Өнөөдөр нийтийн эзэмшлийн зам талбайн цэвэрлэгээг 57 үйлчлэгч хариуцан ажиллаж байна
Дүүргийн хэмжээнд нийтийн эзэмшлийн замын цэвэрлэгээ үйлчилгээг “Багануур тохижилт” ААТҮГ-ын 57 үйлчлэгч хариуцан ажиллаж байна.
Онцгой байдлын хэлтсийн алба хаагчид энэ онд 181 эрдэнэт хүний амь насыг авран хамгаалжээ
Багануур дүүргийн Онцгой байдлын хэлтсийн хамт олон 2024 онд дүүргийн хэмжээнд аврах ажиллагааны 70, гал түймрийн 32, нийт 102 удаагийн дуудлага мэдээллээр алба хаагчид үүрэг гүйцэтгэж, 181 эрдэнэт хүний амь нас, 906 сая төгрөгийн өмч хөрөнгийг хамгаалж ажиллажээ.
Нийслэлийн Онцгой байдлын газраас 2024 онд дэвшүүлсэн зорилтоо хэрэгжүүлэх, төрийн үйлчилгээг иргэд, аж ахуйн нэгж, байгууллагад түргэн шуурхай чанартай хүргэхэд идэвх санаачилга гарган ажиллаж, ажил үйлсээрээ тэргүүлсэн тэргүүний хамт олныг шалгаруулахад Дэд хурандаа Г.Батжаргал даргатай Багануур дүүргийн онцгой байдлын хэлтсийн хамт олон “Спортын тэргүүний хамт олон”-оор, шилдэг алба хаагчаар бичиг хэрэг, архивын эрхлэгч, Ахлах ахлагч Э.Мөнгөнзаяа, шилдэг гал сөнөөгчөөр Гал түймэр унтраах, аврах 64 дүгээр ангийн гал сөнөөгч, Ахлагч Э.Буяннэмэх нар тус тус шалгарчээ.
Шилдэг хамт олонд баяр хүргэж, цаашдын ажил үйлст нь амжилт хүсье.
Багануур дүүрэг 28.22 км үерийн хамгаалалтын бетон сувагтай
Үерийн далан суваг нь хөрсний уснаас үүссэн халиа дошин болон хаврын дулаарлын үед уулын гуу жалга, сайрын цас, мөс хайлж, уруйн үер үүсэхээс урьдчилан сэргийлж иргэдийн амь нас, эрүүл мэнд, эд хөрөнгийг болзошгүй үерийн эрсдлээс хамгаалж байдаг.
Дүүргийн хэмжээнд үерийн хамгаалалтын бетон суваг 21.8 км, авто зам дагуух ус зайлуулах суваг 7.02 км, шороон далан 1.2 км,гудамжинд 19 байршилд буюу нийт 28.22 км бетон сувагтай. Тус сувагт ахуйн хог хаягдал, үнс нурам, угаадас зэргийг хаяснаас болж үер болох эрсдэлийг нэмэгдүүлж байдаг тул үерийн хамгаалалтын далан сувагт хог хаягдал хаяхгүй байхыг зөвлөж байна.
Хог хаясан тохиолдолд зөрчлийн тухай хуульд зааснаар хог хаягдлыг дэд бүтцийн шугам хоолой, эсхүл нийтийн эдэлбэр газар, ногоон бүс, үерийн далан сувагт хаясан бол учруулсан хохирол, нөхөн төлбөрийг гаргуулж хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно.
Батарей хуримтлуурын станц бүрэн хүчин чадлаараа ажиллаж эхэллээ
Багануурын 50МВт/200МВт.ц хүчин чадалтай батарей хуримтлуурын станц өчигдрөөс бүрэн хүчин чадлаараа ажиллаж 50МВт цахилгаан эрчим хүчийг нэгдсэн сүлжээнд нийлүүлж эхэллээ. Энэ үед оргил ачаалал системийн хэмжээнд 1593МВт хүрсэн байна.
Энэхүү батарей хуримтлуурын станц нь нийслэлийн хэмжээнд нийт ачааллын 3%-г хангаж, ойролцоогоор 25,000 орчим айл өрхийг цахилгааны тасалдлаас сэргийлэх юм.
Дэлхийн рекордыг шинэчилсэн О.Наранзулдаа халуун баяр хүргэе
Турк улсад зохион байгуулагдсан 33 дахь удаагийн Ой тогтоолтын дэлхийн аварга шалгаруулах тэмцээн 3 өдөр үргэлжилж амжилттай өндөрлөлөө.
Энэхүү тэмцээнд Олон Улсын Их Мастер О.Наранзул (15 нас) 60 минутад 37,5 багц буюу 1968 ширхэг хөзөр цээжлэн алдаагүй санаж өсвөрийн #дэлхийн_рекордыг шинэчлэн тогтоожээ.
Ингэснээр Олон Улсын Их Мастер цолны болзол хангаад байгаа юм.
Монгол Улсын нэрийг дэлхийд гаргасан О.Наранзулдаа халуун баяр хүргэж амжилт хүсье.
Оюуны Эрин сургууль “Шар дарцаг” аяны шилдгээр шалгарчээ
Нийслэлийн Засаг даргын Тамгын газраас санаачлан замын хөдөлгөөнд оролцогчийн аюулгүй байдлыг хангах, хүүхдийг гэмт хэрэг, зөрчилд өртөхөөс урьдчилан сэргийлэх, хохирогч болох эрсдэлийг бууруулах, зөв дадал хэвшлийг бий болгох зорилгоор “Шар дарцаг” аяныг өрнүүлж, шилдгүүдийг шалгаруулжээ.
Энэхүү аянд нийслэлийн 9 дүүргийн ЗДТГ, нийслэлийн Боловсролын газар, нийслэлийн Цагдаагийн удирдах газар болон Тээврийн цагдаагийн алба хамтран ажилласан бөгөөд уг арга хэмжээнд нийслэлийн ерөнхий боловсролын 281 сургуулийн 10,256 бүлгийн 340,069 хүүхэд, 684 цэцэрлэгийн 3,540 бүлгийн 85,119 хүүхэд хамрагдсан юм.
“Шар дарцаг”-ийг хэрэглэж хэвшүүлэхэд хүүхэд, эцэг, эх, асран хамгаалагч нарын оролцоог хангаж, идэвх, санаачилга гарган шилдгээр шалгарсан Оюуны Эрин сургуулийн хамт олонд баяр хүргэе.
СӨХ-ын удирдлагуудыг оршин суугчидтай уулзалт хийж, үр дүнтэй ажиллахыг чиглэл болголоо
Багануур дүүргийн менежер Б.Бямбацэцэг дэд бүтцийн байгууллагуудын удирдлагууд, СӨХ-ын дарга нартай хуралдаж, 2024-2025 оны өвөлжилтийн бэлтгэл бэлэн байдал болон цаг үеийн мэдээллийг хүргэж, санал солилцлоо.
Хурлын үеэр дэд бүтцийн байгууллагуудыг Дүүргийн Засаг даргын 2024-2028 оны үйл ажиллагааны хөтөлбөрт оруулах саналаа хугацаандаа ирүүлэх, СӨБ-ны удирдлагуудыг харьяа нийтийн зориулалттай орон сууцанд амьдарч буй оршин суугчдын амьдрах орчныг сайжруулахад анхаарч санаачилгатай ажиллахыг чиглэл болголоо.
Хурлын төгсгөлд Багануур дүүргийн менежер Б.Бямбацэцэг ирэх 14 хоногт дараах ажлуудад анхаарч ажиллахыг үүрэг болголоо.– Нийтийн эзэмшлийн гудамж талбайн эвдрэлтэй, өнгө үзэмжгүй эд хөрөнгө, байгууламжуудад явуулсан үзлэг судалгааны хүрээнд эвдрэл гэмтлийг засварлах, ашиглагч, хариуцагч байгууллагуудад эзэнжүүлэх, 2025 оны төсөвт арчлалтын зардлыг шийдвэрлэх чиглэлээр анхаарч, төлөвлөгөө гаргаж, зохион байгуулалтын арга хэмжээ авч ажиллах
– Автобусны зогсоолуудын арчлалт, цэвэрлэгээг нэмэгдүүлэх
– Шинэ жилийн баярыг угтаж гудамж талбай, барилга байгууламжийн гэрлэн чимэглэлийг нэмэгдүүлэх, гоёлын болон гацуур модыг чимэглэх гэх мэт хотын өнгө төрхийг нэмэгдүүлэхэд чиглэсэн ажлуудыг зохион байгуулах
– Хөшөө дурсгал, гэрэлтүүлгийн гэрлэн чимэглэлийг засварлах, бүрэн асаах, хэвийн найдвартай ажиллагааг хангуулах
– Нийслэлээс эргэн төлөлтийн нөхцөлтэйгөөр олгосон тусгай зориулалтын машин механизмуудад улсын дугаар авах, ашиглагч байгууллагуудтай гэрээ байгуулах, жолооч нарыг сургалтад хамруулах ажлыг зохион байгуулж эцэслэх
– Зам талбайн цэвэрлэгээ, хог тээвэрлэлтэд ажиллаж буй GPS төхөөрөмжтэй болон цаашид нэмж суурилуулах шаардлагатай машин техникүүдийн тоон судалгааг гаргаж цаашид цэвэрлэгээ, тээвэрлэлтийн машинд суурилуулсан GPS-ээр болон хяналт камер, UB-инженеринг систем ашиглан 1 цэгээс харах, хянах санал, шийдлийг судалж танилцуулах
– Иргэн, ААНБ, СӨХ-оор орчны 50 метр дэх хариуцсан талбайн цас цэвэрлэгээг тогтмол хийлгэх, хэсгийн ахлагч, олон нийтийн байцаагч нарыг хяналтаар ажиллуулж сүлжээ дэлгүүрүүд, зах, худалдааны төвүүдийн орчны цэвэрлэгээг хийлгэх, халтиргаа гулгаанаас хамгаалсан наалт байршуулах, орчны аюулгүй байдлыг хангуулах
– Хяналт шалгалтыг хэрэгжүүлэх эрх бүхий байгууллагууд томоохон зах болон худалдаа үйлчилгээний төвүүдийн цас цэвэрлэгээний багаж хэрэгсэл, хүн хүч, дотоод зохион байгуулалтын байдалд хамтарсан үзлэг шалгалт явуулах
Дүүргийн Засаг даргын 2024-2028 оны үйл ажиллагааны хөтөлбөр, 2025 оны газар зохион байгуулалтын төслийг боловсруулж дуусгахыг чиглэл болголоо
Дүүргийн удирдах ажилтнуудын шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 9 үүрэг даалгавар 96,6 хувьтай хэрэгжжээ.
Багануур дүүрэг дэх Цагдаагийн хэлтсээс “Телеграм” платформ ашиглан үйлдэгдэж буй залилах гэмт хэргийн гаралт ихсэж байгаатай холбогдуулан цахим гэмт хэргийн хохирогч болохоос урьдчилан сэргийлэхийг анхаарууллаа.
Мөн дүүргийн Насан туршийн суралцахуйн төвөөс төрийн албан хаагчид болон иргэдийн дунд “Үндэсний бичиг-Өв соёл” нөлөөллийн аяныг зохион байгуулсан ба тус аянд шилдгээр шалгарсан байгууллагуудад шагналыг гардуулсан юм.
Хуралдааны төгсгөлд дүүргийн Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.– Хөрөнгө оруулалт, бүтээн байгуулалтын хүрээнд хийгдэх төсөл, арга хэмжээний газар чөлөөлөлтийн бэлтгэл ажлыг сайтар хангах
– Нийтийг хамарсан баярын арга хэмжээний үеийн хэв журмыг сахиулах, бэлэн байдлыг хангах, гэмт хэрэг зөрчлөөс урьдчилан сэргийлэх ажлыг зохион байгуулах
– Авто тээврийн шалган бүртгэх товчоо, маршрутын бус замаар Улаанбаатар хот руу түүхий нүүрс нэвтрүүлэхгүй, сайжруулсан шахмал түлш гаргахгүй байхад онцгой анхаарч, хяналт шалгалтыг тогтмол зохион байгуулж, товчоодод тусгай зориулалтын Сканер авах ажлыг зохион байгуулах
– Хот нийтийн аж ахуйн нэн шаардлагатай байгаа машин, тусгай тоног төхөөрөмжийн жагсаалтыг гаргаж, танилцуулах
– Замын хөдөлгөөний дүрэм, журам зөрчиж торгуулиа төлөөгүй, тээврийн хэрэгслийн үзлэг оношилгоонд ороогүй, татвар, даатгалд хамрагдаагүй болон хөдөө, орон нутгийн дугаартай тээврийн хэрэгслүүдийг төлбөр төлүүлэх, олон нийтэд мэдээлэх ажлуудыг шуурхай зохион байгуулах
– Хоол үйлдвэрлэл, үйлчилгээ эрхэлж буй аж ахуйн нэгж, байгууллагуудын үйл ажиллагааг дэмжиж, хэрэгжилтэд хяналт тавьж ажиллах
– Өвөлжилтийн бэлтгэл ажлын хүрээнд инженерийн хангамж, шугам тоноглолын найдвартай ажиллагааг хангаж, шуурхай ажиллах бригадыг бэлэн байлгаж, хэрэгжилтэд хяналт тавьж ажиллах
– Явган замын цэвэрлэгээний ажлыг зохион байгуулах
-2024 оны төсвийн гүйцэтгэл, төлөвлөгөөний биелэлтэд анхаарч ажиллах
-Оны шилдэг шалгаруулах журамд заагдсаны дагуу ААНБ-ууд хугацаандаа материалаа ирүүлэх
-Хөрөнгө оруулалтын сонгон шалгаруулалтыг яаралтай зарлаж дуусгах
– Дүүргийн Засаг даргын 2024-2028 оны үйл ажиллагааны хөтөлбөр болон 2025 оны газар зохион байгуулалтын төслийг боловсруулж дуусгах
-Цас цэвэрлэгээний хуваарийг нягталж, дахин батлуулах
-Мал тооллого эхлэхтэй холбоотойгоор ААНБ-ууд машин техникээр хангаж ажиллах
-Төсвийн уулзалтыг салбар бүрээр зохион байгуулах
Хуулийн хэрэгжилтийн үр дагаврын үнэлгээний тайлан
БАГАНУУР ЗАСАГ ДАРГЫН ТАМГЫН ГАЗРЫН ХУУЛЬ ТОГТООМЖ, ТОГТООЛ ШИЙДВЭРИЙН ХЭРЭГЖИЛТ
Хуулийн хэрэгжилтийн үр дагаврын үнэлгээний тайлан