2024 оны 12 сарын 16
Нээлттэй ажлын байрСанал хүсэлт

Category : Онцлох

thumbnail 363749795_680862517411928_3376698178231752349_n363749795_680862517411928_3376698178231752349_n
Алтангадас одонг гардуулан өглөө
7 сар 28 2023 Мэдээ мэдээлэл, Онцлох
Монгол Улсын Ерөнхийлөгчийн 2023 оны 7 дугаар сарын 03-ны өдрийн Төрийн дээд одон медалиар шагнах тухай 81 дүгээр зарлигаар Багануур дүүргийн 1 дүгээр хорооны иргэн, Багануур дүүргийн Цагдаагийн хэлтсийн Мэдээлэл судалгааны ахлах мэргэжилтэнээр ажиллаж байсан, цагдаагийн ахмад ажилтан, Цагдаагийн бэлтгэл хошууч Майдаржавын ОЮУНГЭРЭЛ Алтангадас одонгоор шагнагджээ.
Тус шагналыг дүүргийн Засаг дарга С.Даваасүрэн өнөөдөр буюу 2023.07.28-ны өдрийн Морин цаг дор гардуулан өгч, баяр хүргэлээ.
Нийт Багануурчуудынхаа нэрийн өмнөөс Алтангадас одонгоор шагнагдсан М.Оюунгэрэл танд сайн сайхныг хүсэн ерөөе.
thumbnail 361657688_679905750840938_6065787900938319676_n361657688_679905750840938_6065787900938319676_n
Орон сууцны фасад засвар үргэлжилж байна
7 сар 27 2023 Мэдээ мэдээлэл, Онцлох
Багануур дүүргийн нийтийн орон сууцны байрны дулаан алдалтыг бууруулах, ашиглалтыг сайжруулах, өнгө үзэмжийг сэргээх зорилгоор жил бүр байрны гадна фасад, орцны хаалга солих ажлыг үе шаттай хийж хэрэгжүүлж байна.
Тухайлбал:
2020 онд 55, 56, 57, 58, 59, 60, 61 байр НИЙТ 7 БАЙРНЫ 264 АЙЛ /Багануур ХК өөрийн хөрөнгөөр/,
2021 онд 70, 71, 72, 74, 26а, 34а, 44а, 48-р байр НИЙТ 8 БАЙРНЫ 230 АЙЛ,
2022 онд 8, 9, 10, 13, 23, 32, 49, 50, 51, 52, 54, 78, 80-р байр НИЙТ 13 БАЙРНЫ 508 АЙЛ,
Харин 2023 он гарсаар 11, 12, 21, 29, 37, 46, 73-р байр НИЙТ 7 БАЙРНЫ гадна фасад засварын ажил хийгдэж байгаа бол дүүргийн хөрөнгө оруулалтаар нэмж 33, 44-р байр, олон улсын байгууллагын санхүүжилтээр 16-р байрны гадна фасадыг засварлахаар боллоо.
Цаашид дүүргийн хэмжээнд гадна фасад засварлах 27 байр /5,6,15,17,18,8,14,25,31,42,84,86,19,20,24,26,27,28,30,34,35,36,38,39,40,41,43,45/ байна.
Дээрх 27 байрны гадна фасад засварын ажлыг үе шаттай хийж хэрэгжүүлэх юм.
thumbnail 362664384_678820407616139_4777975873065281447_n362664384_678820407616139_4777975873065281447_n
ӨВЧНӨӨС СЭРГИЙЛЭХ “МАЛЫН УГААЛГА” ЭХЭЛЛЭЭ
7 сар 26 2023 Мэдээ мэдээлэл, Онцлох
Дүүргийн мал угаалга, ариутгалын нэгдсэн ажил эхлээд байна. Малаа угаалгад хамруулснаар шимэгчлэх өвчнөөс эмчлэн, сэргийлэхээс гадна тарга хүч авах, аливаа гоц халдварт, халдварт өвчнөөс урьдчилан сэргийлэх ач холбогдолтой юм.
Иймд малчид та бүхэн мал эмнэлгийн тасаг, мал эмнэлэгтэйгээ холбогдон эмчилгээ, урьдчилан сэргийлэх малын угаалга, ариутгалдаа идэвхтэй хамрагдана уу.
Багануур дүүрэг дэх Мал эмнэлгийн тасаг
☎️Холбоо барих утас 94886708, 88986708
thumbnail 363304071_679310060900507_3883068141134722795_n363304071_679310060900507_3883068141134722795_n
“Тэмүүлэл” хүүхдийн зуслан амрагч хүүхдүүдээ хүлээн авч эхэллээ
7 сар 25 2023 Мэдээ мэдээлэл, Онцлох
Тэмүүлэл хүүхдийн зуслангийн энэ зуны хөтөлбөрийн онцлог нь “BE PRAPARED” уриатайгаар Хэзээд бэлэн байх Скаутын үйл ажиллагаа, арга барилд суурилсан байгалийн шалгуурыг даван туулах, танин мэдэх зэрэг амьдрах ухааныг сонирхолтой тоглоомын аргаар сурган хөгжүүлж байгаагаараа онцлог юм.
Ээлж бүрт Иог, Ой тогтоолт, Хүүхэд хамгаалал, Гамшгийн эрсдэлээс урьдчилан сэргийлэх сургалт, хөтөлбөрүүд багтсан байна.
Тэмүүлэл хүүхдийн зусланд амрах хүүхэд багачуудыг Залуус төвийн 302 тоотод өдөр бүр бүртгэж байна.
Лавлах утас: 70210551, 88031657
thumbnail 361199610_677640544400792_4522901585312765805_n361199610_677640544400792_4522901585312765805_n
Гэрэлтүүлгийн ажил үргэлжилж байна
7 сар 22 2023 Мэдээ мэдээлэл, Онцлох
Багануур гэрэлтүүлэг чимэглэл ААТҮГ нь өнгөрсөн онд 875 ш гэрэлтүүлгийг дүүргийн хөрөнгө оруулалтаар хийж гүйцэтгэсэн бол 2023 онд 1050 ш гэрэлтүүлэг хийхээр төлөвлөн Хуцаа, Жаргалант хэсгүүдэд 445 ш гэрлийг хийж, бүрэн гэрэлтүүлэгтэй болголоо.
Үргэлжлүүлэн 2-р хороонд 161 ш гэрэлтүүлгийн ажил хийхээс одоогийн байдлаар тэмдэг тэмдэглээний ажил хийгдэж байна. 8-р сард багтаан 2-р хороо, Байдлаг хэсгийг бүрэн гэрэлтүүлэгтэй болгох юм.
thumbnail 361629363_675255324639314_1749233037570897824_n361629363_675255324639314_1749233037570897824_n
Цэргийн гавьяаны улаан тугийн одон гардуулав
7 сар 18 2023 Мэдээ мэдээлэл, Онцлох
Монгол улсын ерөнхийлөгчийн зарилгаар Пунцагийн Одонд Цэргийн гавъяаны улаан тугийн одонгоор шагнасаныг өнөөдөр дүүргийн Засаг дарга С.Даваасүрэн гардуулан өгч баяр хүргэлээ.👍👍👍
Танд баяр хүргэж, эрүүл энхийн эрхэм жаргалыг хүсье.👏👏👏
thumbnail 361687875_653383373071856_3537050035532604013_n361687875_653383373071856_3537050035532604013_n
Дүүрэг төсвөө 4 тэрбум төгрөгөөр нэмэгдүүллээ
7 сар 18 2023 Дүүргийн шуурхай, Мэдээ мэдээлэл, Онцлох

Дүүргийн удирдах ажилтны ээлжит шуурхай хуралдаан өнөөдөр боллоо. Шуурхай хуралдаанд уламжлал ёсоор өнгөрсөн 14 хоногт Засаг даргаас өгсөн үүрэг даалгаврын хэрэгжилт, гэмт хэрэг, зөрчлийн нөхцөл байдлын мэдээллийг танилцууллаа.

23 ХҮНИЙ АМЬ НАСЫГ АВРАН ХАМГААЛЖЭЭ

Өнгөрсөн 14 хоногт Цагдаагийн хэлтэст 59 хэрэг зөрчил бүртгэгдсэн бол Онцгой байдлын хэлтэст аврах ажиллагааны 4, объектын гал түймэр 2 тус тус бүртгэгдсэн байна. Мөн иргэд аялал, амралт, зугаалгаар явахдаа бага насны хүүхдийн хараа хяналтыг сайжруулж болзошгүй үер усны аюул эрсдэлээс өөрийгөө болон бусдыг хамгаалахыг Онцгой байдлын хэлтсээс онцгойлон анхааруулж байна.

ИТХ-ЫН ЭЭЛЖИТ XXIV ХУРАЛДААН БОЛЛОО

Дүүргийн ИТХ-ын Иргэний оролцооны хэлтсийн дарга Ч.Нарлагмаа ИТХ-ын ээлжит 24-р хуралдааны мэдээллийг танилцууллаа. Ээлжит хурлаар дүүргийн 2022 оны төсвийн гүйцэтгэл батлах тухай, дүүргийн 2023 оны төсөвт нэмэлт, өөрчлөлт оруулах тухай, 2023 оны газар зохион байгуулалтын төлөвлөгөөнд нэмэлт, өөрчлөлт оруулах тухай, ажилтан, албан хаагчдыг сургах, мэргэшүүлэх, хөгжүүлэх нийгмийн баталгааг хангах хөтөлбөр батлах тухай, Багануурын Залуус төв  ААТҮГ-ын дүрэмд нэмэлт, өөрчлөлт оруулах тухай, Халуун усны үйлчилгээний үнэ тарифыг нэмэгдүүлэх тухай, дүүргийн баяр наадмыг зохион байгуулах комисс болон салбар хорооны бүрэлдэхүүн, дүрэм батлах тухай, Төрийн дээд шагналд уламжлах тухай, Гүний овооны тахилгын журам батлах тухай асуудлыг хэлэлцэн баталжээ.

ДҮҮРЭГ ТӨСВӨӨ 4 ТЭРБУМ ТӨГРӨГӨӨР НЭМЭГДҮҮЛЛЭЭ

 

Үүний дараагаар дүүргийн Засаг дарга С.Даваасүрэн дүүргийн төсвийн талаар дэлгэрэнгүй мэдээлэл хүргэж, энэ жил төсвөө 4 тэрбум төгрөгөөр нэмэгдүүлснийг танилцуулаад ирэх 14 хоногт дараах үйл ажиллагаанд анхаарч ажиллахыг чиглэл болголоо.

–Өвөлжилтийн бэлтгэл хангах ажлын хүрээнд инженерийн шугам сүлжээ, авто зам, тохижилт, ногоон байгууламжийн ажлын нэгдсэн төлөвлөгөөний хэрэгжилтийг эрчимжүүлж, хэрэгжилтэд тогтмол Захирагчийн ажлын албанаас хяналт тавьж ажиллах.

-Нийслэлийн хөрөнгө оруулалтаар хийгдэж буй цэвэр усны шугам шинэчлэлийн ажлыг урин дулаанд бүрэн дуусгаж, нөхөн сэргээлтийн ажлыг стандартын дагуу хийж гүйцэтгэх.

-Нийслэлийн хөрөнгө оруулалтаар хийгдэж буй цэвэр усны шугам шинэчлэлийн ажлыг урин дулаанд бүрэн дуусгаж, нөхөн сэргээлтийн ажлыг стандартын дагуу хийж гүйцэтгэх.

–Үер усны аюул, эрсдлээс урьдчилан сэргийлж ажиллах, 

-Шинэ батлагдсан хөрөнгө оруулалтуудын төслүүдийг тендер сонгон шалгаруулалтыг яаралтай зарлаж, худалдан авах ажиллагааг хийх, 

-Мал аж ахуй эрхлэхийг хориглох бүсээс мал болон зарим тэжээвэр амьтдыг гаргах хүрээнд айл өрхүүдэд мэдэгдлийг хүргэж ажиллах зэрэг үүрэг даалгаврыг өглөө.

thumbnail 359749110_671636501667863_4336940620587616897_n (1)359749110_671636501667863_4336940620587616897_n (1)
Энэ жилийн баяр наадамд сумын заан Б.Шаравдорж долоо давж түрүүлж, аймгийн арслан цол хүртлээ
7 сар 11 2023 Мэдээ мэдээлэл, Онцлох
Тулгар Төрийн 2232, Их Монгол Улс байгуулагдсаны 817, Ардын хувьсгалын 102, Багануур дүүргийн 43, Багануур ХК-ийн 45 жилийн баяр наадамд улс, аймгийн алдар цолтой хүчит 128 бөх зодоглолоо.
✅Энэ жилийн баяр наадамд Архангай аймгийн Чулуут сумын харьяат, сумын заан Баасангийн Шаравдорж долоо даван түрүүлж АЙМГИЙН АРСЛАН цол хүртлээ. Харин Төв аймгийн Баяндэлгэр сумын харьяат Чулуунбаатарын Мөнхбат зургаа даван үзүүрлэж, Аймгийн заан цолны чимэг нэмэв.
✅Их шөвөгт Говь Алтай аймгийн Бугат сумын харьяат сумын заан Э.Хишигдорж, Төв аймгийн Заамар сумын харьяат Сумын Заан Борбаатар нар шалгарч тав даван аймгийн начин цолны болзол хангалаа.
Мөн 13-16 хүртэлх насны өсвөрийн барилдаанд 32 бөх барилдсанаас уран мэх, авхаалж самбаа гарган барилдснаас Оюуны Эрин цогцолбор сургуулийн өсвөрийн бөх Шижирбат 5 даван түрүүлж, Боловсрол цогцолбор сургуулийн өсвөрийн бөх н.Өсөхбаяр 4 даван үзүүрлэв.
Өсвөрийн барилдааны Их шөвөгт Д.Билгүүнтамир, А.Эрхэмбаяр нар тус тус шөвгөрлөө.
thumbnail 358143115_670776398420540_328201372099712778_n (1)358143115_670776398420540_328201372099712778_n (1)
Багануур дүүргийн баяр наадмын шагайн харваанд 11 багийн 88 харваач цэцээ сорилоо
7 сар 11 2023 Мэдээ мэдээлэл, Онцлох
Тулгар Төрийн 2232, Их Монгол Улс байгуулагдсаны 817, Ардын хувьсгалын 102, Багануур дүүргийн 43, Багануур ХК-ийн 45 жилийн баяр наадмын багийн шагайн харваанд
1-р байр Аймгийн гоц мэргэн Д.Нямдалай ахлагчтай Багануур ХК-ийн дэргэдэх “Уурхайчин” шагайн харвааны клубын баг
2-р байр Аймгийн гоц мэргэн Б.Алтанцаг ахлагчтай Багануур ХК-ийн дэргэдэх “Уурхайчин” шагайн харвааны клубын баг
3-р байр Төв аймгийн Баян цагаан сум,Б.Бат-Орших ахлагчтай АПУ-2 баг тамирчид тэргүүллээ.
ХУВИЙН ЦУВАА ХАРВААНД 61 ХАРВААЧ ЦЭЦ МЭРГЭНЭЭ СОРЬСНООС:
1-р байрт Багануур ХК-ийн тамирчин, аймгийн гоц мэргэн С.Батбаясгалан 20 онож тэргүүн байр,
2-р байрт 20 сумнаас 20 оносон Багануур ХК-ийн тамирчин, аймгийн гоц мэргэн Д.Нямдалай дэд байр,
3-р байрт 20 сумнаас 19 оносон Багануур ХК-ийн тамирчин, аймгийн гоц мэргэн Ш.Галбадрах нар тус тус түрүүллээ.
1 2 3 … 12 13