Насан туршийн суралцахуйн төвийн сургалтад 17000 гаруй иргэд хамрагдаад байна
Насан туршийн суралцахуй нь хүний хөгжлийг тасралтгүй хангах амьдралын чанарыг дээшлүүлэх, хүний нөөцийн хөгжилд чухал үүрэгтэй. Тус төв нь өнгөрсөн 2023-2024 оны хичээлийн жилд дэвшүүлсэн зорилго зорилтоо амжилттай хэрэгжүүлэн 2024-2025 оны хичээлийн жилээ угтаж байна.
Энэ хичээлийн жилд Боловсролын яамнаас Насан туршийн суралцахуйн чиглэлээр нэг зорилго, таван зорилтыг тодорхойлсон бол тус төв нь “Иргэн бүрийн ялгаатай хэрэгцээнд тохирсон боловсрол эзэмших нөхцөл, тэгш боломжийг бүрдүүлэх, технологийн дэвшилд суурилсан тасралтгүй хөгжлийг дэмжих, сургалтын чанар хүртээмжийг нэмэгдүүлэхэд бүх талын оролцоо түншлэлийг өргөжүүлэх ажлыг зохион байгуулах” эрхэм зорилтыг дэвшүүлэн ажиллаж байгаа юм.
Ташрамд дурдахад өнгөрсөн хичээлийн жилд 16 төрлийн 2426 цагийн сургалтад 17925 иргэн, ахмад настан, хүүхэд багачууд, залуучууд хамрагджээ. Мөн дүүргийн төр захиргааны байгууллагатай хамтран “Алхам алхмаар” төсөл, “Эрүүл мэндийн боловсрол олгох эрүүл хүүхэд” төслийн хүрээнд хөгжлийн бэрхшээлтэй хүүхэд тэдний асран хамгаалагчдад зориулсан олон төрлийн хөтөлбөр, өдөрлөг, сургалтыг зохион байгуулж байна. Харин 2024 онд дүүргийн Засаг даргын дэмжлэгээр “Цахим иргэн” төслийг E-Mongolia академитай хамтран хэрэгжүүлж, эхний ээлжийн сургагч багш бэлтгэх сургалтаа хороодын хэсгийн ахлагч нарт явуулахаар амжилттай эхлүүлж байна.
Өвөлжилтийн бэлтгэл ажлаа сайтар хангаж ажиллахыг чиглэл болголоо
Дүүргийн удирдах ажилтнуудын шуурхай хуралдааны эхэнд Засаг даргаас өгсөн үүрэг даалгаврын хэрэгжилтийг ТЗУХ-ийн дарга Б.Туяа танилцуулснаар эхэлсэн.
Цагдаагийн Ахмад Т.Батмонгол: Дүүргийн хэмжээнд өнгөрсөн 14 хоногийн хугацаанд нийт бүртгэгдсэн гэмт хэргийн 29.1 хувийг залилах төрлийн гэмт хэрэг эзэлж байгааг мэдээллээ. Иймд иргэн бүр хариуцлагатай байж аливаа мэдээллийг нягталж, цахим орчинд мөнгөн шилжүүлэг хийхгүй байх, 1 сая төгрөгийг 5 сая төгрөг болгох гэх мэт зар мэдээлэлд хууртахгүй байж, залилах төрлийн гэмт хэргийн хохирогч болохгүй байхыг Цагдаагийн байгууллагаас сэрэмжлүүллээ.
Хүйтний улирал эхэлж байгаатай холбогдуулан айл өрхүүдийг галын аюулгүй байдлаа хангахыг дүүргийн Онцгой байдлын хэлтсээс анхааруулсан юм.
Төлөвлөгөөт мэдээллийн дараагаар дүүргийн Засаг даргаас ирэх 14 хоногт дараах ажлуудад анхаарч ажиллахыг үүрэг болголоо.-Нийтийн эзэмшлийн гудамж, зам талбай, ногоон байгууламжийн арчлалт, хамгаалалтын зардлыг төсөвт тусгаж, зохицуулалтыг хийж ажиллах
-Төр захиргааны бүх шатны байгууллагууд гадна орчны тохижилтыг хийх, ААНБ-уудтай уулзалт зохион байгууулж, гадна орчны тохижилтыг хийлгүүлэх ажлыг зохион байгуулах
-Хүүхдийн тоглоомын талбайн засвар, арчлалтыг хийх -Хороолол дундах автозамын засвар, шинэчлэл хийх саналаа Замын хөгжлийн газарт хүргүүлэх
-Архидан согтуурахтай тэмцэх чиглэлээр тодорхой ажил зохион байгуулах
-Давс, бодис нөөцлөх ажлаа эрчимжүүлэх
-Төр хувийн хэвшлийн түншлэлийн хүрээнд хийгдэх ажлын саналаа “Улаанбаатар хотын хөгжлийн корпораци” ХХК-д хүргүүлэх
-Богино хугацаанд хийж хэрэгжүүлж болох арга хэмжээний жагсаалт гаргах, ирэх жилүүдэд хийгдэх ажлын зураг төслийг танилцуулах
-Хөрөнгө оруулалтын ажлуудаа хугацаанд нь чанартай хийхэд анхаарч, хяналт тавьж ажиллах
-Гэр хороолол дундах гудамж, талбай засварлах ажлуудаа үргэлжлүүлж, дуусгах
-Нийт байгууллагууд өвөлжилтийн бэлтгэл ажлаа сайтар хангаж ажиллах
-“Хөгжлийн бэрхшээлтэй иргэний танхим”-аар иргэдэд үйлчилгээ үзүүлэх ажлыг зохион байгуулах
-ОУ-ын Ахмадын баярын өдрийг тэмдэглэн өнгөрүүлэхэд бэлтгэл ажлыг хангаж ажиллах
50 мвт хүчин чадалтай батарей хуримтлуурын станц барих ажлыг эхлүүллээ
Нийслэлийн 2024-2025 оны өвөлжилтийн бэлтгэл ажлыг хангах, цахилгаан, дулааны эрчим хүчний дутагдлаас урьдчилан сэргийлэх, хэрэглэгчийн цахилгаан эрчим хүчийг тасалдуулахгүй байх зорилгоор Багануур дүүрэгт эрчим хүч хуримтлуурын станц барих компанийг сонгон шалгаруулах олон улсын нээлттэй тендерийг өнгөрсөн зургаадугаар сарын 26-ны өдөр зарласан.
Уг олон улсын тендерт гүйцэтгэгчээр “Энвижн Энержи” ХХК шалгарсан юм.
Өнөөдөр тус компанийн итгэмжлэгдсэн төлөөлөгч Ж.Чэнтэй Батарей хураагуурын станц байгуулах ажил гүйцэтгэх гэрээнд гарын үсэг зурлаа.
Батарей хуримтлуурын станцыг Багануур дүүргийн 1 дүгээр хорооны нутаг дэвсгэрт “Багануур” цахилгаан түгээх дэд станцын баруун хойд талд 5 га талбайд барих юм. Тус батарей хуримтлуурын станц нь 50 мВт-хүчин чадалтай, 200 мВт.ц-ийн багтаамжтай, 50 Гц-ийн давтамжтай гурван фазтай байх бөгөөд 220/110/35 кВ-ын Багануур цахилгаан түгээх дэд станцад холбох юм.
Цэцэрлэгийн элсэлтийн 2 дугаар шатны шалгаруулалт эхэллээ
Нийслэлийн цэцэрлэгийн элсэлтийн 2 дугаар шатны бүртгэл 2024 оны 09 дүгээр сарын 05-ны өдрөөс 2024 оны 09 дүгээр сарын 15-ны өдрүүдэд цахимаар явагдана.
Бүртгэлд:
1 дүгээр шатны бүртгэлд хүсэлтээ илгээж амжаагүй болон цэцэрлэгт бүртгэлгүй хүүхэд, түр оршин суугчийн хүүхэд хүсэлтээ илгээх боломжтой.
Бүртгэлд 2019 оны 01 дүгээр сарын 01-ний өдрөөс 2022 оны 12 дугаар сарын 31-ний өдрийн хооронд төрсөн хүүхдүүд хамрагдана.
Эцэг эхчүүдийн анхааралд:
Түр оршин суугч нь амьдарч буй дүүргийнхээ хорооны “Хүн ам өрхийн мэдээллийн систем” ХАӨМС-д түр оршин суух хаягийн бүртгэлээ бүртгүүлсэн байх шаардлагатай.
Элсэлтийн бүртгэлийн хариуг 2024 оны 09 дүгээр сарын 16-18-ны өдрүүдэд таны бүртгүүлсэн утасны дугаарт мессежээр мэдээлнэ.
Баг тамирчдад амжилт хүсье
Холбооны бүгд Найрамдах Герман улсад энэ сарын 05-08-ны өдрүүдэд Олс таталтын Дэлхийн аварга шалгаруулах тэмцээн болох бөгөөд энэхүү тэмцээнд 26 орны 126 баг тамирчид оролцох бол Монгол улсаас анх удаа СМ Б.Баттулга дасгалжуулагчтай Багануур дүүргийн эрэгтэй, эмэгтэй баг тамирчид оролцохоор Герман улсыг зорилоо.
Дүүргийн Засаг дарга С.Даваасүрэн тус багийн тамирчдыг хүлээн авч уулзаж, тамирчдад амжилт хүсч, мөнгөн дэмжлэг үзүүлсэн юм.
Баг тамирчдын энэ оны амжилтаас товч дурдвал 2024 оны Улсын аварга шалгаруулах тэмцээнд эрэгтэй баг хүрэл медаль, эмэгтэй баг алтан медаль, холимог баг мөнгөн медаль, БНХАУ-ын Жэжян мужийн Чжужоу хотод болсон Олон улсын гадаа төрөлд эмэгтэй баг алтан медаль, эрэгтэй баг мөнгөн медаль, холимог 1,2-р баг алт, мөнгөн медаль хүртэж байжээ.
З.Энхзаяа Дэлхийн шатрын холбооны дэд мастер цол хүртлээ
Сурагчдын Дэлхийн аваргын хүрэл медальт, өсвөрийн улсын аваргын алт, мөнгөн медальт З.Энхзаяа нь олон улсын чансаагаа 1800 хүргэж, дэлхийн шатрын холбооны дэд мастер цол хүртлээ.
Тэрээр Багануур дүүргээс шатрын спортоор дэлхийн цол хүртэж буй 6 дахь тамирчин бөгөөд Монгол улсын гавьяат дасгалжуулагч Ц. Батболд багшийн удирдлага дор шатрын спортоор 6 дахь жилдээ хичээллэж байна.
Орон сууцны төслийн бодит мэдээллийг хүргэж ажиллахыг үүрэг болголоо
Дүүргийн удирдах ажилтнуудын шуурхай хуралдаан Засаг даргаас өгсөн үүрэг даалгаврын хэрэгжилтийг ЗДТГ-ын дарга П.Баттүшиг танилцуулснаар эхэлсэн.
Дүүргийн Боловсролын хэлтсийн дарга Н.Алтансүх: 2024-2025 оны хичээлийн шинэ жилийн мэдээллийг хүргэлээ. Нэгдүгээр ангийн цахим элсэлтийн бүртгэлд нийт 644 хүүхэд бүртгүүлэхээс өнөөдрийн байдлаар элсэлт баталгаажсан 319 хүүхэд байгаа ба цахим бүртгэл 08 сарын 30-ны өдрийг хүртэл бүртгэхээр сунгагдлаа. Харин СӨБ-ын 1-р шатны бүртгэл буюу цахим бүртгэлд 2-5 насны 1704 хүүхэд бүртгэгдэж 75 хувьтай байгаа бол 2-р шатны буюу түр оршин суугчдын 09 сарын 05-ны өдрөөс 09 сарын 15-ны өдрийг хүртэлх хугацаанд бүртгэнэ.
Сүүлийн жилүүдэд бороо ихээр орсны улмаас гэр хорооллын гудамжны шавар шавхай эрс нэмэгдэж байна. Үүнтэй холбоотойгоор гудамж талбайг засварлах ажлыг “Багануур Тохижилт” ААТҮГ хийж 25000 м2, 20 гудамж талбайг засварлаж ажилласанг тус газрын Захирал Д.Олзвой мэдээллээ.
Төлөвлөгөөт мэдээллийн дараагаар Засаг даргаас ирэх 14 хоногт дараах ажлуудад анхаарч ажиллахыг үүрэг болголоо.
-Хичээлийн шинэ жил эхэлж байгаатай холбогдуулан хоол, хүнсний, бараа бүтээгдэхүүний чанар, эрүүл ахуйн шаардлага, стандартыг мөрдүүлж, аюулгүй байдлыг хангуулах хяналт шалгалтыг эрчимжүүлж ажиллах
-ЕБС-ийн орчимд сурагчид гэмт хэрэг, хэв журмын зөрчил болон зам тээврийн ослоос урьдчилан сэргийлэх, хөдөлгөөний аюулгүй байдлыг ханган камержуулах, хэрэгжилтэд хяналт тавьж ажиллах
-Дүүргийн хэмжээнд өргөдөл, гомдлын шийдвэрлэлтийг бүрэн барагдуулж, хуулийн хугацаанд иргэнд хариу өгч ажиллах
-Төсвийн зохицуулалтын хүрээнд борооны улмаас эвдэрч гэмтсэн автозам, гудамж, талбай, ногоон байгууламжуудаа нөхөн сэргээх ажлуудаа эрчимжүүлэх
-Хот нийтийн аж ахуйн чиг үүргийн хүрээнд шинээр худалдан авах, нэн шаардлагатай тусгай зориулалтын машин, механизмуудын судалгааг гаргаж, төсвийн тодотголд тусгуулах
-Хотын ногоон байгууламжууд дахь зүлэг, шарилж, мод, бут, автозамын нэгдүгээр эгнээ дагуу ургасан модыг засаж жигдлэх ажлуудаа эрчимжүүлж дуусгах
-Өвөлжилтийн бэлтгэл ажлын хүрээнд давс, бодис худалдан авах ажиллагааг яаралтай зохион байгуулах
-Жолооч нарыг авто замын хөдөлгөөнд соёлтой оролцуулах, замын хөдөлгөөний дүрэм, журмыг зөрчиж татвар, торгуулиа төлөөгүй болон тээврийн хэрэгслийн үзлэг оношилгоонд ороогүй тээврийн хэрэгслийг хөдөлгөөнд оролцуулахгүй байх
– Хөрсний ус зайлуулах, урьдчилан сэргийлэх чиглэлээр санал боловсруулж, хэрэгжилтийг зохион байгуулж ажиллах
-Сонгуулийн санал авах байрнуудын бэлтгэл ажлыг хангаж ажиллах
-Дүүрэгт хэрэгжиж байгаа орон сууцны төслүүдийн явцын бодит мэдээллийг иргэдэд хүргэж ажиллах
-Хөрөнгө оруулалтын ажлыг дуусгахад анхаарч, хэрэгжилт, тулгамдаж буй асуудлаар мэдээлэл танилцуулах
-Замбага эмнэлэг, Гэрэлт ирээдүй МБТ, 235-р цэцэрлэг, Ирмүүн дэлгэрэх болон бусад газар эзэмшигчдийн тухайн орчмын тохижилтын зураг төслийн ажлын даалгаврыг бэлтгэх хүрээнд газрын алба, инженерийн байгууллагуудтай хамтарсан уулзалтыг зохион байгуулж ажиллах
-Төрийн болон төсвийн байгууллагын байр ашиглалтыг сайжруулах хүрээнд нэгдсэн зохион байгуулалтад орох асуудлыг шийдвэрлэхэд анхаарч ажиллах
-“Залуус” хэсгийн инженерийн шугам сүлжээ аюулгүй байдлыг хангаж ажиллах
Нэгдүгээр ангийн элсэлтийн бүртгэл дуусахад 3 хоног үлдлээ
2024-2025 оны хичээлийн жилийн нэгдүгээр ангийн элсэлтийн цахим бүртгэлийг 08 сарын 12-ны өдрөөс 08 сарын 25-ны өдрийн хооронд Улсын хэмжээнд E-Mongolia системээр бүртгэж байна.
Улсын хэмжээнд нийт 78,450 хүүхэд бүртгүүлэхээс өнөөдрийн байдлаар 29,464 хүүхдийн элсэлт батлагдсан бол Багануур дүүргийн хэмжээнд нийт 646 хүүхэд бүртгүүлэхээс 258 хүүхдийн элсэлт батлагджээ.
Иймд эцэг эх, асран хамгаалагч та бүхнийг цахим бүртгэлдээ амжиж бүртгүүлэхийг уриалж байна.