Тогооч нарын ур чадварын тэмцээн боллоо
Монголын үндэсний болон орон нутгийн онцлогтой хоол, ундааг сурталчлан таниулж, түгээн дэлгэрүүлэх, салбарын ажилчдын ур чадвар, чадамжийг дээшлүүлэх, туршлага солилцох, иргэдэд эрүүл орчинд эрүүл хоол, хүнсээр үйлчлэх үйлчилгээг сайжруулах зорилгоор дүүрэгт үйл ажиллагаа явуулж байгаа ресторан, баар, кафе, цайны газар, кофе шоп, цэцэрлэг, сургууль, аялал жуулчлалын байгууллагууд, үйлдвэр, албан газрын дэргэдэх цайны газрын тогооч нарын дунд “ЭРҮҮЛ ЗӨВ ХООЛЛОЛТ, УР ЧАДВАР-2023” тэмцээнийг ЗДТГ, Монголын тогоочдын холбоо болон дүүргийн салбар зөвлөл хамтран зохион байгууллаа.
Тэмцээний шүүгчдээр Монголын мастер тогоочдын холбооны ерөнхийлөгч МУ-ын үйлчилгээний гавьяат ажилтан, зөвлөх инженер мастер тогооч Д.Буяндэлгэр, Монголын мастер тогооч нарын холбооны гүйцэтгэх захирал, ОХУ-ын дорнод сибирийн технологи удирдлагын их сургуулийн Улаанбаатар дахь салбарын дэд захирал, эдийн засгийн ухааны доктор, профессор С.Нарангэрэл, Багануур рестораны ахлах тогооч Ү.Батдэлгэр, Д.Хишигбаяр, БЗӨБЦТСүлжээ ТӨХК-ийн ахлах тогооч Б. Ариунаа, ХХҮХ-ийн дарга Б.Бямбацэцэг нар ажилласан юм.
Мөн тогооч нарын аюулгүй ажиллагаанд Нийслэлийн Хүнс, хөдөө аж ахуйн газрын Хүнсний чанар, стандартын хяналтын улсын байцаагч А.Хулан хяналт тавьж ажиллалаа.
Тэмцээнд 241-р цэцэрлэг, 193-р цэцэрлэг, 142-р цэцэрлэг, 132-р цэцэрлэг, 139-р цэцэрлэг, Гүн галуутай цогцолбор сургуулийн цайны газар, ХЦ-2052-р анги, Багануур сувилал ХХК, Хишиг-Уул ХХК, Гэр хүрээ зэрэг нийт 10 байгууллагын 24 ахлах болон туслах тогооч нар өөрсдийн туршлага, ур чадвараа харуулан, өрсөлдлөө.
- Иж бүрдэл төрөлд:
1-р байр ХЦ-0252 анги (Алтан медаль, цом)
2-р байр 132-р цэцэрлэг
3-р байр 193-р цэцэрлэг
3-р байр 241-р цэцэрлэг
Тусгай байр ГГЦС, 142-р цэцэрлэг,139-р цэцэрлэг
2.Баар, рестораны төрөлд:
1-р байр Оноо хүрээгүй
2-р байр “Гэрээ хүрээ” зоог тогооч Н.Чойжилнамнан
2-р байр Багануур сувилал ХХК-ийн “Уурхайчин зоог” тогооч Г.Даваажаргал
3-р байр Багануур сувилал ХХК-ийн “Уурхайчин зоог” тогооч С.Отгонтуяа
Тусгай байр Багануур сувилал ХХК-ийн “Сувилал зоог” тогооч Т.Ариунчимэг, Хишиг Уул ХХК-ийн “Анхилуун” рестораны тогооч М.Цэцэгмаа
- Хар хайрцаг багийн төрөлд:
1-р байр: Багануур сувилал ХХК-ийн “Уурхайчин зоог” (Алтан медаль, цом)
2-р байр “Гэрээ хүрээ” зоог
3-р байр Багануур сувилал ХХК-ийн “Сувилал зоог” тус тус шалгарлаа.
“ЭРҮҮЛ ЗӨВ ХООЛОЛТ, УР ЧАДВАР-2023” тэмцээнийг дэмжин хамтран ажилласан дүүргийн ИТХ-ын төлөөлөгч, Багануур сувилал ХХК-ийн захирал О.Батмөнх, “M” лоунж, Уран хийц, ЖДҮДТ-ийн оёдлын цех Н.Отгоням, Багануур залуус төвийн “Soko” салон, Бэрс финнас ББСБ-ын хамт олондоо талархал илэрхийлье.
Цэрэг спортын дөл тоглолт боллоо
Монгол Улсын Засгийн газрын 2019 оны 200 дугаар тогтоолоор баталсан “Хүүхэд, залуучуудад эх оронч үзэл төлөвшүүлэх үндэсний хөтөлбөр”, Монгол Улсын Ерөнхийлөгчийн Тамгын газар, Монгол цэргийн нэгдсэн холбооноос санаачилсан “Бидний бахархал” төслийг хэрэгжүүлэх арга хэмжээний хүрээнд дүүргийн Засаг дагрын нэрэмжит цэрэг-спортын “Дөл-2023” цогцолбор тэмцээнийг Ерөнхий боловсролын сургуулийн ахлах ангийн сурагчдын дунд 2023 оны 05 дугаар сарын 07–ны өдөр зохион байгууллаа.
Тус тэмцээний нээлтийн арга хэмжээнд дүүргийн Засаг дарга С.Даваасүрэн, Засаг даргын Тамгын газрын Цэргийн штабын дарга, хурандаа З.Майдар, Боловсролын хэлтсийн дарга Н.Алтансүх, Гэр бүл, хүүхэд залуучуудын хөгжлийн хэлтсийн дарга Т.Хашлянхуа, “Гүн галуутай”, “Боловсрол” , “Оюуны эрин” цогцолбор сургуулиудын удирдлага, баг тамирчид оролцлоо.
Нээлтийн арга хэмжээний үеэр дүүргийн Гэр бүл, хүүхэд залуучуудын хөгжлийн хэлтсээс тэмцээнд оролцож байгаа баг тамирчдад гарын бэлэг гардуулан өгч, амжилт хүссэн юм.
Цэрэг-спортын “Дөл-2023” цогцолбор тэмцээн жагсаал, гардан тулааны үзүүлэх тогтлолт, нормативын бэлтгэл, тасгийн гүйлт, тасгийн захирагч нарын тэмцээн гэсэн төрлөөр баг тамирчид хурд хүч, авхаалж самбаагаа сорин өрсөлдөж, шилдэгүүдээ шалгарууллаа.
– Шилдэг эмэгтэй тамирчнаар “Боловсрол” цогцолбор сургуулийн 11-1 ангийн сурагч Г.Мөнхжин;
– Галын бэлтгэлийн аварга тамирчнаар “Боловсрол” цогцолбор сургуулийн 12-2 ангийн сурагч Б.Золбоо;
– Гранат шидэлтийн нормативын аварга тамирчнаар “Гүн галуутай” цогцолбор сургуулийн 11-4 ангийн сурагч Б.Бадамдорж;
– Шилдэг тасгийн захирагчаар “Боловсрол” цогцолбор сургуулийн 12-4 ангийн сурагч Л.Энхболд нар шалгарч бусдыгаа манлайлсан юм.
Мөн тэмцээний нийлбэр дүнгээр “Гүн галуутай” цогцолбор сургуулийн “Шонхор” тасаг “Тэргүүн” байр, “Боловсрол” цогцолбор сургуулийн “Соёмбо-4” тасаг “дэд” байрт тус тус шалгарч, өргөмжлөл, алт, мөнгөн медаль, мөнгөн шагналын эздээр тодорлоо.
Тэмцээнд баг тамирчдыг амжилттай бэлтгэж, оролцуулсан сургуулийн удирдлага, багш дасгалжуулагч, эцэг эх, ар гэрийн төлөөлөл болон дэмжлэг үзүүлж, хамтран ажилласан дүүргийн Засаг дарга, ЗДТГ, Хилийн цэргийн 0252 дугаар анги, Гэр бүл, хүүхэд залуучуудын хөгжлийн хэлтэс, Боловсролын хэлтсийн удирдлага, хамт олонд талархал илэрхийлье.
Өнөөдөр шөнө автозам түр хугацаагаар хаагдана
Дүүргийн хэмжээнд 3000м2 автозам эвдрэлд орсон бөгөөд зам хөрөөдөх ажлууд үндсэндээ дуусах шатандаа орж, өнөөдрөөс төв автозамын нүхэн эвдрэлийг засварлах ажил хийгдэж байна. Ойрын хугацаанд эмнэлгийн уулзварыг бүрэн асфальтаар хучих ажил хийгдэж, бусад автозамын эвдрэлийг засварлах ажил үргэлжилнэ.
Тэгвэл өнөө шөнө буюу 5-р сарын 07-08-нд шилжих шөнө Шунхлай ШТС-ын гүүрний хэсгийн автозамыг сэтэлж, ус, дулааны шугамын холболтын ажил хийгдэх тул тухайн хэсгийн автозамаар зорчих боломжгүй болно.
Иймд жолооч та бүхэн шаардлагатай тохиолдолд үерийн далангаар нэвтрэх болохыг анхаарна уу.
