүүл, аюулгүй амьдрах орчин, мэдээллийн зөв урсгалыг бий болгох, төрийн үр ашгийг дээшлүүлэх зэрэг маш олон давуу талтай.
thumbnail 313333085_501039165394265_4353751376674104177_n313333085_501039165394265_4353751376674104177_n
Дүүргийн эмнэлэг 1989 онд байгуулагдснаас хойш анх удаа бүрэн засварт орно
10 сар 29 2022 Мэдээ мэдээлэл, Онцлох
✅Эрүүл мэндийн төвийн барилга 1989 онд анх 150 ортой ашиглалтад орж байсан түүхтэй. Ашиглалтад орсноос хойш 33 жилийн хугацаанд дотоод засвар шинэчлэлийн ажил хийгдээгүй учраас өрөө, тасгууд хуучирч муудсан байсан. Харин эмнэлгийн их засварын ажлыг эхлүүлэхээр энэ жил зураг төсвийг гаргахаар боллоо.
✅Өнөөдөр дүүргийн Засаг дарга С.Даваасүрэн, Засаг даргын орлогч Б.Балжинням нар эмнэлгийн нөхцөл байдалтай танилцлаа.
✅Дүүргийн эмнэлэг нь 30 гаруй жил бүрэн засварт орж байгаагүй. Түүнчлэн дүүргийн эмнэлгийн эмч, ажилтнуудын өрөө тасалгаа, хувцас солих өрөө, хэвтэн эмчлүүлэгчдийн өрөө, ариун цэврийн өрөөнүүдийн зарим тавилгууд 30 жилийн настай гэхэд хилсдэхгүй.
✅Мөн амбулаторийн өрөөнүүд хуучирч муудсан, цонхоор дулаан алдах гэх мэт тав тухгүй байдаг талаар эмнэлгийн ажилтнууд дүүргийн Засаг даргад уламжилсан юм.
✅Засаг дарга С.Даваасүрэн хэлэхдээ их засварын ажлыг хийхдээ зураг төсөлд анхаарч, ажлын даалгавраа сайтар гаргаж өгөх, өрөөнүүдийн зөв зохион байгуулалтад ач холбогдол өгөх, мөн өндөр настан, хөгжлийн бэрхшээлтэй иргэд, нялх нярай хүүхэдтэй эцэг эхчүүдэд зориулсан амбулаторийн үзлэгийг доод давхарт шийдэх зохион байгуулалтыг эмнэлгийн стандартад нийцүүлэн, зураг төсөвт тусгаж өгөхийг захилаа.
✅Цаашид эмнэлгийн их засвар, зохион байгуулалтын зураг төсөв хийгдсэнээр үе шаттай засвар, шинэчлэлийн ажлыг хийх юм.
thumbnail 313254631_500308628800652_523916612968424011_n313254631_500308628800652_523916612968424011_n
Статистикийн хэлтсээс сургалт зохион байгууллаа
10 сар 27 2022 Мэдээ мэдээлэл, Онцлох

Монгол улсад статистикийн байгууллага үүссэний 98 жилийн ойн арга хэмжээг угтан Үндэсний статистикийн хороо, дүүргийн Статистик хэлтэс хамтран дүүрэг хороодын төрийн албан хаагчид болон аж ахуйн нэгжийн мэдээлэгч, хэрэглэгч нарт зориулан төрийн нэгдсэн мэдээллийн сан, төрийн их өгөгдлийг бий болгох хөтөлбөр, статистикийн нэгдсэн мэдээллийн сан www.1212.mn -ийг хэрхэн хэрэглэх, ашиглах талаарх сургалтыг зохион байгууллаа.

      

thumbnail 313177178_499365582228290_141322134639945980_n313177178_499365582228290_141322134639945980_n
Эрдэнэт хүний амь аварсан Цагдаагийн хэлтсийн алба хаагчдад талархал гардуулжээ
10 сар 26 2022 Мэдээ мэдээлэл, Онцлох
Эрдэнэт хүний амь аварсан Цагдаагийн хэлтсийн алба хаагчдад талархал гардуулжээ
Гэмт хэрэг, зөрчлөөс урьдчилан сэргийлэх үндсэн чиг үүргээ нэр төртэй биелүүлж, зөрчлийг түргэн шуурхай илрүүлэн, таслан зогсоож анхан шатны тусламжийг цаг алдалгүй үзүүлж эрдэнэт хүний амь аварч онцгой үүрэг гүйцэтгэсэн Цагдаагийн хэлтсийн Шуурхай удирдлагын тасгийн жижүүрийн цагдаа жолооч, цагдаагийн ахлагч Г.Баасандорж, Нийтийн хэв журам хамгаалах тасгийн хамгаалалтын цагдаа, цагдаагийн ахлагч Т.Бямбасүрэн нарт Дүүргийн ИТХ-н дарга бөгөөд ГХУСАЗСЗ-ийн дарга Т.Отгонболд урамшуулал олгож талархал гардууллаа.
ДҮҮРГИЙН ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛ
thumbnail 312323241_588166359727998_1151650772515846689_n312323241_588166359727998_1151650772515846689_n
Дүүргийн өсвөрийн шатарчдын их нүүдэл тэмцээний шилдгүүд тодорлоо
10 сар 26 2022 Мэдээ мэдээлэл, Онцлох
Дүүргийн өсвөрийн шатарчдын их нүүдэл тэмцээний шилдгүүд тодорлоо.

Нийслэлийн 383 жилийн ойг тохиолдуулан зохион байгуулагдах Нийслэлийн Засаг дарга бөгөөд Улаанбаатар хотын захирагчийн нэрэмжит өсвөрийн шатарчдын ИХ НҮҮДЭЛ тэмцээнийг дүүргийн шатанд амжилттай зохион байгууллаа.

Тус тэмцээнд “Гүн галуутай”, “Боловсрол”, “Оюуны Эрин” цогцолбор сургууль болон “Сод” сургуулийн 4 багийн 96 тамирчин оролцсоноос нийслэлийн шигшээ тэмцээнд дүүргээ төлөөлж, “Боловсрол”, “Гүн галуутай” цогцолбор сургуулийн баг тамирчид оролцох эрхээ авчээ. Дүүргийн аварга сургуулиар Гүн галуутай сургууль шалгарсан байна.
Нийслэлийн аварга шалгаруулах тэмцээн 2022.10.25-27-ны өдрүүдэд зохион байгуулагдах бөгөөд тус тэмцээнийг нийслэлийн шатрын холбоо мэргэжлийн шүүгчидтэй хамтран, олон улсын шатрын холбооны дүрмээр шүүн явуулах юм.
thumbnail 308777862_497813592383489_7117734158342217831_n308777862_497813592383489_7117734158342217831_n
Дүүргийн худалдаа, нийтийн хоол, нийтийн аж ахуйн салбарынхан чууллаа
10 сар 26 2022 Мэдээ мэдээлэл, Онцлох
Дүүргийн худалдаа, нийтийн хоол, нийтийн аж ахуйн салбарынхан чууллаа
Монгол улсад Үндэсний худалдаа, нийтийн хоолны салбар үүсч хөгжсөний 101 жил, Нийтийн аж ахуйн салбар үүсч хөгжсөний түүхт 91 жилийн ойн баярын өдрөөр салбарынхан чууллаа.
Дүүргийн Засаг даргын бүрэн эрхийн хугацааны 2020-2024 оны үйл ажиллагааны хөтөлбөр, эдийн засаг, нийгмийг 2022 онд хөгжүүлэх үндсэн чиглэлд тусгагдсан хүнс худалдаа, нийтийн хоол, ахуйн үйлчилгээ, жижиг дунд үйлдвэрлэл эрхлэгчид тэдэнд тулгамдаж буй асуудлыг шийдвэрлэх, хамтын ажиллагааг сайжруулах зорилгоор чуулга уулзалтыг зохион байгууллаа.
Уулзалтад дүүргийн удирдлагууд, хүнс худалдаа, нийтийн хоол, ахуйн үйлчилгээ, жижиг дунд үйлдвэрлэл эрхлэгчид хүрэлцэн ирсэн юм.
Чуулга уулзалтын үеэр Багануурт үйлдвэрлэв үзэсгэлэн худалдаа зохион байгуулагдаж, хувийн санхүүгийн зөвлөх лектор Д.Мөнгөн “Санхүүгийн сэтгэлгээ” сэдвээр сонирхолтой илтгэлийг ирсэн зочдод тавьж сонирхууллаа.
Энэ үеэр ажил үйлсээрээ салбартаа тэргүүлсэн хүмүүст шагнал гардуулав.
“МОНГОЛ УЛСЫН ТӨРИЙН ДЭЭД ШАГНАЛ АЛТАН ГАДАС ОДОН”-гоор Цэдэнсодномын Пүрэвсүрэн,
ҮЙЛДВЭР, ХУДАЛДАА ҮЙЛЧИЛГЭЭНИЙ ТЭРГҮҮНИЙ АЖИЛТАН ТЭМДЭГ-ээр
Чүлтэмийн Шагдар, Пүрэвжавын Энхжаргал, Балжингийн Энхчимэг,
ХҮНС, ХӨДӨӨ АЖ АХУЙН ХӨНГӨН ҮЙЛДВЭРИЙН ЯАМНЫ ЖУУХ БИЧИГ-ээр
Загдаагийн Уранчимэг,
ЭРҮҮЛ МЭНДИЙН ЯАМНЫ ЖУУХ БИЧИГ- ээр: Ерөөлтийн Тунгалаг нар болон дүүргийн ИТХ-ын шагнал, Засаг даргын шагнал, Монголын тогооч нарын холбооны шагналаар нийт 60 гаруй иргэдэд шагнал гардуулан өгч, баяр хүргэлээ.👏👏👏
Мөн энэ үеэр спортын 3 төрөлт тэмцээний шагналыг гардуулан өгсөн юм.
ТӨРӨЛТ ТЭМЦЭЭНИЙ БОУЛИНГИЙН ТӨРӨЛД:
ТЭРГҮҮН БАЙРЫГ ОЁДОЛ ГОО САЛОНЫ БАГ ТАМИРЧИД
ДЭД БАЙРАНД АВТОДРЕМ ХХК-ИЙ НАРАН ЗООГИЙН ГАЗАР
ГУТГААР БАЙРАНД СО САКУ ХХК-ИЙ ГЭРЭЛ МИНИМАРКЕТ
ТӨРӨЛТ ТЭМЦЭЭНИЙ ДАРТАСНЫ ТӨРӨЛТ:
ТЭРГҮҮН БАЙРАНД БАГАГУТАЙ ХХК-ИЙ МИНИЙ НУТАГ ХҮНСНИЙ ДЭЛГҮҮР
ДЭД БАЙРАНД ОЁДОЛ ГОО САЛОНЫ ХАМТ ОЛОН
ГУТГААР БАЙРАНД АНАР САЛОНЫ БАГ ТАМИРЧИД
🏐ГАР БӨМБӨГ ТӨРӨЛД:
ТЭРГҮҮН БАЙРАНД ЗАМЗУУР МАМИ ХХК ХАМТАРСАН БАГ
ДЭД БАЙРАНД ГҮН-УНДРАГА ХХК-ИЙ БАГ ТАМИРЧИД
ГУТГААР БАЙРАНД НӨХӨРЛӨЛ ТББ БАГ ТАМИРЧИД
НИЙЛБЭР ДҮНГЭЭР ГУТГААР БАЙРАНД
ОЁДОЛ ГОО САЛОНЫ БАГ ТАМИРЧИД
ДЭД БАЙРАНД НӨХӨРЛӨЛ ТББ-ЫН БАГ ТАМИРЧИД
ТЭРГҮҮН БАЙРАНД АВТОДРЕМ ХХК-ИЙ ХАМТ ОЛОН ТОДОРСОН БАЙНА.
1 2 … 51 52 53 54 55 56 57