2026 оны 04 сарын 07
Нээлттэй ажлын байрСанал хүсэлт

Global Title

thumbnail 356823230_663477982483715_4808924455016725278_n356823230_663477982483715_4808924455016725278_n
Дүүргийн 4 дүгээр хорооны малчдын өдөрлөг зохион байгууллаа
June 29 2023 Мэдээ мэдээлэл, Онцлох
2023 оны 06-р сарын 28-ний өдөр 4-р хорооны Малчдын өдөрлөгийг зохион байгуулж, өдөрлөгийг нээж ИТХ-ын дарга Т.Отгонболд үг хэлж, ИТХ-ын төлөөлөгчид, Засаг даргын орлогч Б.Балжинням, Засаг даргын Тамгын газрын дарга П.Баттүшиг болон төрийн байгууллагын удирдлагууд, малчид, мал бүхий 115 гаруй иргэд хүрэлцэн ирж оролцлоо.
Малчдын өдөрлөгт дүүргийн Засаг даргын орлогч Б.Балжинням Малын хөлийн тоо толгой, албан татварын орлого түүний хэрэгжилтийн талаар мэдээ мэдээлэл өгсөн бол Дүүргийн Нийгмийн даатгалын хэлтсийн дарга Р.Өнөржаргал малчид, мал бүхий иргэддээ Нийгмийн даатгал, эрүүл мэндийн даатгалын талаар мэдээлэл хүргэлээ.
Уг өдөрлөгийн хүрээнд малчид, мал бүхий иргэдийн санал хүсэлтийг хүлээн авч сонсох, төрийн нэг цэгийн үйлчилгээг үзүүлэх зорилгоор Дүүргийн Нийгмийн даатгалын хэлтэс, Хөдөлмөр халамжийн үйлчилгээний хэлтэс, Улсын бүртгэлийн хэлтэс, Цагдаагийн хэлтэс, Онцгой байдлын хэлтэс, Газар зохион байгуулалтын алба, Эрүүл мэндийн төв, Өрхийн эрүүл мэндийн төв, Мал эмнэлэг, Улаан загалмайн хороо, Дэлхийн зөн монгол Олон улсын байгууллагын Багануур ОНХ, Соёлын ордон, Үсчин, Гоо сайхан, ААНБ-ууд хамтран ажиллаа.
Дээрх төрийн болон хувийн хэвшлийн байгууллагуудаар давхардсан тоогоор 75 малчид, мал бүхий иргэд мэдээ мэдээлэл авч, Улаан загалмайн хорооноос малчид, мал бүхий 140 айл өрхөд ахуйн барааны хандив өгсөн юм.
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Н.Рагчаа
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Энхтулга
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Г.Энхболд
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Батболд
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Цэцэгдэмбэрэл нарт тус тус шагнал гардуулан өгч, баяр хүргэлээ.
-Нийгмийн хариуцлагын хүрээнд идэвх санаачилгатай оролцсон Wella salon Мастер үсчин Г.Ариунбаяр, У.Туяабаяр нарт ИТХ-аас Талархал гардуулсан юм.
Өдөрлөгийн үеэр насанд хүрэгчдийн 24 бөх, өсвөрийн 3 насны ангиллаар 45 хүүхэд хүчит бөхийн барилдаанд зодоглож, Их нас, Соёолон нас, Даага морьд уралдаж, Сурын харваа, Шагайн харваан тэмцээнийг зохион байгууллаа.
thumbnail 356680448_662279815936865_8464825016386425970_n356680448_662279815936865_8464825016386425970_n
Иргэдийн төсвийн эмхтгэлийг гардууллаа
June 27 2023 Мэдээ мэдээлэл
✅Швейцарын хөгжлийн агентлаг, Нийгмийн эгэх хариуцлагын Дэлхийн түншлэлийн санхүүжилтээр Дэлхийн банкнаас Глоб Интернэшнл Төв ТББ (ГИТ)-тэй хамтран хэрэгжүүлж буй “Монгол улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь” (МАСАМ II) төслийг 2022 оны 12-р сарын 09-ны өдрөөс эхлэн 2023 оны 05-р сарын 15-ны өдөр хүртэлх хугацаанд Багануур Азийн Нөхөрлөл ТББ-ын төслийн баг болон төслийн хүрээнд зохион байгуулагдсан төр, ИНБ-уудын ажлын хэсэг хамтран хэрэгжүүлсэн.
🔰Төслийн хүрээнд боловсруулсан ИРГЭДИЙН ТӨСӨВ-ийн эмхтгэлийг Засаг дарга С.Даваасүрэнд гардуулан өглөө.
🔰Засаг даргын зүгээс цаашид жил бүр уламжлал болгон хэвлүүлэн иргэдийг мэдээллээр хангаж ажиллахыг хүслээ.
thumbnail 355875319_661735709324609_1458079746141271742_n355875319_661735709324609_1458079746141271742_n
Нарийний аманд ойн хөнөөлт шавжийн устгал хийлээ
June 27 2023 Мэдээ мэдээлэл

Нийслэлийн Байгаль орчны газраас ногоон бүсэд ойн хөнөөлт шавж, өвчний тархалтын судалгааг хийжээ. Тус судалгаанд ойн хөнөөлт шавж болох Сибирийн хүр эрвээхэй, Якобсоны төөлүүрч эрвээхэй, Шилмүүс хуйлагч хорхой тодорхой хэмжээгээр тэмдэглэгдсэн байна.

Судалгааны дагуу шавж устгалын ажлыг авиа микробиологийн аргаар буюу онгоцоор, зарим бүс нутагт үүргийн шүршигч ашиглан 14 хоногийн хугацаанд зохион байгуулж, Нарийний аманд 300 га ойн сан бүхий газарт хийж дуусгалаа.

ИРГЭД ТА БҮХЭН НАРИЙНЫ АМНЫ ОЙН САН БҮХИЙ ГАЗАРТ САРЫН ХУГАЦААНД АМАРЧ ЗУГААЛАХГҮЙ БАЙХЫГ АНХААРУУЛЪЯ.

   

thumbnail 354249641_1297497734188644_6396233080114165155_n354249641_1297497734188644_6396233080114165155_n
Сэрэмжлүүлэг
June 26 2023 Мэдээ мэдээлэл

Сүүлийн жилүүдэд элбэг тархаад байгаа бамбайн хоншоорт могой өнөөдөр 22-р байрны урдаас олдож Онцгой байдлын хэлстийн алба хаагчид аюулгүй болгон Байгаль хамгаалагчид хүлээлгэн өгсөн байна.

Ерөнхий шинж:

  • Биеийн урт 70 орчим см
  • Биеийн ерөнхий зүс хул шарга юм уу хар хүрэн. Гэвч биеийн зүс маш хувьсамтгай. Тухайлбал ой мод бүхий нутгийнх ихэвчлэн тод хар хүрэн, говь цөлийн бүсийнх цайвар юм уу бор шарга байна.
  • Нуруу ба сүүлний дагуу хөндлөн цагаан судалтай. Энэ судал заримдаа дундуураа тасархайтсан байдаг.
  • Биеийн хоёр хажуугаар тууш эгнэсэн цайвар бараан толботой.
  • Хүүхэн хараа нь босоо.
  • Нүд хамрын хооронд гүнзгий хонхортой тул зэрвэс ажиглахад хамрын 4 сүвтэй мэт байдгаараа бусад могойгоос хялбар ялгагдана.

Могойд хатгуулсан тохиолдолд нэн яаралтай хамгийн ойр байрлах эмнэлэгт очих шаардлагатай. Хэрэв та ийм могойтой таарвал 7021101 утсаар мэдээлэл өгнө үү.

thumbnail малмал
Шүлхий өвчний дархлаажуулалт 95.3 хувьтай байна
June 21 2023 Мэдээ мэдээлэл

Нийслэлийн Засаг даргын “Шүлхий өвчнөөс урьдчилан сэргийлэх дархлаажуулалтын арга хэмжээг зохион байгуулах тухай” 2023 оны А/399 дүгээр захирамж, Мал эмнэлгийн ерөнхий газрын даргын “Шүлхий өвчнөөс сэргийлэх дархлаажуулалтын ажлыг зохион байгуулах тухай” 2023 оны А/87 дугаар тушаал, Нийслэлийн Мал эмнэлгийн газрын даргын “Гоц халдварт шүлхий өвчнөөс урьдчилан сэргийлэх дархлаажуулалтын арга хэмжээг зохион байгуулах тухай” 2023 оны А/23 дугаар тушаал, Багануур дүүргийн Засаг даргын ”Шүлхий өвчнөөс урьдчилан сэргийлэх арга хэмжээг зохион байгуулахад хөрөнгө гаргах тухай” 2023 оны А/145 дугаар захирамжаар 4,727,200 төгрөгийн хөрөнгө гаргуулж хэрэгжилтийг хангуулах зорилгоор 2023 оны 04 дүгээр сарын 10-ны өдрөөс 05 дугаар сарын 25-ны өдрийн хооронд удирдлагаар хангаж ажиллалаа. Дүүргийн хэмжээнд үхэр 16344 мянган, гахай 156 нийт 16500 мал амьтан хамруулахаас үхэр 15496, гахай 244 буюу 15740 мянган мал, амьтан хамруулж 95.3 хувийн гүйцэтгэлтэй ажилласан.

thumbnail 355754085_933647671262352_5805905273236623719_n355754085_933647671262352_5805905273236623719_n
Мал аж ахуй эрхлэхийг хориглох бүсээс малтай иргэдийг гаргана
June 21 2023 Мэдээ мэдээлэл, Онцлох

Дүүргийн удирдах ажилтны ээлжит шуурхай хуралдаан өнөөдөр болж, дүүргийн Засаг даргын орлогч Б.Балжинням удирдан явуулав. Өмнөх шуурхай зөвлөгөөнөөр дүүргийн Засаг дарга 9 чиглэлээр үүрэг, даалгавар өгснөөс хэрэгжилт 94% хувьтай байсныг ЗДТГ-ын  ТЗУХ-ийн дарга Б.Туяа танилцууллаа.

БАГАНУУР ДҮҮРЭГ ДЭХ ЦАГДААГИЙН ХЭЛТЭСТ 47 ДУУДЛАГА БҮРТГЭГДЖЭЭ

Өнгөрсөн 14 хоногт бүргэгдсэн дуудлага мэдээллийн талаар мэдээллийг ЦХ-ээс танилцууллаа.

Нийт 47 дуудлагаас гэмт хэргийн шинжтэй-14, зөрчлийн шинжтэй-33 дуудлага бүртгэгджээ. Мөн 12 хүн эрүүлжүүлэгдэж, 9 хүн жолоодох эрхээ хасуулсан байна. Цагдаагийн хэлтсээс дүүргийн нутаг дэвсгэрт бусдын хөдөлгөөнт саад учруулан түр буюу удаан зогсохыг хориглосон газар зогссон, эсрэг урсгал сөрсөн тээврийн хэрэгслүүдэд хяналт тавьж илэрсэн зөрчлийг арилгуулан дахин зөрчил гаргахгүй байх талаар анхааруулга, санамж өгч ажилласан байна. 

ГАЛ ТҮЙМРИЙН 1 ДУУДЛАГА БҮРТГЭГДЭВ 

Өнгөрсөн 14 хоногийн хугацаанд Онцгой байдлын хэлтэст гал түймрийн 1 дуудлага бүртгэгдсэн байна. Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газартай хамтран стратегийн команд штабын сургууль, Гал унтраах техникийн олон төрөлт спортын Улаанбаатар бүсийн “Гандуулга’ клубийн 2023 оны аварга шалгаруулах тэмцээнийг Багануур дүүрэгт амжилттай зохион байгуулан ажилласан байна.

Мөн гол, мөрөн нуурын ойролцоо амарч зугаалахдаа сонор, сэрэмжтэй байх, 

-Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх,

-Хүүхдийг гол горхи, нуур, цөөрөм рүү хараа хяналтгүй явуулж тоглуулахгүй байх

-Согтууруулах ундаа хэрэглэсэн үедээ гол усанд орохгүй байх,

-Булчин, шөрмөс татах үед гол усанд орохоос татгалзах,

-Түргэн урсгалтай гүнзгий голын усанд сэлэхээс зайлсхийх,

-Гол горхи, нуурын ус гатлахдаа зориулалтын гарам, гүүрээр гарах,

-Голын эрэг дагуу байрласан аюулгүй байдлын сануулга, самбаруудыг анхаарч аюулгүй байдлаа хангах, гол, усны ослоос урьдчилан сэргийлэхийг Онцгой байдлын хэлтсээс анхаарууллаа.

МАЛЧДЫН ӨДӨРЛӨГ ЗОХИОН БАЙГУУЛНА

ИТХ-ын нарийн бичгийн дарга бөгөөд ажлын албаны дарга Г.Гансэлэм ирэх 7 хоногт буюу 06-р сарын 26-наас 28-ний өдрүүдэд дүүргийн 5 хорооны малчдын өдөрлөгийг зохион байгуулах гэж байгаа талаар танилцуулсан юм.

Тухайлбал 06-р сарын 26-ны өдрийн 11:00 цагт 1,2-р хорооны иргэдтэй Хадан хошуу, 06-р сарын 27-ны өдөр 11:00 цагт 3, 5-р хорооны иргэдтэй Жаргалант, Хэрлэн гүүр, 06-р сарын 28-ны өдөр 11:00 цагт 4-р хорооны иргэдтэй Холбоо толгойд уулзахаар бэлтгэл ажлын хангаад байгаа юм байна. Энэ үеэр малчдад мэдээ, мэдээлэл өгөх, санал хүсэлтийг хүлээн авч сонсох, төрийн үйлчилгээг нэг цэгээс үзүүлэх, эмийн худалдаа, мал эмнэлэг, эрүүл мэнд, үсчин, гоо сайхан гэх мэт үйлчилгээнүүдийг хүргэж ажиллах юм.

МАЛ АЖ АХУЙ ЭРХЛЭХИЙГ ХОРИГЛОХ БҮСЭЭС МАЛТАЙ ИРГЭДИЙГ ГАРГАНА

Шуурхай зөвлөгөөний төгсгөлд дүүргийн Засаг даргын орлогч Б.Балжинням ирэх 14 хоногт хийж хэрэгжүүлэх ажлын үүрэг, даалгаврыг өгсөн юм.

  • Үндэсний их баяр наадмыг зохион байгуулах бэлтгэл ажлыг сайтар хангаж, холбогдох байгууламжуудын засвар үйлчилгээ, стандартыг дагуу тохижилтын ажлыг чанартай гүйцэтгэж ажиллах.
  • Манай хороо миний гудамж аяны хүрээнд хийх ажлуудаа эрчимжүүлэх, олон нийтэд мэдээлэж ажиллах,
  • НИТХ-ын 2019 оны 21/06 дугаар тогтоолын хэрэгжилтийг хангаж, нийслэлийн мал аж ахуй эрхлэхийг хориглох бүсээс малтай иргэдийг гаргах ажлыг тогтмол зохион байгуулах.
  • Засгийн газрын 2022 оны 340 дүгээр тогтоолын хүрээнд автомашины зогсоолууд, нийтийн бие засах газрууд, үерийн далан сувгийн цэвэрлэгээ, төвлөрсөн гурван хогийн цэгийн менежментийн асуудлуудыг хувийн хэвшлээр гүйцэтгүүлэх ажлын тендерийг зарлаж, гэрээний төслийг боловсруулж ажиллах.
  • Нийслэлийн Засаг даргын 2023 оны А/490 дүгээр захирамжийн дагуу 40 байршилд 3х3 сагсан бөмбөгийн талбай байгуулах ажлыг эрчимжүүлж ажиллах зэрэг үүрэг өгсөн юм.
thumbnail 353435610_918058522595958_2062488941032160463_n353435610_918058522595958_2062488941032160463_n
Ногоон бүсэд мал бэлчээхгүй байхыг анхааруулъя
June 19 2023 Мэдээ мэдээлэл

Дүүргийн хэмжээнд ногоон байгууламжийг үе шаттайгаар нэмэгдүүлэх, Багануур тохижилт ААТҮГ-аас нийтийн эзэмшлийн зам талбайг зүлэгжүүлэн гоёлын болон мандлын цэцгийг гаргаж ажилладаг.

Гэвч мал бүхий иргэдийн хариулгагүй мал, ногоон байгууламж бүхий газарт орох, тохижилтын ажлуудад удаа дараалан хохирол учруулж байна.

Иймээс хотын ногоон байгууламжийн бүсэд нэвтрэн орж, татвар төлөгч бидний мөнгөөр хийгдсэн ногоон байгууламжийг эвдэн сүйтгэсэн мал бүхий иргэд зөрчил гаргахгүй байхыг хүсье.

 

1 2 … 32 33 34 35 36 … 96 97