2025 оны 06 сарын 28
Нээлттэй ажлын байрСанал хүсэлт

Category : Мэдээ мэдээлэл

thumbnail 347263777_1596432694168364_6549111984527660808_n347263777_1596432694168364_6549111984527660808_n
Сэрэмжлүүлэг
5 сар 16 2023 Мэдээ мэдээлэл
  • Фейсбүүк орчинд “ТАВАН ТОЛГОЙ” ХХК-ИЙН ХУВЬЦААГАА ШАЛГААРАЙ, ЗУРГАН ДЭЭРХ ЧИ МӨН ҮҮ, БИЧЛЭГ ДЭЭР БАЙГАА ХҮНИЙГ ЧАМАЙГ ГЭЖ БОДЛОО гэх зэргээр олон нийтийн группт линк байршуулах, иргэний фейсбүүк хаяг руу чатаар линк буюу хортой код явуулах замаар иргэдийн нэвтрэх нэр, нууц кодыг хууль бусаар авч нэвтрэн, фейсбүүкийн найзууд руу нь хохирогчийн нэрийг барин чат бичиж, залилан мэхэлдэг сэжигтэй этгээдүүд байгааг Цагдаагийн байгууллагаас анхааруулж байна.

    ИЙМД ИРГЭД ТА БҮХЭН ХУВИЙН МЭДЭЭЛЛИЙН НУУЦЛАЛАА ХАНГАЖ, ФЕЙСБҮҮК ЧАТААР ИРСЭН АЛИВАА ХОРТОО ЛИНК, КОДЫГ НЭЭХГҮЙ БАЙХЫГ ХҮСЬЕ

thumbnail 346060585_778640206999571_2120138704767005802_n346060585_778640206999571_2120138704767005802_n
“Ногоон хот- иргэний оролцоо” хаврын мод тарих аянд нэгдсэн иргэд, аанб-ууддаа #БАЯРЛАЛАА
5 сар 15 2023 Мэдээ мэдээлэл, Онцлох
Энэ жилийн мод тарих үндэсний өдрийг нийслэлийн хэмжээнд “Ногоон хот-иргэний оролцоо” уриан дор зохион байгуулж байгаа билээ.
Уг үйл ажиллагааны хүрээнд дүүргийн төрийн байгууллагууд болон ААНБ-ууд Мод тарих үндэсний өдрөөр дүүргийн цэцэрлэгт хүрээлэн, албан байгууллагынхаа хашаанд бүх нийтээр мод бут, сөөг тарилаа.
Мөн “Тэрбум мод” үндэсний хөдөлгөөнд оролцож мод тарьж, ургуулж буй төрийн болон аж ахуй нэгж байгууллага, иргэдэд ээ #ТАЛАРХЪЯ.
Мод тарих үндэсний өдөр бүх нийтээр мод, бут, сөөг, цэцэг тарих, цаашид арчлан хамгаалах, түүнийгээ амьдралын хэв маяг болгон хэвшүүлэн сурталчилж ажиллахыг дүүргийнхээ ард иргэд, айл өрх, төрийн болон төрийн бус байгууллага, аж ахуйн нэгж, хандивлагч нартаа #УРИАЛЪЯ.
thumbnail 346032230_1653323098466939_2261013891872390060_n346032230_1653323098466939_2261013891872390060_n
Масам 2 төслийг Багануур дүүрэгт амжилттай хэрэгжүүллээ
5 сар 13 2023 Мэдээ мэдээлэл, Онцлох
Швейцарын хөгжлийн агентлаг, Нийгмийн эгэх хариуцлагын Дэлхийн түншлэлийн санхүүжилтээр, Дэлхийн Банкнаас үндэсний хэмжээнд хэрэгжүүлж буй “Монгол Улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь“ буюу МАСАМ 2 төслийг Багануур дүүрэгт амжилттай хэрэгжүүллээ.
Багануур Азийн Нөхөрлөл ТББ-аас 2023 оны 05 дугаар сарын 12-ны өдөр ИТХ-ийн төлөөлөгчид болон иргэний оролцооны хэлтэс, ЗДТГ-ын хэлтсийн дарга, мэргэжилтнүүд, ӨЭМАШБ-ын төлөөлөл, төслийн ажлын хэсэг, Иргэдийн хяналтын бүлгийн гишүүд, Иргэдийн төлөөллийг оролцуулсан олон талт уулзалтыг зохион байгуулав.
Тус уулзалтаас Улсын төсвийн хөрөнгө оруулалтаар хийгдэж буй ажлуудад Иргэдийн хяналтын бүлгийг ажиллуулсан нь үр дүнтэй ажил болсон бөгөөд цаашид тогтмол ажиллуулж иргэдийн оролцоог нэмэгдүүлэх нөлөөллийн ажлуудыг хийх, түүнчлэн Улс, Нийслэл, орон нутгийн хөрөнгө оруулалтаар хийгдэж буй ажлуудад иргэдээс санал авч иргэдийн хэрэгцээ, шаардлагад нийцүүлэн төлөвлөн хийж байх, Иргэдийн төсвийг жил бүр уламжлал болгон иргэдэд танилцуулж мэдээллээр хангах, Өрхийн эрүүл мэндийн төвөөр үйлчлүүлж буй иргэдэд www.1313.mn сайтаар нэвтэрч санал, сэтгэл ханамж, гомдлыг хэрхэн яаж өгөх талаарх мэдээллийг илүү хүртээмжтэй байдлаар түгээн дэлгэрүүлэх ажлыг эрчимжүүлж ажиллах саналууд гарлаа.
Уулзалтад оролцогчид Багануур дүүрэгт хэрэгжүүлсэн МАСАМ 2 төслийн ажлыг Төрийн байгууллагын хийж гүйцэтгэх ажлыг Иргэний нийгмийн байгууллага хийснээрээ Төсвийн хөрөнгө оруулалтын ажилд иргэдийн оролцоо дээшилж, ухаалаг утаснаасаа апплекэйшн ашиглаж төрийн бүх үйлчилгээ, мэдээллийг цаг алдалгүй авч, санал, гомдлоо хүргүүлдэг болсон нь тус төслийн үр дүн болсон гэж сайшаан дүгнэлээ.
thumbnail 346456153_941246046963842_5671659612644429610_n346456153_941246046963842_5671659612644429610_n
“Чадварлаг баг-чанартай боловсрол” журам хэрэгжиж байна
5 сар 11 2023 Мэдээ мэдээлэл, Онцлох
Ерөнхий боловсролын сургууль, цэцэрлэгийн багш, суралцагчдыг идэвхжүүлэх, сургууль, цэцэрлэгийн өрсөлдөх чадварыг нэмэгдүүлэх, багш суралцагчийн хамтын ажиллагааг сайжруулах, багшийн үнэлэмж, багаар ажиллахын давуу талыг нэмэгдүүлэх, зорилгоор дүүргийн ИТХ-ын 2022 оны 25 дугаар тогтоолоор боловсролын салбарын багш, суралцагч, заах аргын нэгдэлд урамшуулал олгох батлагдан эхний жилдээ хэрэгжиж эхлээх гэж байна.
Тус журам нь 3 хавсралттай батлагдаж, шинээр бага ангийн (5 дугаар анги) заах аргын нэгдлийг урамшуулах, сургуулийн өмнөх боловсролын байгууллагын заах аргын нэгдлийг урамшуулахаар болсон.
Журмыг хэрэгжүүлэх ажлын хүрээнд сургуулийн өмнөх боловсролын бэлтгэл бүлэг, ерөнхий боловсролын сургуулийн 5 дугаар ангийн суралцагчдын мэдлэг чадвар, хөгжлийн ахицыг үнэлэх үнэлгээг 2023 оны 05 дугаар сарын 08-11-ний өдрүүдэд зохион байгуулж, дүүргийн Засаг даргын захирамжаар байгуулагдсан ажлын хэсгийн хурлаар үнэлгээг зохион байгуулах зохион байгуулалтын талаар мэдээллийг өглөө.
thumbnail 346463469_906564973758628_8705852556156525940_n346463469_906564973758628_8705852556156525940_n
Наскон групп дуосолид® авто замын суурь хийх дэвшилтэт нано технологийг танилцууллаа
5 сар 11 2023 Мэдээ мэдээлэл, Онцлох

Өнөөдөр Наскон группээс өөрсдийн технологийг танилцуулж, хамтран ажиллах чиглэлээр дүүргийн Засаг дарга С.Даваасүрэнтэй уулзаж, ЗДТГ-ын ТНААХ-ийн дарга Д.Дэмчигжав, Багануур тохижилт ААТҮГ-ын захирал Д.Олзвой болон хороодын Засаг нарт технологийн талаар танилцууллаа.
Наксон технологийн үндсэн түүхий эд нь Дуосолид бодис юм. Тус технологийг Наскон групп нэвтрүүлээд байна. Уг технологи нь хөлдөлтөд тэсвэртэй, илүү бат бэх чанартай замын суурийг байгаль орчинд ээлтэй, хүнд хор хөнөөлгүй аргаар хэрхэн барихыг шийдэж өгч байгаагаараа онцлог. Дуосолид бодисыг хөрс шороотой хольсноор маш сайн бэхжиж, өвөл хөлдөж хагарахгүй, бат бэх замын суурийг үүсгэдэг юм байна.

Европын “Lab Analysis” лабораторийн шинжилгээний үр дүнгээс Nascon технологи нь шаварлаг хөрсөнд ашиглахад тохиромжтой, энэхүү технологийг элсэрхэг хөрсөнд шаварлаг хөрс шороо буюу цементийн нэмэлт хольцтой ашиглах боломжтой гэж гарсан байна.
Наксон технологийг ашиглан Монгол улсын зам, барилгын салбарт ашиглан хийж хэрэгжүүлэн ажиллаж байгаа юм байна.
Уулзалтаар энэхүү технологийг ашиглан ус ихээр тогтдог гудамж талбайн хэсэгт хэрэгжүүлэх боломжтой талаар санал солилцон эхний ээлжид судалгаа хийж, хэрэгжүүлэх талаар шийдэлд хүрлээ.
thumbnail 346280315_969498717556190_2008383495028608191_n346280315_969498717556190_2008383495028608191_n
Бизнес эрхлэгчидтэй уулзлаа
5 сар 10 2023 Мэдээ мэдээлэл

УИХ-ын гишүүн С.Амарсайхан, Ц.Сандаг-Очир нар Багануур дүүрэгт ажиллах үеэрээ Бизнес эрхлэгчидтэй уулзаж, тулгамдсан асуудлынх нь талаар хэлэлцсэн бөгөөд тэдний зүгээс хөнгөлөлттэй зээлийг адил тэгш олгох, ажиллах нөхцөл боломжоор нь хангах асуудлыг хөндөж байсан юм.

 

Тухайлбал, ахуйн үйлчилгээ эрхлэгчдийн хувьд ихэвчлэн орон сууцны нэг давхрын байрыг түрээслэн, ажилладаг байгаа нь оршин суугчдад хүндрэл учруулдаг учраас байнгын дарамтад ажиллаж буйгаа хэлсэн бол хүнсний үйлдвэрлэл, худалдаа, тариалан эрхлэгчдийн хувьд өөрсдөө баялаг бүтээх боломж олгох, татварын дарамтыг багасгах зэрэг асуудлуудыг хөндөж байлаа.

   

thumbnail 345897677_789553439352521_6209498893233374516_n345897677_789553439352521_6209498893233374516_n
Олимп, нийтийн биеийн тамир, спортын сайд Б.Бат-эрдэнэ “Уурхайчин” спорт цогцолборт зочиллоо
5 сар 10 2023 Мэдээ мэдээлэл

Монгол Улсын Их Хурлын гишүүн, Олимп, нийтийн биеийн тамир, спортын сайд Б.Бат-Эрдэнэ өчигдөр Багануур ХК-ийн “Уурхайчин” спорт цогцолборт зочилж үйл ажиллагаатай нь танилцлаа.

Энэ үеэр Багануур ХК-ийн дэргэдэх волейбол, сагсан бөмбөг, хөл бөмбөг, хоккейн клубт хичээллэдэг өсвөрийн тамирчид, “Уурхайчин” спорт цогцолборт азийн наадмын бэлтгэлээ хийж байгаа Р.Тамир дасгалжуулагчтай Монгол улсын U16 волейболын өсвөрийн шигшээ багийн тамирчидтай уулзаж үнэтэй зөвлөгөө өглөө.

      

Тэрээр хэлэхдээ: биеийн тамир спорт бол хүнийг ёс суртахуунтай, хүнлэг энэрэнгүй, шударга зарчимч, цаг баримталдаг, хүмүүжилтэй болгон төлөвшүүлдэг. Тамирчин хүн бусдад ямагт эерэг хандлага төрүүлдэг, эрүүл ахуйг эрхмэлдэг, хувийн зохион байгуулалт сайтай байх ёстой. Тиймээс ирээдүйд тив дэлхийд эх орныхоо нэрийг дуурсгах өсвөрийн тамирчид, хүүхдүүд та бүхэн эхлээд энэ бүхнийг сахин биелүүлж бэлтгэл сургуулилтаа хийж байгаарай хэмээсэн юм.

Мөн тэрээр Багануур ХК-ийн захиргаа, “Уурхайчин” спорт цогцолборын багш дасгалжуулагч, клубуудын дасгалжуулагчдад тамирчдыг улс бүсийн болоод тив дэлхийн тэмцээнд амжилттай бэлтгэн оролцуулж, дүүрэг орон нутагтаа биеийн тамир спортыг хөгжүүлж байгаад талархал илэрхийлж ажлын амжилт хүслээ.

Эх сурвалж: Багануур хувьцаат компани

1 2 … 36 37 38 39 40 … 60 61