Category : Мэдээ мэдээлэл

УИХ-ын гишүүн С.Амарсайхан, Ц.Сандаг-Очир нар Багануур дүүрэгт ажиллах үеэрээ Бизнес эрхлэгчидтэй уулзаж, тулгамдсан асуудлынх нь талаар хэлэлцсэн бөгөөд тэдний зүгээс хөнгөлөлттэй зээлийг адил тэгш олгох, ажиллах нөхцөл боломжоор нь хангах асуудлыг хөндөж байсан юм.

Тухайлбал, ахуйн үйлчилгээ эрхлэгчдийн хувьд ихэвчлэн орон сууцны нэг давхрын байрыг түрээслэн, ажилладаг байгаа нь оршин суугчдад хүндрэл учруулдаг учраас байнгын дарамтад ажиллаж буйгаа хэлсэн бол хүнсний үйлдвэрлэл, худалдаа, тариалан эрхлэгчдийн хувьд өөрсдөө баялаг бүтээх боломж олгох, татварын дарамтыг багасгах зэрэг асуудлуудыг хөндөж байлаа.

Монгол Улсын Их Хурлын гишүүн, Олимп, нийтийн биеийн тамир, спортын сайд Б.Бат-Эрдэнэ өчигдөр Багануур ХК-ийн “Уурхайчин” спорт цогцолборт зочилж үйл ажиллагаатай нь танилцлаа.

Энэ үеэр Багануур ХК-ийн дэргэдэх волейбол, сагсан бөмбөг, хөл бөмбөг, хоккейн клубт хичээллэдэг өсвөрийн тамирчид, “Уурхайчин” спорт цогцолборт азийн наадмын бэлтгэлээ хийж байгаа Р.Тамир дасгалжуулагчтай Монгол улсын U16 волейболын өсвөрийн шигшээ багийн тамирчидтай уулзаж үнэтэй зөвлөгөө өглөө.

Тэрээр хэлэхдээ: биеийн тамир спорт бол хүнийг ёс суртахуунтай, хүнлэг энэрэнгүй, шударга зарчимч, цаг баримталдаг, хүмүүжилтэй болгон төлөвшүүлдэг. Тамирчин хүн бусдад ямагт эерэг хандлага төрүүлдэг, эрүүл ахуйг эрхмэлдэг, хувийн зохион байгуулалт сайтай байх ёстой. Тиймээс ирээдүйд тив дэлхийд эх орныхоо нэрийг дуурсгах өсвөрийн тамирчид, хүүхдүүд та бүхэн эхлээд энэ бүхнийг сахин биелүүлж бэлтгэл сургуулилтаа хийж байгаарай хэмээсэн юм.

Мөн тэрээр Багануур ХК-ийн захиргаа, “Уурхайчин” спорт цогцолборын багш дасгалжуулагч, клубуудын дасгалжуулагчдад тамирчдыг улс бүсийн болоод тив дэлхийн тэмцээнд амжилттай бэлтгэн оролцуулж, дүүрэг орон нутагтаа биеийн тамир спортыг хөгжүүлж байгаад талархал илэрхийлж ажлын амжилт хүслээ.

Эх сурвалж: Багануур хувьцаат компани

Багануур дүүргийн Засаг даргын дэргэдэх усанд сэлэлтийн шигшээ багийн тамирчид 2023 оны 05 дугаар сарын 05-07-ны өдрүүдэд Эрдэнэт хотноо зохион байгуулагдсан “32 дахь удаагийн өсвөр үе, залуучуудын улсын аварга шалгаруулах тэмцээн”-д оролцоод ирлээ.

Тус тэмцээнд:

Лхагвадэмбэрэлийн Ананд (7-8 нас) мэлхий сэлэлт 3-р байр, хүрэл медаль

– Баярсайханы Бишрэл (13-14 нас) араар даллах сэлэлт III зэргийн болзол

– Баярсайханы Хангай (13-14 нас) мэлхий сэлэлт III зэргийн болзол, өврөөр даллах сэлэлт III зэргийн болзол

– Амартүвшиний Хүслэн (15-16 нас) мэлхий сэлэлт II зэргийн болзол

– Ганбаатарын Эрдэнэт-Од (15-16 нас) мэлхий сэлэлт III зэргийн болзол

– Идэрсайханы Энхжин (15-16 нас) далайн гахай сэлэлт III зэргийн болзол, өврөөр даллах сэлэлт III зэргийн болзол тус тус хангасан байна

Амжилт үзүүлсэн болон тэмцээнд оролцоод ирсэн бүх тамирчиддаа бүгдэд нь СПОРТЫН ӨНДӨР АМЖИЛТ ХҮСЬЕ

Улсын Их Хурлын дарга Г.Занданшатар гишүүдийг тойрогт нь ажиллуулах захирамж гаргаж, үүний дагуу УИХ-ын гишүүн, Засгийн газрын гишүүн, МУ-ын Шадар сайд С.Амарсайхан, УИХ-ын гишүүн Ц.Сандаг-Очир нар тойрогтоо ажиллаж, Үндсэн Хуулийн нэмэлт өөрчлөлтийн төслийг танилцуулах уулзалт зохион байгуулж, иргэдийн санал хүсэлтийг сонслоо.

Өнөөдөр /2023.05.09/ 1, 3-р хорооны иргэд, хүчний байгууллага болон дэд бүтцийн байгууллагын ажилтан албан хаагчидтай уулзсан бөгөөд иргэдийн хувьд үндсэн хуульд нэмэлт өөрчлөлт оруулах, тэр дундаа сонгуулийн тогтолцоог холимог тогтолцоогоор явуулах нь зүйтэй гэдгээ илэрхийллээ. Мөн УИХ-ын гишүүдийн тоог нэмэх нь зөв хэдий ч 152 бус түүнээс бага байх хэрэгтэйг санууллаа.

Энэ удаагийн уулзалтаас гарсан саналыг нэгтгэн, Үндсэн хуульд оруулах өөрчлөлтийн төслийг хоёр, гурав дахь хэлэлцүүлэгт бэлтгэх Ажлын хэсэгт хүргүүлэх юм.

ИРГЭНИЙ ПОСТ: Гэрэлт ирээдүй МСҮТ-ийн оюутан сурагчид өөрсдынхөө санаачилгаар 46-р байрны өмнөх хүүхдийн тоглоомын талбайн сагсны шит, салсан хашааг гагнаж, эргэн тойронд байгаа сүүдрэвчийг будаж, талбайн хог шороог шүүрдэж цэвэрлэлээ.

Бидний ирээдүй гэрэлтэй байна.Үнэхээр их баярлалаа.

Дүүргийн Социал демократ Монголын залуучуудын холбооны 4-р хорооны салбараас Эрүүл мэндийн төвийн УАУСЗЭ-ний тасаг, 4-р хорооны ажлын алба хамтран ”Ахмадаа ачилъя ” сэдэвт өдөрлөгийг зохион байгуулжээ.

Өдөрлөгт 193 иргэн, ахмад настан хамрагдаж, 47 иргэнийг хэвтэх дараалалд бүртгэж, 87 иргэнд урьдчилан сэргийлэх багц тараасан байна.

Нийслэлийн ерөнхий боловсролын лаборатори БОЛОВСРОЛ цогцолбор сургуулийн бага ангийн багш Д.ЭНХЦЭЦЭГ Монгол улсын “ЗӨВЛӨХ БАГШ”-ийн шалгуурыг хангасан байна.

Сурган хүмүүжүүлэх ажилд нь өндөр амжилт хүсье.

Энэ жилийн татвар төлөгчдийн өдрүүдийг иргэд, хуулийн этгээдүүддээ цахим үйлчилгээнд уриалах, цахим үйлчилгээний системүүдээ танилцуулах, цахим үйлчилгээг хэрхэн авах заавар, зөвлөгөөг хүргэх зорилготойгоор “Цахимаар үйлчлүүлье” уриатай тэмдэглэж байна.