1259
Мэдээг хэвлэх
Дүүргийн удирдах ажилтнуудын шуурхай хуралдааны эхэнд өнгөрсөн 14 хоногт Засаг даргын өгсөн үүрэг даалгаврын хэрэгжилт 90.7 хувьтай биелсэн талаар танилцууллаа. Мөн нийслэл, дүүргийн хөрөнгө оруулалтаар хэрэгжих худалдан авах ажиллагааны тендерийн явцын талаар мэдээлж, зарим тендер амжилттай зохион байгуулагдсан бол зарим нь дахин зарлагдах болон төлөвлөгдөж буйг дурдав.
Дүүргийн Цагдаагийн хэлтсээс гэмт хэрэг, зөрчлийн нөхцөл байдлын талаар мэдээлэл өгч, гомдол мэдээлэл болон гэмт хэргийн тоо буурч, илрүүлэлт нэмэгдсэн эерэг үзүүлэлт гарсныг онцоллоо. Харин Онцгой байдлын хэлтэс он гарсаар гал түймэр, аврах ажиллагааны дуудлагуудад шуурхай ажиллаж, их хэмжээний хөрөнгө авран хамгаалсан талаар мэдээлэв.
Түүнчлэн “Аж ахуйн нэгж, байгууллагын тооллого-2026” улсын хэмжээний ажлын зорилго, ач холбогдлыг танилцуулж, эдийн засгийн бодлого, төлөвлөлтөд чухал мэдээлэл бүрдүүлэхийг онцолсон байна. Мөн Хөдөлмөр, нийгмийн хамгааллын яам-наас хэрэгжүүлж буй 2026 оны “Хөдөлмөр эрхлэлтийг дэмжих” хөтөлбөрийн хүрээнд иргэдэд жижиг бизнес эхлүүлэхэд зориулсан санхүүгийн дэмжлэгийн төслийн материалыг хүлээн авч эхэлсэн талаар мэдээлэл өглөө.
Үүний дараагаад Засаг даргаас дараах чиглэлд анхаарч ажиллахыг үүрэг болголоо.
Засгийн газрын хуралдааны тэмдэглэлээр өгсөн үүргийн дагуу төрийн албан хаагчийн ажлын таван өдрийн нэг өдөр зайнаас буюу цахимаар ажиллуулах тухай захирамж гаргах.
Нийслэлийн Засаг даргын 2026 оны “Хот, нийтийн аж ахуйн чиглэлээр авч хэрэгжүүлэх зарим арга хэмжээний тухай” 01 дүгээр албан даалгаврын хэрэгжилтийг эрчимжүүлэх.
Хороодын Засаг дарга нар гудамж, зам талбайг зүлэгжүүлж, тохижуулах, ногоон байгууламжийг нэмэгдүүлэх ажлаа эрчимжүүлж, иргэд олон нийт рүү чиглэсэн ажлын санал, тооцоо судалгаа үр дүнгийн талаарх мэдээлэл ирүүлэх.
Иргэдийн эрүүл аюулгүй орчинд амьдрах эрхийг хангах зорилгоор Нийслэлийн Засаг даргын 2026 оны “Газрын зөрчил арилгах талаар авах зарим арга хэмжээний тухай” А/178, А/230, А/545 дугаар захирамжуудын хэрэгжилтийг эрчимжүүлэх.
Газар чөлөөлөлтийн ажлыг эрчимжүүлэх.
“Улаанбаатар марафон” олон улсын гүйлтийн бэлтгэл ажлыг сайтар хангаж, олон нийтэд тогтмол мэдээлж, нийт байгууллагууд идэвхтэй оролцох.
Нохой, муурыг барих ажлуудаа эрчимжүүлж, зохион байгуулалтын арга хэмжээ авч ажиллах.
Нийтийн мэдээллийн ил тод байдлын тухай хуулийн хэрэгжилтийг хангаж, холбогдох мэдээллийг тухай бүр шинэчилж, мэдээллийн сувгаар дамжуулан олон нийтэд тогтмол мэдээлж, мэдээллийн ил тод байдлыг хангаж ажиллах.
“Хөдөлмөр эрхлэлтийг дэмжих” хөтөлбөрийн хүрээнд хөдөлмөр эрхлэх хүсэлтэй иргэдэд мэдээлэл хүргэх ажлыг зохион байгуулах.
Хүний эрхийн үндэсний комисс дүүрэгт ажиллахтай холбоотой бэлтгэл ажлыг хангах.
Орон нутгийн хөгжлийн сангийн санал асуулга эхэлсэнтэй холбоотой иргэдийг идэвхтэй хамруулах ажлыг зохион байгуулах.
EF EFEKTA хөтөлбөрийн хэрэгжилтийг эрчимжүүлэх.
Хүний эрхийн үндэсний комисс дүүрэгт ажиллахтай холбоотой бэлтгэл ажлыг хангах.
Үйлдвэр технологийн парк руу шилжүүлэх 2 барилгыг орон нутгийн өмчид шилжүүлэх талаар албан бичгийг нийслэлд хүргүүлэх.
241, 138, 131-р цэцэрлэгүүдийн дээврийн засварын зураг төсвийг хүлээж авсантай холбоотой өвөлжилтийн бэлтгэл ажлын хүрээнд засварын ажлыг гүйцэтгүүлэх талаар нийслэлд албан бичиг хүргүүлэх.
Дүүрэгт 50 МВт-ын цахилгаан станц дахин баригдахтай холбогдуулан 220 кВт-ын цахилгаан дамжуулах агаарын шугамын трассын талаар санал танилцуулах.
“Тэрбум мод” үндэсний хөтөлбөрийн хүрээнд мод, бут тарих ажлыг зохион байгуулах байгууллага, иргэдийн мэдээллийг нэгтгэн танилцуулах.
Edoc албан хэрэг хөтлөлтийн сургалтад төрийн бүх байгуулагын удирдлагууд албан хэрэг хөтлөлтийн ажилтнуудтай өүрэн хамрагдаж мэдээлэл авах.
Хуваалцах
Жиргэх