255
Мэдээг хэвлэх
Дүүргийн удирдах ажилтнуудын ээлжит шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 13 үүрэг даалгавар өгсөн нь 93 хувьтай хэрэгжжээ.
Дүүргийн Онцгой байдлын хэлтсээс үер, усны аюулаас урьдчилан сэргийлэх ажлын хүрээнд дүүргийн үерийн эрсдэлийн ерөнхий үнэлгээг хийж ажилласан бөгөөд эрсдэлийн дүн 5.6 буюу дунд үнэлэгджээ.
Багануур дүүрэг дэх Цагдаагийн хэлтсээс дүүрэгт явган хүний зам болон ногоон байгууламж дээр тээврийн хэрэгслийг байршуулдаг иргэдийг эхний удаад сануулах, зөрчлийг арилгах талаар утсаар зөвлөмж өгч, удаа дараа зөрчил гаргасан 15 жолоочийг 300,000 төгрөгөөр хариуцлага тооцон ажилласан байна. Мөн дүүргийн Тээвэр зохицуулалтын албатай хамтран түр ба удаан зогсохыг хориглосон газарт тээврийн хэрэгслээ байрлуулсан жолооч нарын тээврийн хэрэгслийг түр саатуулах, зөөж шилжүүлэх ажлыг зохион байгуулан ажиллаж байгаа юм.
ИТХ-ын Зохион байгуулалтын хэлтсийн дарга Б.Соёл-Эрдэнэ- ИТХ-ын ээлжит XXXII хуралдаанаар хэлэлцсэн 9 асуудлын дэлгэрэнгүй мэдээллийг хүргэлээ.
Хуралдааны төгсгөлд дүүргийн Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.
-Нийслэлийн төсвийн орлого бүрдүүлэх ажлыг эрчимжүүлж, орлого бүрдүүлэхэд зохион байгуулалтын арга хэмжээг зохион байгуулж ажиллах
-Нийслэлийн Засаг даргад авто замын хучилтын асуудлыг тооцоолж албан бичгээр хүргүүлэх
-Ерөнхий төлөвлөгөөний дагуу хэсэгчилсэн төлөвлөлтийн зураг төслийг хийлгэх бэлтгэл ажлыг хангах
-Хиймэл оюун ухаанд суурилсан технологи бүхий гуравдагч орны телекамерийн судалгааг яаралтай гаргаж танилцуулах
-Явган замын хавтан үйлдвэрлэлийг эрчимжүүлж, наадмын талбай болон бусад бүтээн байгуулалтад шаардлагатай хавтанг үйлдвэрлэх, тохижилтын ажлыг эрчимжүүлж дуусгах
-Мод,бут сөөгийг хэлбэржүүлэх ажлыг эрчимжүүлж ажиллах
-Нутаг дэвсгэрт зөвшөөрөлгүй барилгын хог хаясан болон хог хаягдал үүсдэг байршлуудад хяналтын камер суурилуулах ажлыг судалгаа тооцоололтой зохион байгуулж, төсвийг танилцуулж ажиллах
-БНХАУ-ын их дээд сургуулиудад оюутан элсүүлэх сонгон шалгаруулалтыг зохион байгуулах
-БНЭУ-ын Макс эмнэлгийн эмч нартай энэ сарын 7-ны өдөр хамтран ажиллаж, шаардлагатай оношилгоо, зөвлөгөө авах иргэдэд үйлчлэх ажлыг зохион байгуулах
-Хог хаягдлыг цагийн хуваарийн дагуу ачиж тээвэрлэх ажлыг зохион байгуулах, хэрэгжилтэд хяналт тавьж ажиллах
-Нийтийн эзэмшлийн гудамж, зам талбайд зөвшөөрөлгүй гар дээрх худалдаа үйлчилгээг цэгцлэх ажлыг зохион байгуулах
-Соёл урлагийн байгууллагын хувцас, хэрэглэлийн асуудлыг шийдвэрлэх
-Зайлшгүй шаардлагатай зураг төслийн ажлын саналыг боловсруулж танилцуулах
-Хороодын хилийн цэсийг шинэчлэх ажлын хэсгийг батлуулж, холбогдох ажлыг хийж, Нийслэлийн ИТХ-д өргөн барих ажлыг гүйцэтгэх
-Төрийн үйлчилгээг алслагдсан малчин иргэдэд хүргэх зорилгоор өндөр хурдны Старлинк худалдан авах ажлыг судалж танилцуулах
-Автозамын их засварын ажлын хучилтыг яаралтай хийж, ашиглалтад оруулах, замын хөвөө хэсгүүдийн тэгшилгээ цэвэрлэгээг хийж дуусгах
-Орон сууцны дундах автозамын засварын ажлыг эвдрэл ихтэй хэсгүүдэд эхлүүлэх
-Нохой муурны устгалыг чанартай хийх, хороод хүүхэд, иргэдэд аюул эрсдэл учруулж байгаа эзэнтэй нохойг устгахад онцгой анхаарах
-Гэрэлтүүлгийн шонгийн угсралтыг эхлүүлэх
-Энэ сарын 7-ны өдөр 100 ортой хүүхдийн цэцэрлэгийг ашиглалтад хүлээн авах нээлтийг зохион байгуулах
-Хөгжлийн бэрхшээлтэй иргэдийн төвийн тавилга, эд хогшил, тоног төхөөрөмжийг хүлээн авах ажилд сайтар хяналт тавьж, үйл ажиллагааг эхлүүлэх бэлтгэлийг хангах
-Хорих ангийн захиалгатай орон сууцны барилгын цонх,хаалганы хэсгүүдийг дахин битүүлэх, суурийн шороог гараар тэгшлүүлэх ажлыг яаралтай хийж дуусган эрсдэлийг арилгах арга хэмжээг авч хэрэгжүүлэх
Хуваалцах
Жиргэх