БАГАНУУР ЗАСАГ ДАРГЫН ТАМГЫН ГАЗРЫН ХУУЛЬ ТОГТООМЖ, ТОГТООЛ ШИЙДВЭРИЙН ХЭРЭГЖИЛТ
Хуулийн хэрэгжилтийн үр дагаврын үнэлгээний тайлан
Дүүрэгт хийгдэж буй хөрөнгө оруулалт, бүтээн байгуулалтын ажилд хяналт тавих нэгжийг шинээр байгуулна
Дүүргийн удирдах ажилтнуудын ээлжит шуурхай хуралдаан боллоо. Хуралдааны эхэнд дүүргийн Засаг дарга С.Даваасүрэн инженер, дэд бүтцийн байгууллагуудыг уялдаа холбоотой ажиллахыг дүүргийн менежер, холбогдох байгууллагуудыг цаашид анхаарах шаардлагатай байгааг хэллээ.
Дүүргийн Цаг уурын өртөөний дарга Х.Энхчимэг: Ирэх 11 сард олон жилийн дунджаас хүйтэн, хур тунадас цас орох бол улирлын төлөвөөр 11,12,01 дүгээр саруудад олон жилийн дунджаас хүйтэн, их хэмжээний цас орох төлөвтэй байгааг танилцуулсан юм.
Дүүргийн Онцгой байдлын хэлтсээс айл өрхүүдийн галлагаа эхэлсэнтэй холбогдуулан гэр хорооллын айл өрхүүдэд тохиолдож болзошгүй ахуйн гал түймэрт хүний амь нас, эрүүл мэнд хохирох, өмч хөрөнгө өртөх эрсдэлийг бууруулах, урьдчилан сэргийлэх зорилгоор “Галлахдаа анхааръя” нөлөөллийн аяныг хэрэгжүүлж эхэлсэн. Иймд болзошгүй гал түймрийн аюулаас урьдчилан сэргийлэхийг анхаарууллаа.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.-Байгууллагууд ажилтан, албан хаагчдаа эрүүл мэндийн үзлэг болон сэтгэлзүйн сургалтад хамруулах
-Байгууллагууд ажилтан, албан хаагчдад авлига ашиг сонирхлын зөрчлөөс урьдчилан сэргийлэх чиглэлээр сургалтыг зохион байгуулах
-Өвөлжилтийн бэлтгэл ажлыг сайтар хангаж, инженерийн шугам сүлжээний хэвийн найдвартай байдлыг хангаж ажиллах
– Давс бодисын нөөц, хот нийтийн аж ахуйн машин тоног төхөөрөмжийн бэлэн байдал болон хөрөнгө оруулалтын гүйцэтгэлийн талаар танилцуулах
-2025 оны төсвийн бааз суурийг нэмэгдүүлж ажиллах
-Улаанбаатар хотын 2040 он хүртэлх хөгжлийн ерөнхий төлөвлөгөө болон “Зогсоол”, Орон сууцны төслүүд хэрэгжүүлэхэд хамтран ажиллах бодлогыг боловсруулах
– Дүүрэгт хийгдэж буй хөрөнгө оруулалтын ажлын гүйцэтгэлийг эрчимжүүлж, явцын тайланг тавих
-Захиалагчийн албатай болох саналаа хүргүүлэх
-Иргэдийн өргөдөл гомдлын шийдвэрлэлтийн мэдээллийг танилцуулах
Хээрийн болон гудамж, зам талбайн бүх нийтийн их цэвэрлэгээг зохион байгуулахыг чиглэл болголоо
Удирдах ажилтнуудын шуурхай хуралдаанаар дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо. Үүнд:
-2025 онд замын сангийн хөрөнгөөр хийгдэх авто замын ажлууд болон хорооллын дундах авто замын засвар шинэчлэл хийх саналаа Замын хөгжлийн газарт хүргүүлж, ирүүлсэн саналын дагуу байршил тус бүрээр газар дээр нь явж үзэх
-Цаашид хот тохижилтын аж ахуйн нэгж байгууллагуудтай хамтран ажиллах санал ирүүлж, дахин шинээр сонгон сонгон шалгаруулалт зохион байгуулах
-Давс,бодисын нөөц бүрдүүлэх ажлыг шуурхай зохион байгуулж, хот тохижилтын компаниудынхаа машин техник, бэлэн байдлыг сайтар хангуулж, засвар үйлчилгээг хийлгүүлэх
-Хот тохижилтын машин механизмуудыг хүлээж авах ажлыг яаралтай зохион байгуулах
-Хээрийн болон гудамж, зам талбайн бүх нийтийн их цэвэрлэгээг зохион байгуулах
-Өвөлжилтийн бэлтгэл ажлаа хангаж ажиллах
Багануурт 296 тэрбум төгрөгийн хөрөнгө оруулалтыг баталжээ
Дүүргийн удирдах ажилтнуудын шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 13 үүрэг даалгавар 89,6 хувьтай хэрэгжжээ.
Цагдаагийн хэлтсээс дүүргийн хэмжээнд залилах гэмт хэргээс урьдчилан сэргийлэх зорилгоор “Хянамгай байя-2024” тусгай арга хэмжээг зохион байгуулан ажиллаж байгаа бөгөөд цахим залилах гэмт хэрэгт өртөхөөс урьдчилан сэргийлэхийг сэрэмжлүүллээ.
Боловсролын хэлтсийн дарга Н.Алтансүх: Дүүргийн Боловсролын хэлтэс, нэгдүгээр хорооны ажлын алба, “Кандун” Их сургуулийн захиргаатай хамтран ахлах ангийн сурагчидтай 09 сарын 29-ны өдрийн 12.00 цагт ЗДТГ-ын 219 тоот хурлын танхимд уулзалт зохион байгуулах бөгөөд уулзалтаар Солонгос улсад мэргэжлээрээ ажиллаж туршлагажих, хэрхэн амжилттай суралцах зэрэг мэдээллийг хүргэх юм.
Дүүргийн Насан туршийн суралцахуйн төв, Дүүргийн Засаг даргын тамгын газар, И-Монголиа УТҮГ-ын Цахим ур чадварын газартай хамтран иргэдийн цахим ур чадварыг нэмэгдүүлэх “Цахим иргэн” төслийг хэрэгжүүлж байгаа юм. Төслийн хүрээнд дүүргийн иргэдээс суурь судалгааг авч сургалтын хөтөлбөрийг гаргаж, сургагч багшийг бэлтгэн ажиллаж байгааг Насан туршийн суралцахуйн төвөөс мэдээллээ.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.-Нийслэлийн Засаг даргын 2024 оны “Санхүү, төсвийн зохистой удирдлагыг хэрэгжүүлж, санхүүгийн сахилга хариуцлагыг баримтлан ажиллах тухай” 01 дүгээр албан даалгаврын хэрэгжилтийг хангаж, тусгай төлөвлөгөө боловсруулж ажиллах
-Автозам, инженерийн шугам сүлжээний засвар шинэчлэлийн ажлуудыг эрчимжүүлж дуусгах, ухсан нүх, эвдэрч гэмтсэн автозам, явган зам талбайг нөхөн сэргээн засварлаж, ажлын чанарт анхаарч, хэрэгжилтэд хяналт тавих
-Агаар, хөрсний бохирдлоос сэргийлэх ажлын хүрээнд дүүрэгт үйл ажиллагаа явуулж буй худалдаа үйлчилгээний газруудын нүхэн жорлонг байлгахгүй чиглэлээр захирамжийн төсөл боловсруулах
-Аж ахуйн нэгж, байгууллагууд гадна орчны тохижилтын ажлуудыг үргэлжлүүлж, хяналт тавьж ажиллах
-Дүүргийн нутаг дэвсгэрт эвдэрч гэмтсэн хайс хашаа, самбарын судалгааг гаргаж, цэгцлэх ажлуудыг зохион байгуулах
-Өвөлжилтийн бэлтгэл ажлын хүрээнд мэргэжлийн чиг үүргийн байгууллагууд өвлийн их ачааллын үед иргэдийг ус, дулаан, цахилгаан эрчим хүчээр найдвартай хангаж ажиллах
-Давс, бодисын нөөц бүрдүүлэх ажлыг зохион байгуулах
-Томуу, томуу төст өвчнөөс урьдчилан сэргийлэх зорилгоор хүүхдийн эмнэлгийн тусламж үйлчилгээг түргэн шуурхай, хүндрэл чирэгдэлгүй үзүүлэх зэрэг үүрэг даалгаврыг өглөө.
Өвөлжилтийн бэлтгэл ажлаа сайтар хангаж ажиллахыг чиглэл болголоо
Дүүргийн удирдах ажилтнуудын шуурхай хуралдааны эхэнд Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцуулснаар эхэлсэн.
Цагдаагийн Ахмад Т.Батмонгол: Дүүргийн хэмжээнд өнгөрсөн 14 хоногийн хугацаанд нийт бүртгэгдсэн гэмт хэргийн 29.1 хувийг залилах төрлийн гэмт хэрэг эзэлж байгааг мэдээллээ. Иймд иргэн бүр хариуцлагатай байж аливаа мэдээллийг нягталж, цахим орчинд мөнгөн шилжүүлэг хийхгүй байх, 1 сая төгрөгийг 5 сая төгрөг болгох гэх мэт зар мэдээлэлд хууртахгүй байж, залилах төрлийн гэмт хэргийн хохирогч болохгүй байхыг Цагдаагийн байгууллагаас сэрэмжлүүллээ.
Хүйтний улирал эхэлж байгаатай холбогдуулан айл өрхүүдийг галын аюулгүй байдлаа хангахыг дүүргийн Онцгой байдлын хэлтсээс анхааруулсан юм.
Төлөвлөгөөт мэдээллийн дараагаар дүүргийн Засаг даргаас ирэх 14 хоногт дараах ажлуудад анхаарч ажиллахыг үүрэг болголоо.-Нийтийн эзэмшлийн гудамж, зам талбай, ногоон байгууламжийн арчлалт, хамгаалалтын зардлыг төсөвт тусгаж, зохицуулалтыг хийж ажиллах
-Төр захиргааны бүх шатны байгууллагууд гадна орчны тохижилтыг хийх, ААНБ-уудтай уулзалт зохион байгууулж, гадна орчны тохижилтыг хийлгүүлэх ажлыг зохион байгуулах
-Хүүхдийн тоглоомын талбайн засвар, арчлалтыг хийх -Хороолол дундах автозамын засвар, шинэчлэл хийх саналаа Замын хөгжлийн газарт хүргүүлэх
-Архидан согтуурахтай тэмцэх чиглэлээр тодорхой ажил зохион байгуулах
-Давс, бодис нөөцлөх ажлаа эрчимжүүлэх
-Төр хувийн хэвшлийн түншлэлийн хүрээнд хийгдэх ажлын саналаа “Улаанбаатар хотын хөгжлийн корпораци” ХХК-д хүргүүлэх
-Богино хугацаанд хийж хэрэгжүүлж болох арга хэмжээний жагсаалт гаргах, ирэх жилүүдэд хийгдэх ажлын зураг төслийг танилцуулах
-Хөрөнгө оруулалтын ажлуудаа хугацаанд нь чанартай хийхэд анхаарч, хяналт тавьж ажиллах
-Гэр хороолол дундах гудамж, талбай засварлах ажлуудаа үргэлжлүүлж, дуусгах
-Нийт байгууллагууд өвөлжилтийн бэлтгэл ажлаа сайтар хангаж ажиллах
-“Хөгжлийн бэрхшээлтэй иргэний танхим”-аар иргэдэд үйлчилгээ үзүүлэх ажлыг зохион байгуулах
-ОУ-ын Ахмадын баярын өдрийг тэмдэглэн өнгөрүүлэхэд бэлтгэл ажлыг хангаж ажиллах
Орон сууцны төслийн бодит мэдээллийг хүргэж ажиллахыг үүрэг болголоо
Дүүргийн удирдах ажилтнуудын шуурхай хуралдаан Засаг даргаас өгсөн үүрэг даалгаврын хэрэгжилтийг ЗДТГ-ын дарга П.Баттүшиг танилцуулснаар эхэлсэн.
Дүүргийн Боловсролын хэлтсийн дарга Н.Алтансүх: 2024-2025 оны хичээлийн шинэ жилийн мэдээллийг хүргэлээ. Нэгдүгээр ангийн цахим элсэлтийн бүртгэлд нийт 644 хүүхэд бүртгүүлэхээс өнөөдрийн байдлаар элсэлт баталгаажсан 319 хүүхэд байгаа ба цахим бүртгэл 08 сарын 30-ны өдрийг хүртэл бүртгэхээр сунгагдлаа. Харин СӨБ-ын 1-р шатны бүртгэл буюу цахим бүртгэлд 2-5 насны 1704 хүүхэд бүртгэгдэж 75 хувьтай байгаа бол 2-р шатны буюу түр оршин суугчдын 09 сарын 05-ны өдрөөс 09 сарын 15-ны өдрийг хүртэлх хугацаанд бүртгэнэ.
Сүүлийн жилүүдэд бороо ихээр орсны улмаас гэр хорооллын гудамжны шавар шавхай эрс нэмэгдэж байна. Үүнтэй холбоотойгоор гудамж талбайг засварлах ажлыг “Багануур Тохижилт” ААТҮГ хийж 25000 м2, 20 гудамж талбайг засварлаж ажилласанг тус газрын Захирал Д.Олзвой мэдээллээ.
Төлөвлөгөөт мэдээллийн дараагаар Засаг даргаас ирэх 14 хоногт дараах ажлуудад анхаарч ажиллахыг үүрэг болголоо.
-Хичээлийн шинэ жил эхэлж байгаатай холбогдуулан хоол, хүнсний, бараа бүтээгдэхүүний чанар, эрүүл ахуйн шаардлага, стандартыг мөрдүүлж, аюулгүй байдлыг хангуулах хяналт шалгалтыг эрчимжүүлж ажиллах
-ЕБС-ийн орчимд сурагчид гэмт хэрэг, хэв журмын зөрчил болон зам тээврийн ослоос урьдчилан сэргийлэх, хөдөлгөөний аюулгүй байдлыг ханган камержуулах, хэрэгжилтэд хяналт тавьж ажиллах
-Дүүргийн хэмжээнд өргөдөл, гомдлын шийдвэрлэлтийг бүрэн барагдуулж, хуулийн хугацаанд иргэнд хариу өгч ажиллах
-Төсвийн зохицуулалтын хүрээнд борооны улмаас эвдэрч гэмтсэн автозам, гудамж, талбай, ногоон байгууламжуудаа нөхөн сэргээх ажлуудаа эрчимжүүлэх
-Хот нийтийн аж ахуйн чиг үүргийн хүрээнд шинээр худалдан авах, нэн шаардлагатай тусгай зориулалтын машин, механизмуудын судалгааг гаргаж, төсвийн тодотголд тусгуулах
-Хотын ногоон байгууламжууд дахь зүлэг, шарилж, мод, бут, автозамын нэгдүгээр эгнээ дагуу ургасан модыг засаж жигдлэх ажлуудаа эрчимжүүлж дуусгах
-Өвөлжилтийн бэлтгэл ажлын хүрээнд давс, бодис худалдан авах ажиллагааг яаралтай зохион байгуулах
-Жолооч нарыг авто замын хөдөлгөөнд соёлтой оролцуулах, замын хөдөлгөөний дүрэм, журмыг зөрчиж татвар, торгуулиа төлөөгүй болон тээврийн хэрэгслийн үзлэг оношилгоонд ороогүй тээврийн хэрэгслийг хөдөлгөөнд оролцуулахгүй байх
– Хөрсний ус зайлуулах, урьдчилан сэргийлэх чиглэлээр санал боловсруулж, хэрэгжилтийг зохион байгуулж ажиллах
-Сонгуулийн санал авах байрнуудын бэлтгэл ажлыг хангаж ажиллах
-Дүүрэгт хэрэгжиж байгаа орон сууцны төслүүдийн явцын бодит мэдээллийг иргэдэд хүргэж ажиллах
-Хөрөнгө оруулалтын ажлыг дуусгахад анхаарч, хэрэгжилт, тулгамдаж буй асуудлаар мэдээлэл танилцуулах
-Замбага эмнэлэг, Гэрэлт ирээдүй МБТ, 235-р цэцэрлэг, Ирмүүн дэлгэрэх болон бусад газар эзэмшигчдийн тухайн орчмын тохижилтын зураг төслийн ажлын даалгаврыг бэлтгэх хүрээнд газрын алба, инженерийн байгууллагуудтай хамтарсан уулзалтыг зохион байгуулж ажиллах
-Төрийн болон төсвийн байгууллагын байр ашиглалтыг сайжруулах хүрээнд нэгдсэн зохион байгуулалтад орох асуудлыг шийдвэрлэхэд анхаарч ажиллах
-“Залуус” хэсгийн инженерийн шугам сүлжээ аюулгүй байдлыг хангаж ажиллах
Хашаандаа мал нядалж буй болон мал тэжээж байгаа өрхийн үйл ажиллагааг зогсоох арга хэмжээ авахыг үүрэг болголоо
Дүүргийн удирдах ажилтнуудын шуурхай хуралдаан Засаг даргаас өгсөн үүрэг даалгаврын хэрэгжилт 85.7 хувьтай биелсныг ЗДТГ-ын дарга П.Баттүшиг танилцуулснаар эхэлсэн.
Онцгой байдлын хэлтэст өнгөрсөн хугацаанд 6 дуудлага ирсэн бөгөөд үер усны аюулаас 5 хүний амь, 20 сая төгрөгийн хөрөнгийг авран хамгаалжээ. Мөн Засаг даргаас өгсөн “Үер усны аюулаас урьдчилан сэргийлэх ажлыг эрчимжүүлэх, далан сувгийн үзлэг шалгалтыг тогтмол явуулах” үүрэг даалгаврын хүрээнд үер усны далан суваг шугам, инженерийн байгууламжид үзлэг шалгалтыг зохион байгуулсан байна.
Цагдаагийн хэлтэст өнгөрсөн 14 хоногийн хугацаанд нийт 78 дуудлага бүртгэгдсэнээс гэмт хэргийн шинжтэй 26 дуудлага бүртгэгджээ. Гэмт хэргийн шинжтэй нийт дуудлагын 38.4 хувийг залилах төрлийн гэмт хэрэг эзэлж, сүүлийн үед энэ төрлийн гэмт хэрэг өсөж байгааг анхаарууллаа. Тодруулбал дүүргийн хэмжээнд өнгөрсөн 14 хоногт 12 иргэн 31.137.000 төгрөг залилуулж хохирчээ. Цахим залилангаас урьдчилан сэргийлэхийг тус хэлтсээс анхааруулж байна.
Дээрх мэдээллийн дараагаар Эрүүл мэндийн төвөөс Улаан бурхан өвчний талаар сэрэмжлүүлэг мэдээ хүргэж, тус өвчнөөс сэргийлэхийн тулд хүүхэд бүрийг 9 сартайд, 2 настайд нь дархлаажуулалтад бүрэн хамруулах, тухайн үед хоцорсон хүүхдийг нөхөн дархлаажуулалтад хамруулж байгааг мэдээллээ.
Ногоон бүс зорилтын хүрээнд иргэдийн аюулгүй, ая тухтай амьдрах орчныг бүрдүүлэх, гэмт хэрэг зөрчлөөс урьдчилан сэргийлэх, гэмт хэргийн гаралтыг бууруулах зорилгоор дүүргийн хэмжээнд камерын хяналтын дэд төвийг байгуулж эхний ээлжинд Цагдаагийн хэлтэст бүртгэлтэй байсан 53 хяналтын камерийг ЗДТГ-ын Камерын хяналтын дэд төврүү нүүлгэн шилжүүлж, шилэн кабельд холбосон байна. Энэ ондоо багтаан бүрэн ажиллагаанд оруулахаар төлөвлөн ажиллаж байгаа талаар тус төвийн дарга Ц.Батбуян мэдээллээ.
Төлөвлөгөөт мэдээллийн дараагаар Засаг даргаас ирэх 14 хоногт дараах ажлуудад анхаарч ажиллахыг үүрэг болголоо.
-Хичээлийн шинэ жилийн бэлтгэл ажлыг сайтар хангаж, боловсролын салбарт хийгдэж байгаа хөрөнгө оруулалтын ажлуудыг эрчимжүүлэх, үзэсгэлэн худалдааг зохион байгуулах
-Өвөлжилтийн бэлтгэл хангах ажлын хүрээнд инженерийн шугам сүлжээ, авто зам, тохижилт, ногоон байгууламжийн ажлуудыг газар дээр нь хяналт хийж, чанар стандартыг хангуулах
-Хот нийтийн аж ахуйн чиг үүргийн ажлуудаа эрчимжүүлж, 8 сардаа багтааж хот нийтийн аж ахуйн үйлчилгээ эрхэлж буй аж ахуйн нэгж байгууллагуудыг дүгнэх ажлыг зохион байгуулах
-Нийтийн эзэмшлийн гудамж зам талбай болон явган хүний зам талбайн нөхцөл байдалтай газар дээр нь ажиллах
-Үер усны аюулаас урьдчилан сэргийлэх чиглэлээр байгууллагууд ажлын уялдаагаа хангаж, тулгамдсан асуудлыг тухай бүр шийдвэрлэх
-Төв үерийн далангийн эвдрэл ихсэж, засварлах шаардлагатай тул ажлын даалгаврыг боловсруулах
-Гэр хорооллын үлдсэн хэсгүүдийн гэрэлтүүлгийн ажлыг эрчимжүүлэх
-Хүүхдийн тоглоомын талбайн засварыг хийж дуусгах
-Улаанбурхан өвчнөөс урьдчилан сэргийлэх зорилгоор эмнэлгийн тусламж, үйлчилгээ, хариу арга хэмжээний нөөцийн бэлэн байдлыг хангах
-Нийслэлийн нутгийн захиргааны бүх шатны байгууллагуудын ажилтан, албан хаагчид ажлын цаг ашиглалт, гүйцэтгэл, үр дүн, сахилга хариуцлага, ёс зүйн дүрэм журмуудыг мөрдөж ажиллах
– Суурьшлын бүсэд мал аж ахуй эрхлэх болон хашаандаа мал нядалж буй өрхийн үйл ажиллагааг зогсоох ажлыг яаралтай зохион байгуулах
Өвөлжилтийн бэлтгэл ажлыг одооноос сайтар хангаж ажиллахыг чиглэл болголоо
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 8 үүрэг даалгаврын хэрэгжилтийг ЗДТГазрын дарга П.Баттүшиг танилцууллаа.
Багануур дүүргийн Онцгой байдлын хэлтэст өнгөрсөн 14 хоногийн хугацаанд иргэдийг гол, мөрний орчимд амрах, зугаалах үедээ бага насны хүүхдэд тавих хараа хяналтыг сайжруулах, иргэдийн сонор сэрэмжийг дээшлүүлэх, усанд осолдохоос урьдчилан сэргийлэх зорилгоор урьдчилан сэргийлэх ажлыг зохион байгуулан гол, усны ослоос урьдчилан сэргийлэх, сэрэмжлүүлэг зөвлөмж өгч завьт болон хөдөлгөөнт эргүүлийг зохион байгуулан ажиллажээ.
Аялал, зугаалгын энэ өдрүүдэд зам тээврийн ослын тоо ихсэх өндөр эрсдэлтэй тул автозамын хяналт шалгалтыг өдөр бүр зохион байгуулж байгаа талаар Дүүргийн Цагдаагийн хэлтсээс мэдээллээ. Иймд иргэд та бүхнийг хөдөө орон нутгийн замд хурд хэтрүүлэхгүй байх, согтуугаар болон хэт ядарсан үедээ тээврийн хэрэгсэл жолоодохгүй байх, замын хөдөлгөөнд оролцохдоо соёлтой оролцохыг уриаллаа.
Дүүргийн Засаг даргаас ирэх 14 хоногт дараах ажлуудыг хийж гүйцэтгэхийг үүрэг болголоо.-Өвөлжилтийн бэлтгэл ажлыг хангаж ажиллах, өвөлжилтийн үед хүндрэл үүсэж болзошгүй сургууль цэцэрлэгийн таларх мэдээллүүдийг нэгтгэж авах
-Инженерийн шугам сүлжээний засвар шинэчлэлтийн ажлыг хугацаанд нь чанартай хийж дуусгаж, газар шорооны нөхөн сэргээлтийн ажлуудаа зохион байгуулж ажиллах
-Газрын дуудлага худалдааг яаралтай зохион байгуулж дуусгах
-2024 оны нийслэлийн төсвийн тодотголын саналуудыг бэлтгэн холбогдох хэлтэст хүргүүлэх
-Дүүрэгт уяачдын холбоо шинээр байгуулагдсантай холбогдуулан ирэх сарын 3-ны өдөр гурван насны хурдан моридын уралдаан зохион байгуулагдана. Үүнтэй холбоотойгоор Хурдан морины уралдаан зохион байгуулах комиссын төслийг боловсруулж, захирамжийг гаргах
-ЭМТөвөөс Соронзын уулзвар хүртэлх автозам засварын ажлыг яаралтай хийж дуусгах, бусад зам засварын ажлуудын явцад анхаарах
-Орон сууцны фасад засварын ажлыг эрчимжүүлэх, 84,86-р байрны фасад засварыг эхлүүлэх
-3-р хорооны ажлын албаны ард байрлах 40 автомашины гараашийн эзэмшигч нартай уулзалтыг зохион байгуулж, иргэдээс хөрөнгийг гаргаж засварлах ажлыг зохион байгуулах
-Нийслэлийн төсвийн тодотголд өвөлжилтийн бэлтгэлтэй холбоотой болон цаг үеийн яаралтай шийдвэрлэх шаардлагатай хөрөнгө оруулалтын ажлын саналуудыг нэгтгэн хүргүүлэх
-Үер усны аюулаас урьдчилан сэргийлэх ажлын хүрээнд борооны дараа суваг шуудууны үзлэгийг хийж, цэвэрлэгээ үйлчилгээг тогтмол зохион байгуулах
-Дүүргийн теле камерийн хяналтын дэд төвийн угсралт суурилуулалтын ажлыг яаралтай эхлүүлэх
Дүүргийн баяр наадам 07 сарын 10,11-ний өдрүүдэд болно
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг дарга 8 үүрэг даалгавар өгсөн нь 88.6 хувьтай хэрэгжжээ.
Багануур дүүргийн Онцгой байдлын хэлтэст өнгөрсөн 14 хоногийн хугацаанд 28 үер усны дуудлага мэдээлэл бүртгэгдэж 85 иргэний амь насыг авран хамгаалжээ.
Дүүргийн Засаг даргын орлогч Б.Балжинням: Авто зам, авто зогсоолын хөрөнгө оруулалтын мэдээллийг хүргэлээ. Авто замын чиглэлээр 9 төсөл арга хэмжээ хэрэгжиж байгаа бөгөөд үүнээс авто замын засвар, зогсоолын 3 ажил гэрээний хугацаанд бүрэн хийгдэж дууссан байна.
Дүүргийн Засаг даргаас ирэх 14 хоногт дараах ажлуудыг хийж гүйцэтгэхийг үүрэг болголоо.
-Үндэсний их баяр наадмыг зохион байгуулах бэлтгэл ажлыг сайтар хангаж, холбогдох байгууламжуудын засвар, тохижилтын ажлыг эрчимжүүлэх
-Баяр наадмын өдрүүдэд нийтийн тээврийн чиглэлийг гаргаж хуваарийн дагуу ажиллах
-Авто замын засвар шинэчлэлийн ажлуудыг ойрын хугацаанд дуусгах
-Үер усны аюулаас урьдчилан сэргийлэх ажлыг сайтар зохион байгуулах
-Өвөлжилтийн бэлтгэл ажлыг сайтар хангах
-“Street food” буюу гудамжны хоолны үйлчилгээг стандарт шаардлагын дагуу цэгүүдэд байршуулж хамтран ажиллах
Үер, усны аюул ослоос урьдчилан сэргийлж ажиллахыг үүрэг болголоо
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг даргын орлогчоос өгсөн 15 үүрэг даалгавар 88,8 хувьтай хэрэгжжээ.
Дүүргийн Онцгой байдлын хэлтсийн дарга, Дэд хурандаа Г.Батжаргал: Өнгөрсөн 14 хоногийн хугацаанд аврах ажиллагааны хоёр дуудлага бүртгэгдсэн бөгөөд нийт 6 хүнийг авран хамгаалжээ. Дүүргийн үерийн эрсдэлийн ерөнхий үнэлгээ 7.3 буюу өндөр үнэлэгдсэн бөгөөд үер усны ослоос урьдчилан сэргийлж, хүүхдийг хараа хяналтгүйгээр гол, ус, эрэг орчмоор явуулахгүй байхыг анхаарууллаа. Мөн улиас модны цагаан хөвөн өндөр шатамхай учир хөвөнг шатаахгүй байхыг онцгойлон анхааруулсан юм.
Газар зохион байгуулалтын албаны Ахлах мэргэжилтэн Э.Энхбилгүүн: Энэ оноос эхлэн газрын тухай хуульд тусгагдсанаар газар олголтыг иргэнээс өргөдөл хүлээж авахыг хориглосон. Тухайн жилийн газар олголтын төлөвлөгөө ИТХ-аар батлагддаг. Мөн энэ жилээс ИТХ-аар батлагдсан төлөвлөгөө давхар Засгийн газрын тогтоолоор батлагддаг болсон.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.
-Нийслэлийн нутгийн захиргааны бүх шатны байгууллагуудын ажилтан, албан хаагчид ажлын цаг ашиглалт, гүйцэтгэл, үр дүн, сахилга хариуцлага, ёс зүйн дүрэм журмуудыг мөрдөж ажиллах
-Гэрэлтүүлгийн асалтыг нэмэгдүүлж, гэрлийн шонг будаж, засварлах ажлыг зохион байгуулах
-Хог хаягдлыг цагийн хуваарийн дагуу ачиж, тээвэрлэх зохицуулалтыг жигдрүүлэх ажлыг газар дээр нь явж хэрэгжилтэд хяналт тавих
-Наадмын өдрүүдэд хариуцлагатай жижүүр томилон ажиллуулах
-Хагас жилийн мэдээ тайлангаа хугацаанд нь ирүүлэх, ажилтан албан хаагчдаа дүгнэх
-“Шинэ хоршоо” хөдөлгөөнөөр дамжуулан малчин өрхийн амьжиргааг дэмжих, мал, малын гаралтай түүхий эд, бүтээгдэхүүний мөнгөн урсгалыг тогтмолжуулж, малчдын орлогыг нэмэгдүүлэх талаар малчин, мал бүхий иргэдэд 2024 оны 06 сарын 20-ны өдөр танхимын сургалтыг зохион байгуулах тул албан хаагчдыг хамруулах
-U-14 насны волейболын УАШТэмцээн 07 сарын 01-ээс 07 сарын 08-ны өдрүүдэд дүүрэгт зохион байгуулагдахтай холбоотойгоор сургууль, цэцэрлэгүүд хамтран ажиллах
-Хөрөнгө оруулалтын ажлуудын явцад хяналт тавих, хугацаандаа хүлээж авах ажлыг зохион байгуулах
-Дүүргээс хийгдэж буй хөрөнгө оруулалтын ажлуудын санхүүжилтийг түргэн шуурхай олгох
-Баяр наадмаар жороо морины уралдаан, хүүхдийн шагайн харваан тэмцээнийг нэмж хийж байгаатай холбогдуулан наадмын комиссын ажлын хэсгүүд хуралдаж дүрмээ боловсруулах
-Баяр наадмын талбайн тохижилтын ажлуудад анхаарах мөн худалдаа үйлчилгээ эрхлэх хүсэлтэй иргэдэд ямар шаардлага тавьж байгаа талаарх мэдээллийг хүргэж ажиллах
-Үер, усны аюул ослоос урьдчилан сэргийлж, үзлэг шалгалтуудыг сайтар зохион байгуулах
-Иргэнд газар олгох талаарх мэдээллийг хүргэж ажиллах