Дүүргийн удирдах ажилтнуудын шуурхай хуралдаан болж өнгөрсөн зөвлөгөөний үеэр өгсөн үүрэг даалгаврын биелэлт, хэрэгжилтийг Төрийн захиргааны, удирдлагын хэлтсийн дарга Б.Туяа танилцуулсан бөгөөд биелэлт 91.6 хувьтай.
Хуралдааны эхэнд Цагдаагийн хэлтсийн дарга Ц.Баярхүү 2025 оны эхний 09 сард бүртгэгдсэн гэмт хэрэг, зөрчлийн статистик мэдээллийг хүргэлээ.Тодруулбал зонхилон үйлдэгддэг гэмт хэрэг болох хүний эрүүл мэндийн халдашгүй байдлын эсрэг гэмт хэрэг байна.
Онцгой байдлын хэлтсээс сүүлийн 14 хоногийн нөхцөл байдлын мэдээллийг онцгой байдлын хэлтсийн орлогч дарга Ч.Батсайхан хүргэлээ. Мөн галлагааны улирал эхэлсэнтэй холбогдуулж галын аюулаас урьдчилан сэргийлэхийг анхааруулсан юм.
Үүний дараагаар “Багануур тохижилт” ААТҮГ-ын захирал Д.Олзвой дүүргийн нийтийн эзэмшлийн зам талбайг өдөрт 604,848 жилдээ 217,745,280 м/кв талбайн цэвэрлэгээг 51 үйлчлэгч хийж, 1 үйлчлэгч 11,859м2 талбайг өдөр бүр цэвэрлэн жилд 4,269,240 м/кв талбайг зун, өвлийн график хуваарийн дагуу цэвэрлэж ажиллаж байна. Мөн зам шүүрдэгч том оврын 2, жижиг оврын 2, тоос сорогчоор график хуваарь гаргаж 7 хоногт 3 удаагийн давтамжтай цэвэрлэж байгааг танилцууллаа.
Цэргийн штабын дарга Дэд хурандаа О.Баттулга 2025 оны хоёрдугаар ээлжийн цэрэг татлага болон батлан хамгаалах нээлттэй хаалганы өдөрлөгийн мэдээллийг хүргэсэн юм. Тодруулбал 2025 оны 10 дугаар сарын 17, 18-ны өдрүүдэд цэрэг татлагыг зохион байгуулах бөгөөд их, дээд сургуульд сурч байгаа оюутнууд бүгд цэрэг татлагын товчоогоор орно. Цэрэг татлагаар орж байгаа иргэдийг тусгай программаар QR код уншуулан цэрэг татлагын товчоогоор орсон ороогүй эсэхийг тогтооно.
Хуралдааны төгсгөлд дүүргийн Засаг дарга С.Даваасүрэн ирэх 14 хоногт дараах ажлуудыг зохион байгуулахыг үүрэг болголоо.
-Газар чөлөөлөлтийн ажлыг эрчимжүүлж, хэрэгжилтийг танилцуулах.
-Авто замын хөдөлгөөнд оролцож буй дугааргүй тээврийн хэрэгсэл болон элс, хайрга ачсан, барилгын талбайгаас гарч буй том оврын тээврийн хэрэгслийг холбогдох хууль тогтоомжийн дагуу шалгаж, замын хөдөлгөөний дүрмийг мөрдүүлэх.
-2025 оны 11 дүгээр сарын 01-ний өдрийн дотор мал гаргах ажлыг шуурхай зохион байгуулах –Нохой, муур барих ажлыг зохион байгуулах.
-Эмнэлгийн тусламж үйлчилгээг түргэн шуурхай, хүндрэл чирэгдэлгүй үзүүлж, үйлчилгээний чанарт хяналт тавьж, томуу, томуу төст өвчнөөс урьдчилан сэргийлж, маск зүүлгэх аян өрнүүлэх.
-Эрүүл мэндийн байгууллагуудын сахилга, хариуцлагыг сайжруулах, хэрэгжилтэд хяналт тавих. Хүүхдийн гар утасны хэрэглээг бууруулах, донтолтоос урьдчилан сэргийлэх чиглэлээр төлөвлөгөө боловсруулж, танилцуулах.
-Ерөнхий боловсролын сургуулиудад үе тэнгийнхний дээрэлхэлтийг зогсоох, хүчирхийллээс урьдчилан сэргийлэх цогц арга хэмжээ авч ажиллах.
-Угаарын хийн хордлогоос урьдчилан сэргийлэх, “Хотула” аппликейшний үйл ажиллагаа болон картны хэрэглээг жигдрүүлж, сайжруулсан түлшний талаарх мэдээллийг бэлтгэж, танилцуулах. -Хагас коксожсон шахмал түлш борлуулах ажлыг 2025 оны 10 дугаар сарын 13-ны өдрөөс зохион байгуулж, мидлинг худалдан авах тоо хэмжээгээ нэмэгдүүлэх.
-Явган хүний замыг тэгшлэх, засварлах, газар дээр явж ажиллах.
-Ногоон байгууламж, цэцэрлэгт хүрээлэн байгуулах төлөвлөлт хийх.
-Улс, орон нутгийн төсвийн хөрөнгө оруулалтын ажлын хүрээнд гэрээний үүргээ ноцтой зөрчсөн, мэргэжлийн үйл ажиллагаанд алдаа гаргасан нь тогтоогдсон аж ахуйн нэгжийг тендерт оролцох эрхийг хязгаарлах хүртэлх арга хэмжээ авах талаарх санал, дүгнэлт боловсруулж танилцуулах.
-Хөгжлийн бэрхшээлтэй иргэдийн нарийвчилсан судалгааг гаргах ажлыг Нийгмийн даатгалын газар, Хөдөлмөр, халамжийн үйлчилгээний хэлтэс, Хороод, Хүүхэд, гэр бүлийн хөгжил, хамгааллын хэлтэс болон Статистикийн хэлтэстэй хамтран хэрэгжүүлж, оролцоог бүрэн хангаж ажиллах.
-2025 оны 10-р сарын 11-ний өдөр болох Д.Нацагдоржийн номын сангийн нээлтэд байгууллагууд идэвхтэй оролцож, бэлтгэл ажлыг сайтар зохион байгуулан, хуваарийн дагуу оролцоог хангаж ажиллах.
-Цэрэг татлагын үеэр хороод иргэдэд зар мэдээллийг шуурхай хүргэж, цэргийн насны залуучуудыг хамруулах талаар зохион байгуулалтын ажлыг идэвхтэй явуулах.
Батлан хамгаалах салбарын нээлттэй өдөрлөгт холбогдох байгууллагуудын оролцоог хангаж, идэвхтэй оролцох.
-Улсын архивын үзлэг зохион байгуулагдаж байгаатай холбогдуулан холбогдох байгууллагууд шаардлагатай бэлтгэл ажлыг хангаж, үзлэгт бүрэн оролцох.
