69 хуудас – Багануур

314615635_509410204557161_7167583232995180831_n

Дүүргийн хүүхдүүд нийтийн тээврээр үнэгүй зорчино

11 сар 9 2022 Мэдээ мэдээлэл, Онцлох superadmin

Сургуулийн бүсэд аюулгүй байдлыг бүрэн хангасан стандарт нэвтрүүлж, сурагчдыг нийтийн тээврээр үнэ төлбөргүй зорчих асуудлыг дүүргийн Засаг дарга бүрэн шийдвэрлэж, маргаашаас буюу 11-р сарын 09-ний өдрийн өглөөнөөс дүүргийн доторх автобуснууд батлагдсан хуваарийн дагуух маршрутаар хүүхдүүдэд үнэ төлбөргүй үйлчилж эхэллээ.

Мөн түүнчлэн дэлхийн хотуудын хүүхэд багачууд сургуульдаа зорчдог, олон улсын стандартад нийцсэн “ШАР” АВТОБУС-ыг Нийслэлийн хөрөнгө оруулалтаар шийдвэрлэн “Оюуны Эрин” цогцолбор сургуульд хүлээлгэн өгсөн юм.

Бичиг баримтын бүрдүүлэлт бүрэн дууссан тул маргааш буюу 11-р сарын 09-ний өдрийн өглөөнөөс эхлэн 16 чиглэлд сурагчдад үнэ төлбөргүй үйлчлэх боломжтой боллоо.

Цагийн хуваарь, маршрутыг

харна уу.

315001715_509386327892882_6207918164541913785_n

Сар хиртэлт боллоо

11 сар 8 2022 Мэдээ мэдээлэл, Онцлох superadmin

Өнөөдөр сарны бүтэн хиртэлт 17:16 цагаас эхэлсэн бол 21:56 цаг хүртэл үргэлжилнэ.

Нар, дэлхий, сар гурав нэг шугамд зэрэгцэн сар дэлхийн сүүдэрт бүтнээрээ орох үзэгдлийг сарны бүтэн хиртэлт хэмээн нэрлэдэг. Энэ нь маш ховор үзэгдэл юм.

Өнөөдөр болж буй сарны бүтэн хиртэлт дараагийн гурван жилд тохиохгүй сарны бүтэн хиртэлт юм. Дараагийн сарны бүтэн хиртэлт 2025 оны 03-р сарын 24-ны өдөр тохиолоо.

314375593_508507817980733_2146248263173718218_n

Нийслэлийн ардын өв соёл тээгч урчуудын үзэсгэлэнд Багануураа төлөөлөн оролцож байна

11 сар 8 2022 Мэдээ мэдээлэл, Онцлох superadmin

Соёлын яам, Нийслэлийн ЗДТГ, Нийслэлийн ЖДҮҮДТ хамтран “Соёлын бүтээгдэхүүн үйлдвэрлэгч уламжлалт гар урлалыг дэмжих хөгжүүлэх боломж, шийдэл-2022” цогц арга хэмжээг зохион байгуулж, өнөөдөр нээлтээ хийлээ.

Тус арга хэмжээнд Монгол хувцас, арьс ширэн урлал, зээгт наамал, уламжлалт оёдол, ноолууран зулмал зураг, мужаан, дархчуудын урлал зэрэг Монголчуудын өв уламжлалт гар урлалын бүтээгдэхүүний дахин давташгүй ховор нандин дээжийг танилцуулан, сурталчилж байна.

Манай дүүргийг төлөөлж авдар урлаач Г.Одбаяр, даалин урлаач Н.Ганцэцэг, метал сийлбэр, хөөрөг урлаач Б.Бат-Эрдэнэ, эсгий урлаач Ч.Болортуяа, сүлжмэл урлаач Д.Наранханд нарын бүтээлүүд үзэсгэлэнд дэлгэгдэж байна. Мөн дүүргийн Засаг дарга С.Даваасүрэн болон ЖДҮДТ-ийн дарга Г.Баянмөнх нар тус үзэсгэлэнгийн нээлтэд оролцож байна.

Монголын уламжлалт хосгүй үнэт өв уламжлалаа тээн хөгжүүлж яваа урлаачдын үзэсгэлэн Улаанбаатар хотын Корпорейт Конвеншн центрийн танхимд 11-р сарын 7-9-ний өдрүүдэд зохион байгуулагдах тул иргэд та бүхэн өргөнөөр үзэж, сонирхохыг урьж байна.

314360585_506904698141045_6048974058763298393_n

Монголын хөл бөмбөгийн холбооны грассрүүтс тэмцээнд 41 багийн 410 тамирчид оролцож байна

11 сар 5 2022 Мэдээ мэдээлэл, Онцлох superadmin

Монголын Хөл бөмбөгийн холбооны грассрүүтс өдрийг тэмдэглэн өнгөрүүлэх, гишүүн байгууллагын грассрүүтс үйл ажиллагааг идэвхжүүлэх, хөл бөмбөгийн оролцогчдын тоог нэмэгдүүлэх, сурталчлах, жил бүр уламжлал болгон зохион байгуулах зорилготой грассрүүтс тэмцээн өнөөдөр 21 аймаг, Нийслэлийн 9 дүүрэгт нэгэн зэрэг нээлтээ хийлээ.

Нээлтэд хүндэт зочдоор Багануур дүүргийн Засаг даргын орлогч, Багануур дүүргийн хөл бөмбөгийн холбооны тэргүүн Б.Балжинням, Багануур ХК-ийн гүйцэтгэх захирлыг түр орлон гүйцэтгэгч, Багануур “Хар алмаз” клубийн тэргүүн Д.Түвшинжаргал, Биеийн тамир, спортын хорооны Биеийн тамирын хэлтсийн дарга П.Бат-Эрдэнэ, Биеийн тамир, спортын хорооны Спортын хэлтсийн спортын тэмцээн наадам, спортын холбоодын асуудал хариуцсан мэргэжилтэн Ж.Болдбаатар нар хүрэлцэн ирсэн юм.

Тус тэмцээнд нийт 41 багийн 410 гаруй тамирчид оролцож байна.

313895282_506299781534870_2745520473594430404_n

Халуун усны үйлчилгээ маргааш нээнэ

11 сар 4 2022 Мэдээ мэдээлэл, Онцлох superadmin

Дүүргийн 4-р хороонд халуун усны шинэ байр ашиглалтад орлоо.

Иргэдийн хүсэлтийн дагуу санхүүжилтийг Улсын төсөвт тусгаж, Таван Од констракшн ХХК барилгын ажлыг гүйцэтгэж, дүүргийн хөрөнгө оруулалтаар дотоод тавилга, эд хогшлыг тохижуулан ашиглалтад орууллаа.

Халуун усны байр маргааш буюу 11-р сарын 05-ны өдрөөс үйл ажиллагаа эхлүүлэхэд бэлэн болжээ. Нээлтийн үеэр ахмад настан, хүүхэд үнэ төлбөргүй үйлчлүүлэх юм байна.

Ашиглалтад орсон нийтийн халуун ус нь саун, душ, үсчин зэрэг үйлчилгээг хамгийн хямд үнээр үзүүлэх бөгөөд ашиглалт хамгаалалтыг ЖДҮД төв хариуцан ажиллах юм.

Халуун ус Даваа гарагаас Ням гарагт өглөө 10:00 цагаас 22:00 цаг хүртэл ажиллах юм.

Шинэ халуун усны байртай болсноор дүүргийн 4-р хорооны иргэд тав тухтай, эрүүл ахуйн шаардлагад нийцсэн орчинд үйлчилгээ авах боломж бүрдлээ.

313881908_5680441642032182_4700353833473190145_n

Сайхан мэдээ

11 сар 3 2022 Мэдээ мэдээлэл, Онцлох superadmin

Гадаа хүйтэн нөхцөлд ажиллаж буй Багануур тохижилт ААТҮГ-ын ажилчид болон иргэдийн аюулгүй байдлыг хангах ажилд тусалж буй сайн дурын ЦАСАА ЦЭВЭРЛЭЕ аянд нэгдсэн иргэдэд сэтгэлээрээ халуун аарц авчирч өгсөн хүмүүстээ #Баярлалаа.

#Эерэг_давалгаа

Зөвшөөрөл авч зураг дарсан болно.

Дүүргийн удирдах ажилтнуудын шуурхай хуралдааны үеэр Засаг даргын өгсөн үүрэг даалгавар

11 сар 2 2022 Мэдээ мэдээлэл superadmin

2022.11.01

№	Товч агуулга	Хяналт тавих байгууллага
НИЙСЛЭЛИЙН ЗАСАГ ДАРГААС ӨГСӨН ҮҮРЭГ ДААЛГАВАР
	Өвөлжилтийн хугацаанд инженерийн шугам сүлжээний хэвийн найдвартай ажиллагааг хангаж, техник тоног төхөөрөмжийн бэлэн байдал болон бодис, давсны нөөцийг сайтар бүрдүүлж, ажлаа эрчимжүүлж, хэрэгжилтэд хяналт тавьж ажиллах	ТНААХ
	Төсвийн орлогын төлөвлөгөө, биелэлтийн хэрэгжилтийг хангаж, орлогын тасалдлыг нөхөж, хяналт тавьж ажиллах	Татварын хэлтэс СТСХ
	Иргэдийн ая тухтай амьдрах орчинг бүрдүүлэхээр 2023 онд явган болон дугуйн зам, ногоон байгууламж нэмэгдүүлэх чиглэлээр зураг төсөвт ажлын танилцуулгыг ирэх шуурхай хуралдаанаар дэлгэрэнгүй танилцуулах	ТНААХ
	Авто тээврийн шалган нэвтрүүлэх товчоод цахим системд шилжсэнтэй холбоотой 11сарын 05-ны өдрөөс эхлэн татвар төлөөгүй, техникийн үзлэгт ороогүй тээврийн хэрэгсэлд хяналт тавьж, холбогдох хуулийн дагуу арга хэмжээ авч ажиллах,	Татварын хэлтэс Цагдаагийн хэлтэс
	Нийтийн эзэмшлийн гудамж, авто зам, гэр хорооллын дундах авто зам, аж ахуйн нэгж байгууллагуудын ойр орчмын 50 метр хүртэлх талбайн цас, хог хаягдлыг цэвэрлэх, хяналтыг эрчимжүүлж ажиллах	ТНААХ
	2022 онд нийслэлийн хэмжээнд хөрөнгө оруулалт бүтээн байгуулалтын ажлын хүрээнд тендер сонгон шалгаруулалтад оролцож ажлаа өнөөдрийг хүртэд\л гүйцэтгээгүй дутуу гүйцэтгэсэн ААНБ –ын жагсаалтийг гаргаж иргэд олон нийтэд дэлгэрэнгүй танилцуулах,	СТСХ ТНААХ
ДҮҮРГИЙН ЗАСАГ ДАРГАС ӨГСӨН ҮҮРЭГ ДААЛГАВАР
	Давс, бодисын нөөцийг нэмэгдүүлж, ХХҮХ, хороодтой хамтран цас цэвэрлэгээнд гарах боломжтой иргэдийн судалгааг гаргаж, гэрээ хийж ажиллах	ТНААХ
	Дүүргийн албан ёсны вебсайтад байгууллагууд мэдээллээ өгч дуусгах, сайтаас E.Mongolia-д шууд холбогдох боломжтой эсхийг судлан шуурхай хуралдаанд танилцуулах	ТЗУХ
	Төсвийн тодотголоор батлагдсан төсөл арга хэмжээг холбогдох хуулийн дагуу худалдан авалт хийж дуусгах, үр дүнг танилцуулах	СТСХ
	2023 онд хэрэгжүүлэх боломжтой зураг төсөвтэй ажлын жагсаалтыг гаргаж, Нийслэлийн Засаг даргад уламжлах	СТСХ, ТНААХ
	Байгууллагын удирдлагууд хөрөнгө оруулалт болон иргэд олон нийтэд чиглэсэн ажлын мэдээллийг ТЗУХ-т тогтмол ирүүлж, мэдээлж хэвших	ТЗУХ
	Боловсролын салбарт хэрэгжүүлж буй цахим шилжилтийн ажлыг бүрэн дуусгах, эрүүл мэндийн салбарын цахим шилжилтийн талаар мэдээлэл танилцуулах	НХХ

ДҮҮРГИЙН ЗАСАГ ДАРГЫН ТАМГЫН ГАЗАР

ТАТАЖ АВАХ

313977360_504669831697865_8205987878098904687_n

Эерэг давалгаа

11 сар 2 2022 Мэдээ мэдээлэл, Онцлох superadmin

Иргэд сайн дураараа цас цэвэрлэгээнд нэгдсээр байна… Нэгдэж буй иргэддээ #Баярлалаа,

Мөн техникээ гарган туслаж буй Багануур ХК, Багануурын Дулааны Станц ТӨХК, Багануур АЗЗА ТӨХК, Багануурын Цахилгаан Механикийн үйлдвэр ХХК, Цахирт Ану ХХК, Буянт хөлгийн жолоо ХХК, Иргэд Та бүхэндээ #Баярлалаа

#эерэг_давлагаа

#цасаа_цэвэрлэцгээе

313038002_504297045068477_9119408802663573471_n

Хэнтий аймаг, Багануур дүүрэг, Төв аймгийн Эрдэнэ сумд хамгийн их цасан бүрхүүл тогтсон байна

11 сар 2 2022 Мэдээ мэдээлэл, Онцлох superadmin

Цаг уур орчны шинжилгээний газрын өртөө, харуулын цасны зузааны мэдээгээр Баян-Өлгий баруун, Увс, Говь-Алтай, Өвөрхангайн хойд, Завхан, Булган, Сүхбаатарын зарим газар, Хөвсгөл, Төв аймаг, Хэнтий, Дорнодын ихэнх, Сэлэнгийн зүүн хэсгээр 0.0-30.0 см цасан бүрхүүл тогтсон байна. Үүнээс хамгийн их нь Төв аймгийн Эрдэнэ 30.0 см, Нийслэл Багануурт 23.0 см, Хэнтийн Жаргалтхаан 20.0 см, Цэнхэрмандал 19.0 см, Төв аймгийн Баян 18.0 см, Мөнгөнморьтод 17.0 см, Нийслэл Налайх 14.0 см, Хан-Уулд 12.0 см, Төв аймгийн Баянчандмань, Хөвсгөлийн Цагаан-Үүр 12.0 см, Ренчинлхүмбэ 13.0 см, Төв аймгийн Алтанбулаг 11.0 см, Нийслэл Өлзийт, Хөвсгөлийн Эрдэнэбулган 10.0 см, Хөвсгөлийн Алаг-Эрдэнэ, Хэнтийн Өмнөдэлгэр 8.0 см, бусад нутгаар 0.0-7.0 см цасан бүрхүүл тогтсон байна.

Эх сурвалж: Цаг уур орчны шинжилгээний газар

А/28 Тамга, тэмдэг, хэвлэмэл хуудас хийлгэх, хадгалах, ашиглах журмыг шинэчлэн батлах тухай

11 сар 1 2022 Захирамж, Тушаал superadmin

1 2 … 67 68 69 70 71 … 95 96

Global Title