Дүүргийн хоёр дахь улсын аварга фермэрээр П.Сундуй тодорлоо

Дүүргийн 4 дүгээр хорооны малчин П.Сундуй өдгөө 18 жил мал маллаж, энэ жил 1500 гаруй мал өвөлжүүлж, малын хоргодолгүй, төл бүтэн хаваржиж байна. Тэрээр “Улсын аварга фермер”-ээр тодорч, шагналыг МУ-ын Шадар сайд С.Амарсайхан болон Засаг дарга С.Даваасүрэн нар гардуулан өглөө.

П.Сундуй мал маллах хугацаандаа Б.Дүүрэнбилэг, П.Сэрээтэр, Ц.Санжаажамц нарыг туслах малчнаараа ажиллуулан малжуулж, мал маллах ухаанд сургажээ.

Мөн дүүрэг орон нутгийнхаа малчдад тус нэмэр болж, 2015 онд өөрийн хөрөнгөөр гүний худаг гаргаснаас гадна, жил бүр нутгийн малчдынхаа хадлан тэжээлийг бэлтгэх ажлыг гардан хариуцаж, Дорнод аймгаас жилд 40-50 тонн хадлан тэжээлийг бэлтгэн, иргэддээ нийлүүлдэг ажээ.

Тэрээр 2019 онд “Дүүргийн сайн малчин”, “Нийслэлийн сайн малчин”-аар шагнагдаж байсан бол дүүргийн 4-р хорооны малчдаас 6 дахь аварга нь болсон байна.