29 хуудас – Багануур

А/237 Ахмадын хорооноос жижиг дунд үйлдвэрлэлийн дэмжих төв хүртэлх авто замын хучилтын ажлын гүйцэтгэгчийг сонгон шалгаруулах тухай

7 сар 21 2023 Захирамж superadmin

361629363_675255324639314_1749233037570897824_n

Цэргийн гавьяаны улаан тугийн одон гардуулав

7 сар 18 2023 Мэдээ мэдээлэл, Онцлох superadmin

Монгол улсын ерөнхийлөгчийн зарилгаар Пунцагийн Одонд Цэргийн гавъяаны улаан тугийн одонгоор шагнасаныг өнөөдөр дүүргийн Засаг дарга С.Даваасүрэн гардуулан өгч баяр хүргэлээ.

Танд баяр хүргэж, эрүүл энхийн эрхэм жаргалыг хүсье.

361687875_653383373071856_3537050035532604013_n

Дүүрэг төсвөө 4 тэрбум төгрөгөөр нэмэгдүүллээ

7 сар 18 2023 Дүүргийн шуурхай, Мэдээ мэдээлэл, Онцлох superadmin

Дүүргийн удирдах ажилтны ээлжит шуурхай хуралдаан өнөөдөр боллоо. Шуурхай хуралдаанд уламжлал ёсоор өнгөрсөн 14 хоногт Засаг даргаас өгсөн үүрэг даалгаврын хэрэгжилт, гэмт хэрэг, зөрчлийн нөхцөл байдлын мэдээллийг танилцууллаа.

23 ХҮНИЙ АМЬ НАСЫГ АВРАН ХАМГААЛЖЭЭ

Өнгөрсөн 14 хоногт Цагдаагийн хэлтэст 59 хэрэг зөрчил бүртгэгдсэн бол Онцгой байдлын хэлтэст аврах ажиллагааны 4, объектын гал түймэр 2 тус тус бүртгэгдсэн байна. Мөн иргэд аялал, амралт, зугаалгаар явахдаа бага насны хүүхдийн хараа хяналтыг сайжруулж болзошгүй үер усны аюул эрсдэлээс өөрийгөө болон бусдыг хамгаалахыг Онцгой байдлын хэлтсээс онцгойлон анхааруулж байна.

ИТХ-ЫН ЭЭЛЖИТ XXIV ХУРАЛДААН БОЛЛОО

Дүүргийн ИТХ-ын Иргэний оролцооны хэлтсийн дарга Ч.Нарлагмаа ИТХ-ын ээлжит 24-р хуралдааны мэдээллийг танилцууллаа. Ээлжит хурлаар дүүргийн 2022 оны төсвийн гүйцэтгэл батлах тухай, дүүргийн 2023 оны төсөвт нэмэлт, өөрчлөлт оруулах тухай, 2023 оны газар зохион байгуулалтын төлөвлөгөөнд нэмэлт, өөрчлөлт оруулах тухай, ажилтан, албан хаагчдыг сургах, мэргэшүүлэх, хөгжүүлэх нийгмийн баталгааг хангах хөтөлбөр батлах тухай, Багануурын Залуус төв ААТҮГ-ын дүрэмд нэмэлт, өөрчлөлт оруулах тухай, Халуун усны үйлчилгээний үнэ тарифыг нэмэгдүүлэх тухай, дүүргийн баяр наадмыг зохион байгуулах комисс болон салбар хорооны бүрэлдэхүүн, дүрэм батлах тухай, Төрийн дээд шагналд уламжлах тухай, Гүний овооны тахилгын журам батлах тухай асуудлыг хэлэлцэн баталжээ.

ДҮҮРЭГ ТӨСВӨӨ 4 ТЭРБУМ ТӨГРӨГӨӨР НЭМЭГДҮҮЛЛЭЭ

Үүний дараагаар дүүргийн Засаг дарга С.Даваасүрэн дүүргийн төсвийн талаар дэлгэрэнгүй мэдээлэл хүргэж, энэ жил төсвөө 4 тэрбум төгрөгөөр нэмэгдүүлснийг танилцуулаад ирэх 14 хоногт дараах үйл ажиллагаанд анхаарч ажиллахыг чиглэл болголоо.

–Өвөлжилтийн бэлтгэл хангах ажлын хүрээнд инженерийн шугам сүлжээ, авто зам, тохижилт, ногоон байгууламжийн ажлын нэгдсэн төлөвлөгөөний хэрэгжилтийг эрчимжүүлж, хэрэгжилтэд тогтмол Захирагчийн ажлын албанаас хяналт тавьж ажиллах.

-Нийслэлийн хөрөнгө оруулалтаар хийгдэж буй цэвэр усны шугам шинэчлэлийн ажлыг урин дулаанд бүрэн дуусгаж, нөхөн сэргээлтийн ажлыг стандартын дагуу хийж гүйцэтгэх.

–Үер усны аюул, эрсдлээс урьдчилан сэргийлж ажиллах,

-Шинэ батлагдсан хөрөнгө оруулалтуудын төслүүдийг тендер сонгон шалгаруулалтыг яаралтай зарлаж, худалдан авах ажиллагааг хийх,

-Мал аж ахуй эрхлэхийг хориглох бүсээс мал болон зарим тэжээвэр амьтдыг гаргах хүрээнд айл өрхүүдэд мэдэгдлийг хүргэж ажиллах зэрэг үүрэг даалгаврыг өглөө.

359749110_671636501667863_4336940620587616897_n (1)

Энэ жилийн баяр наадамд сумын заан Б.Шаравдорж долоо давж түрүүлж, аймгийн арслан цол хүртлээ

7 сар 11 2023 Мэдээ мэдээлэл, Онцлох superadmin

Тулгар Төрийн 2232, Их Монгол Улс байгуулагдсаны 817, Ардын хувьсгалын 102, Багануур дүүргийн 43, Багануур ХК-ийн 45 жилийн баяр наадамд улс, аймгийн алдар цолтой хүчит 128 бөх зодоглолоо.

Энэ жилийн баяр наадамд Архангай аймгийн Чулуут сумын харьяат, сумын заан Баасангийн Шаравдорж долоо даван түрүүлж АЙМГИЙН АРСЛАН цол хүртлээ. Харин Төв аймгийн Баяндэлгэр сумын харьяат Чулуунбаатарын Мөнхбат зургаа даван үзүүрлэж, Аймгийн заан цолны чимэг нэмэв.

Их шөвөгт Говь Алтай аймгийн Бугат сумын харьяат сумын заан Э.Хишигдорж, Төв аймгийн Заамар сумын харьяат Сумын Заан Борбаатар нар шалгарч тав даван аймгийн начин цолны болзол хангалаа.

Мөн 13-16 хүртэлх насны өсвөрийн барилдаанд 32 бөх барилдсанаас уран мэх, авхаалж самбаа гарган барилдснаас Оюуны Эрин цогцолбор сургуулийн өсвөрийн бөх Шижирбат 5 даван түрүүлж, Боловсрол цогцолбор сургуулийн өсвөрийн бөх н.Өсөхбаяр 4 даван үзүүрлэв.

Өсвөрийн барилдааны Их шөвөгт Д.Билгүүнтамир, А.Эрхэмбаяр нар тус тус шөвгөрлөө.

358143115_670776398420540_328201372099712778_n (1)

Багануур дүүргийн баяр наадмын шагайн харваанд 11 багийн 88 харваач цэцээ сорилоо

7 сар 11 2023 Мэдээ мэдээлэл, Онцлох superadmin

Тулгар Төрийн 2232, Их Монгол Улс байгуулагдсаны 817, Ардын хувьсгалын 102, Багануур дүүргийн 43, Багануур ХК-ийн 45 жилийн баяр наадмын багийн шагайн харваанд

1-р байр Аймгийн гоц мэргэн Д.Нямдалай ахлагчтай Багануур ХК-ийн дэргэдэх “Уурхайчин” шагайн харвааны клубын баг

2-р байр Аймгийн гоц мэргэн Б.Алтанцаг ахлагчтай Багануур ХК-ийн дэргэдэх “Уурхайчин” шагайн харвааны клубын баг

3-р байр Төв аймгийн Баян цагаан сум,Б.Бат-Орших ахлагчтай АПУ-2 баг тамирчид тэргүүллээ.

ХУВИЙН ЦУВАА ХАРВААНД 61 ХАРВААЧ ЦЭЦ МЭРГЭНЭЭ СОРЬСНООС:

1-р байрт Багануур ХК-ийн тамирчин, аймгийн гоц мэргэн С.Батбаясгалан 20 онож тэргүүн байр,

2-р байрт 20 сумнаас 20 оносон Багануур ХК-ийн тамирчин, аймгийн гоц мэргэн Д.Нямдалай дэд байр,

3-р байрт 20 сумнаас 19 оносон Багануур ХК-ийн тамирчин, аймгийн гоц мэргэн Ш.Галбадрах нар тус тус түрүүллээ.

358478286_670775198420660_8104244070170195482_n (1)

Баяр наадмын хурдан морины уралдаанд 6 насны 300 гаруй морьд уралдлаа

7 сар 11 2023 Мэдээ мэдээлэл, Онцлох superadmin

ИХ НАС:

1. Хэнтий аймгийн Баянхутаг сумын П.Хаш-Эрдэнийн ЯНЗАГА БОР, уяач Аймгийн алдарт уяач Ш.Энхбат,

2.Говь Алтай аймгийн Дэлгэр сумын Аймгийн алдарт уяач Ц.Цагаанбаатрын БОР ХАЛЗАН,

3.Увс аймгийн Өндархангай сумын Д.Сүхбаатрын ХЭЭР, уяач аймгийн алдарт уяач н.Алтан-Эрдэнэ,

4. Төв аймгийн Сэргэлэн сумын П.Баярбатын БУУРАЛ, уяач аймгийн алдарт уяач Б.Мэндсацаан,

5. Төв аймгийн Эрдэнэ сумын Н.Мөнхбаатарын ХАР морь, аймгийн алдарт уяач Н.Лувсанравдангийн морьд тус тус хурдаллаа.

АЗАРГА:

1. Багануур дүүргийн Багануур ХК-ийн ажилтан Ө.Өсөхбаярын БОР, уяач аймгийн алдарт уяач Н.Батбаяр,

2. Өвөрхангай аймгийн Өлзийт сумын Г.Хадхүүгийн ХУЛ, уяач н.Балдандорж,

3. Багануур дүүргийн А.Алтангадасын ЗЭЭРД ХАЛЗАН, уяач Ш.Энхбат,

4. Багануур дүүргийн уяач Ц.Хадбаатарын ХОНГОР,

5. Завхан аймгийн Түдэвлэн сумын Б.Нэмэхбаярын ХУЛ, Лхагвасүрэнгийн уясан морьд тус тус хурдаллаа.

СОЁОЛОН:

1. Багануур дүүргийн уяач Б.Борчулууны БОР ХАЛЗАН,

2. Завхан аймгийн Баянхайрхан сумын н.Жамсрангийн САРТАЙ БОР, уяач н.Цагаанчулуун,

3. Багануур дүүргийн Ё.Өлзийбатын ХЭЭР, аймгийн алдарт уяач н.Балдандорж,

4. Сүхбаатар аймгийн Халзан сумын Н.Батбаярын ЗЭЭРД, аймгийн алдарт уяач н.Отгонбаатар,

5. Багануур дүүргийн Л.Орхоны ХОНГОР, уяач н.Наранбаатар нарын морьд тус тус хурдаллаа.

ХЯЗААЛАН:

1. Өмнөговь аймгийн Мандал овоо сумын Б.Мөнх-Эрдэнийн СААРАЛ, уяач Б.Мөнгөнсүх

2. Багануур дүүргийн Э.Номнчулууны НОМИН ХЭЭР, уяач н.Наранбаатар,

3. Дорнод аймгийн Цагаан овоо сумын О.Өсөхбаярын ХҮРЭН, уяач А.Энхманлай,

4. Багануур дүүргийн н.Батмөнхийн ХЭЭР, аймгийн алдарт уяач н.Үүрцайх,

5. Хэнтий аймгийн Баянхутаг сумын П.Хаш-Эрдэнийн БОР, аймгийн алдарт уяач Ш.Энхбат нарын хурдан морьд тус тус хурдаллаа.

ШҮДЛЭН:

1. Дорнод аймгийн Цагаан овоо сумын уяач, сумын алдарт уяач н.Соёлбатын БОР,

2. Хэнтий аймгийн Баянхутаг сумын уяач П.Хаш-Эрдэнийн ШАР ХЭЭР,

3. Говь Атлай аймгийн Дэлгэр сумын аймгийн алдарт уяач М.Цагаанбаатарын ХАЛИУН,

4. Багануур дүүргийн З.Эрхэмбаярын ЗЭЭРД ХАЛЗАН, аймгийн алдарт уяач Ц.Баатархүү,

5. Хэнтий аймгийн Өмнөдэлгэр сумын уяач н.Батжаргалын САРТАЙ ХАР айргийн ТАВД хурдаллаа.

ДААГА:

1. Багануур дүүргийн уяач Ч.Эрдэнэбатын ХҮРЭН ХАЛЗАН,

2. Багануур дүүргийн уяач Ч.Эрдэнэбатын БОР ХАЛИУН,

3. Ховд аймгийн Мөст сумын н.Энхбатын ХЭЭР, Манлай уяач П.Алтансүх,

4. Хэнтий аймгийн Баянхутаг сумын уяач П.Хаш-Эрдэнийн ХАР,

5. Хэнтий аймгийн Цэнхэр мандал сумын уяач Б.Мөнхбаярын ЗЭЭРД ХАЛЗАН

Энэ жилийн баян ходоодоор Багануур дүүргийн уяач Б.Дашнямын САРТАЙ ХЭЭР тус тус хурдаллаа.

358647043_670750555089791_6084993607571873214_n (1)

Багануур дүүргийн баяр наадмын халх сурын харваанд нийт 100 гаруй харваач цэц мэргэнээ сорьж, шилдгүүдээ тодрууллаа

7 сар 10 2023 Мэдээ мэдээлэл, Онцлох superadmin

Тулгар төрийн 2232, Их монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Багануур дүүргийн баяр наадамд сурын харвааны насанд хүрэгчид 75, хүүхэд 28 харваачид оролцож, цэц мэргэнээ сорилоо. Үүнээс СУРЫН ХАРВААНЫ ЭРЭГТЭЙЧҮҮДИЙН ТӨРӨЛД:

1-р байр Дорнод аймгийн Баян-Уул сумын уугуул, Багануур дүүргийн ҮСХ-ны “Монмаг” ХХК-ийн харваач, аймгийн мэргэн, спортын мастер Г.Баярсайхан

2-р байр Төв аймгийн Баянцагаан сумын харьяат, Эрхэт 3 түрүү үндэсний сурын холбооны харваач, спортын мастер Д.Мөнхбаатар АЙМГИЙН ГАРАМГАЙ ХАРВААЧ ЦОЛ,

3-р байр Төв аймгийн Баяндэлгэр сумын уугуул, Багануур дүүргийн ҮСХ, Оюу толгой компанийн харваач, аймгийн мэргэн, спортын мастер Ж.Элбэгжаргал

4-р байр Сүхбаатар аймгийн Онон сумын уугуул, БЗӨББЦТС ТӨХК, Багануур дүүргийн ҮСХ-ны харваач спортын мастер Б.Энхбаатар

5-р байр Хэнтий аймгийн харьяа Бор мэргэн зэв ҮСХ-ны харваач А.Мөнх-Оргил АЙМГИЙН ТОД ХАРВААЧ ЦОЛ тус тус хүртлээ.

СУРЫН ХАРВААНЫ ЭМЭГТЭЙЧҮҮДИЙН ТӨРӨЛД:

1-р байр Хэнтий аймгийн Жаргалтхаан сумын уугуул, Мэргэн гүн ҮСХ-ны харваач, сумын мэргэн Г.Мөнхтунгалаг АЙМГИЙН МЭРГЭН ЦОЛ,

2-р байр Төв аймгийн Баян сумын уугуул, Багануур дүүргийн харьяа, Багануур дүүргийн ҮСХ-ны харваач Б.Эрдэнэжаргал

3-р байр Төв аймгийн харьяа Зуу мэргэн холбооны харваач спортын дэд мастер аймгийн гарамгай Г.Батчимэг

4-р байр Завхан аймаг Алдархаан сумын уугуул Хилчин спорт хороо Есүхэй мэргэн клубын харваач, спортын дэд мастер Д.Энхжаргал АЙМГИЙН ОНЧ ХАРВААЧ ЦОЛ,

5-р байр Хэнтий аймгийн уугуул БЗӨБЦТС ТӨХК, Багануур дүүргийн ҮСХ-ны харваач аймгийн мэргэн, спортын дэд мастер Б.Хэрлэн нар тус тус шалгарлаа.

СУРЫН ХАРВААНЫ ХҮҮХДИЙН ТӨРӨЛД:

ЭРЭГТЭЙ:

1-р байр: Багануур дүүргийн харваач У.Мөнхтөр

2-р байр Багануур дүүргийн уугуул, 28-р сургуулийн Цэц манлай клубын харваач Б.Мөнхбат

3-р байр Багануур дүүргийн ҮСХХ-ны харваач А.Төгс-Эрдэнэ

4-р байр Хэнтий аймгийн Биндэр сумын харваач Б.Ганбаяр

5-р байр Багануур дүүргийн ҮСХХ-ны харваач Э.Энххүслэн нар тодорлоо.

ЭМЭГТЭЙ:

1-р байр: Төв аймаг, Зуун мэргэн холбооны харваач Н.Ариун-Эрдэнэ

2-р байр Багануур дүүргийн ҮСХХ-ны харваач Ө.Номин-Эрдэнэ

3-р байр Багануур дүүргийн ҮСХХ-ны харваач Б.Ундрам

4-р байр Багануур дүүргийн ҮСХХ-ны харваач Ш.Сүглэгмаа

5-р байр Багануур дүүргийн ҮСХХ-ны харваач Ц.Минжинсор нар тодорлоо.

358572796_670719475092899_7369934688524183485_n

Тулгар төрийн 2232 жил, их Монгол улс байгуулагдсаны 817 жил, ардын хувьсгалын 102, Багануур дүүргийн 43, Багануур ХК-ийн 45 жилийн ойн их баяр наадам өргөн дэлгэр сайхан болж байна

7 сар 10 2023 Мэдээ мэдээлэл, Онцлох superadmin

Баяр наадмын нээлтийн үйл ажиллагаанд УИХ-ын гишүүн Ц.Сандаг-Очир, дүүргийн ИТХ-ын дарга Т.Отгонболд, Засаг дарга С.Даваасүрэн, Багануур ХК-ийн захирал Д.Түвшинжаргал нар наадамчин олонд мэндчилгээ дэвшүүлсэн юм

Нээлтийн үеэр МУСТА Б.Алтанжаргал, дүүргийн Соёлын ордны уран бүтээлчид, БНХК-ийн дэргэдэх дуу хөгжмийн “Илч” хамтлаг ая дууны дээжээс өргөн барилаа.

Тулгар төрийн 2232, Их Монгол улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойгоор Багануур дүүрэг төдийгүй Монгол улсын шатрын спортод үнэтэй хөрөнгө оруулалт хийж буй Төр-Монгол шатрын клубын багш, дасгалжуулагч Ц.Батболд Гавьяат дасгалжуулагч цолоор шагнагдаж, Багануурчууд бид шинэхэн ГАВЬЯАТ-аа өлгийдөн авсан юм.

Мөн МУ-ын ерөнхийлөгчийн Зарлигаар эрхэлсэн ажил, салбартаа олон жил үр бүтээлтэй ажиллаж, онцгой амжилт гарган эх орныхоо хөгжил дэвшилд үнэтэй хувь нэмэр оруулсан эрхмүүдийг шагнаж урамшууллаа.

Мөн хүчит 128 бөхийн барилдаан, азарга, шүдлэн, их насны морьд уралдаж, шагайн харваа, сурын харваа эхэлсэн бөгөөд маргааш өглөө 06:00 цагаас СОЁОЛОН насны морьдын уралдаанаар БАЯР НААДАМ үргэлжилнэ.

ТА БҮХЭН САЙХАН НААДААРАЙ

358455334_670485601782953_3645390150052403457_n

Мэндчилгээ

7 сар 10 2023 Мэдээ мэдээлэл, Онцлох superadmin

357762543_669449801886533_4711530429975548709_n (1)

Нийтийн тээвэрт шинэчлэл хийгдэж эхэллээ

7 сар 8 2023 Мэдээ мэдээлэл, Онцлох superadmin

Багануур дүүргийн Засаг даргын үйл ажиллагааны хөтөлбөрт дүүргийн доторх нийтийн тээвэрт парк шинэчлэл хийж, маршрут цагийг оновчтой болгохоор тусгасан билээ. Энэ жил хүүхдийн 3 автобусыг шинээр явуулж эхлүүлсэн юм.

Харин энэ удаад БНХАУ-д үйлдвэрлэсэн их багтаамжийн, ахмад болон хөгжлийн бэрхшээлтэй иргэн зорчих боломжтой, өвлийн улиралд халаалт сайтай, зуны нөхцөлд сэрүүн, камерын системд холбогдсон 29 хүний суудалтай 54 хүний багтаамжтай автобусаар парк шинэчлэлт хийж, хүлээн авлаа.

Дүүргийн Засаг дарга С.Даваасүрэн парк шинэчлэлтийг цаашид үргэлжлүүлж энэ намар Узбекистан улсын 2 автобусыг нэмж, үйлчилгээнд гаргах юм. Мөн маршрут болон хугацааг богиносгож, иргэдэд хүрсэн үйлчилгээг бий болгож ажиллана гэдгээ илэрхийллээ.

Жолооч нарын алтан шар зам нь өлзийтэй байх болтугай.