Category : Мэдээ мэдээлэл

Дүүргийн удирдах ажилтнуудын шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 13 үүрэг даалгавар 92 хувьтай хэрэгжжээ.

Хуралдааны эхэнд Багануур дүүргийн Засаг даргын 2024-2028 оны үйл ажиллагааны хөтөлбөрийг 2025 онд хэрэгжүүлэх арга хэмжээ болон төрийн байгууллагууд иргэдэд үйл ажиллагаагаа сурталчлах календарчилсан төлөвлөгөөг удирдах ажилтнуудад Төрийн захиргааны удирдлагын хэлтсийн дарга Б.Туяа танилцууллаа.

Өнгөрсөн 14 хоногт Багануур дүүргийн Цагдаагийн хэлтэст 120 дуудлага мэдээлэл бүртгэгдэж, замын хөдөлгөөний аюулгүй байдлын дүрэм зөрчсөн 43 жолооч жолоодох эрхээ хасуулсан байна.

Мөн дүүргийн Эрүүл мэндийн төвөөс “Нийгмийн эрүүл мэндийн тусламж үйлчилгээ”-ний талаарх мэдээллийг хүргэсэн ба тус төвөөс урьдчилан сэргийлэх үзлэгийн долоон төрлийн багцыг гаргаж иргэдэд үзлэг оношилгоо хийж байгаа аж.

Хуралдааны төгсгөлд дүүргийн Засаг даргаас ирэх 14 хоногт дараах ажлуудыг зохион байгуулахыг үүрэг болголоо.

-Хөдөлмөр эрхлэлтийн мэдээллийг тогтмол хүргэж ажиллах,

-Иргэдээс ирсэн санал хүсэлтийн хариуг албан бичгээр өгч хэвших,

-Нийтийн тээврийн үнэ тариф,үйл ажиллагааг иргэдэд сурталчлах ажлыг зохион байгуулах,

-Хөрөнгө орлогын мэдүүлгийг хугацаандаа, үнэн зөв мэдээлэх,

-Нийслэлийн Засаг даргын сахилга хариуцлагыг дээшлүүлэх захирамжийн хүрээнд байгууллага бүр төлөвлөгөө гаргаж, хэрэгжилтийг хангаж ажиллах,

-“Багануур ХК”-тай хамтын ажиллагааны хүрээнд ажлын хэсэг байгуулах,

Засаг даргын Тамгын газраас иргэдэд мэдээлэл хүргэх, санал хүсэлтийг хүлээн авах уулзалтыг хороод тус бүрээр зохион байгуулах ажил эхэлсэн бөгөөд өнөөдөр 1-р хорооны иргэдтэй уулзалт зохион байгуулав.

Уулзалтаар:

-“Багануур дүүрэгт 2025 онд хэрэгжүүлэх төсөл арга хэмжээний танилцуулга”

-“Дүүргийн 2025 оны газар зохион байгуулалтын төлөвлөгөө”

-“Татварын хуулийн шинэчлэл” зэрэг мэдээллүүд хийгдлээ.

Багануур дүүргийн Засаг даргын 2025 онд хэрэгжүүлэх арга хэмжээний төлөвлөгөө”-нд Улс, Нийслэл, ОНХС, дүүргийн 72.1 тэрбум төгрөгийн хөрөнгө оруулалтын ажил хийхээр тусгагдсанаас авто зам, эрчим хүч, дэд бүтцийн хөгжлийн бүтээн байгуулалтад 85 хувь буюу 57,5 тэрбум төгрөг төлөвлөсөн.

Цаашлаад дүүргээс ирэх 4 жилд дэд бүтцийн салбарт түлхүү анхаарч ажиллах бөгөөд зарим ажил нь он дамнан хийгдэх юм.

Хорооны иргэдээс мэдээллийг цаг тухайд нь хүргэж байгаад талархалтай байгаагаа илэрхийлж байсан ба уулзалтад 112 иргэн, хорооноос сонгогдсон ИТХ-ын төлөөлөгчид оролцлоо.

Мөн иргэдийн хүсэлтийн дагуу мэдээлэл хүргэх ажлыг улиралд хоёр удаа зохион байгуулахаар боллоо.

Маргааш буюу 2025 оны 01 сарын 28-ны өдөр 4-р хорооны иргэдтэй хийх уулзалт тус хорооны хурлын танхимд 14:00 цагт болох тул иргэд та бүхэн хүрэлцэн ирнэ үү.

Монгол Улсын Засгийн газрын 2019 оны 01 дүгээр сарын 30-ны өдрийн “Хурдан морины уралдааны талаар авах зарим арга хэмжээний тухай”, Багануур дүүргийн Засаг даргын 2025 оны 01 дүгээр сарын 20-ны өдрийн “Хурдан морины уралдаан зохион байгуулахыг хориглох тухай” захирамжаар дүүргийн нутаг дэвсгэрт жил бүрийн 11 дүгээр сарын 01-ний өдрөөс 05 дугаар сарын 01-ний өдрийг хүртэлх хугацаанд хурдан морины уралдаан, үсэргээ, сунгаан зохион байгуулахыг хориглолоо.

Иймд морин спорт, уяачдын холбоо, эцэг эх, асран хамгаалагч та бүхэн захирамжийн хэрэгжилтийг ханган, хүүхдийн амь нас, эрүүл мэнд эрсдэлд өртөхөөс урьдчилан сэргийлнэ үү.

-Дүүргийн Засаг даргын 2024-2028 оны үйл ажиллагааны хөтөлбөрийг 2025 онд хэрэгжүүлэх арга хэмжээний төлөвлөгөө,

-Засаг даргын Тамгын Газраас 2025 онд иргэдэд ажлаа сурталчлах календарчилсан төлөвлөгөөний төслийг хэлэлцэх,

-Дүүргийн оны тэргүүний БААН, Хамт олон, Брэнд, Хүмүүсийг шалгаруулах журмыг шинэчлэн боловсруулах,

-Ажилтан албан хаагчдын албан тушаалын тодорхойлолт боловсруулах, батлуулах талаар мэдээлэл зэргийг хэлэлцэж байна.

Монгол Улсын Засгийн газрын 2024-2028 оны үйл ажиллагааны хөтөлбөр, Шинэ сэргэлтийн бодлого, Засгийн газраас хэрэгжүүлэх 14 мега төслийн нэг нь “Хөх нүүрс” төсөл юм. Төслийн хүрээнд Багануурын нүүрсний уурхайд түшиглэн “Нүүрс химийн цогцолбор” байгуулахаар төлөвлөсөн.

Үүнтэй холбоотойгоор Монгол Улсын Шадар сайд С.Амарсайхан Багануур дүүрэгт байрлах “Эрдэнэс Монгол” ХХК-ийн үйлдвэрт ажиллаж, өвөлжилтийн нөхцөл байдал болон шинээр хэрэгжүүлэх шахмал түлшний үйлдвэрийн асуудлаар холбогдох албаныхантай санал солилцлоо.

Энэ үеэр Шадар сайд С.Амарсайхан зүүн бүсийг хөгжүүлэх, хотын хүн амыг тэлэх, ажлын байруудыг шинээр бий болгох хүрээнд Багануурт эдийн засгийн ач холбогдол бүхий төслүүдийг хэрэгжүүлэхээр болсон.

Ингэснээр нийгэм, эдийн засгийн олон үр өгөөж гарна гэдгийг онцоллоо.

“Хөх нүүрс” төслийг хэрэгжүүлснээр:

Хөх нүүрс нь эдийн засгийн хувьд хэмнэлттэй, үйлдвэрлэх үнэ одоогийн сайжруулсан түлшнээс 62 хувиар бага байна

Агаарын бохирдол 60-80 хувь буурах боломжтой

Нүүрсний хог хаягдлаас 100 мвт-ийн эрчим хүч үйлдвэрлэнэ

Химийн бодисын түүхий эдийг дотооддоо үйлдвэрлэх боломжтой болох юм.

“Менежмент ба ур чадварын хүрээлэн” ТББ-тай байгуулсан санамж бичгийн хүрээнд дүүргийн төрийн албан хаагчдад олон улсын менежментийн тогтолцооны стандартын суурь мэдлэг олгох сургалтыг үе шаттай зохион байгуулж, гадаад туршлага солилцох хөтөлбөр, хамтын ажиллагааны чиглэлээр хамтран ажиллана.

Мөн төрийн байгууллагын үйл ажиллагааны сэтгэл ханамжийн судалгаа, сургалтыг зохион байгуулж хамтран ажиллахаар гурван жилийн хугацаатайгаар санамж бичгийг байгуулсан юм.

Монгол Улсад уул уурхайн салбар үүсэж хөгжсөний 102 жилийн ойд зориулан “Эрдэнэс Монгол” нэгдлээс “МОНГОЛЫН УУРХАЙЧДЫН ӨДӨР”-ийн нэгдсэн баярын хурлыг 2024.12.20-ны өдөр зохион байгууллаа. Энэхүү үйл ажиллагаанд “Эрдэнэс Монгол” нэгдлийн охин, хараат, харьяа компаниудын удирдлага, ажилтнуудын төлөөлөл оролцсон юм.

Монголын уурхайчдын өдрийг тохиолдуулан Эрдэнэс Монгол нэгдэл 2024 оны нэгдлийн ололт амжилтаа дүгнэж “Эрдэнэсийн цом”-ын эздийг тодруулав. Эрдэнэс Монгол Нэгдлийн бүрэлдэхүүн, Монгол улсын эрчим хүчний тулгуур уурхай Багануур ХК менежментийн үйлчилгээний үр дүнд өсөн нэмэгдэж буй эрчим хүчний системд шаардлагатай түлшийг амжилттай нийлүүлж, үйл ажиллагааны үндсэн үзүүлэлтүүдийг сайжруулсан, ашигт ажиллагааг нэмэгдүүлж, нэгдлээс зохион байгуулсан томоохон арга хэмжээнүүдэд манлайлж оролцсон үзүүлэлтээр 2024 оны “Алтан эрдэнийн цом”-ын эзэн боллоо.

Санхүү, байгаль цаг агаарын бэрхшээлтэй байсан хэдий ч Багануур ХК-ийн уурхайчин хамт олон 2024 онд 18.1 сая шоо метр хөрс хуулж, 4,7 сая.тн нүүрс олборлон борлуулж, нийт 29.1 сая шоо метр уулын цулын ажил хийснээр төлөвлөгөөт зорилтоо 98 хувиар биелүүлэн ажиллаж, монгол улсын эрчим хүчний өсөн нэмэгдэж буй хэрэглээг түлшээр найдвартай хангаж байна.

Мөн улсын төсөвт 28,3 тэрбум төгрөгийн татвар, нийгмийн даатгалд 20,5 тэрбум төгрөгийн шимтгэл төвлөрүүлж, нийгмийн хариуцлагын хүрээнд нүүрсний үнийн хөнгөлөлтөөр Монгол улсын байгууллага, аж ахуйн нэгж, айл өрхүүдэд 725,1 тэрбум төгрөгийн хөнгөлөлт үзүүлжээ.

Нүүрсний үнэ, өртгийн зөрүүнээс хоногт 130 гаруй сая төгрөгийн алдагдалтай ажиллаж байсан хэдий ч зөв төлөвлөж, санхүүгийн зохистой бодлого хэрэгжүүлж ажилласны үр дүнд сүүлийн 10 гаруй жилийн хугацаанд хуримтлагдсан нийгмийн даатгалын өр төлбөрийг 4-р сард бүрэн төлж барагдуулсан. 2019-2021 онд Монгол улсын засгийн газрын дэмжлэгтэйгээр Японы Олон Улсын Хамтын Ажиллагааны банкны зээлээр хэрэгжүүлсэн техник шинэчлэлийн 23,5 тэрбум төгрөгийн өрийг 2024 онд бүрэн төлж тэглэлээ.

Энэ онд Багануур ХК-ийн хийж хэрэгжүүлсэн томоохон ажлуудаас дурдвал:

– Дунд хугацааны ТЭЗҮ боловсруулж дуусгасан

– ХЭМАБ-ын менежментийн тогтолцооны ISO 45001:2018 Олон улсын стандартын баталгаажилтын гэрчилгээг 2 дахь удаагаа авсан

– Монгол Улсын Ерөнхийлөгчийн санаачилсан “НЭГ ТЭРБУМ МОД” үндэсний хөдөлгөөнийг дэмжин “НЭГ САЯ МОД” тарьж ургуулах ажлын хүрээнд 2024 онд 79000 модны суулгац үржүүлж 18700 мод тарьсан

– “ХУЦААГИЙН” элс, хайрганы ордыг ил аргаар ашиглах ТЭЗҮ-ИЙН тодотгол Эрдэс баялгийн мэргэжлийн зөвлөлийн хурлаар дэмжигдсэн

– Өөрийн хөрөнгөөр 90 тонны даацтай Коматцу HD785-7 маркийн автосамосваль 3 ширхэг, Коматцу WD600-6 маркийн дугуйт бульдозер 1 ширхэгийг худалдан авч, ”Технологийн автомашины засвар үйлчилгээний 1440м2 талбай бүхий 1 давхар сэндивчин барилга барих төслийн ажил гэх мэт олон ажлыг гүйцэтгэлээ.

Үүний үр дүнд Эрдэнэс Монгол нэгдлийн 2024 оны “Алтан эрдэнийн цом”-ын эзэн болж, 2025 оноос хэрэгжүүлж эхлэх төсөл хөтөлбөртөө зориулах 100 сая төгрөгөөр шагнууллаа.