Автозамын засварыг дүүргээс хүлээж авах боломжгүй талаар мэдэгдэл хүргүүллээ

Нийслэлийн үнэт цаасны хөрөнгө оруулалтаар МТ шатахуун түгээх станцаас Холбооны 4 замын уулзвар хүртэлх 0,600 км авто замын засварын ажлын тендер сонгон шалгаруулалт нийслэлийн худалдан авах ажиллагааны албанд зарлагдаж гүйцэтгэгчээр “Эс эл сити ХХК” шалгарч 2024.09.20-оос 11 сарын 20-ний өдрийг хүртэл гэрээ байгуулан захиалагчийн хяналтыг нийслэлийн Замын хөгжлийн газар хийсэн.

Тус ЭС ЭЛ СИТИ ХХК нь авто замын стандартын шаардлага хангаагүй ажлыг хийж гүйцэтгэсэн бөгөөд дүүргийн зүгээс ашиглалтад хүлээж авах боломжгүй талаар мэдэгдлийг нийслэлийн Замын хөгжлийн газарт хүргүүлж, дахин засварлуулахаар хугацаатай үүрэг даалгаврыг өгөөд байна.