351
Мэдээг хэвлэх
Багануур дүүргийн Онцгой комиссын 2025 оны 06 дугаар сарын 24-ний өдрийн хуралдаанаар
-Улаан бурхан өвчний нөхцөл байдал, цаашид авч хэрэгжүүлэх арга хэмжээ,
-Үер усны аюулаас урьдчилан сэргийлэх /далан шуудуу, усны гаргалгааны хэвийн үйл ажиллагааг хангаж ажилласан талаар,
Ой хээрийн түймрийн нөхцөл байдлын талаар авч хэрэгжүүлсэн арга хэмжээ,
Өвөлжилтийн бэлтгэл ажлын нөхцөл байдлын талаар тус тус хэлэлцлээ.
Багануур дүүргийн хэмжээнд өнөөдрийн байдлаар Улаанбурхан өвчин батлагдсан тохиолдол 160, эдгэрсэн 79, гэрээр эмчлэгдэж байгаа 74, эмнэлэгт 8 хүүхэд байгаа ба үүнээс дархлаажуулалт хийлгэсэн 1 тунтай 11, 2 тунтай 71, вакцингүй 66, вакцины нас болоогүй 12 хүүхэд байгаа талаар мэдээллийг ЭМТ-ийн дарга Г.Батбаатар хэллээ.
Багануур тохижилт ААТҮГ нь Тогос уул хэсгийн араас Хуцаагийн далантай нийлсэн 6.1м Хуцаагийн эх далангаас Нугын тал хүртэлх 30м бетонон , 1.2м шороон далан мөн 700-н 14метр 20 худагт үзлэг шалгалт хийжээ. Хуцаа, Рашаант, Хэрлэн, Тогосуул, Байдлаг, Жаргалант, Нарийны шинэ үерийн хамгаалалтын далангууд, Нарийн, Багагүн, их гүн, Байдлаг хэсгүүдийн шуудууны 12 м/куб хог, бетонон шуудууны түүвэр хогийн цэвэрлэж 7м/куб хогийг цэвэрлэжээ. Дүүргийн төв зам дагуух ус зайлуулах лотки, зогсоолын ус зайлуулах трафийн цэвэрлэгээг хийсэн. Мөн бетонон далан цэвэрлэсэн шуудууг сэргээн засварлажээ.
Өвөлжилтийн бэлтгэж ажлын хүрээнд дэд бүтцийн байгууллагуудын хүндрэлтэй асуудлын талаар Дүүргийн менежер Д.Дэмчигжав мэдээлэл хийсэн. Холбогдох байгууллагуудын хувьд өвөлжилтийн бэлтгэл ажлыг хангаж ажиллахаас гадна цаг үеийн байдалтай холбоотой ажлуудыг тухай бүрд хийж байна.
Дүүргийн Засаг дарга, Онцгой комиссын дарга С.Даваасүрэн:
-Улаанбурхан өвчний тандалт, дархлаажуулалт, урьдчилан сэргийлэх арга хэмжээний бэлэн байдлыг хангуулах, эрүүл мэндийн төвүүдийн хүний нөөц, эм, эмнэлгийн хэрэгслийн судалгааг гаргуулан шаардлагатай хөрөнгийг шийдвэрлэх;
Хүүхдийн зуслан, халамжийн газар, хүүхдийн сувиллуудад хяналт шалгалт зохион байгуулж, хүүхдийг дархлаажуулах, халдвар тархах эрсдэлээс сэргийлэхэд анхаарч ажиллах,
Дархлаажуулалтад хамрагдаагүй хүүхдүүдийн судалгааг шинэчлэн гаргах, хамруулах зорилгоор, айл, өрхүүдэд мэдээлэл хүргэх ажлыг “Хаалганаас хаалганд” зарчмыг баримтлан зохион байгуулах, гэрийн эргэлт, хяналтыг идэвхжүүлэх;
Улаанбурхан өвчнөөс урьдчилан сэргийлэх, хариу арга хэмжээ, дархлаажуулалтын талаарх мэдээллийг 7 хоног тутамд Нийслэлийн Эрүүл мэндийн газарт ирүүлж, мэдээ, мэдээллээр хангаж ажиллах.
Улаанбурхан өвчнөөс урьдчилан сэргийлэх, дархлаажуулалтын ач холбогдол, үүсэж болох эрсдэлийн талаар зөвлөгөө, зөвлөмж, сэрэмжлүүлгийг хэвлэл мэдээлэл, олон нийтийн хэрэгслээр иргэдэд өргөн хүрээнд хүргэх ажлыг зохион байгуулах.
Товлолт дархлаажуулалтаас хоцорсон 0-15 насны хүүхдүүдийн судалгааr шинэчлэн гаргаж, дархлаажуулалтад хамруулах, 6-8 сартай хүүхдийн нэмэлт дархлаажуулалтыг эрчимжүүлэн 2025 оны 07 дугаар сарын 10-ны өдрөөс өмнө 95 хувьд хүргэх ажлыг зохион байгуулах;
Хичээлийн шинэ жил эхлэхэд улаанбурхан өвчний тархалт нэмэгдэхээс урьдчилан сэргийлэх арга хэмжээг хэрэгжүүлж, ерөнхий боловсролын сургууль, цэцэрлэгт суурилсан дархлаажуулалтын ажлыг зохион байгуулан, багш, сурагчдыг бүрэн хамруулах;
Боловсролын байгууллагаар дамжуулан эцэг эх, хүүхдүүдэд дархлаажуулалтын талаарх зөв ойлголт, мэдээллийг хүргэх ажлыг эрчимжүүлэх.
Цаг агаарын урьдчилсан мэдээлэлд тулгуурлан үерийн аюулаас урьдчилан сэргийлэх, хэт халалт, хуурайшилтын улмаас газрын хөрс борооны усыг шингээхгүй уруйн үер болох эрсдэлийг тооцож, мэргэжлийн байгууллагын хүн хүч, техник хэрэгслийн бэлтгэл, бэлэн байдлыг хангуулах;
Хэт халалтын улмаас өндөр настан, хүүхэд багачууд, иргэдийн эрүүл мэндийг хамгаалах, урьдчилан сэргийлэх ажлыг эрчимжүүлж иргэд, олон нийтэд сэрэмжлүүлэх.
Үерийн далан сувгийн үзлэгийг зохион байгуулан хог хаягдлыг цэвэрлэн, ус нэвтрүүлэх нөхцөлийг нэмэгдүүлж, хэвийн ажиллагааг хангуулах.
Цаг агаарын хэт халалт, хуурайшилтын үед ногоон бүсэд иргэд олноор амарч, аялж байгаатай холбогдуулан эргүүл, хяналт шалгалт хийж, сэрэмжлүүлэг мэдээллийг иргэд, олон нийтэд өргөн хүрээнд хүргэж, ой, хээрийн гал түймрээс урьдчилан сэргийлэх ажлыг зохион байгуулахыг тус тус үүрэг болголоо.
Хуваалцах
Жиргэх