Global Title

Турк улсад зохион байгуулагдсан 33 дахь удаагийн Ой тогтоолтын дэлхийн аварга шалгаруулах тэмцээн 3 өдөр үргэлжилж амжилттай өндөрлөлөө.

Энэхүү тэмцээнд Олон Улсын Их Мастер О.Наранзул (15 нас) 60 минутад 37,5 багц буюу 1968 ширхэг хөзөр цээжлэн алдаагүй санаж өсвөрийн #дэлхийн_рекордыг шинэчлэн тогтоожээ.

Ингэснээр Олон Улсын Их Мастер цолны болзол хангаад байгаа юм.

Монгол Улсын нэрийг дэлхийд гаргасан О.Наранзулдаа халуун баяр хүргэж амжилт хүсье.

Дүүргийн удирдах ажилтнуудын шуурхай хуралдаан боллоо. Өмнөх хуралдаанаар дүүргийн Засаг даргаас өгсөн 9 үүрэг даалгавар 96,6 хувьтай хэрэгжжээ.

Багануур дүүрэг дэх Цагдаагийн хэлтсээс “Телеграм” платформ ашиглан үйлдэгдэж буй залилах гэмт хэргийн гаралт ихсэж байгаатай холбогдуулан цахим гэмт хэргийн хохирогч болохоос урьдчилан сэргийлэхийг анхаарууллаа.

Мөн дүүргийн Насан туршийн суралцахуйн төвөөс төрийн албан хаагчид болон иргэдийн дунд “Үндэсний бичиг-Өв соёл” нөлөөллийн аяныг зохион байгуулсан ба тус аянд шилдгээр шалгарсан байгууллагуудад шагналыг гардуулсан юм.

Хуралдааны төгсгөлд дүүргийн Засаг даргын орлогч Б.Балжинням ирэх 14 хоногт дараах ажлуудыг зохион байгуулахыг үүрэг болголоо.

– Хөрөнгө оруулалт, бүтээн байгуулалтын хүрээнд хийгдэх төсөл, арга хэмжээний газар чөлөөлөлтийн бэлтгэл ажлыг сайтар хангах

– Нийтийг хамарсан баярын арга хэмжээний үеийн хэв журмыг сахиулах, бэлэн байдлыг хангах, гэмт хэрэг зөрчлөөс урьдчилан сэргийлэх ажлыг зохион байгуулах

– Авто тээврийн шалган бүртгэх товчоо, маршрутын бус замаар Улаанбаатар хот руу түүхий нүүрс нэвтрүүлэхгүй, сайжруулсан шахмал түлш гаргахгүй байхад онцгой анхаарч, хяналт шалгалтыг тогтмол зохион байгуулж, товчоодод тусгай зориулалтын Сканер авах ажлыг зохион байгуулах

– Хот нийтийн аж ахуйн нэн шаардлагатай байгаа машин, тусгай тоног төхөөрөмжийн жагсаалтыг гаргаж, танилцуулах

– Замын хөдөлгөөний дүрэм, журам зөрчиж торгуулиа төлөөгүй, тээврийн хэрэгслийн үзлэг оношилгоонд ороогүй, татвар, даатгалд хамрагдаагүй болон хөдөө, орон нутгийн дугаартай тээврийн хэрэгслүүдийг төлбөр төлүүлэх, олон нийтэд мэдээлэх ажлуудыг шуурхай зохион байгуулах

– Хоол үйлдвэрлэл, үйлчилгээ эрхэлж буй аж ахуйн нэгж, байгууллагуудын үйл ажиллагааг дэмжиж, хэрэгжилтэд хяналт тавьж ажиллах

– Өвөлжилтийн бэлтгэл ажлын хүрээнд инженерийн хангамж, шугам тоноглолын найдвартай ажиллагааг хангаж, шуурхай ажиллах бригадыг бэлэн байлгаж, хэрэгжилтэд хяналт тавьж ажиллах

– Явган замын цэвэрлэгээний ажлыг зохион байгуулах

-2024 оны төсвийн гүйцэтгэл, төлөвлөгөөний биелэлтэд анхаарч ажиллах

-Оны шилдэг шалгаруулах журамд заагдсаны дагуу ААНБ-ууд хугацаандаа материалаа ирүүлэх

-Хөрөнгө оруулалтын сонгон шалгаруулалтыг яаралтай зарлаж дуусгах

– Дүүргийн Засаг даргын 2024-2028 оны үйл ажиллагааны хөтөлбөр болон 2025 оны газар зохион байгуулалтын төслийг боловсруулж дуусгах

-Цас цэвэрлэгээний хуваарийг нягталж, дахин батлуулах

-Мал тооллого эхлэхтэй холбоотойгоор ААНБ-ууд машин техникээр хангаж ажиллах

-Төсвийн уулзалтыг салбар бүрээр зохион байгуулах

Ардчилсан, шинэ Үндсэн хуулиа баталсаны түүхэн ойг тохиолдуулан УИХ-ын даргын ивээл дор жил бүр зохион байгуулдаг шатар сонирхогчдын Улсын аварга шалгаруулах тэмцээн улс орон даяар зохион байгуулагддаг. Гурван үе шаттай тус тэмцээнд шатрын спортын улсын цолгүй, зөвхөн хөдөлмөрийн насны буюу 25 нас хүрсэн шатар сонирхогч оролцдог.

 Ардчилсан, шинэ Үндсэн хуулиа баталсны 33 жилийн ой ирэх оны нэгдүгээр сарын 13-нд тохиох бөгөөд УИХ-ын даргын ивээл дор зохион байгуулдаг шатар сонирхогчдын Улсын аварга шалгаруулах тэмцээн 13 дахь удаагаа болох юм.

 Анхан шатны тэмцээнийг 11 сарын 28-ны өдөр дүүргийн ИТХ болон “Төр Монгол” шатрын клуб хамтран зохион байгуулж нийт 28 шатарчид оюун ухаанаа сорин өрсөлджээ.

Анхан шатны тэмцээнээс дүүргээс эрэгтэй 6, эмэгтэй 3 шатарчин шалгарч, хагас шигшээ шатанд оролцоно. Харин нийслэлийн аварга шалгаруулах хагас шигшээ тэмцээн ирэх сарын 14,15-ны өдрүүдэд болж нийслэлээс эрэгтэй 12, эмэгтэй 6 шатарчин тус тус шалгарч, шигшээ тэмцээнд оролцох бол шигшээ тэмцээн ирэх оны нэгдүгээр сарын 11, 12-ны өдрүүдэд Төрийн ордонд болж, аваргыг тодруулах юм.

Ташрамд дурдахад шигшээ тэмцээнээс медаль хүртсэн шатарчин шатрын спортын дэд мастер цол хүртэх бөгөөд улсын аварга шатарчин нь тухайн жилийн шатар сонирхогчдын Ази тивийн аварга шалгаруулах тэмцээнд Монголын шатрын холбоог төлөөлөн урилгаар оролцох эрхтэй болно. Уг тэмцээнийг Олон улсын шатрын холбоо (ФИДЕ), Монголын шатрын холбооны дүрмийн дагуу зохион байгуулах бөгөөд бүх шатны тэмцээнд үндэсний рейтинг бодогддог аж.

Нийслэлийн иргэдийн спортын XII наадам 2024 оны 07 дугаар сараас 11 дүгээр сарын хооронд спортын 9 төрлөөр 5 үе шаттайгаар зохион байгуулагдсан ба шигшээ тэмцээнд 9 дүүргийн 124 хорооны 1044 иргэд оролцсон бөгөөд хаалтын үйл ажиллагаа өнөөдөр болж өндөрлөлөө.

Багануурын баг тамирчид спортын 9 төрлийн тэмцээнээс 5 төрөлд шагналт байранд орсноор нийлбэр дүнгээр 3-р байр эзэлж цомын эзэд болсон бол 12 дахь удаа болж буй тус наадмын шигшээ тэмцээнээс дүүргийн баг тамирчид 3 дахь удаа багийн дүнгээр цомын эзэд болж байгаа юм.

 Баг тамирчдын амжилтаас дурдвал:

Б.Баттулга дасгалжуулагчтай “Олс таталт”-ын баг тамирчид

Б.Наранцэцэг ахлагчтай 1-р хорооны эмэгтэй баг 1-р байр

Б.Үүрдсайхан дасгалжуулагчтай “Сагсан бөмбөг”-ийн баг тамирчид

Б.Энхбат ахлагчтай 3-р хорооны эрэгтэй баг 2-р байр

Т.Эрдэнэбулган ахлагчтай 1-р хорооны эмэгтэй баг 2-р байр

Б.Батчимэг дасгалжуулагчтай “Ширээний шагайн наадгайн” баг тамирчид

Н.Оджав ахлагчтай 4-р хорооны эрэгтэй баг 3-р байр

Г.Бадамханд ахлагчтай 5-р хорооны эмэгтэй баг 3-р байр

Б.Баярсайхан дасгалжуулагчтай “Волейбол”-ын баг тамирчид

О.Сэргэлэнбат ахлагчтай 1-р хорооны эрэгтэй баг 2-р байр

С.Түвшинчимэг ахлагчтай 1-р хорооны эмэгтэй баг 3-р байр

П.Бат-Эрдэнэ дасгалжуулагчтай “Дартс”-ын баг тамирчид

Х.Долгорсүрэн ахлагчтай 1-р хорооны эмэгтэй дан хосын төрөлд 1-р байр

Б.Энхсайхан ахлагчтай 3-р хорооны багийн төрөлд 1-р байр тус тус эзэлсэн амжилттайгаар энэ удаагийн наадмыг өндөрлүүлжээ.

Иргэдийн спортын наадмын үе шатуудад амжилттай оролцсон баг тамирчид, дасгалжуулагчдад баяр хүргэе.