789
Мэдээг хэвлэх
Удирдах ажилтнуудын шуурхай хуралдаан боллоо. Хуралдааны эхэнд Өмнөх шуурхай хуралдаанаар Засаг даргаас өгсөн үүрэг даалгаврын биелэлтийг ТЗУХ-ийн дарга Б.Туяа танилцууллаа. Нийт 14 үүрэг даалгавар өгснөөс биелэлт 88.8 хувьтай биелжээ.
Үүний дараагаар Статистикийн хэлтсийн дарга Д.Жаргалмаа Хүн ам, орон сууцны завсрын тооллого-2025 талаар мэдээлэл хийв. Энэ удаагийн тооллогыг иргэдийн төрд байгаа мэдээллийг ашиглан бүртгэлд суурилсан аргаар зохион байгуулж байгаа бөгөөд мэдээллийн бүрдэл дутуу, тодруулга хийх шаардлагатай иргэдтэй 70151212 утсаар холбогдож мэдээллийг тодруулж байгаа юм байна. Иргэдийг Хүн ам, орон сууцны 2025 оны завсрын тооллогодоо идэвхтэй хамрагдахыг хүслээ.
Засаг дарга С.Даваасүрэн ирэх 14 хоногт дараах чиглэлийн ажлуудад анхаарч ажиллахыг үүрэг болголоо.
Нийслэлийн Удирдах ажилтнуудын шуурхай зөвлөгөөнөөс 2024, 2025 онуудад өгсөн бүх үүрэг даалгаврын хэрэгжилтийг гаргаж, удаашралтай байгаа ажлуудын шалтгаан нөхцөлийг танилцуулах
Нутаг дэвсгэр дэх явган замыг цэвэрлэх ажлыг эрчимжүүлэх
Давс, бодис нөөцлөх ажлыг эрчимжүүлж, аж ахуйн нэгж, байгууллагууд хариуцсан талбайн цас, мөсийг тухай бүр шуурхай цэвэршүүлж, халтиргаа гулгаа үүсгэхгүй байхад анхаарч ажиллах
Сурагчдын бие даалт, амралтын өдрүүдэд угаарын хийн хордлого, гал түймрийн аюул, осол болон бусад гэмт хэрэг, зөрчлөөс урьдчилан сэргийлэх, сэрэмжлүүлэх ажлыг зохион байгуулах
Гэр бүлийн хүчирхийллээс урьдчилан сэргийлэх чиглэлээр цогц арга хэмжээ авч ажиллах
Нийтийн байрнуудад хяналт шалгалтыг зохион байгуулах
Камерын хяналтын дэд төвүүдээр автозам, явган замын халтиргаа гулгааг тогтмол хянах, зөрчлийн талаар мэдээлж байхаар журамлах
Улсын аварга шалгаруулах хүүхдийн бөхийн барилдааны бэлтгэл ажлыг хангаж, зохион байгуулах
Ерөнхий боловсролын сургуулийн сурагчид болон төрийн албан хаагчдын англи хэлний мэдлэгийг дээшлүүлэх хөтөлбөр хэрэгжүүлэх тул ТАХ-ыг тоог гаргах
Төсвийн тодотгол хийхтэй холбоотой төсөв танилцуулах
Санхүү, эдийн засгийн сургуулийн багийн хамт олон Бүсчилсэн хөгжлийн үндэсний хүрээлэнгээс Багануур дүүргийг 2040 он хүртэлх хөгжлийн үзэл баримтлал боловсруулах ажилд холбогдох судалгааг гаргаж, хамтран ажиллах
Малчдын өвөлжилтийн бэлтгэл ажил судалгаа авч танилцуулах
Дүүргийн хөгжлийн чуулганыг зохион байгуулахтай холбоотой бэлтгэл ажлыг хангах
Хүн ам, орон сууцны завсрын тооллогот мэдээлэл нягтлах, шуурхай ажиллаж дуусгах
Суурьшлын бүсэд үлдсэн малтай өрхийн малыг албадан гаргах ажлыг зохион байгуулах
Хуваалцах
Жиргэх