Category : Мэдээ мэдээлэл

Багануур дүүргийн нэгтгэсэн санхүүгийн тайлан

Аудитын зөвлөмжийн хэрэгжилт

Багануур дүүргийн Боловсрол, Гүн галуутай, Оюуны эрин цогцолбор сургуулийн төгсөгчдийн “Эрдмийн баяр”-ийг өнөөдөр төв талбай дээр зохион байгууллаа.

Охид, хөвгүүд маань Эх үрсийн талбайгаас баярын парадаар эхлүүлж, дүүргийнхээ төв замаар ёслол төгөлдөр алхан Их зохиолчийнхоо талбайд хүрэлцэн ирсэн юм.

Тэднийг дүүргийн удирдлагууд, хурлын төлөөлөгчид, сургуулийн захирал, багш нар угтан авч, дүүргийн ИТХ-ын дарга Т.Отгонболд, Засаг дарга С.Даваасүрэн нар мэндчилгээ дэвшүүлэн хүндэтгэл үзүүллээ.

Энэ жилийн ерөнхий боловсролыг 12 бүлгийн 340 сурагчид дүүргэж, сурлага, урлаг, спортын өндөр их амжилтыг буухиалсныг онцлон, манлайлагч охид, хөвгүүдэд шагнал гардуулсан юм.

Энэ жилийн “Мөнгөн хонхны баяр”-аар хүүхдүүд өөрсдийн форм хувцсаар гангарч, нүсэр биш төсөр байдлаар тэмдэглэхийг чухалчилсан нь онцлог байлаа.

Багануур хотынхоо гэрэлт ирээдүй болсон нийт төгсөгчдөдөө цаашдын сурлага, хөдөлмөрт өндөр амжилтыг хүсэн, сонгосон мэргэжлээрээ элсэлтийн ерөнхий шалгалтдаа амжилттай оролцохыг ерөөе.

Та бүхний гэгээн хүсэл нь бүтэмжтэй байг

Олон улсын хүүхдийн эрхийг хамгаалах өдрийн баярын үйл ажиллагааны хөтөлбөр

Дүүргийн 132-р цэцэрлэг нь 2022-2023 оны хичээлийн жилд нийт 49 багш ажилтантайгаар 2 болон 4 дүгээр хорооны 3 салбарт 8 бүлгийн 214 хүүхдэд сургуулийн өмнөх боловсрол олгожээ.

Тус цэцэрлэг нь 2022 оноос эхлэн хичээл сургалтын үйл ажиллагаандаа “Цаас” төслийг үе шаттайгаар хэрэгжүүлэн, хаягдал цаасыг дахин боловсруулж, бэлэн болсон цаасыг сургалтад хэрэглэж хэвшсэн байна.

Анх энэ санааг тухайн цэцэрлэгийн бага бүлгийн багш Ц.Онцбаяр санаачилсан бол багш ажилчид дэмжиж, хамтдаа хэрэгжүүлэхээр болсон нь өдгөө цаасан урлалаар үзэсгэлэн гаргах хэмжээнд хүрсэн байна. Тэд цаасаар маш олон сонирхолтой, үзэсгэлэнтэй зүйлсийг хийж, хүүхдүүд өөрийнхөө гараар бүтээл урлахдаа их сонирхолтой байдаг талаар багш нар хэлж байлаа.

Мөн эко учраас хүүхдэд сөрөг нөлөө байхгүйгээс гадна, эцэг эхчүүдийн санхүүд хөнгөлөлт үзүүлдэг байна. Тус цэцэрлэг нь цаашлаад цаасыг дахин боловсруулах энэхүү аргыг илүү өргөн хүрээнд нэвтрүүлэн ажиллахаар төлөвлөж байгаа ажээ.

Засаг даргын тамгын газрын ажилчдын утасны жагсаалт

Дүүргийн удирдах ажилтны ээлжит шуурхай хуралдаан өнөөдөр болж, дүүргийн Засаг дарга удирдан явуулав. Өмнөх шуурхай зөвлөгөөнөөр дүүргийн Засаг дарга 14 чиглэлээр үүрэг, даалгавар өгснөөс хэрэгжилт 91.2 хувьтай байсныг ЗДТГ-ын  дарга П.Баттүшиг танилцууллаа.

Нийт 39 дуудлагаас гэмт хэргийн шинжтэй-16, зөрчлийн шинжтэй-23 дуудлага бүртгэгджээ. Мөн зогсоолын бус газар, ногоон байгууламж дээр тээврийн хэрэгслээ байрлуулсан жолооч нарт анхааруулга, сэрэмжлүүлэг өгч дахин ийм зөрчил гаргахгүй байх талаар баталгаа гаргуулан авч ажиллажээ.

Өнгөрсөн 21 хоногийн хугацаанд Онцгой байдлын хэлтэст гал түймэр-4, аврах ажиллагааны-4, ой хээрийн гал түймэр-1 дуудлага бүртгэгдэж 12 хүний амь насыг авран хамгаалжээ.  2023 оны 05 дугаар сарын 11-ний өдөр химийн хорт болон аюултай бодис ашигладаг 10 байгууллагад болзошгүй ослоос урьдчилан сэргийлэх хяналт шалгалт, сургалтыг  зохион байгуулсан байна.

Шуурхай зөвлөгөөний төгсгөлд дүүргийн Засаг дарга С.Даваасүрэн ирэх 14 хоногт хийж хэрэгжүүлэх ажлын үүрэг, даалгаврыг өгсөн юм.

• 2000 оноос хойш газрын чиглэлээр гаргасан захирамж, барилгын А даалгавар болон бусад тусгай зөвшөөрөлтэй холбоотой мэдээллийг https://shilen.gov.mn/сайтад байршуулах ажлуудыг эрчимжүүлж ажиллах.
• Нутгийн захиргааны байгууллагуудын албан хаагчдын цаг ашиглалт, хоцролт зэрэгт хяналт шалгалт хийх
• 2021 оноос хойш магадлалаар орсон зураг төсвийн ажлуудын мэдээллийг нэгтгэж нийслэлийн ЗДТГ-т хүргүүлэх
• Цагдаагийн постын хажууд байрлах цахилгааны АКП шинээр солихтой холбогдуулан тооцоо судалгааг гаргаж, холбогдох газарт бичиг хүргүүлж ажиллах
• Бизнес эрхлэгчдийг дэмжих зорилтын хүрээнд худалдаа, үйлчилгээний газруудад “Green zone”-д хамрагдах шалгуурыг боловсруулж,  ”А” үнэлгээ авч ногоон түвшинд хүрсэн, холбогдох стандартын шаардлага хангасан аж ахуйн нэгжүүдийг хяналт шалгалтаас чөлөөлж, Нийслэл хотын албан татварын 2 хувиас чөлөөлөх асуудлыг судалж танилцуулах.
• Худалдаа үйлчилгээний байгууллагын ажилтнуудыг  эрүүл мэндийн үзлэгт хамруулж байгаатай холбогдуулан худалдаа эрхлэгчдийн зүгээс үнэ тарифын талаар гарсан саналыг холбогдох байгууллагад хүргүүлэх,
• “Нийслэлийн хөгжлийн 2024 оны төлөвлөгөө”-ний төсөлд  дүүрэгтэй холбоотой саналаа тусгаж хүргүүлэх,
• “Улаанбаатар марафон 2023” өдөрлөгт дүүргээ төлөөлж оролцох тамирчдыг дэмжиж, бэлтгэл ажлыг сайтар хангаж, идэвхтэй хамруулж оролцуулах.
• Нийслэлийн Засаг даргын 2023 оны “Автотээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах  талаар авах зарим арга хэмжээний тухай” А/96 дугаар захирамжийн хэрэгжилтийг эрчимжүүлж ажиллах.

• Нийслэлийн хэмжээнд хэрэгжиж буй “Нэгдүгээрт хүүхэд” аянд нийт байгууллагууд идэвх санаачилгатай оролцох зэрэг үүрэг даалгавар өглөө.