Дүүргийн удирдах ажилтнуудын ээлжит шуурхай хуралдаан зохион байгуулагдлаа. Өмнөх хуралдаанаар Засаг даргын орлогч Б.Балжинням 8 үүрэг даалгавар өгсөн нь 98,5 хувьтай хэрэгжжээ.
Багануур дүүрэг дэх Цагдаагийн хэлтэс шинэ жилийн баяр тэмдэглэн өнгөрүүлж байгаатай холбогдуулан шөнийн цагаар нэгдсэн эргүүл, хяналт шалгалтыг зохион байгуулан ажиллаж байгаа бөгөөд хяналт шалгалтын үеэр согтууруулах ундаа хэтрүүлэн хэрэглэж, гудамж талбайд биеэ авч явах чадваргүй байсан 8 иргэнийг ЭМТ-ийн яаралтай түргэн тусламжид биеийн байдлыг үзүүлэн ар гэрт нь хүлээлгэн өгчээ.
Дүүргийн Онцгой байдлын хэлтэст өнгөрсөн 14 хоногийн хугацаанд аврах ажиллагааны 4 дуудлагаар 6 том хүн, 4 хүүхдийн амь насыг авран хамгаалж ажилласан байна.
ИТХ-ын нарийн бичгийн дарга бөгөөд ажлын албаны дарга Г.Гансэлэм ИТХ-ын ээлжит XXV, XXVI, ээлжит бус XXVII хуралдаанаар нийт 14 асуудлыг хэлэлцэж шийдвэрлэсэнг танилцууллаа.
Хуралдааны төгсгөлд Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.
-БААН-үүд инженерийн бэлтгэл ажлыг хангаж ажиллах
-Тэжээлийн нөөц бэлдэж, судалгааг хийх
-БААН-үүд шинэ жилийг угтсан гэрэлтүүлэг, гэрлэн чимэглэл хийх
-Халтиргаа гулгаанаас урьдчилан сэргийлж байгууллагын өөрийн эзэмшлийн зам талбайн цас, мөсийг цэвэрлэх
Багануур дүүрэг дэх Цагдаагийн хэлтсийн дарга Б.Эрдэнэбат: “Улсын хэмжээнд хэрэгжиж буй “Мал мах” арга хэмжээний хүрээнд иргэдийн өвлийн идэш бэлтгэхтэй холбоотой хулгайн мал, мах тээвэрлэхээс урьдчилан сэргийлж, Хэрлэн гүүр, Мөнгөнморьт сумаас орж, гарах хөдөлгөөнд 6 алба хаагч 2 постод үүрэг гүйцэтгэж байна. Мөн гэрээсээ гараад сураггүй болсон 13 настай хүүхдийг найзындаа байхад нь олж, ар гэрт нь хүлээлгэн өгсөн. Сүүлийн өдрүүдэд цахим гэмт хэргийн гаралт өндөр байгаа тул иргэд анхаарал болгоомжтой байх хэрэгтэй байна” гэлээ.
Тохижилт, нийтийн аж ахуйн хэлтсийн дарга Д.Дэмчигжав “Зам талбайн цас цэвэрлэгээ”-ний талаарх мэдээллийг өглөө. Дүүргийн байгууллага, аж ахуйн нэгжүүд өөрийн эзэмшлийн 50м газрын цас цэвэрлэгээнд 136 байгууллага оролцохоос 89 байгууллага хуулиар хүлээсэн үүргийн хэрэгжилтийг хангасан байна. Хуваарьт газрын цасаа цэвэрлээгүй, байгууллагад олон нийтийн байцаагч шаардлага хүргүүлсэн энэ үеэр 89 иргэнийг түр ажлын байраар хангаж, 1-5 дугаар хорооны 16 байршилд 8100 м авто зам, явган зам, автобусны буудлын цас мөсний цэвэрлэжээ.
Дүүргийн ИТХ-ын дарга Т.Отгонболд
Үүний дараагаар дүүргийн Засаг дарга С.Даваасүрэн дүүргийн төсвийн талаар дэлгэрэнгүй мэдээлэл хүргэж, энэ жил төсвөө 4 тэрбум төгрөгөөр нэмэгдүүлснийг танилцуулаад ирэх 14 хоногт дараах үйл ажиллагаанд анхаарч ажиллахыг чиглэл болголоо.