Category : Дүүргийн шуурхай

Дүүргийн удирдах ажилтнуудын ээлжит шуурхай хуралдаан зохион байгуулагдлаа. Хуралдааны дараалал ёсоор Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцуулсан бөгөөд өмнөх хуралдаанаар Засаг дарга С.Даваасүрэн 10 үүрэг даалгавар өгснөөс биелэлт 87 хувьтай хэрэгжжээ.

Багануур дүүрэг дэх цагдаагийн хэлтсээс зохион байгуулж буй арга хэмжээний талаарх мэдээллийг өгсөн юм. Өнгөрсөн 14 хоногт нийт 103 дуудлага бүртгэгдсэнээс 19 нь гэмт хэргийн, 84 зөрчлийн дуудлага бүртгэгджээ. Улсын хэмжээнд “Илрүүлэлт-Оргодол-2023”, “Та татгалз”, “Нууцлал” зэрэг нэгдсэн арга хэмжээ зохион байгуулагдсанаар тус хэлтсээс нийт гэмт хэрэгт сэрдэгдсэн этгээд 19, оргодол 1, хорихоос өөр төрлийн ял шийтгэлтэй 3, зөрчил үйлдсэн этгээд 6, шүүхээс даалгасан иргэн 13, оршин суугаа газраасаа алга болсон 10 иргэнийг шуурхай олж тогтоон ажилласан байна. Мөн Гүн-Ундарга ХХК-ийн уулзвараас 1-р хороо хүртэлх орон сууцны дундах замыг замын хөдөлгөөний нэг чигийн урсгалд оруулсан талаар Цагдаагийн хэлтсийн дарга Б.Эрдэнэбилэг танилцууллаа.

Онцгой байдлын хэлтсийн дарга, Дэд Хурандаа Г.Батжаргал: Өнгөрсөн 14 хоногийн хугацаанд тус хэлтэст объектын гал түймэр 1, аврах ажиллагааны 1 дуудлага бүртгэгдаж, авран хамгаалах ажиллагааг зохион байгуулснаар 4 хүний амь аварчээ. Хүйтний улирал эхэлсэнтэй холбогдуулан пийшин зуух, яндангийн бүрэн бүтэн байдлыг хангах, мөн халтиргаа гулгаанаас урьдчилан сэргийлэхийг зөвлөлөө.

Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.

• Зам талбайн цас цэвэрлэгээнд онцгойлон анхаарч халтиргаа гулгаанаас урьдчилан сэргийлэх
• Монгол туургатны яруу найргийн наадам дүүрэгт зохион байгуулагдахтай холбоотойгоор бэлтгэл ажлыг ханган онцгой анхаарч ажиллах
• Зам дагуу нүүрний эгнээнд үйл ажиллагаа явуулж буй хоёр дахь түүхий эд авдаг үйлчилгээний байршлыг шийдэх
• Сүүлийн жилүүдэд ашиглалтад орсон байрнуудын халаалтыг хэвийн болгоход онцгойлон анхаарах
• Оёдолчдын анхдугаар ур чадварын тэмцээн дүүрэгт зохион байгуулагдахтай холбоотойгоор бэлтгэл ажил сайтар хангах
• ЕБС-иуд цахим аппликейшн хөгжүүлэлтийг үргэлжлүүлэх

Дүүргийн удирдах ажилтнуудын шуурхай хуралдаан зохион байгуулагдлаа. Хуралдааны дараалал ёсоор Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцууллаа. Өмнөх хуралдаанаар Засаг дарга С.Даваасүрэн 9 үүрэг даалгавар өгснөөс биелэлт 92.8 хувьтай хэрэгжжээ.

“Гэмт хэргээс урьдчилан сэргийлэх ажлыг зохицуулах зөвлөлөөс хийж гүйцэтгэсэн камержуулалт”-ын талаар Дүүргийн ИТХ-ын дарга Т.Отгонболд мэдээлэл хийлээ. Дүүргийн хэмжээнд 2020 оноос хойш нийт  204 ш камерыг суурилуулжээ. Хүүхэд хамгааллын чиглэлээр зөвлөмжийг дүүргийн байгууллага аж ахуйн нэгжийн удирдлагуудад  танилцуулсан бөгөөд мөн ирэх сарын 1-ээс Гүн-Ундарга ХХК-ийн уулзвараас 1-р хороо хүртэлх орон сууцны дундах замыг замын хөдөлгөөний нэг чигийн маршрутад оруулахаар ажиллаж байгааг энэ үеэр хэллээ.ИТХ-ийн төлөөлөгчид таван хорооны иргэдтэй уулзсан уулзалтын талаарх мэдээллийг хийлээ. Уулзалтад 5 хороодын 467 иргэн оролцож 58 иргэн 128 санал хүсэлт гаргасан байна. Иргэдээс гарсан саналыг нэгтгэн холбогдох байгууллагуудаар шийдвэрлүүлэн санал гаргасан иргэн бүрд хариу мэдэгдэхээр ажиллаж байгаа юм.

Багануур дүүрэг дэх Цагдаагийн хэлтсээс зохион байгуулагдаж буй арга хэмжээний талаарх мэдээллийг өгсөн юм. Өнгөрсөн 21 хоногийн хугацаанд тус хэлтэст нийт 115 дуудлага мэдээлэл бүртгэгдсэн бөгөөд үүнээс гэмт хэргийн шинжтэй 16, зөрчлийн шинжтэй 99 дуудлага бүртгэгджээ. Мөн улсын хэмжээнд “Илрүүлэлт, оргодол-2023”, “Та татгалз”, “Нууцлал” зэрэг нэгдсэн арга хэмжээ зохион байгуулагдсанаар тус хэлтсээс гэмт хэрэгт сэрдэгдсэн этгээд 12, оргодол 1, шүүхээс даалгасан иргэн 10, оршин суугаа газраасаа алга болсон 3 иргэнийг шуурхай олж тогтоон ажиллажээ.

ЭМТ-ийн дарга Д.Шинэбаяр: Дархлаажуулалтын ажил эхэлсэн байгаа бөгөөд иргэд харьяа өрхийн эрүүл мэндийн төвүүд дээр вакцинжуулалтад хамрагдах юм. Дархлаажуулалтын вакцинжуулалтад 2-5 насны хүүхдүүдийг эцэг эхээс зөвшөөрөл авсны үндсэн дээр цэцэрлэг дээр хамруулж байгаа аж. Цэцэрлэгт хамрагддаггүй бол харьяа өрхийн эрүүл мэндийн төв дээр дархлаажуулалтад хамрагдахыг энэ үеэр хэллээ.

Онцгой байдлын хэлтсийн дарга, Дэд Хурандаа Г.Батжаргал: Обьектын гал түймрийн, аврах ажиллагааны дуудлага тус тус нэг бүртгэгджээ. Нийслэлийн Засаг даргын нэрэмжит гамшгаас хамгаалах “Бэлэн байдлын үзлэг”-ийн үнэлгээг танилцуулж үзлэгээр илэрсэн нийтлэг зөрчил, ололттой талуудыг танилцуулсан юм.

Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.

• Дүүргийн хэмжээнд үйл ажиллагаа явуулж буй сургалтын байгууллага, иргэдийн үйл ажиллагааг сурталчилсан өдөрлөгийг зохион байгуулах
• Монгол туургатны яруу найргийн наадам дүүрэгт зохион байгуулагдахтай холбоотойгоор дэмжиж хамтран ажиллах
• ЕБС-иуд цахим апплейкшн хөгжүүлэлтийг яаралтай хийх
• Хээрийн их цэвэрлэгээг зохион байгуулах, барилгын хур хогийг цэвэрлэх
• Хориглосон бүсээс мал бүхий иргэдийг гаргахад анхаарч ажиллах
• Зам дагуу нүүрний эгнээнд үйл ажиллагаа явуулж буй хоёр дахь түүхий эд авдаг үйлчилгээний байршлыг шийдэх
• Иргэдээс ирсэн санал гомдлын дагуу 1-р хорооны 81-р байрны шугам, насосын асуудлыг шийдэж өвөлжилтийн бэлтгэл ажлыг хангах
• Дутуу баригдсан 1-р хорооны 73-р байрны ойр орчмыг цэвэрлэж, аюулгүй байдлыг хангаж ажиллах
• Дүүргийн хэмжээнд байгаа дутуу баригдсан барилгын судалгааг гаргаж, эзэн холбогдогчтой холбогдох, гэмт хэргээс урьдчилан сэргийлэх ажлыг зохион байгуулах
• Төрийн байгууллагууд авто машины цэнхэр дугаар олгох ажлыг 11 сарын 1-ний өдрөөс өмнө дуусгах

Дүүргийн удирдах ажилтнуудын шуурхай хуралдаан зохион байгуулагдлаа. Хуралдааны дараалал ёсоор Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцууллаа. Өмнөх хуралдаанаар Засаг дарга С.Даваасүрэн 17 үүрэг даалгавар өгснөөс биелэлт 81,1 хувьтай хэрэгжжээ.

Өвөлжилтийн бэлтгэл ажил, бүх нийтийн мод тарих өдөр, гудамж талбайн засварын талаар Тохижилт, нийтийн аж ахуйн хэлтсийн дарга Д.Дэмчигжав мэдээлэл хийлээ.

Өвөлжилтийн бэлтгэл ажил дэд бүтцийн байгууллагууд 86.6%, төсөвт байгууллагууд 84% байгаа ба дүүргийн хэмжээнд 87 хувьтай байна. Мөн намрын бүх нийтээр мод тарих өдрийн арга хэмжээг “Ногоон хот-Иргэний оролцоо” сэдвийн хүрээнд 10 сарын 07-ны өдөр зохион байгуулахаар төлөвлөж байгаа ажээ. Харин явган хүний зам сэргээн засах ажлын хувьд 16 байршлын 400 м2 талбайн явган замын  налуугийн түвшинг стандартад хүргэх ажлын 8 байршлын 260 м2 талбайн ажил 100%, 3 байршлын ажил 30-50 хувийн гүйцэтгэлтэй явагдаж байна.

“Манай хороо-Миний гудамж” аянд дүүргийн төрийн болон хувийн хэвшлийн 12 аж ахуйн нэгж байгууллага, 100 гаруй өрх орчноо тохижуулж мод бут тарьж ногоон байгууламж нэмэгдүүлэн оролцож байгаа талаар мэдээлэл хийлээ.

Хориглосон бүсээс мал, амьтан гаргах ажил хийгдэж байгаа бөгөөд дүүргийн хэмжээнд 67 өрхийн 2386 мал байгаагаас 1638 малыг гаргаж хэрэгжилт 66,8 хувьтай байгааг Хүнс, худалдаа, үйлчилгээний хэлтсийн дарга Б.Бямбацэцэг танилцууллаа.

Төлөвлөгөөт мэдээлэл өгсний дараа дүүргийн Засаг дарга ирэх 14 хоногт дараах ажлуудыг зохион байгуулж ажиллах талаар чиглэл өглөө.- Хөрөнгө оруулалтын ажлын явцуудыг дуусгах, эрчимтэй ажиллах, хяналтыг сайжруулах

-“Тэрбум мод-Үндэсний хөтөлбөр” аяны хүрээнд ААНБ-ууд мод бут, сөөгөө арчилж хамгаалах, нэмэлт мод тарих

– Хичээлийн шинэ жил эхэлсэнтэй холбоотой дүүргийн хэмжээнд үйл ажилагаа явуулдаг сургалтын байгууллагуудын ажлаа сурталчлах өдөрлөгийг зохион байгуулах

– Олон Улсын ахмадын баярын өдрийг тэмдэглэн өнгөрүүлэх ажлыг үргэлжлүүлэн зохион байгуулах

– “Багануур-Ус” ААТҮГазар иргэдийн гомдлын дагуу газар дээр нь очиж, гомдлыг барагдуулж, энэ талаар мэдээллийг иргэдэд хүргэж ажиллах

–  Нохой, муурны устгалд анхаарах

-Тээврийн хэрэгслийн техникийн хяналтын цахим гэрчилгээ /RFID TAG/-г суурилуулахтай ажлыг эрчимжүүлэх

-Төрийн байгууллагуудын авто машины цэнхэр дугаар олголтод анхаарч ажиллах

Дүүргийн Засаг даргаас өгсөн үүрэг даалгавар

Тамхины хяналтын тухай хуулийн 6.7.14 дэх заалтын дагуу ерөнхий боловсролын  сургуулийн хичээлийн болон дотуур байраас  500 м дотор зайд худалдан борлуулахгүй

Дүүргийн удирдах ажилтнуудын шуурхай хуралдаан зохион байгуулагдлаа. Хуралдааны дараалал ёсоор Засаг даргаас өгсөн үүрэг даалгаврын хэрэгжилтыг ТЗУХ-ийн дарга Б.Туяа танилцууллаа. Өмнөх хуралдаанаар Засаг дарга С.Даваасүрэн 16 төрлийн үүрэг даалгавар өгснөөс биелэлт 75 хувьтай хэрэгжсэн байна.

Онцгой байдлын хэлтэс гал түймрийн нэг дуудлагаар ажиллаж, авран хамгаалжээ. Мөн гол усны үер, тарваган тахал, Боом зэрэг өвчнөөс урьдчилан сэргийлж, 24 цагаар үүрэг гүйцэтгэж, сэрэмжлүүлэг мэдээ хүргэж ажиллажээ.

Мөн ЭМТ-ийн дарга Д.Шинэбаяр: “Хичээлийн шинэ жил эхэлж байгаатай холбогдуулан хүүхдүүдийн дунд томуу, томуу төст өвчлөл нэмэгдэж байна. Энэ жилийн хувьд томуугийн халдвар хугацааны хувьд маш эрт нэмэгдэж байгааг анхаарч хүүхдүүдээ дулаан хувцаслаж, урьдчилан сэргийлэх хэрэгтэй байгаа” гэлээ.

ИТХ-ын дарга Т.Отгонболд: ЕБС,СӨБ-үүдийн халдваргүйтгэл, ЕБС-иудын үдийн хоол хөтөлбөрийн хоолны чанарт анхаарал хандуулж ажиллахаар чиглэл өглөө. Мөн сүүлийн үед цахим залилах төрлийн гэмт хэрэг ихэссэнтэй холбогдуулан дүүргийн Гэмт хэрэг зөрчлөөс урьдчилан сэргийлэх салбар зөвлөл, Цагдаагийн хэлтэстэй хамтарсан сургалтыг 09 сарын 14-ний өдрийн 14.00 цагт Өргөө соёлын ордонд хийх бөгөөд тус сургалтад байгууллага аж ахуйн нэгжийн удирдлагуудыг ажилтан, алба хаагчдаа идэвхтэй хамруулах талаар мэдээлэл хийлээ.

Удирдах ажилтнуудын шуурхай хуралдаан боллоо. Хуралдааны эхэнд өмнөх шуурхай хуралдаанаас өгсөн үүрэг даалгаврын хэрэгжилтийг ТЗУХ ийн дарга Б.Туяа танилцуулсан бөгөөд 90.5 хувьтай биелжээ.

Цагдаагийн хэлтэст өнгөрсөн 14 хоногийн хугацаанд  54 дуудлага хүлээн авснаас 11 гэмт хэргийн шинжтэй, 43 зөрчлийн шинжтэй дуудлага бүртгэгджээ. Мөн согтуугаар тээврийн хэрэгсэл жолоодсон 18 иргэний эрхийг хасаж, 6 жолоочийг дүүргийн шүүхээр баривчлуулж зам тээврийн ослоос учирч болох хор уршигаас урьдчилан сэргийлсэн байна. Тус хэлтсээс малын гоц халдварт Боом өвчин гарсантай холбоотойгоор 2 постонд 24 цагаар үүрэг гүйцэтгэж байгаа аж.

Мөн өнгөрсөн 7 хоногт 2 удаагийн зам тээврийн ослын улмаас 5 хүн амь насаа алдсан бөгөөд ослын гол шалтгаан нь хурд хэтрүүлсэн, хамгаалах бүс зүүгээгүй зэргээс үүдэлтэй тул аюулгүй байдлаа бүрэн хангаж хөдөлгөөнд оролцохыг анхаарууллаа.

Онцгой байдлын хэлтэс аврах ажиллагааны 3 дуудлагаар ажиллажээ.  Тодруулбал зам тээврийн ослын 2 дуудлагаар ажиллаж холбогдох байгууллагад шилжүүлж өгсөн бол 5 давхрын цонхоор толгойгоо гарган унаж болзошгүй бага насны хүүхдийг аюулгүй болгосон байна.

Хичээлийн шинэ жил эхэлж байгаатай холбоотой Боловсролын хэлтсээс мэдээлэл хийлээ. Дүүргийн хэмжээнд 3 цогцолбор сургуульд 563 хүүхэд 1-р ангид элсэн суралцах бөгөөд цахим бүртгэл 51.5 хувьтай, 9 цэцэрлэгт 2284 хүүхэд сургуулийн өмнөх боловсрол эзэмшихээс бүртгэл 79 хувьтай байгааг албанаас мэдээллээ. Багш ажилчдын эрүүл мэндийн үзлэг 96.5 хувьтай байна.  Мөн Дизайн технологи /эрэгтэй/, Бага анги, Хөгжим, Биеийн тамир, Байгалийн ухаан (физик), Эмч, Хоол зүйч, хоолны технологич, Ахлах тогооч, Автобусны жолооч гэсэн  сул ажлын байр байгаа юм байна.

Төв аймгийн Мөнгөнморьт сумын нутагт малын гоц халдварт Боом өвчин бүртгэгдсэн. Үүнтэй холбоотой хийж хэрэгжүүлж буй ажлын талаар Мал эмнэлгийн тасгийн дарга Ц.Төмөрсүх мэдээлэл хийлээ. Боом өвчний голомт бүхий нутагт 39 өрхийн 7000-д мал байгаагаас 57 үхэр, 2 адуу нийт 59 мал хорогджээ. 2023 оны 08 дугаар сарын 19-27-ны өдрүүдэд дүүргийн 1,3,5 хорооны 13 өрхийн  3572 малыг Боом өвчнөөс урьдчилан сэргийлэх вакцинжуулалтад хамруулсан бол нийтийн хэрэгцээнд худалдаалж байгаа мал, амьтны гаралтай түүхий эд бүтээгдэхүүнд хяналт шалгалтыг тогтмол явуулж байгаа юм байна.

Төлөвлөгөөт мэдээлэл хийгдсэний дараагаар дүүргийн Засаг даргаас дараах үүрэг чиглэлийг ирэх 14 хоногт хийж хэрэгжүүлэхийг үүрэгдлээ.

Нийслэлийн Засаг даргын 2023 оны Нийслэлийн “2023-2024 оны өвөлжилтийн бэлтгэл хангах тухай” А/817 дугаар захирамжийн хэрэгжилтийг сайтар хангаж, хөрөнгө оруулалт, бүтээн байгуулалтын ажлуудыг бүх шатандаа эрчимжүүлж ажиллах

Өвөлжилтийн бэлтгэл ажлын хүрээнд байгууллагуудын тусгай зориулалтын авто машин, тоног төхөөрөмжийн бэлэн байдлыг шалгах, мөн тусгай зориулалтын авто машинаар парк шинэчлэх ажлуудаа эрчимжүүлж ажиллах.

Нийслэлийн Засаг даргын 2023 оны “Ажлын хэсэг байгуулах тухай” А/728 дугаар захирамжийн хэрэгжилтийг сайтар хангаж, ажлаа эрчимжүүлж ажиллах.

Ил задгай худалдан борлуулж байгаа хоол, хүнсний, бараа бүтээгдэхүүний чанар, эрүүл ахуйн шаардлага, аюулгүй байдлыг хангуулах хяналт шалгалтыг эрчимжүүлж ажиллах.

Хүнсний бүтээгдэхүүн үйлдвэрлэх болон тэдгээрийг хадгалах, тээвэрлэх, худалдах, үйлчлэх, импортлох, экспортлох, хүнсийг савлах, шошголох зэрэг хүнсний сүлжээний бүх үе шатны хяналт шалгалтыг эрчимжүүлж ажиллах.

Нийслэлийн хэмжээнд гэмт хэрэг зөрчлөөс урьдчилан сэргийлэх ажлаа эрчимжүүлж, олон нийтэд тогтмол мэдээлж ажиллах.

Дүүргүүд өөрсдийн нөөц, төсвийн зохицуулалтын хүрээнд үерийн улмаас эвдэрч гэмтсэн зам, гудамж, талбай, ногоон байгууламжуудаа нөхөн сэргээх ажлуудаа эрчимжүүлэх.

Боловсрол цогцолбор сургуулийн сантехник халаалтын ажлыг эхлүүлж, ажлыг чанартай гүйцэтгэхэд анхаарч ажиллах.

СӨХ-д орон сууцны босоо шугам солих шаардлагатай байгаа айл өрхүүдийн судалгааг гаргаж, Багануур Ус ААТҮГ-т хүсэлтээ хүргүүлж, үе шаттай солих ажлыг эхлүүлэх.

Ирэх 7 хоногт Нийслэлийн Засаг дарга бөгөөд Улаанбаатар хотын захирагч Д.Сумъяабазар дүүрэгт ажиллахтай холбоотой бэлтгэл ажил хангах.

Оюуны Эрин цогцолбор сургуулийн хичээлийн 1-р байрны хажуугийн шороон замыг тэгшлэх ажлыг зохион байгуулах,

Төв аймгийн Мөнгөнморьт сумын нутагт малын гоц халдварт Боом өвчин бүртгэгдсэнтэй холбоотой дүүрэгт хяналт, шалгалтыг тогтмол хийх.

Иргэдийн гомдол, санал хүсэлтийг хүлээн авч бүртгэлжүүлэх утсыг нээж, ажиллуулах.

Монгол Улсын Засгийн газрын 2022 оны 346 дугаар тогтоолын хүрээнд Монгол Улсын дээд боловсролын сургалтын байгууллагын диплом, бакалавр, магистр, докторын боловсрол эзэмших өдрийн ангид суралцаж байгаа Монгол улсын иргэнд сургалтын төлбөрийн буцалтгүй тусламж, тэтгэлгийг Боловсролын зээлийн сангаар дамжуулан олгоно.