135
Мэдээг хэвлэх
Монгол улсад орчин цагийн биеийн тамир, спортын салбар үүсэж хөгжсөний 100 жил, Олон улсын хүүхдийн эрхийг хамгаалах өдрийг тохиолдуулан Багануур ХК-ийн Багануур хоккейн Триппэрс клубийн багш дасгалжуулагчид болон эцэг эхийн зөвлөлөөс клуб танилцуулах уулзалтыг зохион байгууллаа.
Уулзалтад дүүргийн Засаг дарга С.Даваасүрэн, Багануур ХК-ийн удирдлагууд, ЕБС, СӨБ-ийн багш нарын төлөөлөл, клубийн тамирчид, эцэг эхийн төлөөллүүд оролцсон юм.
Одоогийн байдлаар тус клуб 30 гаруй хүүхдүүдийн бүрэлдэхүүнтэй үйл ажиллагаа явуулж байгаа бөгөөд мөсөн талбай дээр өдөрт дунджаар давхардсан тоогоор 50-60 хүүхдүүд гулгадаг байна.
Багийн амжилтаас товч дурдвал 2000-2005 онд Багануур клубийн 5 тамирчин Монгол улсын үндэсний шигшээ багийн гарааны бүрэлдэхүүнд тоглож байсан ба МУ-ын лигийн 5 удаагийн аварга, өсвөрийн улсын аварга шалгаруулах тэмцээнээс 9 алт, 3 мөнгө, 3 хүрэл, Ази тивийн аварга шалгаруулах тэмцээнээс мөнгөн медаль хүртэж байсан гээд тэдний амжилт ололт их.
Тэд уулзалтаар “Мөрөөдөл биелэх мөсөн ордон”-той болох хүсэлтэй байдгаа илэрхийлсэн юм. Олон улсын стандарт шаардлагад нийцэхүйц битүү дээвэртэй ордонтой болсноор Багануур дүүрэг болон зүүн бүсэд шайбтай хоккей бусад өвлийн спортууд хөгжих нөхцөл боломж бүрдэхийг энэ үеэр дурдаж байлаа.
Хуваалцах
Жиргэх